Dagur - 06.11.1985, Blaðsíða 11

6. nóvember 1985 - DAGUR - 11
„Snúum vöm í sókn“
Þessi tekjuöflunarleiö væri að
sjálfsögðu ekki möguleg, ef ekki
væri búið að safna í þekkingar-
sjóð í formi náttúrugripa, ljós-
mynda, handrita, bóka, korta og
annarra heimilda, sem hægt er að
nota við þessa vinnu. Einnig
verður viss rannsóknaaðstaða að
vera fyrir hendi og tækjakostur.
5. Það samhengi fræða og
fræðslu (eða þekkingaröflunar og
þekkingarmiðlunar), sem hér var
minnst á, er annars höfuðein-
kenni háskóla, sem oftast hafa
vaxið upp úr einhvers konar
rannsókna- eða fræðastofnunum,
og eiga því lítið skylt við venju-
lega skóla, sem aðeins matreiða
þekkingu.
Þannig hafa söfn víða orðið
upphaf háskóla, og má nefna t.d.
háskólann í Bergen, Þrándheimi
og Tromsey í Noregi, sem allir
hafa vaxið upp úr safnstofnun-
um.
Þar sem Náttúrugripasafnið er
ein af örfáum stofnunum hér á
Akureyri (og raunar utan
Reykjavíkur) þar sem rannsóknir
eru stundaðar að einhverju
marki, og markviss heimilda-
söfnun hefur farið fram um ára-
tuga skeið, er ljóst að það er ein
helsta undirstaða fyrirhugaðst há-
skóla á Akureyri. (Það er því
undarleg skammsýni að ræða um
að leggja rannsóknastarf safnsins
niður á sama tíma og óskað er
eftir því að hér verði komið á fót
háskólakennslu.)
6. Náttúrugripasafnið á Akur-
eyri hefur fyrir allnokkrum árum
hlotið almenna viðurkenningu,
sem vísindaleg rannsóknastofnun
í náttúrufræði, bæði innanlands
og á alþjóðlegum vettvangi.
Kemur þetta m.a. fram í því, að
síðan 1978 hefur Rannsóknaráð
ríkisins birt útdrátt úr starfs-
skýrslu safnsins í Ársskýrslum
sinum. Þá hafa safninu verið falin
vandasöm verkefni við náttúru-
farskönnun vegna ýmissa stór-
framkvæmda á Norðurlandi, og
hefur það fengið orð fyrir vand-
aða vinnu.
Safnið hefur nú föst samskipti
við um 150 erlendar rannsókna-
stofnanir í um 30 löndum, sem
dreifð eru urn allar heimsálfur,
með ritaskiptum, skiptum eða
lánum á náttúrugripum eða upp-
lýsingum, og til þess er leitað í
auknum mæli af innlendum og
erlendum náttúrufræðingum,
sem sumir koma hingað til lengri
eða skemmri dvalar.
Þessu fylgir að sjálfsögðu sú
skylda, að viðhalda hinum vís-
indalegu söfnum og rannsókna-
starfi sem þeim tengist.
7. í gjafabréfi stofnanda
safnsins, Jakobs Karlssonar, frá
5. apríl 1951, segist hann ekki
vilja láta skólana hafa safn sitt til
umsjónar. Verður að líta svo á,
að bærinn hafi þegið gjöf Jakobs
með þessu skilyrði, enda hefur
það aldrei komið til greina að
fela sýningarsafnið umsjá skól-
anna í bænum. Miðað við núver-
andi húsnæði skólanna hafa þeir
heldur enga möguleika á að
koma því fyrir, svo viðunandi
sé, og því síður að annast gæslu
þess eða viðhald.
Náttúrugripasafnið er nú einn
þeirra fáu staða, sem erlendum
ferðamönnum þykir ástæða til að
heimsækja hér á Akureyri, og
koma þeir þangað svo þúsundum
skiptir yfir sumarið, enda er
heimsókn á safnið orðinn fastur
liður í dagskránni hjá sumum
helstu ferðaskrifstofum landsins.
