Dagur - 31.01.1986, Qupperneq 16
Fjölskylduþorrablót í Smiðju
sunnudaginn 2. febrúar í hádeginu.
Verð kr. 600,- Hálft verð fyrir 12-15 ára.
Frír hamborgarí fyrír börn 12 ára og yngrí
í fylgd fullorðinna.
Hlíðarfjall:
Ofsaveður
„Ég hef aldrei orðið var við
annað eins veður á svo
skömmum tíma. Það hefur
ekki liðið nema um ein mínúta
frá því að ég gekk frá hótelinu
í næsta hús og þaðan aftur.
Þegar ég kom út var ekki stætt
í fjallinu,“ sagði ívar Sig-
mundsson forstöðumaður
Skíðastaða í Hlíðarfjalli í gær.
Um klukkan 6 skall á suðvest-
anofsaveður.
Á að giska 80-100 manns voru
á skíðum þegar þetta gerðist.
Veðrið skall á svo skyndilega að
ekki var hægt að koma öhum í
öruggt skjól. Var því leitað til
Flugbjörgunarsveitar og Hjálpar-
sveitar skáta á Akureyri. Komu
sveitirnar fljótt á staðinn og hófu
leit ef vera kynni að einhver hefði
hrakist undan veðrinu norður
með fjallinu.
Fjöldi skíðamanna, börn og
fullorðnir voru í skíðalyftunni
þegar veðrið skall á. Gekk erfið-
lega að ná fólki þaðan. Gripu
því nokkrir til þess ráðs að
stökkva úr lyftunni. Af þeim sök-
um hlutu þrír meiðsl og voru
fluttir í sjúkrahúsið. Unglingar
voru við æfingar í Strýtu. Komust
þeir í skjól þar. „Við komumst
inn í Stýtu og biðum þar. Svo fór-
um við öll út í einu, renndum
okkur í plóg niður í hótel. Við
héldum í skíðastafina hvert hjá
öðru svo við fykjum ekki út í
buskann," sagði Gunnlaugur
Magnússon 13 ára gutti sem var
við skíðaæfingar.
Þegar álitið var að allir væru
komnir í skjól í hótelinu, var all-
ur skarinn skráður og leitað eftir
því hvort einhver saknaði félaga
síns. Svo virtist ekki vera. Til ör-
yggis fóru vélsleðamenn um fjall-
ið ef einhver hefði ekki náð heim
í hús. Rútur voru komnar á stað-
inn og var krökkunum hjálpað í
þær. Síðan var öllum skaranum
ekið í bæinn.
Sum börnin sem stukku úr lyft-
unni komust heim í hótel við illan
leik. Margir höfðu tapað skíðun-
um sínum, vettlingum og húfum.
Þrátt fyrir það komust allir í hús
og voru hressir. Þorsteinn Péturs-
son lögregluþjónn var einn af
þeim sem komu fyrst á vettvang
og sagði hann að allt skipulag við
að ná fólki í hús hefði verið mjög
gott og gengið greiðlega. Starfs-
menn Skíðastaða höfðu í nógu að
snúast. Þegar búið var að ná öll-
um inn í hótelið, þurftu þeir að
fara til þess að gæta að lyftunni
og öðrum mannvirkjum. Gekk
það vel enda veðrið að ganga
niður. Þá var klukkan tæplega 7.
gej-
Ný skrúfuþota
til Akureyrar
Á miðvikudagskvöld bættist
ný og glæsileg flugvél í flug-
flota Akureyringa. Er hún af
gerðinni Cessna 425 Conquest
one. Eigandi er Höldur s/f á
Akureyri.
Skúli Ágústsson einn eigandi
Höldurs og Húnn Snædal flug-
umferðarstjóri flugu vélinni til
Akureyrar frá Bandaríkjunum.
Hún er keypt frá fyrirtækinu
Miller Aviation í Binghamton í
New York fylki. Ferðin yfir hafið
gekk mjög vel og tók flugið 9
tíma frá Portland í Main, með
millilendingu á Goose Bay á Ný-
fundnalandi og þaðan beint til
Akureyrar. Flugu þeir félagar í
27 þúsund feta hæð.
Höldur s/f átti svipaða vél
áður, en seldi hana til Danmerk-
ur. Nýja vélin er með turbo-
hreyfla í stað bensínhreyfla sem
voru í eldri vélinni. Er hún því
svokölluð skrúfuþota. Ætlar
Höldur s/f að nota vélina í þjón-
ustu fyrir fyrirtækið á svipaðan
hátt og gert var við þá eldri.
Einnig hefur Flugfélag Norður-
lands afnot af vélinni ef nteð þarf
til sjúkraflugs og hvers konar
neyðarþjónustu. Kaupverð nýju
vélarinnar er um 20 milljónir
króna. gej-
Hin nýja skrúfuþota Höldurs sf.
Mynd: KGA.
Menn úr FlugbjörgunarsVeitinni og Hjálparsveit skáta aðstoðuðu skíðakrakkana í bfla sem óku þeim ■ bæinn.
Mynd: KGA
Smíöar Slippstöóin
togara fyrir Ú.A.?
- Útgerðarfélag Akureyringa hefur beðið um tilboð í 700 tonna skip
Útgerðarfélag Akureyringa hf.
hefur óskað eftir því við SIipp-
stöðina á Akureyri að stöðin
geri tilboð í smíði togara fyrir
félagið.
Útgerðarfélagið hefur áhuga á
því að ná samningum um smíði á
um 700 tonna togara. Teikningar
af skipinu munu vera tilbúnar, og
reyndar voru viðræður í gangi á
milli ÚA og Slippstöðvarinnar
árið 1984 um smíði á skipinu en
samningar tókust ekki þá.
„Jú það er rétt. Við höfum
fengið fyrirspurn um það frá Út-
gerðarfélaginu hvort við viljum
gera tilboð í skip fyrir félagið,"
sagði Gunnar Ragnars forstjóri
Slippstöðvarinnar í viðtali við
Dag í gær. „Við höfum auðvitað
mjög mikinn áhuga á að fara út í
svona verkefni og munum skoða
þetta mál á næstunni. En svo er
eftir að vita hvort leyfi fæst til að
fara út í svona verkefni, það hef-
ur ekkert mátt gera í þessum iðn-
aði,“ sagði Gunnar.
Útgerðarfélagið gerir nú út
fimm togara. Þær viðræður sem
fram fóru á milli ÚA og Slipp-
stöðvarinnar árið 1984 voru um
skip sem koma átti í stað Sólbaks
sem lagt hafði verið, og hefur
verið seldur úr landi í brotajárn.
Síðan þessar viðræður fóru fram
hefur útgerðarfélagið fengið eitt
nýtt skip, Hrímbak. ÚA lítur
ekki á það skip sem arftaka Sól-
baks því Hrímbakur var keyptur
hér innanlands og varð ekki til
þess að stækka togaratlotann. Því
telja forráðamenn ÚA að þeir
eigi eftir að fá skip í stað Sólbaks
og hafa því leitað eftir tilboði frá
Slippstöðinni um smíði á slíku
skipi. gk-.
„Veikindi“
Erfiðlega gekk með innanlands-
flug í gær. Ein vél kom til Akur-
eyrar í gærmorgun en síðan
komu „veikindi" flugumferðar-
stjóra í Reykjavík í veg fyrir
frekara flug þar til í gærkvöld að
heimild var veitt til flugs á ný.
Hætt er við frekari truflun á flugi
á næstunni vegna þessara „veik-
inda“.