Dagur - 02.10.1985, Blaðsíða 5

2. október 1985 - DAGUR - 5
_orð í belg:
Embætti kirkjunnar em ekki
valdastöður heldur þjónustustörf
Rúnar Kristjánsson ritar grein
um Hólamál í Dag fyrir nokkru
og er mikið niðri fyrir. Hann
svarar í Degi grein sem skrifuð
var í Feyki vegna þess að ritstjóri
Feykis vildi ekki birta níðskrif
um mæta kirkjunnar menn fyrir
hálfu þriðja ári. Það er hans mál.
En vegna lesenda Dags vil ég rita
nokkur orð um málið í það ágæta
blað.
Ég hygg að fæstir lesenda þess
hafi séð grein mína í Feyki um
Hólamál og biskupsstól. Þar
lagði ég áherslu á það að kirkjan
þyrfti á aukinni yfirstjórn að
halda. Hún þyrfti ekki biskupa
vegna sögunnar eða Hóla og
Skálholts, heldur vegna nútíðar
og framtíðar. Þess vegna hafa
Prestastefna íslands, kirkjuþing
og margir aðilar aðrir lýst áhuga
sínum á því að koma því nauð-
synjamáli fram. Breyttir starfs-
hættir og fjölbreytt starf kirkj-
unnar kalla á aukna yfirstjórn.
Biskup landsins er svo störfum
hlaðinn að það er beinlínis var-
hugavert heilsu hraustustu
manna að hafa embættið á hendi.
Biskup stýrir öllum helstu
nefndum og ráðum kirkjunnar.
Hann stýrir og mótar stefnu
kirkjunnar í landinu og kemur
fram fyrir hennar hönd við fjöl-
mörg tækifæri. Auk þess er hann
hirðir presta sinna og sálusorgari.
Hann heimsækir söfnuði landsins
og hefur á hendi samskipti Þjóð-
kirkju íslands við kirkjur annarra
landa. í fjölþættu þjóðfélagi á
umbrotatímum er þetta mikið
hlutverk og mikið ábyrgðarstarf.
Þeirri ábyrgð og fjölþættu hlut-
verki vill hann sjálfur dreifa og
nýta þá menn, sem nú hafa bisk-
upsnafnbót án þess að hafa hlut-
verk sem biskupar og forystu-
menn í starfi kirkjunnar. Bisk-
upsembætti er ekki heiðurssæti
heldur þjónustustarf. Þegar nú-
verandi biskup hlaut kosningu til
embættis biskups íslands kvaðst
hann taka við því í auðmýkt fyrir
Drottni sínum og starfa eftir
bestu getu. Þannig hefur hann
starfað, bæði vel og mikið.
Embætti innan kirkjunnar eru
ekki valdastöður heldur þjón-
ustustörf, enda er orðið embætti
leitt af orðinu ambátt. Ég skil
ekki sjónarmið þeirra, sem telja
kirkjuna valdastofnun og gruna
hana um undirferli og slægð.
Slíkir menn hljóta að horfa á eitt-
hvað annað en það sem kirkjan
er og gerir í þjóðfélagi samtím-
ans.
Það má grípa sögur og dæmi
frá liðnum öldum um misfellur og
misskilning einstakra kirkjunnar
manna á hlutverki sínu. Kirkjan
er svo sem ekki fullkomin stofn-
un fremur en aðrar er mennirnir
stjórna, en það er undarleg stað-
hæfing að telja hana sitja á svik-
ráðum við alþýðu þessa lands.
Rúnar virðist ekki vita, að kirkj-
an er langfjölmennasti félags-
skapur á íslandi. Hún er samfé-
lag þess fólks, sem hefur kosið að
ganga lífsveginn sinn í fylgd með
Jesú Kristi og vill hafa orð hans
og sakramenti að leiðarljósi og
þiggja biessun hans yfir sig og
sína. Mér þykir það undrun sæta
hverja reynslu Rúnar telur sig
hafa af kirkjunni og trúi því ekki
við svo búið að kirkjan eða þjón-
ar hennar hafi komið illa fram við
hann.
