Dagur - 26.11.1985, Page 6

6 - DAGUR - 26. nóvember 1985
Viðtal við Einar Njálsson:
- ef það getur ekki sagt það neinum“
„Ég þekki ekki Húsavík fyrir sama bæ og á uppvaxtarárunum. Ég er
fæddur í Dvergasteini, lék mér í fjörunni neðan við bakkann og á
þeim árum dreymdi mig um að verða sjómaður,“ segir Einar. Hann
er sonur Njáls Bjarnasonar sem lengi var kennari á Húsavík. Móðir
Einars var Árnína Björg Einarsdóttir, dóttir Einars Sörenssonar.
Draumurinn um að gerast sjómaður eins og afi rættist ekki fyrir Ein-
ari. Hann er útibússtjóri Samvinnubankans á Húsavík, og hefur
gegnt því starfi síðan 1969 er hann var aðeins 25 ára að aldri. Einar
er kvæntur Sigurbjörgu Bjarnadóttur og eiga þau þrjú börn. En ég
ætlaði ekki að spyrja Einar í dag um breytingar á Húsavíkurbæ eða
reynslu ungs bankastjóra, heldur um áhuga hans á leiklist og trúnað-
arstörf fyrir áhugamannaleikfélög.
’Ég lék fyrst með Leikfélagi á íslandi sumarið 1986. Ekki er
Húsavíkur 1967 og fór síðan
fljótlega að starfa í stjórn þess.
Þá fer ég að sækja þing Banda-
lags íslenskra leikfélaga, var
kjörinn formaður þess 1979 og
hef gegnt því starfi síðan. Árið
1980 var ég kosinn í stjórn Nor-
ræna áhugaleiklistarráðsins eða
NAR eins og við köllum það
gjarnan. Nú er ég varaformaður
þeirra samtaka.
Bandalag íslenskra leikfélaga
er landssamtök allra áhugaleik-
félaga á íslandi, aðildarfélög eru
86 frá flestum bæjum og sveitar-
félögum, meira að segja frá
Reykjavík. Þar voru ekki starf-
andi áhugamannafélög frá því
Leikfélag Reykjavíkur varð at-
vinnuleikhús, en á síðustu missir-
um hafa verið stofnuð nokkur
leikfélög þar.“
- Hver eru helstu verkefnin
sem unnið er að núna?
„í samstarfi við NAR mun
Bandalag íslenskra leikfélaga sjá
um leiklistarhátíð sem haldin
verður í Reykjavík næsta sumar.
Nánar tiltekið dagana 22.-29.
júní.
Undirbúningur fyrir þessa
leiklistarhátíð hófst á Húsavík
1983, en þá voru haldin hér aðal-
fundur og ráðstefna á vegum
NAR. Ráðstefnan fjallaði um
norrænan menningararf sem hug-
myndavaka í nútímaleikhúsi.
Efnið var sótt í Snorra-Eddu og
Þrymskviðu. Niðurstaða ráð-
stefnunnar var flutt í litlum leik-
sýningum. Þetta var svo
skemmtilegt og tókst svo vel að
ákveðið var að láta þetta efni
vera uppistöðu leiklistarhátíðar
þó meiningin að miða sig ein-
vörðungu við þessa norrænu
goðafræði heldur einnig menn-
ingararf Finna, Sama og Græn-
lendinga sem er nokkur annar.
Þessi leiklistarhátíð verður
merkileg fyrir það að í fyrsta sinn
er boðið með Grænlendingum,
Sömum, Álandseyingum og Fær-
eyingum. Þetta er liður í því að
reyna að nálgast þessi afskekktu
samfélög og draga þau inn í þetta
virka norræna samstarf."
- Hafa þau ekki starfað með
NAR áður?
„Sum þeirra, sum ekki. Færey-
ingar fengu aðild að NAR 1980,
og Álandseyingar hafa sótt um
aðild.
En við vitum aðeins um eitt
starfandi leikfélag á Grænlandi,
og til að fá aðild að samtökunum
þarf að vera um landssamtök
leikfélaga að ræða svo tryggt sé
að öll leikfélög og leikstarfsemi í
hverju landi hafi möguleika á að
taka þátt. Ég fór til Grænlands
fyrir nokkrum vikum ásamt fleir-
um á vegum NAR. Við vorum að
kanna áhuga leikfélagsins á aðild
að samtökunum og hann reyndist
það mikil að við ætlum að reyna
að finna ráð til að það geti gerst
aðili sém allra, allra fyrst. Einnig
þarf að finna ráð til að Samar geti
gerst aðilar.“
- Verða leikfélög frá öllum
Norðurlöndunum með sýningar
á leiklistarhátíðinni?
„Já, við eigum von á alls 11
leikfélögum með sýningar. Þar af
verða Finnar með tvo leikhópa,
einn sænskumælandi og annan
finnskumælandi og af því að ís-
Einar sem Carlos í „Það þýtur í Sassafrastrjánum'
uppfærsiu Leikfélags Húsavíkur.
lendingar eru gestgjafar fá þeir
að hafa tvær sýningar.“
- Af hverju stafar þessi brenn-
andi leiklistaráhugi hjá þér, er
hann ef til vill ættgengur?
„Ég held þetta hljóti að vera
einhver þörf til að láta bera á sér,
eða að vera svolítið merkilegur
með sig.
En í alvöru talað þá var faðir
minn í leikfélaginu og starfaði
mikið að þessum málum, en ég
veit ekki hvort þetta er ættgengt.
Það er staðreynd að í þessu
starfi hefur maður kynnst alveg
feikilega góðu og skemmtilegu
fólki. Það laðar mann að starfinu
að eiga kost á að vinna með slíku
fólki. Ég hef gaman af að vinna
að þessu, horfa á leikrit og vera í
leikhúsi, vera á leiksviði. Þetta
höfðar til mín. Við sem áhuga
höfum á leiklist höfum gaman af
að tala um sömu hlutina, svo það
er margt sem viðheldur þessum
áhuga."
- Hvaða leiksýningu hefur þér
fundist mest gaman að vinna að?
„Sýningu leikfélagsins á Heið-
ursborgurum, sem María Krist-
jánsdóttir leikstýrði. Ég lék ekki
í sýningunni og ég held að ég hafi
aldrei nokkurn tíma verið eins
hrifinn í leikhúsi og á frumsýn-
ingunni. Mér finnst þetta ein al-
besta sýning sem Leikfélag Húsa-
víkur hefur sett á svið. Það
merkilega var að sýningin féll
eins og kallað er, þannig að fólk
kom ekki til að sjá hana.
Áður en íslendingar bjuggu til
leikgerð af Sölku Völku, sá ég
verkið leikið á finnsku í Finn-
landi. Sú sýning vakti alveg sér-
staka hrifningu mína og var
geysilega áhrifamikil.“
- Finnst þér smekkur almenn-
ings á leiksýningum stangast á við
það sem ykkur langar til að gera?
„Ég held að almenningur hafi
smekk fyrir góðum leiksýning-
um. Fólk er að vísu oft að tala
um að það vilji sjá eitthvað létt
og skemmtilegt, en ég held að
fólk meini það ekki. Fólk vill sjá
eitthvað sem er virkilega gott og
vel gert. Hlutverk leikfélagsins er
að vera svolítið mótandi eða leið-