Dagur - 07.05.1984, Blaðsíða 8

8 - DAGUR - 7. maí 1984
Aðalfundur Kaupfélags Eyfirðinga
Afkoman með besta
og ef nahagurgóður
móti
Aðalfundur Kaupfélags Ey-
firðinga var haldinn í Sam-
komuhúsinu á Akureyri dag-
ana 5. og 6. maí sl. Eins og
endranær var mæting mjög
góð á fundinum, eða 243 full-
trúar af 257, sem rétt áttu til
fundarsetu. Fram kom á fund-
inum að árið 1983 hafi verið
félaginu tiltölulega hagfellt
rekstursár. Velta og viðskipti
þróuðust með eðlilegum hætti,
afkoman var með besta móti
og efnahagur félagsins stendur
traustum fótum.
Hjörtur E. Þórarinsson,
stjórnarformaður félagsins setti
fundinn og flutti skýrslu stjórnar
og síðan fjallaði Valur Arnþórs-
son, kaupfélagsstjóri, ýtarlega
um rekstur og stöðu félagsins.
Sagði hann m.a. að þrátt fyrir
margs konar erfiðleika hafi félag-
ið áfram getað gegnt sínu þýðing-
armikla hlutverki í bæ og byggð.
Valur sagði að verði ytri aðstæð-
ur sæmilega hagstæðar ætti rekst-
ursárangur síðasta árs að geta
rennt stoðum undir áframhald-
andi sókn til hagsbóta fyrir ey-
firskar byggðir og íslenskt sam-
vinnustarf. Mikill árangur stjórn-
valda í baráttunni við verðbólg-
una eigi einnig að geta stuðlað að
farsælum rekstri félagsins, þótt
vissulega séu blikur á lofti, sér-
staklega að því er varðar sam-
drátt í sjávarafla. Þá ætti minni
verðbólga og bætt efnahagsstjórn
að gera félaginu kleift að treysta
áætlanagerð og aukin tölvuvæð-
ing í rekstri félagsins ætti að gera
hana mögulega á nánast öllum
sviðum.
Heildarvelta félagsins að af-
urðareikningum meðtöldum var
2.140,3 Mkr. á árinu 1983 og nam
aukningin 74% frá árinu 1982,
sem er nokkurn veginn í sam-
ræmi við verðbólguþróun. Að
samstarfsfyrirtækjunum með-
töldum var veltan 2.663,9 Mkr.
árið 1983. Laun og launatengd
gjöld í aðalrekstri og afurða-
reikningum hækkuðu að meðal-
tali um 56% milli áranna. Beinar
launagreiðslur kaupfélagsins
námu rösklega 230 Mkr. og að
samstarfsfyrirtækjum meðtöldum
291 Mkr. Fjöldi ársstarfa hjá
KEA var 1.026 og 1.249 að sam-
starfsfyrirtækjunum meðtöldum.
Félagið er áfram langstærsti
launagreiðandi á Eyjafjarðar-
svæðinu og einn. stærsti launa-
greiðandi á landinu.
Á árinu innheimti félagið sölu-
skatt fyrir ríkið að fjárhæð 60,9
Mkr, en opinber gjöld sem færast
á rekstur og afurðareikninga eru
samtals 13,7 Mkr. Ófrádráttar-
bær opinber gjöld, sem færast á
rekstursreikning, eru 3,5 Mkr og
vörugjald nam 0,9 Mkr.
Rekstursreikningur ársins 1983
sýnir hagnað að fjárhæð 8,1 Mkr
og hafa þá verið færð til gjalda að
fullu reiknuð gengisálög og verð-
bætur á aðfengið lánsfé, en einn-
ig færð tekjufærsla að fjárhæð
54.3 Mkr. Aukaafskrift vöru-
birgða hefur verið hækkuð um
5.3 Mkr., allar venjulegar fyrn-
ingar reiknaðar að fullu eftir nýj-
um ákvæðum skattalaga og ófrá-
dráttarbær opinber gjöld að fjár-
hæð 3,5 Mkr skulduð á rekstur-
inn. Fjármunamyndunin í heild-
arrekstrinum var 112,6 Mkr, en
var 46,2 Mkr á árinu 1982, þann-
ig að fjármunamyndun hefur
aukist hlutfallslega mjög mikið.
Efnahagur félagsins er mjög
sterkur. Eigið fé og stofnsjóðir
voru í árslok 678,0 Mkr og hafði
aukist um 75% frá árslokum
1982. Hlutfall eigin fjár og stofn-
sjóða hækkaði miðað við niður-
stöðu efnahagsreiknings úr
42,9% í árslok 1982 í 44,9% í
árslok 1983. Efnahagsstaðan
batnaði því enn. Hlutfall veltu-
fjár hækkaði úr 1,14% í árslok
1982 í 1,29% í árslok 1983.
Greiðslustaðan batnaði því sem
þessu nemur.
