Dagur - 06.05.1983, Blaðsíða 11

Kafbátur
í Eyja-
firði
Nú þegar kosningar eru yfir
okkur gengnar og Geir aftur
farinn að kafa í pólitíkina
gerast stórviðburðir hér á
Norðurlandi: Það hefur sést til
ferða kafbáts í Eyjafirði!!
Sagt er að maður nokkur í
Hrísey hafi séð hann fyrstur
manna og hafði sá samstundis
samband við Landhelgisgæsl-
una, Almannavarnir, Ríkis-
útvarpið, Varnarliðið og Óla
Jó. Sérfræðingar voru strax
sendir hingað norður, auk
nokkur hundruð fréttamanna.
Nú eru kornin á staðinn ákaf-
lega fullkomin mælitæki til þess
að leita eftir hljóðmerkjum í
sjónum. Greinileg merki hafa
heyrst undan Arnarnesinu og
telja sérfræðingar Gæslunnar
að hér sé líklega um rafknúinn
kafbát að ræða, fremur en
díselknúinn, þótt það sé nú
orðið ódýrara eftir nýjustu
lækkanir á Rotterdammarkaði.
Einnig hafa verið settar fram
kenningar um að hljóðin komi
frá ákveðinni trillu á Hjalteyri.
Enn aðrir telja að þau komi af
því þegar ákveðinn dalvískur
sjómaður pissar út fyrir borð-
stokkinn. Hljóðböndin verða
nú send til nánari greiningar til
New York.
Vísindamenn Hafrannsókn-
arstofnunar hafa nýverið komið
hingað norður og tekið sýni úr
firðinum, m.a. nokkur undan
Krossanesi úr grútarflekkjum
þar sem gætu verið dulbúnir
olíuflekkir. Sýnin verða send til
efnagreiningar til London og
fæst þá úr því skorið hvort svo
er. Einnig voru tekin sýni úr
Pollinum og mátti af þeim sjá
að þar hefur verið mikil kafbáta-
traffík á síðustu dögum og hafa
áhafnir sumra greinilega verið
magaveikar. Sýni voru og tekin
til öryggis út andapollinum en
niðurstöður úr greiningu á
þeim hafa ekki enn borist
blaðinu. Fjöldi fólks á Ár-
skógsströnd telur sig hafa séð
kafbát og ein fræg aflakló af
Ströndinni segist meira að segja
hafa fengið einn á færið hjá sér
og verið kominn með hann
hálfan inn fyrir borðstokkinn
þegar hann slapp. Utar með
firðinum berast þær fregnir að
kona nokkur hafi séð kafbátn-
um bregða fyrir í Ólafsfjaðar-
vatni, en þegar betur var að
gáð reyndist þetta vera kappi af
staðnum sem kom upp á
yfirborðið til að anda. Til
frekara öryggis hafa sérfræðing-
ar Gæslunnar þó verið sendir á
staðinn til þess að taka hljóð
mannsins á band og verða þau
send til höfuðstöðva NATO í
Brussel til þess að fá úr því
skorið hvort hér sé um rúss-
neskan kafbát að ræði í dular-
gervi.
Forstjóri Landhelgisgæslunn-
ar hefur verið mjög varkár í
ummælum sínum um kafbáta-
leitina, en þó er ljóst að málið
er litið mjög alvarlegum augum
og hafa verið fengnir trillukarl-
ar frá Akureyri til aðstoðar við
leitina og má segja að það komi
sér vel í aflaleysinu. Eftir
ítrekaðar viðvaranir til kafbáts-
ins var ákveðið að senda á hann
eina djúpsprengju á Hörgár-
grunni og bar hún þann árangur
að upp flaut einn marhnútur,
dauður, og er það mesti afli
sem fengist hefur á þessum
slóðum síðan í desember. Mar-
hnúturinn var sendur utan til
efnagreiningar og er ekki búist
við honum aftur fyrr en eftir
helgi. Ljóst er þó að marhnútur
þessi er ekki frá NATO.
Ekki er kunnugt um að
nokkur kafbátur frá Atlants-
hafsbandalaginu sé í Eyjafirði
nema Sólbakur, ef hann er
sokkinn, en frést hefur af
grunsamlegum kafbáti í Eyjafj-
arðará frammi við Kristnes. Sú
frétt hefur ekki enn fengist
staðfest, en sérfræðingar Gæsl-
unnar hafa hraðað sér fram í
fjörð og tekið mörg sýni sem
virðast grunsamleg að sjá og
verða þau send til Kaupmann-
ahafnar í nánari greiningu strax
og unnt er. Heyrst hefur að til
greina komi að lýsa yfir neyðar-
ástandi á Oddeyri vegna þessa
máls, enda mun stórhættulegt
fyrir Eyrarbúa að setjast á
klósettið meðan þessi ófögnuð-
ur er nálægur, enda engum
kært að opinbera sína leyndustu
líkamsparta fyrir sjónpípu er-
lends kafbáts, jafnvel þótt hann
sé bara rafknúinn.
