Dagur - 02.04.1984, Blaðsíða 8
8-DAGUR-2. apríl 1984
Skíðahátíð á Akureyri
Andrésar-leikarnir 1984:
Skíðahátíð
barnanna 1984
Það er óhætt að fullyrða að hvergi á landinu verður
jafn mikið um að vera á skíðasviðinu í aprílmánuði og
einmitt á Akureyri. Öldungamót íslands, Skíðamót
íslands, Andrésar Andar-Ieikarnir, Flugleiðamótin í
göngu og svigi, Lamba-gangan og svo Skíða-Trimm
almennings. Hver viðburðurinn rekur annan og það
Öldungamót
íslands:
Keppni að
frumkvæði
Akureyringa
Fyrst stórmóta í apríl má telja
Öldungamót íslands á skíðum
en það hefst í Hlíðarfjalli þann
14. og stendur í tvo daga. Þetta
er fjórða öldungamótið sem
haldið er á Islandi og hefur
þátttakendum fjölgað jafnt og
þétt.
- Það er gaman að geta þess
að frumkvæðið að þessu móti er
komið frá Akureyri. t>að voru
nokkrir gamlir skíðamenn sem
hittust í Hlíðarfjalli, þar sem þá
stóð yfir skíðamót unga fólksins
og vitaskuld dáðust þeir að leikni
skíðakappanna. Þegar þeir fóru
að hugsa málið betur, þá fannst
þeim alveg ófært að þeir væru
sjálfir hættir að keppa og það
varð úr að þeir ákváðu að beita
sér fyrir keppni meðal jafnaldra
sinna, sagði bröstur Guðjónsson,
hjá Skíðaráði Akureyrar m.a. er
hann rakti tildrögin að stofnun
Öldungamóts íslands.
Að vísu eru það ekki karlæg
gamalmenni sem rétt eiga til þátt-
töku á „öldungamótinu“, heldur
á fólk allt niður í 30 ára keppnis-
rétt. Keppt verður í eftirtöldum
flokkum:
I karlaflokki í alpagreinum
verður keppt í fjórum aldurs-
flokkum. I flokki 30-34 ára, 35-
39 ára, 40-44 ára og 45 ára og
eldri. Þrír flokkar verða í keppni
kvenna, eða 30-39 ára, 40-49 ára
og 50 ára og eldri.
í göngu karla verður keppt í
þrem flokkum: 35^4 ára, 45-54
ára og 55 ára og eldri en aðeins
einn kvennaflokkur verður í
göngunni, konur 35 ára og eldri.
Þátttökutilkynningar með
nöfnum, fæðingardegi og fæð-
ingarári, þurfa að berast fyrir 7.
apríl nk. og sendast tilkynning-
arnar til Skíðastaða BOX 168,
602 Akureyri cða í síma 96-22930
(ívar). Þátttökugjald er 150 kr.
fyrir hverja grein. - ESE.
Lambagangan
Ein erfiðasta skíðagangan á
Islandi í ár, verður örugglega
Lamba-gangan sem haldin
verður 28. aprfl. Ganga þessi
er ætluð þjálfuðu skíðagöngu-
fólki en alls verða gengnir um
25 km.
Að sögn Sigurðar Aðalsteins-
sonar sem séð hefur um undir-
búning vegna þessarar keppni þá
hefst keppnin á Súlumýrum og
verður gengið sem leið liggur
lengst inn í Glerárdal eða fram
að skála Ferðafélagsins í Lamba
og síðan aftur til baka. Alls eru
þetta um 25 km í fjölbreytilegu
landslagi en nokkuð hefur þótt
skorta á í skíðagöngum hérlendis
að gönguleiðin hafi nægilegan
stíganda. - ESE
má heita fullvíst að Akureyri verður höfuðborg skíða-
íþróttarinnar á íslandi, a.m.k. þetta árið. Hápunktar
aprílmánaðar á skíðasviðinu voru kynntir blaða-
mönnum á fundi hjá íþróttabandalagi Akureyrar á
dögunum og hér á eftir verður gerð grein fyrir því
helsta sem verður að gerast. - ESE.
Fjölmennasta skíöamót Islands verður haldið á Akureyri dagana
27.-30. aprfl nk. Hér er um hina vinsælu Andrésar Andarleika
að ræða sem nú verða haldnir í níunda sinn. Andrésar-Ieikarnir
hafa á undanförnum árum verið að hasla sér völl sem sannkölluð
skíðahátíð barnanna og að þessu sinni er búist við rúmlega 400
keppendum á mótið, en rétt til þátttöku eiga börn á aldrinum 7-
12 ára.
- Við eigum alls von á um 500
til 600 manns bara vegna þessa
eina móts og við höfum á undan-
förnum árum lagt metnað okkar
í að gera þetta mót sem best úr
garði, sagði Gísli Kristinn Lór-
enzson er hann kynnti Andrésar
Andarleikana á fundi með blaða-
mönnum.
Að sögn Gísla Kristins þá hef-
ur undirbúningur fyrir leikana
staðið í allan vetur en náið sam-
ráð hefur verið haft við útgefend-
ur Andrésar Andar í Danmörku
en þeir styrkja þessa leika alls
staðar þar sem þeir eru haldnir.
