Dagur - 27.08.1984, Blaðsíða 4
4 - DAGUR - 27. ágúst 1984
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI:. 24222
ÁSKRIFT KR. 150 Á MÁNUÐI -
LAUSASÖLUVERÐ 22 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRÍKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Vanda verður
rannsóknir
Sem kunnugt er fóru ellefu Eyfirðingar vestur
um haf til Kanada til að skoða og kynnast rekstri
álverksmiðja á vegum kanadíska fyrirtækisins
Alcan. Fjölmargt kom mönnum á óvart í þessari
ferð og má segja að nýtísku álver eigi ekkert
sameiginlegt með álverinu sem rekið er í
Straumsvík nema nafnið, eins og einn ellefu-
menninganna komst að orði í viðtali. Engin fyrir-
sjáanleg mengun er frá nýjasta og fullkomnasta
álveri Alcan og fluormengun það lítil að bændur
sem búa í nágrenni við álverin þarna vestra telja
sig ekki verða fyrir neinum skakkaföllum. „Það
var samdóma álit sérfræðinga Alcan í mengun-
armálum og fulltrúa bænda sem rætt var við um
þessa nýju verksmiðju, að engin mengunar-
vandamál væru samfara rekstri hennar," sagði
m.a. í sameiginlegri fréttatilkynningu vesturfar-
anna.
Fram kom í viðræðunum við bændur á þessu
mikla álframleiðslusvæði, að engin merkjanleg
áhrif hefðu orðið á grasframleiðslu þrátt fyrir
stóraukna álframleiðslu í héraðinu og skemmdir
hafi ekki komið fram á trjám af völdum áliðnað-
arins. Fulltrúar bændanna sögðu að ekki hefði
orðið nein merkjanleg breyting á jarðvegi í hér-
aðinu þau 60 ár sem áliðnaður hefur verið þar.
Um 1925 þegar fyrsta álverið reis voru mengun-
arvarnir þó mjög ófullkomnar, en strax upp úr
1940 var gerð á mikil bragarbót og þá þegar var
kerum lokað í kerskálum. Það er athyglisvert að
aldarfjórðungi síðar reisa Alusuisse-menn álver
á íslandi með opnum kerum og enn þann dag í
dag á íslenska þjóðin í baráttu við þá óbilgjörnu
aðila sem þar ráða ríkjum. Það má einnig geta
þess, að innan áliðnaðarins nýta fyrirtækin
tækninýjungar hvert frá öðru og hinn fullkomni
hreinsibúnaður í nýju Alcan-verksmiðjunni er að
hluta kominn frá bandaríska álfélaginu Alcoa.
Hins vegar mátti skilja það á starfsmönnum Alc-
an að þeir kærðu sig ekki um að eiga nein sam-
skipti við Alusuisse - slíkt orð hefur það fyrir-
tæki getið sér.
Nú standa yfir rannsóknir á náttúrufari við
Eyjafjörð. Mikilvægt er að til þeirra verði vandað
eins og kostur er og ekki flanað að neinu í sam-
bandi við ákvörðun um hugsanlegt álver við
Eyjafjörð. Þær rannsóknir sem nú er unnið að
eru aðeins frumrannsóknir og miklu meira þarf
að koma til, og mun koma til, ef niðurstaða þess-
ara rannsókna verður sú að hyggilegt kunni að
vera að halda málinu áfram.
Það má ekki meina íbúum við Eyjafjörð réttin-
um til að hugsa og taka sjálfstæða afstöðu til
staðreynda þegar þær liggja fyrir. Málið er mikil-
vægara en svo, hvernig svo sem á það er litið, að
fordómar megi ráða úrslitum þess.
Þetta er Flugfiskur, en nýlega keypti Trefjaplast hf. réttinn til að smíða slíka báta. Að sögn Óskars er ekki meira
mál að reka hann en dýran einkabfl.
Á Blönduósi er rekið fyrirtæk-
ið Irefjaplast h.f. en það er
með elstu fyrirtækjum á ís-
landi sem sérhæft er í smíði
hluta úr plasti. Dagur kom við í
húsakynnum Trefjaplasts á
leið sinni um Blönduós á dög-
unum og spjallaði við Óskar
Sigurfinnsson verkstjóra.