Fleiri fréttir eru ekki af þessu
kafbátamáli að sinni en allir
þeir sem kunna að sjá eitthvað
grunsamlegt í sjónum, ám,
lækjum og vötnum eða jafnvel
í baðkarinu heima hjá sér eru
beðnir um að láta vita á
ritstjórnarskrifstofu Dags þar
sem sérfræðingur blaðsins í
hljóðgreiningu kafbátamerkja
verður að störfum næstu daga.
Hákur.
HVAÐ ER AÐ GERAST?
Becker
og Selma
syngja
á Akur-
eyri
Fjórðu áskriftartónleikar Tónlist-
arfélags Akureyrar verða haldnir
í Borgarbíói á uppstigningardag
12. maí n.k. kl. 17.00.
Nú er boðið upp á einsöngstón-
leika Roberts Becker sem er
bandarískur baritón söngvari.
Undirleikari verður Selma Guð-
mundsdóttir.
Robert Becker stundaði söng-
nám hjá Elanor Steber við Cleve-
land Institute of Music í Cleve-
landborg í Ohiofylki. Becker hef-
ur síðan sungið í óperum í New
York og víðar í Bandaríkjunum
og hefur farið með stærstu barít-
onhlutverk í óperum eftir Verdi,
Puccini, Mozart, Berlioz, Donni-
zetti og fleiri.
Robert Becker er nú búsettur í
Reykjavík og í vetur söng hann
eitt af þremur aðalhlutverkunum í
óperunni Tosca og fyrir skömmu
söng hann með Sinfóníuhljóm-
sveitinni og var þá Requiem eftir
Gabriel Fauré á efnisskránni.
Bjami sýnir
í Iðnskólanum
Bjarni Jónson, listmálari opnar
á morgun málverkasýningu í
Iðnskólanum á Akureyri.
Sýningin opnar klukkan
14.00 og verður hún opin virka
daga frá kl. 18-22 og um helgar
frá kl. 14-22.
Á sýningu Bjarna verða
þjóðlífsmyndir, dýramyndir,
blómamyndir, landslagsmyndir
og fleira, en allar myndirnar á
sýningunni eru valdar með það
fyrir augum að gefa sem best
yfirlit yfir list málarans. Bjarni
Jónsson hefur verið afkasta-
mikill málari á undanförnum
árum og haldið fjölda einkasýn-
inga og tekið þátt í samsýning-
um. Sýningin í Iðnskólanum
verður opin fram til 15. maí.
Selma Guðmundsdóttir er fædd
á ísafirði og hóf þar píanónám.
Árið 1973 lauk hún einleikaraprófi
frá Tónlistarskólanum í Reykja-
vík, en stundaði síðan framhalds-
nám í Þýskalandi um tveggja ára
skeið. Selma hefur haldið einleiks-
tónleika bæði á íslandi og í
Svíþjóð. Selma er nú undirieikari
við söngdeild Tónlistarskólans í
Reykjavík.
Aðgöngumiðar verða seldir í
bókabúðinni Huld, Hafnarstræti
og við innganginn.
Þýsk
messa
Sunnudaginn 8. maí n.k. klukkan
21.00 heldur Kirkjukór Lög-
mannshlíðarsóknar tónleika í
Akureyrarkirkju.
Að þessu sinni flytur kórinn
þýska messu eftir Franz
Schubert, þar sem allir hinir
föstu liðir messunar fá að njóta
sín.
0REYRI
KAUPMANNAHÖFN
BEINT ÞOTUFlUe AUA FIMMTUDAfiA
FRA I6JÚNÍ-0I.SEPTEMBER
0ANMÖRK DANMÖRK DANMÖRK
OANMÖRK
VIKUFERÐIR
TIL
KAUPMANNAHAFNAR
FLUC OG GISTING A
HÓTEL WEST END MEÐ
MORGUNMAT
SUMARHLJS
AÐ EIGIN VALI
ÞÚ GETUR VAUÐ
UM 800 SUMAR-
HÚS Á ÝMSUM
STÖÐUM
14DAGA
ÆVINTÝRAFERÐ
UM DANMÖRKU í
RÚTUBÍL
FLLJG
OG
BÍLL
14. JULÍ- 28. JÚLÍ
4. ÁGÚST- 18. ÁGÚST
1 - 4 VIKUR
VERÐ FRÁ KR
8.108
INNIFALIÐ
FLUG- GISTING
MEÐHÁLFUFÆÐI
FARARSTJÓRN
VERÐ FRA KR.
10.800
2 í HÚSI 13.900.
4 í HÚSI 13.100.

ÞESSI GLÆSI-
LEGA FERÐ
VERÐURAUG-
LÝSTNÁNAR
SÍÐAR
Auglysinoastofa Emara Pálma
FERÐASKRIFSTOFA
AKUREYRAR h.f.
SÍMI 25000
6. maí 1983-DAGUR-11