Dagur - 07.03.1984, Blaðsíða 4

4 - DAGUR - 7. mars 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 130 Á MÁNUÐI -
LAUSASÖLUVERÐ 18 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRÍKUR ST. EIRÍKSSON OG GYLFI KRISTJÁNSSON
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Gaumgæfum
alla kosti
Mikil greinaskrif hafa verið undanfarið í Degi um ál-
ver við Eyjafjörð. Sýnist sitt hverjum um slíkt fyrir-
tæki sem vonlegt er, en því miður brennur æði oft
við að fjallað sé um málið af nokkru offorsi og til-
finningasemi. Bæjarstjórn Akureyrar samþykkti
ályktun nýverið þar sem talið var æskilegt að næsta
stóriðjuveri sem byggt verður á íslandi verði valinn
staður við Eyjafjörð, enda verði talið tryggt að
rekstur versins stefni lífríki fjarðarins ekki í hættu.
Jón Sigurðarson, formaður atvinnumálanefndar Ak-
ureyrarbæjar, fjallar um þetta mál í grein i blaðinu
nýlega og segir:
„Málstaður okkar náttúruverndarmanna, því að
til þess hóps tel ég mig vera, er góður, en honum
verður ekki unnið gagn með sleggjudómum og of-
stæki, heldur með rökvísi og sanngirni. Þannig
megum við ekki setja okkur gegn málum án þess að
hafa krufið þau til mergjar." Og hann bætir því við
að um mengunarhættu verði ekki dæmt út frá
brjóstvitinu einu saman og afstöðu geti menn að-
eins tekið til mengunarmálanna þegar nauðsynleg
gögn liggja fyrir. Jón Sigurðarson segir ennfremur
um álver við Eyjafjörð:
„Það þarf engan að furða að augu manna beinist
að nýtingu orkunnar til að auka tekjur okkar, slíkt er
ástand hinna hefðbundnu atvinnuvega. Hitt er
augljóst og má aldrei gleymast, að orka fallvatn-
anna verður okkur ekki auðsuppspretta ef orku-
verðið er undir framleiðslukostnaði. “
„Við verðum að gæta okkar ákaflega í öllum sam-
skiptum við útlendinga og gera enga þá samninga
sem geta skert sjálfstæði okkar og virðingu meðal
þjóðanna. Við megum þó ekki vera svo ragir, íslend-
ingar, í þeim viðskiptum, að við einangr-
umst . . . Við þurfum ekki að óttast hina erlendu
auðhringa ef við gætum forsjálni og stillingar í við-
skiptum við þá. Sjálfstæði okkar er þá fyrst stefnt í
hættu ef við berum ekki gæfu til að nýta allar auð-
lindir okkar á arðbæran hátt og höldum áfram að
ganga á þeirri ógæfubraut sóunarinnar, sem við nú
göngum.
Atvinnumálin eru ekki bara stóriðja og álver. Við
Akureyringar eyðum meira púðri í ýmsa aðra og
nærtækari möguleika til að byggja upp atvinnu.
Þessi smærri mál eru minna áberandi, enda hluti
þeirrar eðlilegu þróunar sem verður að vera undir-
staða vaxtar á þessu svæði. Álver er æskileg og
eðlileg viðbót, sé það okkur arðbært og náttúrunni
skaðlaust. Allar líkur benda til að reist verði slíkt
fyrirtæki hér á landi innan langs tíma. Ég óttast
mjög þá byggðaröskun sem af því getur hlotist
verði það reist á Suðurnesjum í viðbót við þær miklu
framkvæmdir sem þar eru hafnar, illu heilli. Átaks
er þörf ef eðlilegur vöxtur á að verða í atvinnu hér.
Þess vegna ber okkur að gaumgæfa alla kosti og
hafna engum þeim möguleika stórum eða smáum,
sem til framfara horfir. “
Átak til sjónverndar:
„Bætum sjón“
- em einkunnarorð söfnunar Lionsmanna víðs vegar
á landinu til eflingar tækjakosts augnlækningadeildar FSA
Lionsmcnn á svæði 109b sem
er allt frá Vestfjörðum og aust-
ur á Firði hafa bundist sam-
tökum um verkefni sem þeir
kalla „Átak til sjónverndar“,
og á hádegisfundi í Lions-
klúbbnum Hugin á Akureyri
nýlega var þetta verkefni
kynnt. Söfnunin mun hefjast 1.
maí og henni lýkur sunnudag-
inn 6. maí.
Um almenna söfnun er að
ræða í þágu augnlækningadeildar
Fjórðungssjúkrahússins á Akur-
eyri. Þessi söfnun hefur verið í
athugun í langan tíma en nú láta
Lionsmenn til skarar skríða af
fullum krafti.