- Hvað smíðið þið aðallega
hjá Trefjaplasti?
„Það er allt mögulegt. Aðal-
lega ýmsar gerðir báta. Við
erum að byrja núna á laxeldis-
kerum en það er mikil hreyfing
á þeim um þessar mundir. Dálít-
ið höfum við smíðað af heitum
pottum og þá má nefna alls kyns
ker og ílát fyrir fiskvinnslustöðv-
ar og sláturhús. Einnig höfum við
smíðað mikið af tönkum og
vatnsgeymum fyrir bæi og sumar-
bústaði. Við erum að hanna
sauðfjárbaðker sem við ætlum að
hefja framleiðslu á, þannig að við
prófum allt mögulegt og erum
opnir fyrir nýjungum."
- Er þetta dýr framleiðsla?
„Þetta er frekar dýrt efni, en
endingin er ótakmörkuð. Þetta
endist mannsaldra og þarf ekkert
viðhald. Það eru helstu kostirnir
við plastframleiðsluna. Það dýr-
asta er hönnun mótanna, stund-
um fáum við trésmiðjur í lið með
okkur og hönnum frummótin í
tré, en stundum erum við með
plastmót.“
- Hvernig gengur þetta hjá
ykkur?
„Það gengur oft erfiðlega. Við
erum langt frá aðalmarkaðnum
sem er fyrir sunnan þannig að
flutningskostnaður á stærri
stykkjum er dálítið mál. Við
erum að vísu vel í sveit settir með
það að staðurinn stendur við
þjóðbraut."
- Hversu margir vinna hér?
„Það eru ekki margir, svona
frá 2 og upp í 5. Það nægir
alveg.“
- Hvað er vinsælast?
- „Það eru sportbátar. Nýlega
keyptum við mót af báti sem heit-
ir Flugfiskur, hann var upphaf-
lega teiknaður sem hraðbátur en
við breyttum honum lítillega.
Færðum húsið framar þannig að
meira rými fæst að aftan. Þannig
gerðan samþykkir Siglingamála-
stofnun hann sem vinnubát. Það
eru aðallega einstaklingar sem
kaupa báta, gjarnan til nota
við sumarbústaði og til skemmt-
unar.
Flugfiskurinn kostar um 200
þúsund út úr verksmiðjunni hjá
okkur en þá vantar í hann
glugga, vél, rafkerfi og ýmislegt
annað smálegt. Vélin kostar
eitthvað á milli 2 og 300 þúsund
krónur. Við seljum bátana plast-
klára eins og það heitir, við
steypum þá og setjum saman.
Fullbúinn er því flugfiskurinn
nokkuð dýr, en menn segja ekki
meira mál að reka hann en dýran
einkabíl."
- Hvernig er ástandið yfir
vetrarmánuðina?
„Það er minna að gera yfir vet-
urinn, en samt ekki atvinnuleysi.
Við smíðum eftir eftirspurn, ger-
um lítið af því að safna á lager.
Yfir veturinn erum við meira í
smíði stórra báta, því það tekur
langan tíma að smíða þá. En það
er aldrei dauður tími hjá okkur,
það er alltaf eitthvað pantað.
Núna erum við að smíða 10 lax-
eldisker sem pöntuð voru fyrir
skömmu. Hvað það kostar?
Hvert ker kostar um 11 þúsund
minnir mig.“
- Hvað þarf að Iæra til að geta
smíðað úr plasti, plastsmíði?
„Læra, það veit ég ekki. Ég er
bara bóndi. Ég bý hér 15 kíló-
metra í burtu og er með 300
kindur. Þetta er ekkert mál, það
eru svo góðir vegir á milli. Ég er
enga stund að skjótast þetta.
HB ■________________________
Óskar Sigurfinnsson verkstjóri hjá Trcfjaplasti: Það er aldrei dauður tími
hjá okkur.
11» M W% ■ W
„VIC i erum i Dpnn ium“
fym r nýjung
- segir Óskar Sigurfinnsson verkstjóri hjá
Trefjaplasti h.f. á Blönduósi