Dagur - 03.10.1985, Qupperneq 9

3. október 1985 - DAGUR - 9
___íþróttic
Umsjón: Kristján Kristjánsson
KA-menn komust
lítt áleiðis gegn
sterkri vörn Vals
- Valur sigraði KA með 20 mörkum gegn 18
„Ég er þrælsvekktur yfir þessu,
við hefðum alveg getað unnið
þetta Uð á góðum degi, en á
meðan strákarnir klúðra
hverju dauðafærinu á fætur
öðru er ekki von að vel fari,“
sagði Hermann Haraldsson
Uðsstjóri KA í handbolta eftir
leikinn gegn Val. „En hvað
sem þessum leik líður þá stefn-
um við hátt í vetur, það býr
nóg í þessu liði til þess, þó það
sé ungt,“ sagði Hermann einn-
>g-
Það er vægt til orða tekið að
segja að það hafi verið farið að
fara um hina fjölmörgu áhorf-
endur sem mættu í Höllina, því
það var ekki fyrr en liðnar voru
14 mínútur af leiknum að KA
skoraði sitt fyrsta mark. Var þar
að verki Hafþór Heimisson, en
áður hafði Ellert markvörður
Vals varið víti frá Jóni Kristjáns-
syni, en Valsmenn höfðu nýtt sín
færi fram að þessu og voru búnir
að skora 5 mörk. Strax á 16. mín-
útu fengu KA-menn annað víti
sem Sigurður Pálsson skoraði úr
og staðan 5:2 Val í vil.
Guðmundur fiskaði enn eitt
vítið á 17. mínútu, en hann hafði
einnig fiskað hin tvö er áður er
getið, en Ellert markvörður Vals
gerði sér lítið fyrir og varði frá
Sigurði. KA-menn náðu þó að
halda í við Valsmenn fram að
hálfleik en þá var staðan 11:8 Val
í vil.
Liðin hófu bæði seinni hálfleik
á því að skora mörk úr vítum,
fyrst Jón fyrir KA og síðan Valdi-
mar fyrir Val. KA-menn fengu
fullt af færum til að skora á næstu
mínútum og voru bæði einum og
tveimur mönnum fleiri en það
virtist ekki duga, þeir brenndu
hverju dauðafærinu af öðru, og
Valsmenn breyttu stöðunni í
15:9. Þá brenndu KA-menn enn
einu vítinu er Ellert varði öðru
sinni frá Jóni Kristjánssyni. KA-
menn náðu þó að skora 10 mörk
á móti 5 mörkum Vals í restina,
en það dugði bara ekki til, og
skoraði Sigurður Pálsson 5 af
þessum 10 mörkum KA. Loka-
staðan því Valur 20, KA 18.
Það sem varð KA að falli öðru
fremur í þessum leik var hversu
miklir endemis klaufar þeir voru
í stöðunni einn á móti markverði,
en þeir létu Ellert markvörð
verja frá sér í hverju dauðafærinu
af öðru. Þá virkaði Valsvörnin
mjög sterk í þessum leik og kom-
ust KA-menn lítt áleiðis gegn
henni.
Bestir í liði KA voru þeir Guð-
mundur Guðmundsson sem hef-
ur byrjað mjög vel í vetur og
Sigmar Þröstur markvörður.
Hjá Val bar Ellert markvörður
af annars nokkuð jöfnu og heil-
steyptu liði.
Mörk KA: Sigurður P. 6 (4),
Guðmundur G. 3, Jón Kr. 3 (1),
Erlingur 2, Pétur 2, Þorleifur 1
og Hafþór 1.
Mörk Vals: Valdimar 6 (4),
Geir 4, Júlíus 4, Jakob 3, Þor-
björn G. 1, Jón Pétur 1 og Þor-
björn J. 1.
Frekar slakir dómarar voru
þeir Ólafur Haraldsson og Björn
Jóhannsson.
Hvað verður um Skautafélagið?
„Aðstöðuleysi að
drepa félagið"
- segir formaður Skautafélags Akureyrar
Skautafélag Akureyrar verður
50 ára í janúar 1987 og var það
stefnan hjá félögum í Skautafé-
laginu að þá yrði framtíðar-
svæði félagsins orðið að veru-
Ieika.
