Dagur - 26.11.1985, Side 2

2 - DAGUR - 26. nóvember 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 360 Á MÁNIJÐI
LAUSASÖLUVERÐ 35 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJóRNARFULLTRÚI:
GlSLI SIGURGEIRSSON
FRÉTTASTJÓRI:
GYLFÍ KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, INGIBJÖRG MAGNÚSDÓTTIR (Húsavík),
YNGVI KJARTANSSON, KRISTJÁN G. ARNGRlMSSON,
KRISTJÁN KRISTJÁNSSON, MARGRÉT Þ. ÞÓRSDÓ'PIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
'eiðarL
Skotar læra af
kaupfélögunum
Skotar búa við mikið strjálbýli, einkum í
nyrstu héruðunum. Eins og víðast hvar í hin-
um vestræna iðnvædda heimi stóðu þeir
frammi fyrir miklum fólksflótta frá strjálbýl-
inu til þéttbýlli svæða. Þeir brugðust við
þessari þróun á mjög afgerandi hátt og
beittu margvíslegum leiðum til þess að
skapa atvinnutækifæri og auka félagslega
þjónustu í strjálbýlinu. Ennþá vinna Skotar
að þessum málum af mikilli eljusemi og að
því er virðist hafa þeir náð verulegum ár-
angri.
Allt kostar þetta starf Skotanna mikla pen-
inga, en grundvallarhugsunin á bak við starf
þeirra er sú að það sé ábatasamt þegar til
lengri tíma er litið. Styrkir og lán til fyrirtækja
skili arði, en að sjálfsögðu getur liðið nokkur
tími þar til svo verður. Á meðan fyrirtækin
eru að vinna sig upp í það að verða arðbær er
þeim hjálpað verulega við fjármögnunina og
reksturinn.
Allt er þetta gert í ljósi þess að fólksflótti
og miklar tilfærslur á fólki séu óarðbærar í
sjálfu sér. Þær kosta meðal annars það að
fasteignir verða verðlitlar eða verðlausar,
byggja þarf á staðnum sem flutt er til og
skapa atvinnutækifæri þar. Þegar á allt er lit-
ið er því mikil arðsemi fólgin í því að reyna að
halda fólkinu heima fyrir, enda flytja flestir
út úr neyð og hefðu heldur viljað dvelja á
heimaslóð, ef atvinna og viðunandi þjónusta
hefðu boðið upp á það.
Eins og áður sagði hefur árangur Skota í
þessum efnum orðið mjög mikill. Fólksflótt-
inn hefur hætt og íbúar strjálbýlli svæða geta
unað mun betur við sinn hlut en áður.
Eitt af því sem Skotar hafa gert til að
stöðva fólksflóttann er að koma á fót sam-
vinnufyrirtækjum á strjálbýlustu stöðunum.
Þar sem áður voru engar verslanir, sáralítil
atvinna og samgönguleysi hafa málin gjarn-
an verið leyst með aðferðum samvinnu-
manna. Heimamenn hafa verið styrktir til
þess að koma á fót kaupfélögum og öðrum
samvinnurekstri. Menn frá Þróunarstofnun
Hálanda Skotlands og eyjanna hafa m.a. litið
mjög til samvinnurekstrar á íslandi í tengsl-
um við þessa uppbyggingu, og telja þeir hér
margt til fyrirmyndar. Enda hafa samvinnu-
félög reynst ein raunhæfasta og besta
byggðastefnan hér á landi.
_viðtal dagsins.
„Kostur að vera af
Syðri-Brekkunni“
- Óli Þór Ragnarsson lyfjafræðingur á Dalvík í viðtali dagsins
„Mer er eiginlega sama hvar
ég bý, svo framarlega að það sé
í Eyjafirði. Ég held að það sé
gott að vera nánast hvar sem er
í Firðinum.“ Það er OIi Þór
Ragnarsson lyfjafræðingur
sem á þessi orð og er svona
hrifinn af Eyjafirði. Mig Iang-
aði að fara út á land og vinna
þar, í stað þess að vera í
Reykjavík. Ekki það að ég hafi
ekki verið ánægður þar, heldur
var það ekki það sem heillaði
mig.“
Nú er Oli lyfjafræðingur, eða
apótekari á Dalvík. Þar rekur
hann apótek og hefur gert síðan
1981.
- Hvaðan ertu sjálfur?
