Dagur - 11.03.1985, Blaðsíða 5

11. mars 1985 - DAGUR - 5
Stefán Vilhjálmsson:
Miskunnarlaus
áróður?
Það vakti nokkra athygli er Valur
Arnþórsson, kaupfélagsstjóri
Kaupfélags Eyfirðinga, lýsti yfir
þeirri skoðun sinni að Verðlags-
stofnun og Neytendasamtökin
hafi rekið „miskunnarlausan
áróður" gegn litlum matvöru-
verslunum (hverfabúðum). (Sjá
Dag 27.2. ’85.) Þarna er líka þungt
að orði kveðið. Ég fæ ekki séð að
verðlagsyfirvöldum eða Neyt-
endasamtökunum verði kennt
um þá þróun í verslunarmálum
sem leitt hefur til erfiðrar stöðu
minni verslana. Hvorki Verðlags-
stofnun né Neytendasamtökin
fundu upp stórmarkaði og kjör-
markaðsverð fremur en Valur
Arnþórsson. Uppgangur slíkra
stórverslana á væntanlega rót
sína að rekja bæði til þeirrar við-
leitni fyrirtækjanna að auka hag-
kvæmni í rekstri og óska kaup-
enda (neytenda) um sem lægst
vöruverð.
Verðkannanir leiða einungis í
ljós afleiðingar þessarar þróunar
og staðfesta í stórum dráttum
það sem fyrirtækin hafa að mark-
miði, að verð í stórmörkuðum er
að jafnaði u.þ.b. 10-15% lægra
en í almennum hverfaverslunum.
Þetta get ég ekki fallist á að sé
„miskunnarlaus áróður“. Það
mætti þá að sama skapi og jafnvel
miklu fremur telja allar auglýs-
ingar Kaupfélags Eyfirðinga um
kjörmarkaðsverð „miskunnar-
lausan áróður“ gegn eigin versl-
unum, sem minni eru £ sniðum.
Með framansögðu er ég ekki
að gera lítið úr erfiðleikum
Kaupfélags Eyfirðinga og annarra
sem reka litlar hverfaverslanir
eða verslanir á minni stöðum.
Enn síður geri ég lítið úr þjón-
ustu slíkra búða og félagslegu
hlutverki. Það gerir enginn, sem
býr í nágrenni Hlíðargötuútibús-
ins sáluga og veit hvaða þýðingu
það hafði fyrir fólkið í hverfinu.
Mér finnst einfaldlega ekki rétt
að ætla að kenna verðkönnunum
að stórum hluta um erfiðleika
þessara verslana.
Fjöldi neytenda - hvort sem
þeir eru félagar í Neytendasam-
tökunum eða ekki - hafa sýnt
verðkönnunum mikinn áhuga.
Þetta hefur hvatt okkur, sem
störfum í stjórn Neytendafélags
Akureyrar og nágrennis, til þess
að halda slíkum könnunum gang-
andi. Við gerum okkur hins veg-
ar grein fyrir því að ýmsir minni-
hlutahópar fólks geta ekki nýtt
sér hagkvæmni stórmarkaða.
Fyrir hagsmunum þessa fólks
hafa Neytendasamtökin ekki bar-
ist beinlínis, það er rétt.
Ég hygg að aðalatriðið sé, áð
það fólk sem nýtur þjónustu
lítilla verslana geri sér grein fyrir
þýðingu hennar og sýni það í
verki, þ.e. með viðskiptum. Um
þetta erum við Valur Arnþórsson
sammála. Hann á hins vegar eftir
að sannfæra mig um það, að við-
skiptavinir Hlíðargötu 11 hafi
ekki sýnt hug sinn nægilega í
verki. En þetta átti ekki að vera
grein um þá búð sérstaklega.
Stefán Vilhjálmsson.
tinkasamKvæmi
Köld borð
Heitur veislumatur
Erum farnir að taka
á móti pöntunum
fyrir fermingar.
Sími22600
Júnfus heima 24599
SPENNUM
BELTIN
sjálfra
okkar
vegna!

Firmakeppni
í innanhúss-
knattspyrnu.
Knattspyrnuráð Akureyrar gengst fyrir firma->
keppni í innanhússknattspyrnu 16. og 17. mars.
Óheimilt er að fyrirtæki sameinist um lið í keppn-
ina.
Þátttökutilkynning, ásamt nafnalista þeirra er þátt
taka, verður að berast staðfestur af yfirmanni. Á
það skal bent að miðað er við launaskrá fyrirtækis
1. febrúar sl.
Þátttökulistum, ásamt 3.000 kr. þátttökugjaldi
skal skilað til Sveins Björnssonar Plastiðjunni
Bjargi, fyrir kl. 18.00 miðvikudaginn 13. mars
1985.
K.R.A.

Viðtalstímar
bæjarfulltrúa
Miðvikudaginn 13. mars nk. verða bæjarfulltrú-
arnir Úlfhildur Rögnvaldsdóttir og Freyr Ófeigs-
son til viðtals í fundarstofu bæjarráðs, Geislagötu
9, 2. hæð kl. 20-22.
Bæjarstjóri.
Notíð páskana og skjótist til
heimsborgarinnar LONDON
Gisting á Hótel Cumberland
með morgunverði.
Hagstætt verð.
Leitið upplýsinga.