En miðað við þá meðferð sem
mál Skautafélagsins hefur fengið
hjá yfirvöldum hér í bæ eru for-
ráðamenn félagsins allt annað en
bjartsýnir á að svo verði.
Eins og formaður félagsins
Guðmundur Pétursson sagði í
samtali við Dag að þá væri félag-
ið hreinlega að lognast út af
vegna aðstöðuleysis.
„Við sitjum ekki við sama borð
og önnur íþróttafélög í bænum,
það sem við höfum reynt ítrekað
er að hafin verði undirbúnings-
vinna við hið nýja svæði fyrir vet-
urinn, en höfum ekki fengið
svar,“ sagði Guðmundur.
- Er mikill áhugi á skauta-
íþróttinni í bænum?
„Það er og hefur verið mjög
mikill áhugi á íþróttinni en við
erum alltaf að missa fólk frá okk-
ur vegna aðstöðuleysis,“ sagði
Guðmundur einnig.
íþróttaráð Akureyrar hefur
nýlega fjallað um mál Skautafé-
lagsins og beinir ráðið þeim til-
mælum til bæjarráðs að nú þegar
verði teknar upp viðræður við
Skautafélagið vegna flutnings á
svæði félagsins. Bendir ráðið á að
miklir fjármunir og mikið eigið
vinnuframlag hafi verið lagt í nú-
verandi svæði, enda var félaginu
með bréfi dagsettu 12. desember
1979 tilkynnt að núverandi svæði
félagsins væri framtíðarsvæði
þess.
Að lokum má geta þess að fái
Skautafélagið ekki bættan flutn-
inginn á tækjum félagsins þá rúlli
starfsemin yfir, því kostnaðurinn
við hann er gífurlegur.
Sigurður Pálsson skorar eitt af sex mörkum sínunt í leiknum. Mynd: KGA
Handbolti
byrjaður hjá Þór
Æfingar á vegum handknatt-
leiksdeildar Þórs, fyrir alla
aldurshópa eru hafnar fyrir
alvöru og eru sem hér segir:
6. flokkur er með æfingar á
þriðjudögum kl. 17-18 og
sunnudögum kl. 10.30-11.30 í
Glerárskóla.
5. flokkur á þriðjudögum kl.
19-20, á fimmtudögum kl.
19-20 og á sunnudögum kl.
11.30-12.30 í Glerárskóla.
4. flokkur á þriðjudögum kl.
18-19 í Skemmunni, á sunnudög-
dögum kl. 18-19 og sunnudög-
um kl. 12.30-13.30 í Glerár-
skóla.
3. flokkur á þriðjudögum kl.
19-20.15 í Höllinni, á fimmtu-
dögum kl. 19-20 og á föstudög-
um kl. 17-18 í Skemmunni.
3. flokkur kv. á þriðjudögum
kl. 17-18 og sunnudögum kl.
9.30-10.30 í Glerárskóla.
2. flokkur kv. á miðvikudög-
um kl. 21-22 í Skemmunni og á
fimmtudögum kl. 20-21 í Gler-
árskóla.
Meistaraflokkur karla á
mánudögum kl. 19-20.30 í
Skemmunni, á þriðjudögum kl.
20.15-21.30 og á fimmtudögum
kl. 20.30-22 í Höllinni.
Eru allir Þórsarar er áhuga
hafa á handbolta hvattir til að
mæta.
Jónas Róbertsson þjálfar yngri
flokkana í vetur.
Knattspyrna
hjá Þór
Æfingar á vegum Knattspyrnu-
deildar Þórs í vetur verða sem
hér segir:
6. fl. á mánudögum kl. 17-18
í Glerárskóla. 5. fl. á sunnudög-
um kl. 15.15-16.15 í Glerárskóla.
4. fl. á sunnudögum kl. 16.15-
17.30 í Glerárskóla. 3. fl. á
sunnudögum kl. 15-16 í Höllinni.
2. fl. á miðvikudögum kl. 22-23 í
Glerárskóla.
Yngri fl. kv. á sunnudögum kl.
14.15-15.15 í Glerárskóla.
Meistarafl. karla á miðvikudög-
um kl. 21-22 í Glerárskóla og á
sunnudögum kl. 14-15 í Höllinni.
Eru allir áhugamenn hvattir til
að mæta.