Eins hefur mikið og gott samstarf
verið við AS Hjemmet í Noregi
en það fyrirtæki sér um útgáfu á
Andrési í Noregi.
Til að ná endum saman hefur
Skíðaráð þurft að leita til fyrir-
tækja í bænum og hafa móttök-
urnar að þessu sinni verið einstak-
lega góðar. Skíðaráð gefur út
veglega mótsskrá vegna leikanna
og hafa allir verið boðnir og bún-
ir að styrkja leikana með auglýs-
ingum í þessari mótsskrá.
Á meðan á Andrésar-leikunum
stendur munu keppendur búa í
Lundarskóla en þar verður jafn-
framt komið upp heljarmiklu
mötuneyti. Munu keppendur
leggja skólann algjörlega undir
sig og ef svo heldur sem horfir og
keppendum fjölgar jafnt og þétt
þá líður ekki á löngu áður en þeir
verða búnir að sprengja skólann
utan af sér.
Heiðursgestur leikanna verður
að öllum líkindum forstjóri AS
Hjemmet en venju samkvæmt
verður sigurvegurum í 12 ára
flokki boðið á Andrésar Andar-
leikána í Kongsberg í Noregi.
- ESE.
Flugleiðir hafa á undanförnum
árum sýnt af sér mikinn mynd-
arskap og styrkt framkvæmd
skíðagöngumóts og svigmóts á
Akureyri. Nefnast mót þessi
Flugleiðagangan og Flugleiða-
mót í svigi fyrir 16 ára og yngri
og hafa bæði mót notið vax-
andi vinsælda.
Flugleiðagangan verður haldin
um páskana og er hún opin öllu
áhugafólki um skíðagöngu.
Keppt verður í 4 km og 8 km
skíðagöngu og auk hefðbundinna
verðlauna verða óvænt ferða-
verðlaun til heppinna þátttak-
enda. Dregið verður úr nöfnum
þátttakenda í hvorri göngunni
um sig og vinningur þar eru helg-
arferðir til Reykjavíkur. Síðan
verður dregið úr nöfnum allra
þátttakenda og hinn heppni
keppandi hlýtur að launum ferð
til Osló í boði Flugleiða.
Flugleiðamótið í svigi er opið
öllu skíðafólki 16 ára og yngri og
fá allir sem taka þátt sérstaka
viðurkenningu frá Flugleiðum.
- ESE
Skíðamót Islands:
Hápunktur vertíðarinnar
Hápunktur hverrar skíðaver-
tíðar, mót mótanna er Skíða-
mót íslands sem haldið er um
páskana ár hvert. í ár er Skíða-
mót íslands haldið í 45. sinn og
mótsstaður er Hlíðarfjall við
Akureyri.
Þó Andrésar Andarleikarnir
séu langfjölmennasta skíðamót
sem haldið er á íslandi, þá er
Skíðamót íslands eða Landsmót-
ið eins og það er nefnt í daglegu
tali, án efa umfangsmesta skíða-
mótið og það sem mestrar skipu-
lagningar þarf við. Ströngustu
skilyrði þarf að uppfylla og meðal
þess sem gert hefur verið í Hlíð-
arfjalli gagngert fyrir þetta mót
er að komið hefur verið upp sér-
stöku tímatökuhúsi og ráshúsi í
stórsvigi. Þá hefur verið sett upp
snyrtiaðstaða og salerni við
göngubrautina eins og alþjóðalög
kveða á um og auk þess verður
settur upp tímatökubúnaður sem
tengdur verður tölvu. Með þessu
móti verður hægt að birta öll úr-
slit að lokinni hverri grein en á
fyrri mótum hefur þurft að fara
niður í bæ, reikna út úrslitin og
fjölrita áður en hægt hefur verið
að dreifa þeim á mótsstað.
Að sögn þeirra Þrastar Guð-
jónssonar og ívars Sigmundsson-
ar þá hefur verið ákveðið að
keppni á Landsmótinu hefjist
nokkru fyrr en verið hefur
undanfarin ár og er það gert til
þess að koma til móts við þarfir al-
mennings. Stefnt er að því að
keppni verði alltaf lokið um há-
degi, dag hvern ef veður leyfir og
ættu því skíðabrekkurnar og lyft-
'0
urnar að standa almenningi opn-
ar mest allan daginn.
Til marks um það hve Skíða-
mót íslands er viðamikið má
nefna að 50 til 60 starfsmenn
munu vinna í sjálfboðavinnu við
mótið á hverjum degi. Skipulagn-
ingin hefur staðið yfir í allan vet-
ur en mótið er að þessu sinni
haldið í samvinnu við Hafskip
sem leggur til alla verðlaunagripi
og ýmislegt annað s.s. veifur og
rásnúmer. í nefndinni sem stóð
að skipulagningunni áttu sæti
þeir Óðinn Árnason, Sigurður
Aðalsteinsson, Magnús Gísla-
son, Guðmundur Sigurbjörnsson
og Þröstur Guðjónsson.
- Við höfum engar áhyggjur
af snjóleysi. Það verður nægur
snjór f Hlíðarfjalli þegar mótið
fer fram. Því geta menn treyst,
sagði Þröstur Guðjónsson.
- ESE.