Um slíkt væri ekki að ræða ef
safngripum væri dreift í ýmsa
skóla.
Nauðsyn væri hins vegar að
tengja safnið betur skólastarfinu
Helgi Hallgrímsson.
í bænum, t.d. með því að ráða
sérstakan safnkennara, . sem
undirbyggi og sæi um skólaheim-
sóknir þangað og í önnur söfn
hér á staðnum, eins og víða er
farið að tíðkast.
8. Samtenging eða sameining
Náttúrugripasafnsins og Lysti-
garðsins, sem nú er í raun orðinn
grasafræðigarður, hefur af eðli-
legum ástæðum oft verið til um-
ræðu, sbr. nefndarskipun bæjar-
stjórnar Akureyrar 1970, sem
fyrr var getið (3. grein).
Að vísu hefur L.A. ekki stund-
að neinar sjálfstæðar rannsóknir,
en þar eru möguleikar á ýmsum
rannsóknum varðandi íslenskar
og erlendar plöntur, og bóka-
kostur nokkur tilheyrir stofnun-
inni, svo og jurtasöfn, sem
geymd eru í Náttúrugripasafn-
inu.
Þessar systurstofnanir hafa í
rauninni verið nátengdar síðan
um 1970, með sameiginlegu starfs-
fólki að hluta og sameiginlegu
húsnæði, enda er starfsemi þeirra
á ýmsan hátt náskyld. í rauninni
væri fátt því til fyrirstöðu að
stofnanir þessar sameinuðust
stjórnarfarslega, þótt það hafi
enn ekki verið talið ráðlegt.
- Síðari grein -
Ef hugmyndir safnnefndar um
nýja byggingu fyrir Náttúrugripa-
safnið í grennd við Lystigarðinn,
kæmust til framkvæmda, yrði slík
sameining eflaust talin sjálfsögð.
Einnig má benda á jarð-
skjálftamæli þann, sem hér var
settur upp í lögreglustöðinni fyrir
um 20 árum, fyrir alþjóðlegt
fjármagn, og er liður í neti slíkra
mæla, er spanna hnöttinn. Myndi
hann trúlega betur settur í slíku
safnhúsi, svo og veðurrhælingar
ýmiss konar.
9. Samtenging Náttúrugripa-
safnsins á Akureyri við Náttúru-
fræðistofnun íslands í Reykjavík
hefur einnig verið á dagskrá af og
til, og var m.a. rædd ýtarlega í
nefnd þeirri er menntamálaráð-
herra skipaði árið 1972 (sbr. 3.
grein).
Niðurstaða nefndarinnar var
þó sú, að rétt væri að viðhalda
fullu sjálfstæði landsbyggðarsafn-
anna, en koma á föstu samstarfi
þeirra við Náttúrufræðistofnun
og ákveðinni verkaskiptingu eða
sérhæfingu, enda gætu þau jafn-
framt hlotið viðurkenningu sem
rannsóknastofnanir, að vissum
skilyrðum uppfylltum, og nytu
þá verulegs styrks af opinberu
fé, bæði til bygginga og reksturs.
Geta má þess, að nú eru í upp-
siglingu lög um þjóðminjar og
minjasöfn, sem byggja á mjög
svipuðum forsendum, og verður
varla stætt á því að neita náttúru-
gripasöfnum landshlutanna um
samsvarandi fyrirgreiðslu.
Eru því allar horfur á því, að
innan tíðar hljóti Náttúrugripa-
safnið á Akureyri þá viðurkenn-
ingu ríkisvaldsins, sem því ber að
réttu og öll sanngirni mælir með.
Varst ber því að veikja að-
stöðu safnsins, með því að draga
úr hinni vísindalegu starfsemi.
Þyrfti fremur að auka hana og
bæta og leggja fram ákveðnar til-
lögur um lausn á þeim húsnæðis-
vanda sem safnið á nú við að
stríða, og háir mjög allri starf-
semi þess. Á þann hátt einan get-
um við snúið vörn í sókn, og ann-
að er naumast sæmandi höfuð-
stað Norðurlands.
Akureyri, 14. júlí 1985.
