Dagur - 16.04.1986, Blaðsíða 2
2 - DAGUR - 16. apríl 1986
wmm
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi),
INGIBJÖRG MAGNÚSDÓTTIR (Húsavík), YNGVI KJARTANSSON,
KRISTJÁN G. ARNGRlMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
JeiðarL_____________________________
Skoðanakönnun Dags
Um helgina efndi Dagur til skoðanakönnunar
um fylgi flokkanna við komandi bæjarstjórn-
arkosningar á Akureyri. í könnuninni var not-
að 700 manna úrtak úr íbúaskrá, unnið af
Reiknistofnun Háskólans.
Það sem vekur mesta athygli hvað varðar
niðurstöðurnar, er hversu gífurlega stór hluti
aðspurðra tekur ekki afstöðu með ákveðnum
stjórnmálaflokki. Þannig eru rúmlega 40%
aðspurðra óákveðnir, 10% sögðust ætla að
sitja heima á kjördag og rúmlega 16% neit-
uðu að svara spurningunni. Ef einungis er lit-
ið á þá sem afstöðu tóku, bæta Framsóknar-
flokkur og Sjálfstæðisflokkur við sig manni en
Alþýðuflokkur og Alþýðubandalag standa í
stað. Kvennaframboðið, sem nú á 2 bæjarfull-
trúa á Akureyri, býður ekki fram í kosningun-
um nú.
Það hlýtur að vera umhugsunarefni fyrir
stjórnmálamenn hversu stór hluti þátttak-
enda í skoðanakönnunum dagblaðanna hefur
ekki gert upp hug sinn, þegar spurt er um
fylgi stjórnmálaflokkanna. Þar er skoðana-
könnun Dags ekkert einsdæmi. Nú eru 45
dagar til stefnu fram að sveitarstjórnarkosn-
ingum og 2/5 hlutar aðspurðra eru óákveðnir.
Sú niðurstaða vekur óneitanlega margar
spurningar.
Háskóli á Akureyri
Svo sem margoft hefur komið fram í ræðu og
riti er mikill áhugi fyrir því á Akureyri að
háskólakennsla hefjist þar í haust. Sverrir
Hermannsson menntamálaráðherra lýsti því
yfir skömmu eftir að hann tók við embætti að
hann væri fylgjandi þeirri hugmynd og myndi
vinna að framgangi málsins. í rauninni er
ekkert því til fyrirstöðu að af þessu geti orðið,
en þess sjást lítil merki enn sem komið er að
draumurinn verði að veruleika.
Óneitanlega spyrja menn hvað valdi. Er
málið að lognast út af? Stefán Tryggvason
stúdent frá öldungadeild MA, heldur því fram
í viðtali í Degi á mánudaginn að ákveðin öfl í
Reykjavík vinni að því ljóst og leynt að koma
í veg fyrir að boðið verði upp á háskóla-
kennslu norðan heiða. Ástæðan sé sú að
menn vilji ekki missa spón úr aski sínum. Það
sama hafi verið uppi á teningnum þegar
menntaskóli átti að rísa á Akureyri á sínum
tíma.
Vonandi hefur Stefán ekki rétt fyrir sér í
þessu efni en vissulega er lítill tími orðinn til
stefnu ef háskólakennsla á að hefjast á Akur-
eyri á hausti komanda. BB.
-viðtal dagsins.
Mynd: - KGA.
Akureyri verður höfuðvígi
laxafóðurframleiðslu
- ef áætlanir ístess standast, segir Pétur Bjarnason fiskeldisfræðingur
Fiskeldi er vaxandi atvinnu-
grein á íslandi og þeir sem hafa
orðið sér úti um einhverja
menntun í fiskeldi eru eftir-
sóttir starfsmenn um þessar
mundir. Einn af þeim fyrstu
sem fóru utan í því skyni sér-
staklega að læra fiskeldi er
Pétur Bjarnason, starfsmaður
ístess á Akureyri. Pétur er í
viðtali dagsins um Háskólann í
Tromsö þar sem hann var við
nám, fiskeldi og Istess.
Fyrst var Pétur spurður um ald-
ur og fyrri störf.
„Eg er fæddur í Reykjavík árið
1951. Ég flutti til Vestmannaeyja
árið 1966 þar sem pabbi gerðist
símstöðvarstjóri. Ég varð stúdent
frá MR árið 1971 og fór svo í nám
í sjávarútvegsfræðum í háskólan-
um í Tromsö árið 1975. í millitíð-
inni vann ég hjá Rannsóknar-
stofnun fiskiðnaðarins í Vest-
mannaeyjum. Ég lauk námi árið
1980. t>á fór ég að vinna sem
deildarstjóri í freiðfiskdeild
Framleiðslueftirlits sjávarafurða.
Seinna sama ár fór ég til Hólalax
í Hjaltadal. Þegar farið var að
kenna aftur við Bændaskólann
eftir nokkurt hlé var ég fyrst
stundakennari þar í fiskeldi en
svo réði ég mig alfarið til skólans
árið 1983 sem kennari í fiskeldi.
Við það var ég þar til ég byrjaði
hjá Istess 1. júlí 1985.“
- Hvernig er nám í fiskeldis-
fræðum byggt upp?
