Dagur - 17.08.1984, Blaðsíða 6
6 - DAGUR - 17. ágúst 1984
,Tíað“ upp á jöklinum.
Akureyri í sjónmáli.
Áð á leið á jökulinn.
Myndataka á Vindheimajökli. F.v. Kjartan, Þorbergur, Gylfi, Smári og Árni. Á myndina vantar að sjálfsögðu
Ijósmyndarann Kolbein.
Áfram gakk, einn, tveir, einn, tveir.
„Nýliðarnir“ með „Jöggvansbikarinn".
Púttað var út þegar myrkrið var að skella á.
„Útvarp
Reykjavík ... “ - J
morgun hófu 6 félagar
úr Golfklúbbi
Akureyrar að leika
lengstu golfholu sem
leikin hefur verið á
íslandi. Hyggjast þeir
leika frá
Vindheimajökli, niður
Hlíðarfjall og Ijúka
leik sínum á 7. holu
Jaðarsvallar . . . “
Eitthvað á þessa leið efnislega
hljóðaði frétt útvarpsins á dög-
unum, en fréttin var lesin í há-
degisútvarpinu. Ekki var hún
100% rétt því þegar hún var lesin
voru 6-menningarnir að gera sig
klára niður í bæ, safna saman
ýmsum búnaði til fararinnar
o.þ.h. En strax eftir hádegið
héldu þeir til fjalla.
Þeir sem brugðu sér í „jökla-
golfið" voru annars vegar Smári
Garðarsson, Porbergur Ólafsson
og Gylfi Kristjánsson, en þetta er
hið landsfræga lið „Jöggvana“
sem hefur tekið þátt í þessari
keppni undanfarin ár. Hinir þrír
voru Kjartan Bragason, Arni
Ketill Friðriksson og Kolbeinn
Gíslason, allt græningjar í tor-
færugolfi enda kallaðir „Nýlið-
ar“.
Árið 1982 var fyrst farið í það
að leika lengstu golfholu á íslandi
og þá leikið yfir Eyjafjárðará og
upp á Jaðarsvöll. í fyrra var leik-
ið af Vaðlaheiði á golfvöllinn og
nú sem sagt frá Vindheimajökli,
til byggða og á golfvöllinn. Engin
leið er að segja til um það á þessu
stigi hvaða leið verður leikin
1985.
Haraldur Gunnarsson bifreið-
arstjóri fór á kostum á Landróver-
bifreið sinni upp Hlíðarfjallið
með þá 6-menninga innanborðs.
Ekið var eftir krókaleiðum upp
fjallið allt þar til ekki var lengra
komist en þá var liðið komið vel
upp fyrir skíðalyfturnar í Hlíðar-
fjalli. Var fremur létt yfir 6-
menningunum er þeir kvöddu
bifreiðarstjórann og skunduðu af
stað.
Ekki gekk andskotalaust að
komast upp á brún Hlíðarfjalls.
„Nýliðarnir“ lentu í snjóskafli
miklum þar ofarlega og börðust
um á hæl og hnakka með farang-
ur sinn. Leiðir skildu, því
„Jöggvanar" leituðu sér að hent-
ugri stað til uppgöngu. Ekki gekk
þeim heldur eins vel og á var kos-
ið því það tók mannskapinn um
klukkustund að komast upp.
í*ar tók við suð-vestan stormur
beint í fang þeirra 6-menninga og
ausandi rigning í þokkabót. En
þetta eru hörkutól og nú var
„kúrsinn“ tekinn á Vindheima-
jökul og þangað komið eftir erf-
iða gönguferð rúmlega klukku-
stund síðar.
Eftir myndatökur á jöklinum
hófst svo keppnin, en hún er
kennd við Jöggvan Garðarsson
sem gaf bikar um árið til hennar
og nefnist hann „Jöggvansbikar-
inn“. Fór keppnin þannig fram að
hvort lið lék einni golfkúlu og
slógu liðsmenn til skiptis. það var
Jöggvan sjálfur sem hóf keppnina
með miklu höggi undan vindi en
Kjartan Bragason svaraði fyrir
„Nýliðana" með öðru eins.
Ferðin af jöklinum og á brún
Hlíðarfjalls gekk áfallalaust og
höfðu verið sjegin um 80 högg er
þangað var komið. Fram af fjalls-
brúninni svifu svo kúlurnar tign-
arlega og hurfu í mistrið. Örugg-
lega voru þetta lengstu golfhögg
sem slegin hafa verið á íslandi og
þótt víðar væri leitað.
Ferð 6-menninganna niður
Fjallið reyndist hins vegar hin
mesta eldraun enda enginn þeirra
vanur fjallgöngu eða niðurgöngu
og leiðin valin í samræmi við það.
Farið var niður snarbratta skriðu,
fleiri hundruð metra langa og var
hún erfið yfirferðar vegna halla
og stórgrýtis. Lá reyndar við slysi
eitt sinn er stórt bjarg fór skyndi-
lega af stað. Slapp Þorbergur
Ólafsson naumlega undan því
en bjargið náði tveimur golf-
kylfum af honum og klippti þær
snyrtilega í sundur.
Af ferðinni það sem eftir lifði
fara ekki miklar sögur, erfiðasti
hluti leiðarinnar var að baki og
nú greikkuðu menn sporin. Þó
fór að bera á því að kúlur týndust
nokkuð og tafði það ferðina. En
þegar komið var fram á kvöld
nálgaðist liðið Glerá, þar var
slegið yfir, farið yfir túnin hjá
Mjólkursamlagi KEA og sem
leið lá inn á golfvöllinn. 8. braut-
in spiluð í öfuga átt og púttað út
á 7. flötinni.
Er upp var staðið höfðu „Ný-
liðarnir“ slegið alls 168 högg,
„Jöggvanar“ 15 höggum meira
og alls höfðu tapast um 60 kúlur.
Það var því ótvírætt hverjir
höfðu sigrað og því óvíst hvort
þeim verður boðin þátttaka
næsta ár.
Menn voru ansi framlágir í
lokin, en keppninni lauk kl. 11
um kvöldið er myrkur var að
skella á. Menn héldu til síns
heima haltir og skakkir og mátti
sjá þá rölta um bæinn næstu daga
meidda á hnjám og ökklum.
Ferðin var erfiðari en menn
höfðu gert sér í hugarlund fyrir-
fram en hún var þess virði.
LENGSTA HOLAN“