í fáum greinum læknisfræðinn-
ar hafa orðið jafn stórstígar fram-
farir og í augnlækningum. Kemur
þar til gífurlega ör þróun á hvers
konar tækjabúnaði, bæði til
greiningar og meðferðar augn-
sjúkdóma. Er nú unnt að lækna
augnsjúkdóma sem óhugsandi
var að lækna áður.
Einu sérfræðingarnir í augn-
lækningum á íslandi sem starfa
utan höfuðborgarsvæðisins eru á
Akureyri, en því miður hefur
þeirra deild orðið útundan að
mestu í framfaraþróun Fjórð-
ungssjúkrahússins. Er fullyrt að
þeir búi við frumstæðan og allt að
því úreltan tækjakost.
Einn þeirra er Ragnar Sigurðs-
son, og sagði hann á fundi Lions-
klúbbsins Hugins að það væri
borin von að ræða við yfirvöld
varðandi þessi mál. „Yfirvöld
hafa brugðist illilega og þrautal-
endingin var að leita til Lions-
hreyfingarinnar," sagði Ragnar.
Höfuðmarkmið þessarar
söfnunar sem hlotið hefur heitið
„Bætum sjón“ er að skapa full-
nægjandi aðstöðu hjá FSA til
greiningar allra augnsjúkdóma
og reglubundins eftirlits á þeim.
Ennfremur að unnt sé að fram-
kvæma flestar tegundir augnað-
gerða á skurðstofum FSA. I frétt
Lionshreyfingarinnar segir að til
þess að þessu markmiði verði náð
þurfi eftirtalin tæki að koma til.
A. Aðgerðasmásjá, sem er tæki
sem auðveldar mjög ýmsar
aðgerðir og gerir aðrar mögu-
legar sem hingað til hafa ver-
ið óframkvæmanlegar. Að-
gerðasmásjá hefur verið til á
FSA, en hún er mjög ófull-
komin.
Merki söfnunarinnar.
B. Aungbotnamyndavél. Hún er
nauðsynleg af mörgum
ástæðum, m.a. til að greina
nákvæmlega augnbotna-
skemmdir af völdum sykur-
sýki, gláku og fleiri sjúk-
dóma. Þess konar vél er ekki
til hjá FSA.
C. Raufarlampi. - Hér er um
smásjá að ræða til nákvæmrar
skoðunar á augum utan sem
innan. Raufarlampi er til hjá
FSA en það er gamalt tæki
sem aldrei hefur þótt gott og
brýn nauðsyn er á endurnýj-
un.
D. Sjónsviðsmælir. Það er tæki
sem notað er til að mæla og
kortleggja sjónsvið sjúklinga
með gláku og sjúkdóma í
heila. Þannig tæki er til hjá
FSA en er gamalt og mun
nákvæmara og nýtískulegra
tæki nauðsynlegt.
Augnlæknar FSA þjóna í dag-
legum rekstri 40 þúsund manna
svæði og það er óviðunandi að
þetta fólk njóti ekki sama öryggis
í þessum efnum og aðrir
landsmenn, sem flestir leita til
Reykjavíkur. Þá er á það að líta
að FSA er varasjúkrahús fyrir allt
ísland og sum þeirra tækja sem
Lionsmenn hyggjast safna fyrir
munu ennfremur bæta verulega
aðstöðu við eyrna- og tauga-
skurðlækningar.
Söfnunin fer fram í ýmsu
formi. Barmmerki verða seld
sunnudaginn 6. maí, og munu
Lionsfélagar framleiða merkin og
annast sölu þeirra. Vandaðir
peningar verða slegnir í tak-
mörkuðu upplagi og boðnir til
sölu. Á framhlið verður tákn
söfnunarinnar og á bakhlið stutt-
ur texti sem skýrir tilgang
hennar.
Líknarsjóðir margra Lions-
klúbba munu leggja málinu lið.
Þá þurfa frjáls framlög einstak-
linga og fyrirtækja að koma til
svo markmiðinu verði náð. Slík
framlög eru frádráttarbær við
álagningu tekjuskatts. Söfnunin
verður kynnt flestum félagasam-
tökum á svæði FSA og hafa
Lionsmenn á því mikla trú að
mörg félög sjái ástæðu til þess að
leggja þessu brýna verkefni lið.
Verndari söfnunarinnar verður
herra Pétur Sigurgeirsson biskup
íslands, en framkvæmdanefnd
skipa þeir Hörður Þórleifsson
Akureyri, Jónas Egilsson Húsa-
vík, Sigurður H. Sigurðsson Ak-
ureyri, Sigmundur Pálsson Sauð-
árkróki, Björgvin Yngvason Ak-
ureyri, Gunnlaugur Björnsson
Akureyri og Hermann Árnason
Akureyri. gk-.
Frá fundinum í Lionsklúbbnum Hugin þar sem söfnunin var kynnt.