Dagur - 30.05.1983, Blaðsíða 8
Þad er gaman að mála myndir.
„Við vorum að semja tónverk.“
„Æðislega
skemmtilegt“
- „Opin vika“ í Lundarskóla
„Ég er að vanda mig.“
„Börnin fá að velja sér það
verkefni sem þau langar að
spreyta sig á í það og það
skiptið. Við höfum komið
upp svæðum í kennslustof-
unum þar sem hver kennslu-
grein fær sitt ákveðna svæði
og síðan geta börnin ákveðið
sjálf hvaða grein þau velja,“
sagði Hörður Ólafsson
skólastjóri Lundarskóla er
hann var spurður um skóla-
starfið sem nú síðustu daga
hefur tekið á sig breytta
mynd.
„Nemendur eru held ég megi
segja ánægðir upp til hópa. Við
leggjum áherslu á að starfið sé
öðruvísi og fjölbreyttara en al-
mennt gerist í kennslu,“ sagði
Hörður.
Þau börn sem blaðamaður gat
truflað frá verkefnunum voru öll
sammála um að þetta væri „aga-
lega“ skemmtilegt. Sum þeirra
tóku svo djúpt í árina að svona
ætti skólinn alltaf að vera.
Meðal þeirra verkefna sem
skólinn býður upp á eru íþrótta-
fræði, rafmagn, húsahönnun,
mælingar, varmatilraunir, nátt-
úrufræði og fleira. Meðal nýj-
unga eru ferðir á svæði utanbæjar
og hafa nokkrir hópar farið út á
Gáseyri til náttúruskoðunar og
rannsókna.
Þrír strákar komu á ritstjórn
Dags og tóku viðtöl við
starfsmenn, sem þeir st'ðan ætl-
uðu að nota í blaðaútgáfu í skól-
anum. Þeir voru mjög ánægðir
með þetta form á kennslunni.
Þessir strákar heita Óli Magnús-
son, Friðrik Þorbergsson og Gísli
Jóhannsson.
Þeir voru sammála um að þetta
væri fín vika og þeir vildu gjarn-
an að svona væri oftar. Greinarn-
ar voru misjafnlega skemmtileg-
ar. Óla fannst mjög gaman í
matreiðslu, en hann hélt að það
væri samt skemmtilegast í handa-
vinnu. „Annars er hálfleiðinlegt
í skóla," sagði Óli, „það er svo
erfitt að vakna á morgnana.
Maður er kannsi í miðjum
skemmtilegum draumi, þá þarf
að vakna og draumurinn rýkur út
í loftið."
á Akureyri
Þeir félagar Óla voru ekki á
sama máli. Gísli sagði að það
væri alveg ágætt í skólanum.
„Það skemmtilegasta við opnu
vikuna er t.d. þetta sem við erum
að gera núna,“ sagði Jóhann og
meinti blaðaútgáfuna og það sem
henni fylgdi. Friðrik var á sama
máli og Jóhann hvað viðkom
skólanum. „Það er ágætt í skól-
anum og það skemmtilegasta við
opnu vikuna er náttúrufræðin,"
sagði Friðrik. Og svo þutu þeir
félagarnir með viðtöl við blaða-
menn Dags upp á vasann, sem
þeir áttu eftir að ganga frá í mál-
veri en svo nefnist það svið sem
þeir höfðu valið sér til náms þann
daginn.
Annað verkefni sem nemendur
áttu kost á var útivist í Kjarna-
skógi. Þangað fóru nemendur
nokkrir í hverjum hópi og gerðu
vettvangskönnun og athuganir á
svæðinu. Hallgrímur Indriðason
skógfræðingur tók á móti hverj-
um hópi og fór með þau um
svæðið ásamt fleiri starfsmönn-
um. Var nemendum kennt að
greina trjátegundir, velja sér
tjaldstæði með hliðsjón af um-
gengni við náttúruna og margt
fleira. Það var sama sagan í þeim
hópi; allir nemendur í sjöunda
himni yfir opnu vikunni og sögð-
ust hafa lært mikið á skömmum
tíma.
Fjölmiðlafræðingarnir.
Þau voru að búa til listaverk.
8 - DAGUR - 30. maí 1983