Dagur - 22.11.1985, Blaðsíða 12

12 - DAGUR - 22. nóvember 1985
líðarandinn
Kynning
Umsjónarmaður brýtur heilann. Hvað skyldu lesendur vilja? Hugmynd fæðist. Nærstaddir
sjá á eftir undirritaðri þjóta með hraða Ijóssins niður á Amtsbókasafn. Hugmyndin sett í
framkvæmd. Tíminn, Þjóðviljinn, Morgunblaðið og að sjálfsögðu Dagur, rifin út úr hillunum
og hér sjáið þið lesendur góðir afraksturinn. Hvað var að gerast fyrir nákvæmlega 20 árum,
í kringum 22. nóvember árið 1965?
HIMR VIMSÆLU
GEYSI-FJÖLBREYTTU
damsleikir í
LIDÓ
HALDA AFRAM í KVÖLD

7
1. LÚDÓ-sext. og STEFÁN skemmta
með allra nýjustu Iög-unum.
2. ÞURIÐUR SIGURÐARDÓTTJR „sló í gegn“
siðustu helgi. Hún syngur í kvöld ný lög. Hér
an efa um að ræða nýja „stjörnu“.
3. kynnum nýja söngkonu sigrúnu
harðardóttur.
4. KYNNUM NÝJA SÖNGKONU BJARKEY E.
magnúsdóttur.
5. TEXTAR koma fram ósamt HAULDÓRU
haixdórsdóttur.
6. TEXTI MEÐ LAGINU: „IF YOU GOT TO GO
GO NOW“ FYLGIR HVERJUM MIÐA.
Aðeíns LÍDÓ býður uno a .
svo geysi fjölbreytta dansleiki
J^HðHO-SJAIH - SAWFÆRIST
Fréttir
„Hafnarfjarðarhneykslið.“
í þinginu var veiting sýslu-
mannsembættisins í Hafnarfirði
til umræðu, og urðu þær um-
ræður að því er virðist ansi heit-
ar og veitingin umdeild.
Embættið var veitt Einari
Ingimundarsyni sem sótti um á
síðustu stundu. Hann hafði þá
verið bæjarfógeti á Siglufirði um
13 ára skeið.
Ýmsir töldu að gengið hefði
verið framhjá settum bæjar-
fógeta í Hafnarfirði í 10 ár, Birni
Sveinbjörnssyni, sem hafði ver-
ið starfandi við embættið í rúm
20 ár eða allt frá því að hann
hafði lokið lagaprófi.
Mikil mótmælaalda reis og
var þar fremst í flokki sam-
starfsfólk hins setta bæjar-
fógeta og sýslumanns um lang-
an tíma, og fórnaði það störfum
sínum til að undirstrika þunga
mótmælanna.
12 manns af 13 starfandi við
embættið í Hafnarfirði sögðu
upp störfum sínum, svo og 5
hreppstjórar af 8 í Gullbringu-
sýslu. Var þetta talið hið versta
mál.
„Miss World.“
Alls 16 keppendur komust í
úrslit í keppninni um titilinn
„Miss World“ þann 19. nóvem-
þer1965.
Sigurvegarinn kom frá Stóra-
Bretlandi.
Fulltrúi íslands í keppninni
Sigrún Vignisdóttir komst ekki í
úrslit.
„Nýr flugvöllur á Patreks-
firði tekinn í notkun.“
Blöðin segja frá því að brotið
hafi verið blað. í sögu sam-
gangna við Vestfirði er fyrsta
stóra flugvélin, Viscount Flug-
félags íslands, lenti á nýju
flugbrautinni á Sandodda við
Sauðlauksdal í Rauðasands-
hreppi.
„Sr. Bjarni látinn."
Séra Bjarni Jónsson vígslu-
biskup lést 19. nóvember 1965,
þá 84 ára að aldri.
„Norðlenskar fréttir.“
Dagur segir frá því að 6 ungl-
ingar hafi játað á sig innbrot í
Flóru og Slippstöðina og ýmsa
óknytti aðra.
Einnig er sagt frá því að hafin
sé herferð gegn rottufaraldri í
Akureyrarbæ.
Þann 20. nóvember er útibú
Iðnaðarbankans á Akureyri
opnað að Geislagötu 14.
Að lokum má geta þess
svona til skemmtunar að í Degi
er fjallað um slagorð ríkisstjórn-
arinnar „Hallalaus ríkisbúskap-
ur“. (Kannast nokkur við
þetta?)
Kvikmyndahús
( Laugarásbíói var um þessar
mundir verið að sýna kvikmynd
þá sem tekin var 'á Ólympíu-
leikunum í Tokíó 1964.
Það voru hins vegar einhverj-
ir aðrir leikar eða kannski öllu
heldur leikir sem voru á dag
skrá á tjaldi Nýja bíós. Þar var
verið að sýna eina „bláa“
stranglega bannaða börnum,
og var hún kynnt með þeim orð-
um sem hér fara á eftir:
„Kæri Jón“ er víðfræg, mikið
umtöluð og umdeild sænsk
kvikmynd um Ijúfleik mikilla
ásta. (Þetta þykir umsjónarm.
hreint ótrúlega vel orðað.)
Þessir hlutir virðast hafa verið
mönnum ákaflega hugstæðir,
því að í Tónabíói var verið að
sýna filmuna um hina léttu og
skemmtilegu gleðikonu Irma la
Douce með Shirley Mac Laine
og Jack Lemmon í aðalhlut-
verkum. (Sú var nú aldeilis í
anda Pollýönnu.)
