Dagur - 30.05.1983, Blaðsíða 5
Góð gjöf til Heilsugæslustöðvarinnar í Olafsfirði:
Sjúkraflutningamenn
gáfu hjartastuðtæki
Þessi mynd var tekin þegar hjartastuðtækið var afhent. í fremri röðinni eru
f.v. Kristján H. Jónsson, Stefán Bjömsson, Jóhann Helgason og Sveinn
Stefánsson. f aftari röðinni eru f.v. Gunnar Steinsson, Björn Steinn Sveins-
son, Helgi Þórðarson, Óskar Gíslason og Gyifí Jóhannsson.
í janúar 1980 var stofnuð deild
sjúkraflutningamanna innan
Rauðakrossdeildar Ólafsfjarð-
ar. Hlutverk hennar var og er
að reka og skipuleggja sjúkra-
flutninga í Ólafsfirði með nýj-
um sjúkrabfl, sem Rauðakross-
deildin hafði þá nýlega fest
kaup á.
Þessi deild hefur nú starfað í
rúm þrjú ár með all sérstökum
hætti. í deildinni eru 4 bílstjórar
og 4 aðstoðarmenn og eru ætíð
tveir menn á vakt, viku í senn.
Aðeins ein breyting hefur orðið
á mannskapnum þessi ár og hefur
þetta fyrirkomulag gefist mjög
vel í alla staði, bæði að dómi
lækna og annarra. Sjúkrabifreið-
in er ein af best búnu sjúkrabif-
reiðum landsins hvað tækjakost
snertir. Sjúkraflutningadeildin
hefur sér fjárhag og stjórn. Allt
starf bílstjóra sem annarra við
sjúkraflutninga í Ólafsfirði er
unnið launalaust, enda undir-
staðan undir sjálfstæðan rekstur
bifreiðinnar.
En sjúkraflutningamennirnir
gera meira. Fyrir skömu komu
þeir saman á hótelinu í Ólafsfirði
til að afhenda stórgjöf til Heilsu-
gæslustöðvar Ólafsfjarðar. Þar
var um að ræða mjög fullkomið
hjartastuðtæki sem kostaði
71.000 kr. eftir að tollar og að-
flutningsgjöld höfðu verið felld
niður. Kemur tækið í góðar þarf-
ir í Heilsugæslustöðinni, auk þess
sem læknir getur tekið það með
sér í sjúkraflutninga.
Jóhann Helgason afhenti
hjartastuðtækið fyrir hönd þeirra
sjúkraflutningamanna. Stefán
Björnsson, læknir veitti því mót-
töku, en tækið var keypt í sam-
ráði við hann. Þakkaði Stefán
þessa rausnarlegu gjöf og gefend-
unum farsæl störf við sjúkraflutn-
inga í Ólafsfirði.
„Kristur er eina leiðin“
— Tónband með boðskap Krists á vegum
Hjálpræðishersins
„Þessa kassettu gefum við út
vegna þess ástands sem er í
heiminum í dag. Við viljum að
fólk heyri boðskap Krists, því
hann er eina leiðin út úr þess-
um ógöngum sem heimurinn
er í.“
Þetta segir Jostein Nielsen
kafteinn í Hjálpræðishernum um
nýja kassettu sem herinn gefur
út. Þar syngja félagar hjálpræðis-
hersins trúarsöngva í léttri út-
gáfu.
„Tónlistin er tekin upp í Nor-
egi, en síðan sungum við hér
heima inn á band og notuðum
þennan undirleik. Þetta gekk allt
mjög vel þrátt fyrir að söngvar-
arnir voru alls óvanir allri vinnu í
stúdíói.
Aðspurður segist Jostein leika
á hljóðfæri. „Ég kann á allskonar
hljóðfæri og nota þau mikið í
sambandi við mitt starf, sem er
að stjórna samkomum og öðru
starfi sem Hjálpræðisherinn hef-
ur með höndum hér á Akureyri.
Ég hef að vísu ekki skírteini upp
á að ég sé lærður hljóðfæraleik-
ari, en ég hef menntað mig sjálf-
ur og svo kennir reynslan kannski
mest og best af öllum.“
Hann Jostein kemur frá Nor-
egi. „Ég er fæddur þar og upp-
alinn í Hjálpræðishersfjölskyldu
og hef lifað og starfað í hernum
allt mitt líf og hef hug á að halda
því áfram.“
- En geta menn ekki snúið sér
að öðrum störfum ef þeir hafa
byrjað starf hjá hernum?
„Jú jú, menn eru ekki bundnir
á neinn hátt og þeim er fullkom-
lega frjálst að snúa sér að öðru ef
hugurinn segir svo til um, það er
enginn neyddur til að starfa í
„hernum" en hinsvegar hefur
heldur ekki þurft að kvarta
undan því að menn vilji koma og
starfa með Jesú Kristi,“ sagði
Jostein Nielsen kafteinn í Hjálp-
ræðishernum.
Akureyringar -
Ólafsfiröingar - Dalvíkingar
Sumaráætlun okkar gefur yður kost á að vera komin kl.
9:15 til Reykjavíkur alla virka daga.
Þetta er tilvalin ferð fyrir fólk í viðskiptaerindum, sem
vill ná heilu dagsverki í Reykjavík.
Brottför frá Reykjavík til Ölafsfjarðar og Akureyrar kl.
16:00.
BRFR frá Ólafeffrði 08:11 K0MA lil Reyklavíkur 09:15
BRFR frá Reykjavík 16:00 K°MA tN Ólafefjarðar 17:00
Koma til Akureyrar 17:30
fluqfélaq
nordurlands hf.
Símar 22000 Akureyri
62120 Ólafsfirði
26622 Reykjavík
Nú vonum við að
sumaríð sé komið
Sumarvörumar flæða inn.
Veiðivömr í úrvali!
ABU, Hercon og Mitchell.
Golfvörur: Kerrur,
golfpokar, regngallar,
golfáhöld, golfkúlur
og golfskór.
í fótboltann: Skór,
fótboltar, mark-
manssett og
hanskar, æfinga- og
trimmgallar, margar
tegundir.
Til líkamsræktar:
Lyftingasett,
bekkir, handlóð,
prótein og hið
vinsæla,
firmaloss./#
HLÍ
SPORT
VERSLUNARMIÐSTÖÐINNI SUNNUHLÍÐ
Nýtt símanúmer
Vegagerð ríkisins, Akureyri, auglýsir
breytt símanúmer frá og með miðvikudeg-
inum 1. júní nk.
Nýja símanúmerið er
26700
Vegagerð ríkisins, Akureyri.
Hefur þú spurt á
Húsavík?
Vió eigum nánast allt sem þú þarlnast til húsbygginga,
jafnt áhöld sem efni.
byggingarvörur
HUSaVÍk. Sími @6) 41444
30. maí 1983 - DAGUR - 5