Dagur - 20.08.1984, Blaðsíða 2

2 - DAGUR - 20. ágúst 1984
Ertu búin(n) að
fara í berjamó?
m
Ármann Guðjónsson:
Já, og það er mikið af berjum.
Ég fer aftur þegar kemur
meira.
IW
Rúnar Sigurpálsson:
Nei, en ég ætla kannski
seinna.
Árni Ingólfsson:
Nei og það stendur ekki til.
Svava B. Karlsdóttir:
Ég er búin að fara einu sinni
og fór þá í hlíðarnar fyrir ofan
Sauðárkrók, en þar á ég
heima.
Katrín Gylfadóttir:
Já, ég hef farið tvisvar og feng-
ið dálítið í bæði skiptin.
segir innheimtustjóri Siglufjarðar-
kaupstaðar, Baldur Fjölnisson
„Það er sjaldan sem ég þarf að
fara í hart við að innheimta
bæjargjöldin, Siglfirðingar eru
flestir launþegar hjá öðrum og
gjöldin eru tekin af þeim þar.
Siglfirðingar eru tiltölulega
skilvísir, með örfáum undan-
tekningum skulum við segja.“
Það er Baldur Fjölnisson inn-
heimtustjóri Siglufjarðarkaup-
staðar sem er í Viðtali Dags-ins
í dag. Hann ætlar að segja les-
endum Dags frá því helsta sem
um er að vera hjá Siglfirðing-
um og eitthvað fær að fljóta
með um manninn sjálfan.
„Innheimtustjóri sér um álagn-
ingu opinberra gjalda, útsvars,
orku- og fasteignagjalda. Kaup-
staðurinn á sjálfur rafveituna og
það er nokkuð óvenjulegt. Pað
fyrirkomulag hefur orðið Sigl-
firðingum til mikilla hagsbóta og
öryggis í raforkumálum.
- Há útsvör hjá Siglufjarðar-
kaupstað?
„Nei, það er mest um meðal-
tekjur, hér eru mjög fáir hátekju-
menn.“
- Hvað er helst á döfinni hjá
ykkur?
„Fjárhagsstaða bæjarins er erf-
ið eins og hjá öðrum sveitarfé-
lögum og má rekja það til óða-
verðbólgu síðustu ára, en nú er
ýmislegt sem bendir til að úr
rætist. Það eru bjartir tímar
framundan. En hvað fram-
kvæmdir varðar, þá höfum við
malbikað 2 götur í sumar og haf-
in er bygging íþróttahúss. Einnig
erum við með í byggingu dvalar-
heimili fyrir aldraða. í sumar hef-
ur mikið átak verið gert í fegrun
og snyrtingu bæjarins og hafa
bæði einstaklingar og bæjaryfir-
völd staðið í því. Petta er mesta
átakið í fegrun bæjarins sem gert
hefur verið í mörg ár og beinist
einkum að því að rífa gömul síld-
arhús sem mörg voru að hruni
komin. Það er ekki mikið um
nýbyggingar á Siglufirði. At-
vinnuástandið er mjög gott, sér-
staklega í sumar. Það vantar fólk
í fiskvinnu en það er ýmislegt
annað en fiskvinna sem boðið er
upp á hér. Það eru hér öflug
byggingarfyrirtæki og vélsmiðjur
og nóg að gera hjá þeim. Það
þýðir því ekki að kvarta og súta
á þessum stað. Hér fá allir vinnu.
En Siglufjörður hefur því miður
aldrei orðið mikill ferðamanna-
bær. Hann er þannig í sveit settur
að litlar líkur eru á að það geti
orðið.
- Ert þú Siglfirðingur,
Baldur?
„Nei, ég er Húnvetningur. Er
sem sagt aðfluttur. Ég hef búið
hér síðan í september á síðasta
ári. Bjó áður í Reykjavík þar
sem ég var starfsmaður Útvegs-
bankans. Þá vildi þannig til að ég
var sendur í útibúið hér á Siglu-
firði og datt þá niður á þessa
stöðu. Þar sem ég er einhleypur,
þurfti ég ekki samþykki fjöl-
skyldu og skellti mér norður. Og
ekki get ég sagt að ég sakni neins
úr Reykjavíkinni. Helstu kosti
við Siglufjörð tel ég vera þá að
staðurinn hefur ekki upp á það
sama að bjóða og Reykjavík.