Hvort sem þið trúið því eða
ekki, þá var verið að sýna kvik-
myndir um svipað efni í þremur
bíóhúsum að auki, um þetta
leyti. Það verður ekki tíundað
frekar hér.
Leikhús
í Þjóðleikhúsinu stóðu sýningar
á leikritinu „Eftir syndafallið"
sem hæst, en hjá Leikfélagi
Reykjavíkur voru tvær sýningar
í gangi.
Þær voru, „Sjóleiðin til
Bagdad" og „Ævintýri á göngu-
för“ sem þá var búið að sýna í
yfir 130 skipti og ekkert lát var
á aðsókn, uppselt á allar næstu
sýningar.
Dansleikir
Vinsældir Bítlanna eru í há-
marki, og því eðlilega síðhærð-
ar elskur að spila í flestum
danshúsum.
Fjórir saman í támjóum Ið-
unnarskóm, rúllukragabolum
og í hreint ótrúlega „töff" hljóm-
sveitarjökkum.
Hvort sem það er tilviljun eða
ekki þá byrja nöfn margra
hljómsveitanna á bókstafnum
T, dæmi: Toxic og Taktar
skemmtu í Breiðfirðingabúð,
Tónar í Hlégarði og Textar
komu fram í Lídó. (Dálítið
skondið.)
Fyrir þá sem ekki líkaði
skarkali bítlahljómsveitanna
voru eldri dansarnir í Gúttó. Þar
var dansaður ásadans og góð
verðlaun í boði.
Á Röðli skemmtu nýir
skemmtikraftar, Hawaii-dans-
parið Bella og Jet. Hljómsveit
Elvars Berg lék fyrir dansi
ásamt söngkonunni góðkunnu
Önnu Vilhjálms.
Að lokum læt ég fylgja sér-
lega skemmtilega auglýsingu
frá Lídó.
Slúður
Það sem kom fyrir aumingja
Bob Hope fyrir skemmstu hefði
nægt til þess að hver meðal-
maður fengi taugaáfall og svo
fór með Bob. f einu atriði kvik-
myndar þeirrar sem hann lék í
um þessar mundir átti hann að
lyfta Elke Sommer vel smurðri
sápu upp úr baðkeri.
Hann datt með hana á hálu
gólfinu og liggur nú á spítala
með taugaáfall og slitinn vöðva
í baki.
Bítlarnir héldu nýlega tón-
ieika á heimaslóðum það er að
segja í London. Hávaðinn var
ógurlegur - en allt í einu varð
dauðaþögn í salnum.
Þrumuraust hafði kveðið við:
Ef við fáum ekki hljóð sendum
við eftir rakara.
^vísnaþáttur.
Og svo er það Bakkus gamli. Hon-
um helgar Pálína Jónsdóttir næstu
visu:
Bakkus örlög gerír grá,
galdrar töfra í spilin.
Sumir fljóta ofan á.
Aðrír sökkva í hylinn.
Ólafur Þorsteinn Jónsson frá Snæ-
bjarnarstöðum í Fnjóskadal nefnir
næstu vísur sínar tvær, Karlagrobb:
Með gleraugu þó gangi tvenn
og gervitönnum nagi,
mér finnst ég sé ungur enn
og ern í besta lagi.
Þegar líkams losna bönd
létt mun andinn fljúga
æskunnar um unaðslönd,
ei þá kennir lúa.
Ólafur Þorsteinn vann um skeið í
sútunarverksmiðju Iðunnar á Ak-
ureyri. Honum til aðstoðar var
unglingsstúlka. Sótti hún títt á að
hlaupa út í hreina loftið, því óynd-
isleg stybba var inni. Olafur Þor-
steinn kvað:
Ævi manns er ekkert grín.
Alltaf má ég kalla.
Annars hleypur elskan mín
eins og hross til fjalla.
Kristján Jónsson bóndi að Nesi í
Fnjóskadal keypti Ljótsstaði, sem
þá fóru í eyði. Leyfði hann aldraðri
konu að búa í húsunum sumar-
langt, gegn því að hún stuggaði fé
frá túninu. Þá var þetta kveðið í
orðastað kerlingar:
Hér frá Nesi höfð ég er
sem hundur, til að verja.
En Kristján ræður hvort hann fer
að kjassa mig - eða berja.
Áður en hinn frægi sigur var unninn
á berklaveikinni, leitaði fólk ýmissa
ráða til varnar. í því sambandi reit
ung stúlka grein í sveitarblað og
varaði eindregið við kossum. Ein-
hver spaugari kvað:
Nú ber eitthvað nýrra við.
Nú er ég alveg hissa.
Nú kom ein með nýjan sið.
Nú má engan kyssa.
Karl nokkur leitaðist við að hugga
mann sem taldi konuna sér ótrúa.
Lét hann fortölum lokið með þess-
ari vísu:
Vertu stilltur vinur minn,
vandann ekki kærðu,
einn þótt sái í akur þinn,
fyrst uppskeruna færðu.
Jón
Bjarnason
frá Garðsvík
skrifar
Oft hendir að menn grípa til óynd-
isúrræða, er þeir komast í þrot.
Næsta vísa höfðar til þess:
Kannski verð ég sóttur sökum,
- svo fer oft um vesælinga -
fyrir það að stela stökum
studdur bókum hagyrðinga.
Þá kemur heimagerð vísa, ort um
eyðibyggð:
Ólán ber, þá eyðist sveit
eld að bjartsýninni,
þar sem skáld með hjörtu heit
héldu vöku sinni.