Dagur - 19.03.1984, Blaðsíða 1

Dagur - 19.03.1984, Blaðsíða 1
TRULOFUNAR- HRINGAR AFGREIDDIR SAMDÆGURS GULLSMIÐIR , SIGTRYGGUR & PÉTUR AKUREYRI 1 paW" 67. árgangur Akureyri, mánudagur 19. mars 1984 34. tölublað Norðurlandi eystra: Fjölgaði aðeins um tvö störf í iðnaði árið 1982 A árinu 1982 vantaði 28,6% upp á að aukning ársverka í Norðuriandi eystra næði lands- meðaltali. Á landsvísu varð fjölgun ársverka 2,8% en í Norðurlandi eystra 2%, en þar fjölgaði ársverkum um 237. Á Norðurlandi vestra var dæmið enn hrikalegra, en þar vantaði 53,6% upp á að fjölgun árs- verka næði meðaltalinu. Þar varð fjölgunin ekki nema 1,3% á móti 2,8% á landsvísu. Sam- tals fjölgaði ársverkum í Norðurlandi vestra aðeins um 68 á árinu 1982. Þessar upplýsingar er meðal annars að finna í skýrslu sem Fjórðungssamband Norðlend- inga hefur gert um atvinnumál í fjórðungnum. Skýrslan verður kynnt fréttamönnum í dag og að því loknu er að vænta frekari upplýsinga úr henni. Víðast hvar um landsbyggðina mun þessi þróun hafa verið svipuð, en á suðvesturhorninu er málið allt annað, því þar var fjölgun árs- verka langt yfir landsmeðaltali. í Reykjavík varð hún 3% en á Reykjanesi hvorki meiri né minni en5,4%. Pegar atvinnuframboðið minnkar hafa menn talið að í kjölfarið færi búseturöskun og að því er best vitað kemur þetta at- riði glöggt fram í skýrslunni. Einnig að atvinnuleysi á árinu 1983 hafi verið mest í þeim landshlutum þar sem fjölgun ár- sverka varð minnst árinu áður. Sennilegasta skýringin á þess- ari þróun er sú, að eftir að afla- brögð settu frekari aukningu í sjávarútvegi og fiskiðnaði skorður úti um land, varð hlut- fallslega mun meiri aukning í þjónustugreinum og iðnaði. Þjónusutgreinarnar hafa fyrst og fremst aukist á höfuðborgarsvæð- inu og iðnaður einni á Suð- vesturlandi. Sem dæmi um þá þróun sem varð í Norðurlandi eystra má geta þess að aðeins fjölgaði þar um tvö störf í iðnaði á árinu 1982. HS Búið er að steypa upp grunn og neðstu hæð heilsuhælisins í Kjamaskógi en hugmyndir eru uppi um að þama rísi ráðstefnu- og heilsuhótel af fínustu gerð. _. KGA. HEIMSKLASSAHOTEL í KJARNASKÓGI? - Hugmyndir um að heilsuhæli NLFA verði breytt í ráðstefnu- og heilsuhótel Verður byggt ráðstefnu- og heilsuhótel í Kjarnaskógi í Iík- ingu við það sem gerist best erlendis? Þetta er spurning sem ýmsir velta nú fyrir sér í kjölfar hugmyndar sem Úlfur Ragnarsson, læknir hefur varpað fram og viðrað í bréfi til bæjarráðs Akureyrar. - Pað eru nokkuð mörg ár síð- an ég fór að velta málum sem þessum fyrir mér og fyrst í stað hafði ég í huga byggingu slíkrar miðstöðvar erlendis. En eftir því sem ég hef hugsað málin betur þá er mér ljóst að hvergi væri betra að byggja sííka stöð en ein- mitt hér á Eyjafjarðarsvæðinu. Ég hef rætt þessi mál Iauslega við Náttúrulækningafélagið á Akur- eyri um útvíkkun þess heilsuhælis sem NLFA er með í byggingu í Kjarnaskógi og það hefur verið tekið vei í þessa hugmynd mína. Ég ákvað því að rita bæjarráði þetta bréf og ég vil undirstrika að það eina sem ég fer fram á er að þessi mál verði könnuð. Það ætti ekki að þurfa að kosta svo ýkja mikið en ávinningurinn gæti orð- ið ótrúlegur, sagði Úlfur Ragn- arsson í viðtali við Dag um þessi mál. í stuttu máli má segja að hugmyndir Úlfs um þetta ráð- stefnu- og heilsuhótel séu þær að í Kjarnaskógi rísi alþjóðlegt gisti- hótel með fullkomnum ráð- stefnusal og tækjum til fundar- halda og að byggð verði upp að- staða til heilsuræktar jafnt utan dyra sem innan. í bréfi sínu til bæjarráðs segir Úlfur: „Áhersla skal lögð á að ekki er fyrirhuguð nein meinlætastofnun, hversu vel gestir vilja nýta sér þá aðstöðu sem boðin verður er undir þeim sjálfum komið og ekki er ætlast til strangari reglna en almennt velsæmi býður, svo sem á öðrum gististöðum." Sjá nánar bréf Úlfs Ragnars- sonar, læknis til bæjarráðs á bls. 4. -ESE.

x

Dagur

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagur
https://timarit.is/publication/256

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.