„Ég er Akureyringur í húð og
hár. Meira að segja er ég af
Syðri-Brekkunni. Það tel ég vera
mikinn kost. Enda hélt ég mig
mest þar meðan ég var á Akur-
eyri. Þar ólst ég upp, þar lék ég
mér, þar gekk ég í skóla, allt þar
til ég þurfti að fara til Reykjavík-
ur í Háskólann."
- Hvaða skólar fengu að njóta
gáfna þinna?
Óli hlær. „Ég gerði undantekn-
ingu þegar ég byrjaði skólagöng-
una. Þá fór ég í hinn þekkta skóla
Hreiðarsskóla sem allir þekkja á
Akureyri sem komnir eru yfir
þrítugt. Það var skemmtilegur
skóli. Þar var okkur kenndur
hljóðlestur. Ég man ennþá eftir
myndunum sem notaðar voru við
kennsluna. Ekki ósvipaðar þeim
sem nú eru notaðar við kennsl-
una í sjónvarpinu. En hljóðlest-
urinn ruglaði mig og marga fleiri
þegar komið var í barnaskóla.
Það var Barnaskóli íslands eins
og Barnaskóli Akureyrar er oft
kallaður. Þar var breytt um
kennsluaðferð við lesturinn, sem
ruglaði gjörsamlega. Ég er
hræddur um að margir eigi í erf-
iðleikum enn í dag með lestur
vegna þessa ruglings."
- Kennarar?
„Fyrstu þrjú árin var það
ágætiskona, Sigríður Skaftadóttir
sem kenndi mér. Síðan tók Jónas
vinur minn frá Brekknakoti við
hópnum og kom upp í Gagn-
fræðaskólann. Svo var þetta
venjuleg bein braut upp í gegn-
um Menntaskólann og í Háskól-
ann.“
- Af hverju valdir þú lyfja-
fræði?
„Það var fyrst og fremst áhugi
á efnafræði sem gerði það að
verkum. Ég var í upphafi ákveð-
inn í að læra efnaverkfræði, en
það þótti ekki vitlegt á þessum
tíma að læra hana, því atvinnu-
möguleikar voru taldir litlir fyrir
slíka menn upp úr 1970. Fyrst
eftir nám vann ég í Reykjavík, en
langaði alltaf norður. Ég sótti svo
um hér á Dalvík þegar breytingar
urðu.“
- Skemmtilegt starf?
„Já verulega skemmtilegt. Það
er mikið af nýjum lyfjum að
koma á markaðinn. Þess vegna
þarf að fylgjast vel með og lesa
sig til. Þetta er mikil efna- og eðl-
isfræði. Einnig þarf að vita allt
um verkan lyfja. Annars var
námið skemmtilegra en vinnan í
apótekinu, því starfið felst mikið
í afgreiðslustörfum í dag. Það er
að mestu aflagt að búin séu til lyf
í apótekum. Þó er alltaf eitthvað
um það. Einn og einn kemur og
vill ákveðna mixtúru, eða smyrsl
og þá þarf maður að blanda,“
segir Óli.
- Kona Óla er Ingibjörg Mar-
inósdóttir og eiga þau 4 börn.
Hvernig var tekið á móti ykkur er
þið komuð árið 1981?
„Afskaplega vel. Við fengum
góðar móttökur strax í upphafi
og hefur líkað vel eftir það.“
- Áhugamál lyfjafræðingsins?
„Ég hef mikinn áhuga á ferða-
lögum. Við fjölskyldan ferðumst
eins mikið og við getum. Þó er
það flugið sem á allan hugann
núna. Eg er á einkaflugmanns-
námskeiði á Akureyri þessa
stundina og keyri á hverju kvöldi
inn eftir, til að fara á námskeiðið.
Einnig fer ég mikið þangað til að
fljúga. Það þarf að vera búið að
fljúga töluvert til að fá prófið,
svo ég hef tekið þetta nokkuð
skarpt síðan í ágúst. Það er vonin
að taka prófið fyrir jól. Síðan
höfum við nokkrir flugáhuga-
menn hér á Dalvík áhuga á að
gera flugbrautina suður á sandin-
um lendingarhæfa. Það er
markmið sumarsins næsta.“
- Það er vonandi að það
markmið náist og líka vonandi að
Óli standist flugprófið svo hann
geti farið að sýna Dalvíkingum
og öðrum flugfærni sína. gej-
3S-ts
hamimgju
MEÐ
77/
/)FMÆUÐ

/50
ÞO
EKK/
NEM
MÐ
O.
O,