Dagur - 29.04.1985, Blaðsíða 2

2 - DAGUR - 29. apríl 1985
Ætlarðu að taka
þátt í hátíðahöld-
um 1. maí?
Anna Björk:
Ég býst ekki við því.
Valdimar Hafsteinsson:
Já, ég býst fastlega við því, ég
hlusta að minnsta kosti á eina
ræðu eða svo.
Steingrímur Kárason:
Nei, ég hef engan áhuga á því.
Björn Þorláksson:
Pólitísk viðrini sofa út ef eng-
inn er skólinn.
Rætt við Ólaf
Hauk Símonarson
rithöfund en
LA frumsýndi í
gær leikrit
hans „Kötturinn
sem fer sínar
eigin leiðir“
„Það má segja að þetta sé
ævintýraleikur,“ sagði Ólafur
Haukur Símonarson rithöf-
undur þegar við spjölluðum
við hann fyrir helgi, um nýja
barnaleikritið hans, Kötturinn
sem fer sínar eigin leiðir, en
það var frumsýnt í Samkomu-
húsinu á Akureyri í gær. Leik-
dómur um það er á öðrum stað
í blaðinu.
„Þetta leikrit byggir á ævintýri
eftir Rudyard Kipling, ég fékk
hugmyndina úr þessu ævintýri og
jók aðeins í það. Það er fullt af
söng í þessu leikriti, líklega um
9-10 söngiög, og samdi ég bæði
tónlist og texta. Tónlistin er öll
leikin inn á segulband af Gunnari
Þórðarsyni og söngvarar syngja
eftir segulbandsupptökunni.
Lögin? Það má kalla, að þau séu
eínhverskonar millistig vísna og
dægurtónlistar.“
- Þetta er barnaleikrit?
„Það á að vera við hæfi allrar
Ólafur Haukur Símonarson
„Böm em vandfýsnir áhorfendur“
fjölskyldunnar, og leikhúsið aug-
lýsir það sem fjölskylduleik og ég
freistast til að trúa að svo sé. A
barnaleikritum er líka yfirleitt
um helmingur áhorfenda börn og
hinn helmingurinn eru foreldr-
ar.“
- Þú hefur töluvert gert af því
að semja fyrir börn?
„Já, ég hef gert talsvert af því,
ég hef þýtt og skrifað barnabæk-
ur og einnig komið nálægt plötu-
gerð þar sem lög og textar eru
fyrir börn. Ég verð að segja það
að börn eru vandfýsnir áhorfend-
ur, það þýðir ekki að bjóða þeim
eitthvað heimskulegra en full-
orðnu fólki er boðið upp á. Efni
sem er gott fyrir börn er líka gott
fyrir fullorðna og öfugt.“
- Um hvað fjallar ævintýrið
um köttinn sem fer sínar eigin
leiðir?
„Sagan segir frá því hvernig
villtu dýrin í skóginum verða að
húsdýrum.
Það er konan sem kemur inn í
skóginn, en þar er karlinn og eitt
af hinum villtu dýrum og kona
þessi færir með sér siðmenning-
una. Henni tekst að Iaða að sér
öll dýrin nema köttinn, en eins og
menn vita vill hann fara sínar eig-
in leiðir. Samt sem áður vill hann
njóta afurða menningarinnar,
hann vill koma inn í hlýjuna í
hellinum og hann vill mjólkina.
En hann vill ekki með nokkru
móti gefa eftir frelsi sitt og þá
kemur upp togstreita. En allt end-
ar þó vel eins og í alvöru ævintýr-
um, það tekst samkomulag með
kettinum og konunni. Kötturinn
tekur að sér ýmsar skyldur, eins
og að veiða mýsnar og hann gætir
barnsins þegar það fer að orga og
í staðinn fær kötturinn að vera í
hlýjunni og hann fær mjólk.“
- Hefur þú skrifað þetta leikrit
nú í vetur?
