Dagur - 01.06.1983, Blaðsíða 4

ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 110 Á MÁNUÐI - LAUSASÖLUVERÐ 15 KR.
RITSTJÓRIOG ÁBYRGÐARM.: HERMANN SVEINBJÖRNSSON
FRÉTTASTJÓRI: GlSLI SIGURGEIRSSON
BLAÐAMENN: EIRlKUR ST. EIRlKSSON, GYLFI KRISTJÁNSSON,
ÓLAFUR JÓHANNSSON (SAUÐÁRKRÓKI) OG
ÞORKELL BJÖRNSSON (HÚSAVlK)
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI: JÓHANNES MIKAELSSON
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ríkisstjórn Steingríms
Hermannssonar
Alþingi hefur nú uppfyllt þá frumskyldu sína
við þjóðina að mynda ríkisstjórn sem hefur
meirihluta þingmanna að baki sér. Þegar
niðurstaða kosninganna lá fyrir átti öllum að
vera ljóst að ekki væru margir möguleikar fyrir
hendi til að mynda meirihluta þingræðisstjórn.
Eftir öllum lýðræðislegum reglum átti Sjálf-
stæðisflokkurinn að hafa frumkvæði um mynd-
un ríkisstjórnar.
Hann var langstærsti þingflokkurinn og sá
eini sem bætti við sig fylgi í kosningunum.
Hann einn hafði tvo fræðilega möguleika til að
mynda tveggja flokka ríkisstjórn, með Fram-
sóknarflokknum eða Alþýðubandalaginu. Hins
vegar var lítill möguleiki að mynda ríkisstjórn
sem Sjálfstæðisflokkurinn væri ekki aðili að,
eins og Alþingi er nú skipað. Til þess hefðu-
a.m.k. þurft að koma til fjórir þingflokkar, og
eins og innviðir sumra þessara flokka eru og
andstæð viðhorf þeirra eru til ýmissa grund-
vaUarmála voru flestir vantrúaðir á að slík
stjórnarmyndun væri möguleg, eins og sýndi
sig er til alvörunnar kom.
Sviðsetning Svavars Gestssonar breytir þar
engu um. En það er einnig áhyggjuefni hvern-
ig ástandið í Sjálfstæðisflokknum reyndist
vera, þrátt fyrir allar yfirlýsingarnar fyrir kosn-
ingar um það að nú stæði flokkurinn heill og
óskiptur.
Þegar samstarfsumræður milli þingflokk-
anna hófust kom strax í ljós að það var ekki
fyrir hendi neinn samhugur í Sjálfstæðisflokkn-
um. Öðru nær. Það væri nær lagi að segja að
það eina sem þeir gátu komið sér saman um
hafi verið að vera ekki sammála um neitt.
Fundir voru haldnir í þingflokknum flesta daga
og margir munu þeir hafa orðið langir og ekki
síður strangir.
Leiftursóknarmennirnir vildu samstarf með
Alþýðuflokki og Bandalagi jafnaðarmanna,
verkalýðsarmurinn vildi stjórn með Alþýðu-
bandalaginu, sumir vildu minnihlutastjórn og
kosningar í haust og enn aðrir vildu það stjórn-
armynstur sem niðurstaða varð á að mynda.
En þó ekki fyrr en í ljós kom að annar mögu-
leiki á meirihluta þingræðisstjórn var ekki fyrir
hendi.
Og þó er það athyglisverðast af öllu og varp-
ar nokkru ljósi á ástandið í Sjálfstæðisflokkn-
um hver viðbrögðin voru þegar gengið var frá
því í þeirra herbúðum hver ætti að hafa á hendi
stjórnarforustuna. Eftir heimildum DV lagði
Geir Hallgrímsson fram tillögu um að hann
yrði forsætisráðherra í væntanlegri ríkisstjórn,
en sú tillaga var felld með 13 atkvæðum gegn
9. Aðrar tillögur komu ekki fram um forsætis-
ráðherra í þingflokki Sjálfstæðisflokksins.
Það má því segja að umrædd atkvæða-
greiðsla hafi verið um það hvort Steingrímur eða
Geir yrði forsætisráðherra og að Steingrímur
hafi þar fengið 13 atkvæði en Geir 9. Getur
slíkt átt sér stað í flokki sem er heill og óskipt-
ur? Því hlýtur að vega uggur í brjóstum manna
yfir ástandinu í Sjálfstæðisflokknum og nokkur
óvissa um samstöðu innan hans gagnvart
þessu stjórnarsamstarfi.
S.V.
Anna og Berkofsky
í Borgarbíói í kvöld
Hjónin Anna Málfríöur Sigurð-
ardóttir og Martin Berkofsky
halda tónleika í sal Tónlistarskól-
ans á Akureyri, fimmtudaginn 2.
júni og hefjast tónleikarnir kl.
20.30.
Á tónleikunum flytja þau tón-
list eftir Schubert fyrir fjórar
hendur. Öllum ágóða af tónleik-
unum verður varið til að fjár-
magna píanónámskeið Martins
Berkofsky, sem stendur yfir á
Akureyri um sama leyti. Fá eða
engin tónskáld létu sér jafn annt
um að semja fyrir fjórhentan
píanóleik og liggur fjöldi litríkra
tónsmíða af því tagi eftir
Schubert. Sumar eru vel þekktar
en aðrar minna og er ætlunin að
efnisskráin verði skemmtilegt
sýnishorn af þessum merka þætti
í tónsköpun Schuberts.
Þátttakendur á námskeiði
Berkofsky, 30. maí til 12. júní
koma víða af landinu og gefst
þeim tækifæri til að helga sig
píanóleiknum einvörðungu, þar
sem hvorki annað nám né störf
trufla.
Hjólreiðakeppni 12 ára barna.
Finnur vann
„Þau börn sem standa sig best
í keppninni hér fara til Reykja-
víkur í úrslitakeppnina fyrir
allt landið, og tveir efstu
keppendur úr þeirri keppni
fara svo til útlanda í alþjóða-
keppni sem haldin er fyrir tólf
ára börn.
Ég veit ekki hvar sú keppni fer
fram næst, en hitt veit ég að þau
börn sem sigruðu í síðustu
keppni eru nú í Egyptalandi að
sýna listir sínar á reiðhjólum,"
sagði Björn Mikaelsson yfirlög-
regluþjónn á Sauðárkróki sem
sér um framkvæmd þessara
keppna á Norðurlandi.
Það er ljóst hverjir fara til
Reykjavíkur og keppa fyrir okk-
ar hönd þar í haust, því þessari
hjólreiðakeppni er nýlokið hér á
Akureyri.
Lokakeppni Norðurlandsriðils
fór fram við Oddeyrarskólann og
í nærliggjandi götum 19. maí.
Alls höfðu 23 börn frá 11 skól-
um öðlast rétt til þátttöku í
keppninni, en 17 mættu til leiks.
Sigurvegari varð Finnur Vík-
ingsson, 2. Haukur Hauksson, 3.
Þorsteinn V. Guðmundsson, 4.
Sveinbjörn Jóhannesson, 5.
Helgi Gunnarsson.
Hér er Finnur Vfldngsson, sigurvegarinn í keppninni, að færa bolta'
á milli krúsa.

Hér leggja hjólreiðakapparnir af stað alvarlegir á svip,
4 - DAGUR -1. júní 1983