Dagur - 08.02.1984, Blaðsíða 7

6 - DAGUR - 8. febrúar 1984
Þeir þurfa svo sannarlega
ekki að skammast sín fyrir
Besta bæ, Húsvíkingarnir.
Reisulegra dagheimili og
leikskóla höfum við ekki séð
lengi og börnin voru hvert
öðru myndarlegra og
mannvænlegra. Við stöldr-
uðum við á Besta bæ smá-
stund fyrir skömmu, röbbuð-
um við krakkana og festum
þau á filmu. Árangurinn get-
ur að líta hérna megin í opn-
unni en til mótvægis höfum
við stjórnendur bæjarins.
Það eru kátir og fjörugir krakkar á Besta bæ á Húsavík.
Mynd: ESE.
-
1||§|
Það er nóg af skemmtilegum tækjum úti í garðinum
„Heyrðu manni
sestu héma hjá mér“
- spjallað við Ester Berg Grétarsdóthir, 6 ára,
á Besta bæ á Húsavík
- Heyrðu manni. Sestu
hérna hjá mér?
- Hvað heitirðu?
- Nú er það. Ég heiti Ester
Berg Grétarsdóttir og á
heima á Húsavík. Ég er fimm
ára, bætir hún svo við.
Þannig sagðist lítilli stúlku
frá sem við Dags-menn hittum
á barnaheimilinu og leikskólan-
um Besta bæ á Húsavík. Sú
stutta var greinilega bráðskýr
og skemmtileg eftir því og hún
vildi endilega komast í Dag.
- Þá sér Lúlley amma mig í
blaðinu.
- Lúlley amma?
- Já, hún á heima á Akureyri
og þá sér hún Dag.
- Hefur þú alltaf átt heima á
Húsavík?
- Já, segir Ester, eftir
smáhik.
- Er gaman að eiga heima á
Húsavík?
- Jaá, segir Ester og að þessu
sinni dregur hún seiminn. Er
greinilega ekki viss í sinni sök.
- Hvað er skemmtilegast að
gera?
- Leika playmo, segir hún og
heimtar að við komum með að
skoða playmoið . . .
Talið berst nú að öðrum hlut-
um og það kemur í ljós að Ester
horfir stundum á sjónvarpið.
Við spyrjum hvað sé skemmti-
legast í sjónvarpinu og Ester er
ekki í vafa. Það er ekki Tommi
og Jenni. Það er ekki Línan og
það er ekki Stundin okkar.
- Það er Húsið á sléttunni,
þegar ég horfi á það hjá ömmu
og afa . . . - ESE
8. febrúar 1984 - DAGUR - 7
Hátíðlegur bæjarstjórnarfundur á:
„RAUÐA TORGINU
Það var hátíðleiki yfir mönnum
á „Rauða torginu“ á Húavík er
bæjarstjórn Húsavíkur kom þar
saman til síns 500. fundar 31.
janúar sl. Þá voru liðin nákvæm-
lega 34 ár síðan fyrsti bæjar-
stjórnarfundurinn var haldinn og
eins og tilheyrir voru flestir
bæjarfulltrúa í sínu fínasta pússi
á þessum merku tímamótum.
Sjálfstæðismenn í bláu og einn
fulltrúi Alþýðubandalagsins
skartaði fagurrauðu bindi. Við-
eigandi á „Rauða torginu“ ekki
satt? Vel á minnst fundurinn var
auðvitað ekki haldinn á hinu eina
sanna Rauða torgi í Moskvu,
heldur „Rauða torginu“ í Félags-
heimilinu á Húsavík, öðru nafni
Víkurnausti. Ástæðan fyrir þess-
ari litrænu nafngift er sú að tepp-
ið í salnum er rautt og því hefur
einhverjum einhvem tímann fund-
ist þetta nafn viðeigandi.
Bæjarfulltrúar vom hins vegar
sammála um að það væri enginn
sérstakur rauður litur yfir bæjar-
stjórnarfundunum. Til mótvægis
var líka fyrir löngu búið að setja
græna dúka á fundarborðin og
stólarnir voru bláir.
Á umræddum fundi fjölmennti
auðvitað bæjarpressan og svo
skemmtilega vildi til að í hópi
blaðamanna og fréttaritara var
eini maðurinn sem hafði verið
viðstaddur fyrsta fundinn. Það er
Silli á Húsavík, fréttaritari Mogg-
ans eða öðru nafni Sigurður P.
Björnsson, bankastjóri Lands-
bankans á staðnum. Silli mynd-
aði fyrsta fundinn á gamla enska
Ensign-myndavél og að þessu
sinni var hann á staðnum með
forláta Rolliflex-vél.
- Við verðum að semja við þig
Silli að þú myndir 500. hvern
fund, sagði einn bæjarfulltrúanna
og ekki var Silli á móti því. Brosti
bara í kampinn og smellti af.
- ESE/Myndir: gk-.
II
í: !
Wk ♦ O^í' f^^ff i
1 jf ffi m M fm W l| Æjt I
f IgH \ JH \ Æm§,
Bæjarstjórnin ásamt bæjarstjóra og bæjarritara.
Bæjarpressan að störfum.
Silli á Húsavík - kominn á fastan samning hjá bæjarstjórninni
••• Mjólkursamlag KEA
Akureyri Simi 96-21400
Við minnum á
búðingana okkar
Þeir eru hreint sælgæti