„Námið í Tromsö er 4til 5'/2
ár, eftir því hvað maður fer hratt
yfir. Fyrst eru 3'/2 ár í bóklegum
greinum þar sem allir læra það
sama. Þessi tími skiptist nokk-
urn veginn jafnt á milli líffræði-
greina, tæknifræðigreina og
rekstrarfræðigreina. Inni í líf-
fræðigreinunum eru matvæla-
fræði og efnafræði, og almenn
fiskifræði. Að þessum tíma lokn-
um tekur maður eitt til tvö ár í að
vinna að kandídatsritgerð þar
sem maður sérhæfir sig á ein-
hverju ákveðnu sviði og ég valdi
sem sagt fiskeldi.
Pað sem hefur einkennt skól-
ann í Tromsö er að það eru gerð-
ar miklar kröfur um starfsreynslu
áður en maður er tekinn inn í
nám í sjávarútvegsfræðum. Það
er farið fram á að maður hafi
unnið a.m.k. 18 mánuði við fisk-
veiðar eða vinnslu, þar af 9 mán-
uði samhangandi. Þetta þýðir að
menn þurfa í rauninni að eyða
einu ári sérstaklega í það að gera
sig upptökuhæfa í skólann. Þetta
stóð svolítið í Norðmönnum í
byrjun þannig að íslendingar áttu
nokkuð greiðan aögang að
skólanum til að byrja með.
Atvinnumöguleikar hjá þeim
sem hafa útskrifast sem sjávarút-
vegsfræðingar hafa hins vegar
reynst það góðir í Noregi að nú
er miklu erfiðara að komast inn
en var vegna stóraukinnar
aðsóknar.
Heildarþungi vísindastarfsemi
og rannsókna varðandi fisk í
Noregi hefur að miklu leyti færst
til Tromsö á síðustu árum.“
- Hvernig er að búa í Tromsö?
„Það er mjög gott að búa í
Tromsö. Tromsö hefur orð á sér
fyrir að vera skemmtilegur bær.
Það er að vísu dimmt þarna á vet-
urna en menn eru léttir í sinni og
sól í hugum þeirra. Fólkið er
alúðlegt og það er sérstaklega
gott að vera íslendingur í Norður-
Noregi. Fólkið virðist finna fyrir
samkennd með okkur.
Háskólinn þarna er yngsti
háskólinn í Noregi og hefur verið
ófeiminn við að brydda upp á
nýjungum og háskólalífið ber
nokkurn keim af því. Þannig er
samgangur og samskipti
nemenda við kennara og skólann
örugglega bæði betri og meiri en
vfða tíðkast.
Það sem gerir Tromsöháskóla
kannski sérstæðan og eftir-
breytniverðan fyrir okkur er að
háskólinn, starf hans og markmið
miðast allt að því að þjóna því
umhverfi sem skólinn er í. Þess
vegna er háskólinn í Tromsö,
þrátt fyrir lágan aldur, þegar orð-
inn fremstur á sviði allra rann-
sókna varðandi fiskveiðar og
vinnslu og reyndar líka á þjóð-
félagsfræðisviðinu, það sem varð-
ar sjávarútvegsumhverfi, ef við
getum kallað það svo.“
- Hvernig vildi það til að þú
varst ráðinn til ístess og hvað er
ístess?
„ístess er eitt af afsprengjum
Iðnþróunarfélags Eyjafjarðar.
Það er stofnað til þess að fram-
leiða laxafóður og aðalhluthafar
eru KEA, Krossanesverksmiðjan
og Skretting í Noregi sem er
langstærsti framleiðandi laxafóð-
urs á Norðurlöndum. Þessi staða
var auglýst og ég sótti bara um og
var ráðinn. Þetta starf mitt er
fyrst og fremst fólgið í því að sjá
um tengsl fyrirtækisins við mark-
aðinn, bæði á íslandi og Færeyj-
um. Fóðrið selur sig í rauninni
sjálft en það sem við erum að
gera og það sem er markmið
Skretting er að reyna að stuðla að
því að okkar viðskiptavinum
gangi sem best í sínu starfi. Þess
vegna hefur Skretting í Noregi og
ístess farið út í að ráða menn sem
eru með talsverða undirbúnings-
menntun til þess að geta annast
leiðbeiningar og ráðgjöf varðandi
fóður og fóðurnotkun, auk ann-
ars sem lýtur að rekstri fiskeldls-
stöðva. Mitt starf er aðallega að
hafa yfirumsjón með þessum
hluta okkar starfsemi.
Ég er ekki viss um að menn átti
sig almennt á því hvaða þýðingu
það hefur fyrir okkur að komast í
þetta samstarf við Skretting. Þeir
eru langstærstir á þessum mark-
aði eða með 60% af öllu þurr-
fóðri fyrir laxeldisstöðvar. Þeir
hefðu farið inn á þennan markað,
ísland og Færeýjar, annað hvort
sjálfir eða í samstarfi við ein-
hverja aðra íslenska aðila. Þurr-
fóðurgerð er ekki eins og að blanda
kökudeig. Þetta er sérfræðings-
vinna á mjög háu plani. Skretting
hefur aðgang að á milli 30 og 40
sérfræðingum, ýmist á eigin vegum
eða hjá samstarfsaðilum sínum,
sem eingöngu vinna við vöru-
þróun, eftirlit og annað slíkt.
Þetta samstarf þýðir í rauninni að
öllum líkindum að Akureyri
verður mikilvægasti staðurinn
hvað varðar þjónustu við fiskeldi
á íslandi og í Færeyjum.“ -yk.