Dagur - 11.03.1985, Blaðsíða 9

11. mars 1985 - DAGUR - 9
Aðalfundir Loðdýraræktarfélags Eyjafjarðar:
Mikilvægt að allar búgreinar
sitji við sama borð
Aðalfundur Loðdýraræktarfé-
lags Eyjafjarðar var haldinn
sunnudaginn 24. febrúar. A
undan aðalfundi var sýning á
minka- og refaskinnum og
veitt voru verðlaun fyrir bestu
skinnin á félagssvæðinu. Dala-
læða í Svarfaðardal fékk fyrstu
verðlaun fyrir besta refaskinn-
ið, í öðru sæti varð félagsbúið
á Lómatjörn og í því þriðja
Þorsteinn Aðalsteinsson á
Böggvistöðum. Grávara á
Grenivík hlaut fyrstu verðlaun
fyrir besta minkaskinnið, Þor-
steinn á Böggvistöðum önnur
og þau þriðju hlaut Grávara.
Nokkrar ályktanir voru sam-
þykktar á fundinum, sú fyrsta
þess efnis að aðalfundurinn fól
stjórn félagsins að vinna að því
að sett verði á stofn og rekið kyn-
bóta- og sóttkvíabú á félagssvæð-
inu, sem rekið verði á félags-
legum grunni. Einnig fól aðal-
fundurinn stjórninni að sækja um
inngöngu í Búnaðarsamband
Eyjafjarðar með fullum réttind-
um og að unnið verði að skipu-
lagsbreytingum innan B.S.E. og
hagsmunasamtaka bænda þannig
að allar búgreinar sitji við sama
borð.
Formaður Loðdýraræktunar-
félags Eyjafjarðar er Arvid Kro
Lómatjörn. í ræðu er Arvid hélt
á fundinum kom hann inn á ýmis
mál er efst eru á baugi hjá loð-
dýrabændum og voru þau rædd á
fundinum. Um fóðurframleiðslu
og fóðurmál sagði Arvid að
mikilvægt væri að loðdýrabænd-
ur, stórir sem smáir stæðu saman
um rekstur Fóðurstöðvarinnar á
Dalvík. Þá sagði hann að kyn-
bætur og innflutningur ættu eftir
að verða aðalmál loðdýrabænda
í framtíðinni og hvatti til að
stofnað yrði kynbóta- og sótt-
kvíabú á félagssvæðinu, annars
ættu bændur á hættu að verða
undir samanborið við nágranna-
þjóðirnar. Arvid kom inn á leið-
beiningaþjónustu og fræðslustarf
og lagði á það áherslu að menn
ættu ekki að byggja allt á ráðu-
Frá sýningu loðdýrabænda á Hótel KEA.
nautum og fræðimönnum heldur
hugsa um að mennta sig sjálfir.
Nefndi hann að skinnaflokkun-
arnámskeið er haldið var í janúar
síðastliðnum hefði verið gott og
gagnlegt og sagðist vona að fram-
hald yrði þar á. í ræðu sinni sagði
Arvid að hann væri enn sann-
færðari en áður um að núverandi
kerfi í landbúnaði væri úrelt.
„Nær allir fulltrúar og stjórnar-
menn í öllum ráðum og nefndum
landbúnaðarins eru úr hinum
hefðbundnu búgreinum þó störf
viðkomandi ráða og nefnda eigi
að ná yfir svokallaðar aukabú-
greinar líka og vil ég nefna Stofn-
lánadeild landbúnaðarins í því
sambandi. Mig langar til að koma
hér á framfæri nokkuð róttækri
hugmynd að breytingu sem ég
mundi leggja til að yrði fram-
kvæmd ef ég stjórnaði landbún-
aðinum á íslandi. Hún er sú að
Stéttarsamband bænda, Búnað-
arfélag íslands, búnaðarsam-
böndin, Rannsóknastofnun
landbúnaðarins, Stofnlánadeild
landbúnaðarins og öll tilrauna-
bú í landbúnaði yrðu lögð niður
í núverandi mynd, en þess í stað
kæmi nýtt stéttarsamband allra
búgreina þar sem formenn allra
landssambanda mynduðu með
sér stjórn og notfærðu sér fram-
lög frá landbúnaðarráðuneytinu,
sem skiluðu sér beint til hverrar
búgreinar fyrir sig. Síðan hefðu
búgreinarnar samvinnu um ýmis
verkefni og kannski sameiginlegt
húsnæði, en stjórn hverrar bú-
greinar um sig mundi ákveða
hvaða rannsóknir yrðu gerðar,
hvernig leiðbeinmgaþjónustu
skyldi hagað og annað slíkt.“
Síðar í ræðu sinni sagði Arvid:
„Mér finnst rangt að bændur
sérstakra búgreina rísi upp og
vilji draga sig út úr bændastétt-
inni, en mér finnst líka óréttlátt
að kúa- og sauðfjárbændur
stjórni öllu.“ - mþþ
Vorum að taka
X—
'f —1 - 1
■’f TÍ
•*> «••••• 4 4'
■Toggínggallar og stakkar
á dömur
og herra.
SÍMI
(96)21400