Þjóðkirkjan er stofnuð á ís-
landi með lögurn og starfar sam-
kvæmt lögum sem þjóðkjörnir
fulltrúar og rétt stjórnvöld setja
og framfylgja. Sum núgildandi
laga hafa ekki lengur gildi og því
vill kirkjan fá samþykkt nýtt
frumvarp um starfsmenn sína,
sem tekur mið af nútímanum og
starfi kirkjunnar fyrir nútíð og
næstu framtíð. Með því vill kirkj-
an ná betra skipulagi á starfsemi
sína. Ég á ekki von á því að hugs-
andi menn séu Rúnari sammála í
þeirri von hans að kirkjunni verði
ekki gert kleift að skipa sínum
málum með tilliti til samtímans.
Það er blátt áfram hlægilegt ef
menn vilja hneppa kirkjuna í
viðjar úreltra laga og úthrópa
hana svo sem nátttröll, sem dag-
að hafi uppi þegar ljós nýs tíma
rann upp. Allir hljóta að sjá, að
það er ekki kirkjan, sem er að
beita slægð heldur þeir, sem vilja
koma á hana höggi með þeim illa
dulbúnu ráðum.
Mér og öðrum kirkjunnar
þjónum er það vel ljóst að margt
má betur gera og að því er stefnt,
m.a. með áðurnefndu starfs-
mannafrumvarpi, sem liggur fyr-
ir Alþingi í haust. Þjóðin þarf á
því að halda að kirkjan starfi af
fullum krafti og ég er þess fullviss
að mikill meirihluti þjóðarinnar
vill að kirkjunni verði búnar betri
aðstæður til þess að sinna sínu
mikilvæga hlutverki heldur en nú
er.
Að endingu tek ég það fram til
að forðast misskilning, að mig
langar ekki til að verða biskup.
En miðað við það innræti, sem
Rúnar ætlar mér sem þjóni kirkj-
unnar þá má hann fara að vara
sig ef ég verð páfi.
í Guðs friði,
Hjálmar Jónsson,
prófastur á Sauðárkróki.
Uesendahorniá
Við læstar dyr á Vatnahjalla
Kristinn Einarsson:
Ferðalög um hálendi íslands fær-
ast nú mjög í vöxt, og má raunar
tala um byltingu í þeim efnum að
vetrarlagi með tilkomu vélsleð-
anna. Þessari auknu umferð fylg-
ir vissulega slysahætta, og hefur
raunar oft skoílið hurð nærri hæl-
um á síðustu árum, þá einkum í
vélsleðaferðum. Raunar er allra
veðra von á hálendinu jafnt að
sumri sem vetri, sá sem þessar
línur ritar hefur lent þar í byl og
orðið veðurtepptur svo dögum
skipti bæði í júlí og í ágúst. Það
er svo háð bæði reynslu, útbún-
aði, viljastyrk og heppni, hvern-
ig gengur að komast úr vandræð-
um af völdum veðurs eða annarra
atvika.
Það er vissulega eitt af mikil-
vægustu öryggisatriðum í kjölfar
þessarar auknu ferðamennsku,
að bæði félög og einstaklingar
hafa reist sér kofa allvíða til
fjalla. Upp geta komið slík atvik
og gert slík veður á öllum árs-
tímum, að það skipti máli um líf
eða dauða, hvort hægt er að
komast í skjól.
Mér brá því ónotalega, þegar
ég átti erindi um Vatnahjallaveg
nú síðsumars, elstu bílfæru leið
úr Eyjafirði upp á hálendið, að
koma þar að mjög nýlegum skála
harðlæstum. Nafn skálans,
Bergbær, er sem stendur tákn-
rænt fyrir fleira en umhverfið.
Nýjabæjarfjall og Nýjabæjarafrétt
eru ekki þekkt fyrir góðviðri og
ekki er heldur fjölfarið um Urð-
arvötn.
Vissulega er það réttmætt að
menn reyni að hirða um eigur
sínar og halda óviðkomandi frá
þeim. En á hitt ber einnig að líta,
að með því að reisa sér skála í
veðravíti á borð við Urðarvötn í
tæplega 900 metra hæð yfir sjó,
þá hafa þeir um leið tekist á
hendur ábyrgð. Þessi ábyrgð hef-
ur hingað til verið látin sitja í
fyrirrúmi fyrir eignarréttinum
þegar á öræfin er komið. Alla
vega er þetta í fyrsta skipti á
sautján ára ferðalögum víða um
hálendið, sem ég kem að þannig
læstum fjallaskála að ekki verði
komist í skjól.