Fjárfestingar á árinu 1983 urðu
samtals 49,7 Mkr, eða 47,3 Mkr
að frádreginni eignasölu, og má
því segja að fjárfestingar hafi
orðið mjög miklar. Fjárfestingar
urðu þó minni að raunvirði en
árið 1982, enda ákvað stjórn fé-
lagsins að draga úr fjárfestingum
á árinu 1983. Hefðu fjárfestingar
þurft að nema 63 Mkr á árinu
1983 til að jafngilda fjárfesting-
um ársins 1982, miðað við verð-
bólguþróun. Fjárfrekustu fram-
kvæmdirnar voru vegna frysti-
hússins í Hrísey tæplega 7,5 Mkr,
vegna aðalskrifstofa á Akureyri
rúmlega 6,7 Mkr, vegna flutn-
ingatækja 5,8 Mkr, vegna Mjólk-
ursamlags KEA tæplega 5,8 Mkr
og vegna véla og tækja í frysti-
húsið á Dalvík 3,5 Mkr. Til fjár-
festinganna fengust ný langtíma-
lán að fjárhæð 32 Mkr en borga
þurfti af eldri lánum 24,7 Mkr,
þannig að aukning langtímalána
varð aðeins 7,4 Mkr. Stofn-
sjóðir hækkuðu um 12,4 Mkr og
innlánsdeildin jókst um 36,6
Mkr, þannig að nýtt fjármagn
fékkst inn í félagið til að mæta
fjárfestingunum og þær íþyngdu
því ekki rekstrarfjárstöðunni.
Samþykkt var tillaga stjórnar
um ráðstöfun tekjuafgangs, en
hún felur m.a. í sér að 5 Mkr
endurgreiðast í stofnsjóð og í
reikninga félagsmanna, þannig
að í reikninga félagsmanna færast
4% af úttekt þeirra í Stjörnu
Apóteki 1983 og mismunur leggst
í stofnsjóð félagsmanna í hlutfalli
við ágóðaskyld viðskipti þeirra á
árinu 1983. Reiknaðir verða 20%
vextir af innistæðum í stofnsjóði
á árinu 1983 til viðbótar þeim
vöxtum, sem þegar hafa verið
reiknaðir u.þ.b. 2.150 þús. kr.,
framlag til eflingar Lífeyrissjóðs
KEA verður ein milljón króna og
til Menningarsjóðs KEA 400 þús.
kr.
í ræðu kaupfélagsstjóra kom
fram, að afsláttur á vöruverði
hjá félaginu nam samtals 10.5
Mkr árið 1983, þar af var afslátt-
ur út á afsláttarkort 946 þús. kr.,
vegna verðlækkunar f vörumark-
aði í Hrísalundi 6.752 þús. kr. og
vegna flutningskostnaðar til úti-
búanna 2.778 þús. kr.
Á aðalfundi KEA flutti Jó-
hannes Geir Sigurgeirsson,
bóndi, sérmál aðalfundarins um
landbúnaðarmál.
Ályktun um
landbúnaðarmál
Sérmál aðalfundarins voru
landbúnaðarmálin og flutti
Jóhannes Geir Sigurgeirsson,
bóndi, framsögu, auk þess
sem Hákon Sigurgrímsson,
framkvæmdastjóri Stéttar-
sambands bænda, flutti erindi
um málið. í lok ítarlegrar
samræðu á fundinum var
samþykkt ályktun, svohljóð-
andi:
Meðal þróaðra þjóða er hvar-
vetna lögð höfuðáhersla á öfl-
uga innlenda matvælafram-
leiðslu sem eina af forsendum
sjálfstæðis og öryggis hvers
lands.
Nágrannaþjóðir okkar hafa
talið rétt að vernda landbúnað
sinn með margvíslegum aðgerð-
um og greiða niður búvöruverð
til neytenda. Ekki aetur talist
raunhæft að íslendingar skeri
sig úr hvað þetta varðar.
Því telur fundurinn að sú um-
ræða um landbúnaðarmál, sem að
undanförnu hefur borið hæst í
fjölmiðlum og á hinu háa AI-
þingi sé á viliigötum. Þessi um-
ræða hefur einkennst af yfir-
boðum um það hvernig skera
má landbúnaðarframleiðsluna
sem mest niður á sem skemmst-
um tíma og órökstuddum full-
yrðingum um háan vinnslu- og
dreifingarkostnað.
í þessa umræðu skortir veiga-
mikil'rök til þess að hægt sé að
marka þá stefnu sem landi og
þjóð er fyrir bestu. Ekki má líta
á landbúnaðinn sem einkamál
bænda og vinnslustöðva þeirra
því augijóst er að skyndilegur
samdráttur í búvöruframleiðslu
nú myndi valda verulegu at-
vinnuleysi og þvf koma enn
þyngra niður á þéttbýli en dreif-
býli. Til að meta þessi áhrif af
raunsæi þarf að safna upplýsing-
um, t.d. um starfsmannafjölda
og verðmætamyndun í búvöru-
iðnaði.
Því skorar fundurinn á ríkis-
stjórnina að láta nú þegar gera
löngu ákveðna úttekt á þjóð-
hagslegu gildi landbúnaðarins.
Með niðurstöður slíkrar úttekt-
ar að lciðarljósi þurfa þeir sem
málið varðar, neytendur, starfs-
fólk í búvöruiðnaði og bændur,
að taka höndum saman og
marka ábyrga og öfgalausa
stefnu um framtíð landbúnaðar
á íslandi, þannig að þörfum
markaðarins verði mætt sem
best á hverjum tíma.