Dagur - 21.10.1983, Blaðsíða 12

í tilefni af sýningum L.A. á „My fair Lady“
býður Smiðjan leikhúsgestum tvíréttaðan mat
á kr. 395,- fyrir leiksýningu.
UA vili kaupa Hafþór
og leysa hráefnisvanda fyrirtækisins tíl bráðabirgða eða þar tíl nýtt skip hefur fengist
Útgerðarfélag Akureyringa
hefur gert tilboð í rannsókna-
skipið Hafþór, sem nú hefur
verið ákveðið að selja. Vísast
eru margir um hituna og m.a.
hefur heyrst að Siglfirðingar
hafi mikinn hug á að eignast
skipið. Hugmyndin er sú að
Hafþór brúi það bil sem verður
í hráefnisöflun ÚA þar til nýtt
skip hefur verið smíðað.
Komið hefur í ljós á undan-
förnum vikum að skortur er á
hráefni hjá Útgerðarfélaginu.
Féll niður vinna í fiskverkun einn
dag í síðustu viku og einn dag í
vikunni þar áður. Ennfremur féll
niður fiskvinna hálfan þriðjudag-
inn og allan miðvikudaginn í
þessari viku af sömu ástæðu.
Stafar þetta bæði af slæmu veður-
fari, litlum afla, viðgerð á hinum
togurum ÚA og þegar allt er tek-
ið saman - vegna þess að eitt skip
vantar miðað við afkastagetu
fiskvinnslunnar.
Hafþór er skuttogari, upphaf-
lega keyptur til Dalvíkur og hét
þá Baldur. Hann tók þátt í síð-
asta landhelgisstríði og hefur
undanfarin ár verið hafrann-
sóknaskip. Skipið er níu ára
gamalt, en vélar þess munu vera
mjög lítið keyrðar.
ÚA hefur verið að bíða eftir
smíðalýsingu og drögum að
samningsuppkasti frá Slippstöð-
inni á Akureyri um nokkurn
tíma, að sögn Sigurðar Óla
Brynjólfssonar, sem sæti á í út-
gerðarráði. Gunnar Ragnars,
forstjóri Slippstöðvarinnar sagði
að nú væri nýlokið smíðalýsingu
á togara fyrir ÚA og yrði hún
send félaginu næstu daga. Annað
sagðist hann ekki vita um málið
eða hvort um eitthvert framhald
yrði að ræða.
Eins og áður sagði er hug-
myndin sú að Hafþór leysi vanda
ÚA til bráðabirgða, eða þar til
nýtt skip hefur fengist, en það
tæki 1V2-2 ár að smíða nýjan tog-
ara í Slippstöðinni, ef samningar
tækjust um þá leið.
Hvað
verður
um Sól-
bak?
„Eg tel að sala á Sólbak til Sig-
urðar Þorsteinssonar sé dottin
upp fyrir, því við höfum ekki
heyrt frá honum lengi,“ sagði
Vilhelm Þorsteinsson, fram-
kvæmdastjóri ÚA, í samtali
við Dag.
Sigurður ætlaði sem kunnugt
er að nota Sólbak sem móðurskip
fyrir sverðfiskveiðar í hafi, en sú
hugmynd virðist hafa dagað uppi.
Samkvæmt upplýsingum Vil-
helms hefur aðili hér innanlands
sýnt því áhuga að kaupa skipið
og er hann þá með endursölu í
huga.
Einnig hefur sá möguleiki ver-
ið kannaður, að selja skipið í
brotajárn. Verð á brotajárni er
hins vegar mjög lágt erlendis,
þannig að með þeim hætti gerði
Sólbakur lítið betur en að greiða
kostnaðinn við að koma honum
út',samkvæmtheimildum blaðsins.
Hundar í óskilum
Fjórir hundar sem fundist hafa í
óskilum eru nú í geymslu hjá
meindýraeyði á Akureyri í
Gróðrarstöðinni, en þangað
kemur lögreglan gjarnan með
ómerkta hunda sem finnast á
flakki í bænum. Eigendur hunda
sem eru týndir geta snúið sér til
meindýraeyðis.
Það hefur verið mikið að gera á hjólbarðaverkstæðunum að undanförnu. Á
blaðsíðu 8 í dag er fjallað um það hvað vetrarhjólbarðarnir kosta og fleira
sem lýtur að vetrarakstri. Mynd: KGA.
Tilfelli leghálskrabbameins:
Nær öll hjá þeim
sem hafa trassað
að fara í eftírlit
„Haustönn Krabbameinsfé-
lags S.-Þingeyinga er að
hefjast. Senn flykkjast konur
úr öllum byggðarlögum sýsl-
unnar til Húsavíkur, en þar
hefur leitarstöðin starfsemi
sína þriðjudaginn 18/10 1983.
Séu skoðaðar skýrslur frá ár-
unum 1977-1981, kemur í Ijós,
að mæting kvenna á Húsavík-
ursvæði var sú þriðja besta á
landinu eða 87%. Blönduós-
svæðið trónar á toppnum með
yfir 90% mætingu. Vonir
standa til, að konur sýslunnar
slái öll met þetta árið. Rétt er
í þessu sambandi að geta þess,
að með harðfylgni undangeng-
inna ára við leghálskrabba-
meinsleit hefur tekist að lækka
tíðni þessa krabbameins stór-
kostlega.“
Þannig segir í frétt frá Krabba-
meinsfélagi S.-Þingeyinga. Enn-
fremur segir í fréttinni:
„Því miður er það svo, að 90-
95% þeirra tilfella leghálskrabba-
meins, sem koma upp utan skoð-
ana, eru hjá konum, sem trassað
hafa að koma í krabbameinsleit.
Þýðingarmikil er sú vitneskja, að
við strok úr leghálsi næst oft til
frumubreytinga á hinum ýmsu
forstigum. Þá má með þéttara
eftirliti hindra, að krabbamein
myndist, eða meðhöndla það á
algjöru byrjunarstigi.
Ef svo illa vill til á næstu
vikum, að einhver kona fær ekki
boð um komu og tíma, eða
forfallast á annan hátt, er sú hin
sama beðin að hringja í Þóru í
síma 41399 eða Birnu í síma
41690 og fá nýjan tíma til skoð-
unar.“
Hætta a uppsögnum 75 manns
„Eg hef ekkert um þetta að
segja núna. Ég á eftir að ræða
þetta við starfsfólk okkar.
Hins vegar blasir við verkefna-
skortur og við höfum verið að
ræða þessi vandamál raunar
alveg síðan í sumar,“ sagði
Gunnar Ragnars, forstjóri
Slippstöðvarinnar, en rætt hef-
ur verið um það í stjórn fyrir-
tækisins að segja þurfi upp 75
manns vegna verkefnaskorts.
„Lánasjóðir eru tómir og óráð-
sía síðustu ára er að koma í haus-
inn á okkur. Svo hefur heyrst
ávæningur af því að innflutningur
á skipum verði jafnvel leyfður.
Að sjálfsögðu munum við
halda áfram að leita fyrir okkur
með verkefni,“ sagði Gunnar
Ragnars.
Veðurspá helgarinnar hljóð-
ar þannig að á laugardag
verður norðaustanátt og
snjókoma norðanlands og á
sunnudag verður vestlæg átt
og gott veður, jafnvel
sólskin. Þessu veldur lægð
sem fer hjá á laugardag og
veldur norðaustanáttinni og
síðan kemur ný lægð upp á
Grænlandshafið sem gefur
vestlæga átt, sagi Bragi
Jónsson, veðurfræðingur, í
morgun.