Hér er mun heilbrigðara mannlíf.
- Þú finnur ekkert fyrir ein-
angrun?
„Þetta er dálítið einangrað á
veturna og ég fann dálítið fyrir
þvf í fyrravetur. Það getur verið
óþægilegt að komast ekki til og
frá staðnum á ákveðnum tíma.
Það er stundum ófært héðan
dögum saman, bæði land- og
sjóleiðina. En það var mikið átak
í samgöngumálum þegar göngin
voru tekin í notkun, það var árið
1967. Áður var farið yfir Siglu-
fjarðarskarð og þar er hrikalegur
óvegur. Hann hefur verið jeppa-
fær í sumar og þetta er mjög fal-
leg leið, en oftast var hún ekki
fær nema 3 mánuði á ári.“
- Hvað með félagslífið?
„Það er ákaflega gott og
öflugt. Hér eru starfandi margir
klúbbar og félög. Ég er áhuga-
maður um skák og tek þátt í
starfsemi skákklúbbsins. Það eru
nokkrir sterkir skákmenn hér á
staðnum sem gaman er að tefla
við.“
- Vill innheimtustjórinn segja
eitthvað að lokum?
„Já, ég tel að það sé mikið á sig
leggjandi til að halda stöðum eins
og Siglufirði í byggð og ríkisvald-
ið ætti að sjá til þess að ekki
skapist hætta á að fólksflótti
verði frá slíkum stöðum, t.d.
með eflingu vegasamgangna.“
mþþ.
Baldur Fjölnisson innheimtustjóri Siglufjarðarkaupstaðar: „Það er mikið á
sig leggjandi að halda stöðum eins og Siglufirði í byggð.“
Slysagildra í
Gilsbakkavegi
Göngugarpur hringdi:
Ég fer stundum í gönguferðir um
bæinn, sem í sjálfu sér er ekki í
frásögur færandi, en sá sem fer á
tveim jafnfljótum nýtur umhverf-
isins betur en sá sem þýtur um á
bíl, auk þess sem göngugarpur-
inn áttar sig frekar á því sem bet-
ur má fara. Oft á tíðum fer ég um
Gilsbakkaveg og þar tel ég að sé
slysagildra, því víða er mjög hátt
fram af veginum niður á báklóðir
bygginga við Kaupvangsstræti.
Leifar af girðingu benda til þess
að brekkubrúnin hafi einhverju
sinni verið girt, en nú er þarna
ekkert til varnar. Mér dettur í
hug að þetta atriði hafi hreinlega
gleymst þegar gatan var endur-
byggð og malbikuð fyrir nokkr-
um árum, eða þá að um er að
ræða hreinan trassaskap starfs-
manna bæjarins. En hvort heldur
sem er þarf að bæta úr þessu sem
fyrst, áður en slys verður. Það er
sem sé of seint að byrgja brunn-
inn þegar barnið er dottið ofan í.
Svar:
Blaðið hafði samband við Stefán
Stefánsson, bæjarverkfræðing og
bar þetta mál undir hann. Hann
sagði það rétt, að frágangur
beggja vegna við Gilsbakkaveg
væri ekki nægilega góður. Sér-
staklega væri þörf á því að laga
brekkuna sunnan við veginn og
setja upp varnir gegn því að
menn fari þarna niður. Hins veg-
ar er þetta ekki eingöngu verk-
efni bæjarins, þvi til þarf að
koma samstarf við Kaupfélag
Eyfirðinga sem á lóðir að brekk-
unni við Gilsbakkaveg. Þessir að-
ilar hafa skoðað hvernig best sé
að standa þarna að framkvæmd-
um og vonandi geta framkvæmd-
ir hafist á haustdögum, sagði
Stefán.