Helgi Hallgrímsson
(forstöðum.)
Samkomuvika
í félagsheimili
KFUM og KFUK
í Sunnuhlíð
3.-10. nóvember 1985.
Fjölbreyttur söngur, ræður,
fyrirbæn, vitnisburðir.
Æskulýðs- og kristniboðsefni.
Skuggamyndir.
Miðvikudagur 6. nóvember:
Ræða: Séra Lárus Halldórsson.

Fasteignasala
við Ráðhústorg
Opið kl. 13-19 virka daga.
Sími 21967.
Innbær: 5-6 herb. einbýlishús á
einni hæð ca 160 fm með tvöföldum
bílskúr. Stór verönd með sundlaug.
Skipti á minni eign kemur til greina.
Flatasíöa: Húseign með tveimur
íbúðum. Aöaleign er 5 herb. efri
hæð ca 150 fm. Innbyggöur bílskúr
og annað pláss 80 fm. Auk þess er
3 herb. íbúð sem getur verið alveg
sér.
Helgamagrastræti: Tvílyft einbýl-
ishús 300 fm gæti nýst sem tvær
íbúöir. Skipti á 4-5 herb. raðhús-
íbúð eða minni einbýlishúsi. Hús í
mjög góðu standi.
Tungusíða: 5 herb. einbýlishús
með innbyggðum bílskúr. Ibúðar-
hæðin er 147 fm. Bílskúr og annað
pláss 66 fm.
Birkilundur: 5 herb. vandað einbýl-
ishús 150 fm ásamt 32 fm bílskúr.
Bakkahlíð: 5 herb. einbýlishús 128
fm.
Eiðsvallagata: 4-5 herb. hæð yfir
skrifstofuhúsnæði 136 fm. Auk þess
stór bílskúr og mikið geymslupláss á
neðri hæö og kjallara. Hæð í mjög
góðu standi. Skipti á minni eign
kemur til greina.
Hvammshlíð: Einbýlishús, hæð og
jarðhæð. Hæðin er fokheld ásamt '
bilskúr, jarðhæð er nær fullbúin. Allt
húsið til sölu. Leitaö tilboða.
Áshlíð: 5 herb. neðri hæð i tvíbýli
ásamt bílskúr. Möguleiki á lítilli íbúð
í kjallara.
Arnarsíða: 5 herb. endaraðhús
með innbyggðum bílskúr á neðri
hæð. Skipti á 3-4ra herb. raðhúsíb-
úð eða neðri hæö möguleg. Mjög
álitleg eign.
Einholt: 5 herb. endaíbúð í 3ja
íbúða raðhúsi með innbyggðum
bílskúr, alls ca. 145 fm. Ýmis skipti
möguleg.
Grenivellir: 4ra herb. ibúð hæð og
kjallari ásamt bönduðum bílskúr.
Skipti á minni eign kemur til greina.
Skarðshlíð: 4ra herb. íbúð á 3
hæð í blokk, ásamt bílskúr. (búðin
er 110 fm þvottahús og geymsla eru
á hæðinni.
Sólvellir: 4ra herb. íbúð á annari
hæð i 5 ibúða húsi.
Hrlsalundur: 2ja herb. íbúð á 3
hæð í fjölbýlishúsi.
Höfðahlið: 2ja herb. ibúð 60 fm á
jarðhæð. Sér inngangur. Laus
strax.
Kaupandi að 2-3ja herb. íbúð ekki í
blokk.
Kaupandi að góðri hæð eða 4ra
herb. raðhúsíbúð.
Leita að stóru einbýlishúsi á
tveim hæðum, æskilegt að aðeins
önnur hæðin sé frágengin, annað
kemur þó til greina.
Kaupandi að 80-100 fm eldri hæð
eða einbýli, helst með bílskúr.
Vantar allar gerðir eigna á
skrá.
ÁsmundurSJóhannsson
agf lögtr»ðlngur m m
Fasteignasa/a
Brekkugötu 1.
Sölustjóri: Ólafur Þ. Ármannsson.
Heimasími 24207.
Söiumaður Anna Árnadóttir.