Það er raunar athugandi fyrir
hreppsnefndir, sem samkvæmt
skipulagslögum eiga að leggja
blessun sína yfir byggingu húsa í
byggð jafnt sem á fjöllum, að
gera það að skilyrði fyrir leyf-
isveitingu til fjallaskála, að þar sé
mönnum opið skjól hvenær sem
er, þó ekki væri meira en í for-
dyri. Jafnframt langar mig til þess
að biðja eigendur Bergbæjar við
Urðarvötn um að velta fyrir sér,
hvernig tilfinning fylgdi því, ef
menn yrðu úti þar á þrepskildin-
um.
„Ungir og aldnir eiga
að geta talast við“
Einar frá Hermundarfelli lát-
inn hætta hjá útvarpinu.
Ungir og aldnir eiga að geta
talast við, segir Jónas Jónasson
forstöðumaður RÚVAK (Þjóðv.
24/g)
En það er einmitt það sem Ein-
ari frá Hermundarfelli hefur tek-
ist meistaralega með frábærum
þáttum sínum og ágætum upples-
urum.
Undarleg ósköp að leyfa ekki
útvarpshlustendum á öllum aldri
að njóta áfram fræðslu hans og
listar meðan dagur er. P.J.
NUDD-OG GUFUBAÐSTOFAN
SÓLSTOFA
Tungusíðu 6, Akureyri
auglýsir breytta tíma
frá og með 1. október
Konur Karlar
Sunnudagur 9.00-13.00
Mánudagur 8.00-17.00 17.00-23.00
Þriðjudagur 13.00-23.00
Miðvikudagur 8.00-17.00 17.00-23.00
Fimmtudagur 8.00-23.00
Föstudagur 8.00-17.00 17.00-23.00
Laugardagur 9.00-19.00
Þingeyingar - Þingeyingar
Stórckmsleikur
í Ýdölum laugardaginn 5. október frá kl. 23-03.
Hljómsveit Pálma Stefánssonar.
ÝDALIR.
Ongulsstaðahreppur
Hrossasmölun í Öngulsstaðahreppi er ákveðin
laugardaginn 5. október nk.
Réttað verður í Þverárrétt sunnudaginn 6. október kl. 1
e.h. Eigendum utansveitarhrossa er gert að greiða kr.
200 í fjallskilasjóð öngulsstaðahrepps fyrir hvert hross.
Það skal tekið fram að ekki er heimilt að sleppa utan-
sveitarhrossum í ógirt heimalönd eða á afrétt eftir
að hrossasmölun hefur farið fram.
Oddviti.
Á AKUREYRI
Almerrn námskeið
Myndlistaskólans á Akureyri
3. október til 23. janúar
Teiknun og málun fyrir börn og unglinga
1. fl. 5 og 6 ára. Einu sinni í viku.
2. fl. 6 og 7 ára. Einu sinni í viku.
3. fl. 8-10 ára. Einu sinni í viku.
4. fl. 10-12 ára. Einu sinni í viku.
5. fl. 13-15 ára. Einu sinni I viku.
Teiknun og málun fyrir fullorðna
Byrjendanámskeið I. Tvisvar í viku.
Byrjendanámskeið II. Tvisvar í viku.
Framhaldsnámskeið I. Tvisvar í viku
Framhaldsnámskeið II. Tvisvar í viku.
Myndlistardeild I. Tvisvar í viku.
Myndlistardeild II. Tvisvar I viku.
Skrift og leturgerð
Byrjendanámskeið I. Tvisvar í viku.
Byrjendanámskeið II. Tvisvar í viku.
Módelteiknun
Byrjendanámskeið. Tvisvar í viku.
Framhaldsnámskeið. Tvisvar í viku.
Byggingarlist
Byrjendanámskeið. Tvisvar í viku.
Auglýsingagerð
Byrjendanámskeið. Tvisvar í viku.
Allar nánari upplýsingar og innritun í síma 24958
virka daga kl. 13.00-18.00.
Skóiastjóri.