„Já, ég hef haft vetursetu hér
á Akureyri og skrifaði þetta verk
hér. Það var leikfélagið sem bað
mig um að skrifa fyrir þá barna-
leikrit og þetta er afraksturinn,“
- Þú ert afkastamikill leikrita-
höfundur, Húsvíkingar hafa leik-
ið Ástin sigrar eftir þig í vetur?
„Ég gekk frá því verki í haust
fyrir Húsvíkingana og nú er byrj-
að að æfa það verk í Iðnó. Ég
geri á því smábreytingar svo það
henti betur til sýninga þar. Það er
mjög skemmtilegt að áhuga-
mannaleikhús úti á landi frum-
sýni nýtt íslenskt verk sem fer svo
á fjalirnar fyrir sunnan. Það sýnir
bara hvers megnug bestu áhuga-
mannaleikhúsin erq, en léikfélag-
ið á Húsavík er ákaflega gott
félag að mínum dómi og það á
sér víðtækan stuðning í bænum
og það skiptir ekki svo litlu
máli.“
- Skrifaðir þú Ástina fyrir
Húsvíkinga?
„Þeir höfðu af því spurnir að
ég væri að skrifa leikrit og spurðu
hvort þeir mættu frumsýna það
sem var auðsótt mál.“
- Að hverju vinnur þú í
augnablikinu?
„Ég er að ganga frá þýðingu á
þriðju bókinni um Buster eftir
Origon Morthensen, en hann er
þekktur og virtur barnabóka-
höfundur í Danmörku, sumir
vilja kalla hann arftaka H.C.
Andersen." -mþþ
Hver
hvað
Gæsluvellirnir:
er ábvrgur ef eitt-
alvarfegt hendir?
Spurning til forsvarsmanna
gæsluvalla Akureyrarbæjar:
Hversu mörgum börnum er
hverri gæslukonu ætlað að sinna?
Ef 70-80 börn eru inni á svona
velli og 3 gæslukonum ætlað að
sinna þeim, kannski flestum á
aldrinum 2-4ra ára, hver væri þá
ábyrgur ef eitthvað alvarlegt
henti? Nú held ég að fóstrur og
aðrar þær sem gæta barna á
barnaheimilum og leikskólum,
svo og dagmæður hafi ákveðinn
fjölda barna til að sjá um. Gilda
ekki sömu reglur fyrir lokaða
gæsluvelli?
Ég vonast til að fá forvitni
minni svalað.
Amma sem vill góða gæslu.
Svar:
Jón B. Árnason forstöðumaður
gæsluvalla á Akureyri sagði að
engar ákveðnar reglur væru til
um þetta, á gæsluvöllum er önnur
viðmiðun höfð til grundvallar
heldur en á dagheimilum, þar
sem um gæslu úti er að ræða, en
miðað væri við 25 börn á hverja
gæslukonu. Sagði Jón að aðsókn
á gæsluvelli væri rokkandi, það
færi eftir veðri hversu mörg börn
væru á völlunum hverju sinni.
Þegar gott er veður gæti barna-
hópurinn verið 70 til 80 og væri
þá oft gripið til þess að hafa
vinnuskólastelpur með gæslu-
konunum. Einnig sagði Jón að
dreifing á gæsluvelli bæjarins
væri misjöfn, sumir væru alltaf
fullir, en aðrir ekki. Taldi hann
æskilegast að dreifing væri jafn-
ari, það kæmi öllum til góða,
ekki síst börnunum. Sagði Jón
það spurningu hvort grípa ætti til
þess að takmarka fjölda barna á
hverjum velli, en slíkt hefur ekki
enn verið gert.
Um það hver bæri ábyrgð ef
eitthvað alvarlegt henti á gæslu-
velli sagðist Jón gera ráð fyrir að
það væri bærinn. Hins vegar
hefði slíkt enn ekki hent, oftast
væri um minni háttar slys að
ræða, enda væri leitast við að
hafa ekki tæki á gæsluvöllum sem
geta valdið slysum.