Dagur - 16.04.1986, Blaðsíða 7

16. apríl 1986 - DAGUR - 7
Texti: gej- Myndir: - KGA/gej-

iar vindur sem bíða eftir því að komast á veiðar.
Þarna er Hörður Jónsson að prófa vindu í „gervisjónum“ hans Nfls Gíslason-
ar.
vinnu,“ segir hann, en er samt
mjög ánægður að vinna við fram-
leiðslu vindunnar. það er sam-
merkt með öllum starfsmönnum
D.N.G. sem talað var við, allir
ánægðir í vinnunni. „Enda alltaf
góður mórall á staðnum," bætti
Atli Rúnar við, en hann er „alls-
herjar reddari hjá fyrirtækinu,“
eins og Sigurður sagði.
- Er kaupið svona gott?
„Kaupið er alveg þokkalegt og
gerist ekki betra hjá sambærileg-
um fyrirtækjum," var álit þeirra
allra. Það sem vekur athygli er að
lítið sem ekkert er af framleiðsl-
unni á Berghóli. „Við erum
nýbúnir að senda þriggja mánaða
framleiðslu inneftir, sem þýðir til
samsetningar á Óseyri. Þriggja
mánaða framleiðsla D.N.G. er
90 vindur.
Heimasmíðuð tæki
og verkfæri
Sala á vindunum hefur gengið
mjög vel, bæði hér á landi og eins
utanlands, þá aðailega í Færeyj-
um. Hafin er markaðskönnun í
fleiri löndum, bæði vestan hafs
og austan. Nýlega var fram-
kvæmdastjóri fyrirtækisins
Kristján Jóhannesson á sjávarút-
vegssýningu í Skotlandi og vakti
vindan mikla athygli þar. Eins og
Kristján sagði, “þá er verið að
skoða framtíðarmarkaði, en ekki
markaði sem við getum sinnt
strax.“
Áfram með D.N.G.
við Berghól
Sérstök vél, að sjálfsögðu fundin
upp af starfsmönnum D.N.G.er
notuð til að vinda rafmótorana.
„Snorri Hansson á heiðurinn af
þessari vél,“ sagði Sigurður. Þeir
félagar sýndu hvernig vafnings-
vélin vinnur. Ekki bar á öðru en
allt færi samkvæmt áætlun og
hvert stykkið af öðru var vafið á
skömmum tíma. Til glöggvunar
má geta þess að 600 hlutir eru
notaðir í eina vindu og mikið af
hlutunum er smíðað af starfs-
mönnunum. Helmingurinn er í
rafeindabúnaðinum. Sérhæfni
vindunnar gerir það að verkum.
Hins vegar eru hlutir í rafeind-
abúnaðinn keyptir erlendis frá og
er mál að snúa sér að þeim þætti
■framleiðslunnar.
30 vindur á mánuði.
Eins og kom fram er samsetning-
in til húsa á Óseyri. Þangað er
framleiðslan frá Berghóli send til
iokasamsetningar og prófunar.
Snorri Hansson sem er verkstjóri
þeirrar deildar sagði að megnið
af vinnunni þar færi í prófanir á
vindunni. Auk Snorra vinnur
Haukur Karlsson við samsetn-
ingu á rafeindahluta vindunnar.
Þar er um mikla og nákvæma
handavinnu að ræða. Efni í þann
búnað er keypt erlendis frá. Síð-
an er það Snorra verk að prófa
rafeindabúnaðinn áður en hann
er tengdpr vindunni sjálfri.
Framleiðslugeta verksmiðjunnar
er 30 vindur á mánuði og er engin
hætta á að birgðir safnist fyrir,
því framleiðslan er oftast seld
fyrirfram. Snorri sagði að hætt
væri við því að ekki yrðu til næg-
ar vindur þegar vorvertíðin
hæfist. Þess vegna væri hægt að
framleiða mun fleiri vindur en nú
er gert, því mikil eftirspurn væri
eftir þeim. Enda nýtur hún mik-
illa vinsælda hjá þeim sem hana
nota. Haft var eftir gömlum trillu-
karli að það hefði verið stærsta
stund lífs hans er hann sá D.N.G.
vinduna vinna. Það er viður-
m er eitt af tækjunum sem starfsmenn hafa Snorri Hansson og Haukur Karlsson sjá um samsetningu rafeindabúnaðarins.
kennd staðreynd að 50% afla-
aukning verður er menn nota
D.N.G. vinduna.
- Eru ekki svona tölur auglýs-
ingaskrum?
„Þetta er það sem við höfum
frá þeim sem nota vinduna. Það
er gott samband milli okkar og
þcirra. Þess vegna erum við hálf-
gerðir trillukarlar sjálfir sem
vinnum við framleiðsluna,“ sagði
Snorri og bætti við að þeir fengju
jákvæð viðbrögð frá notendum á
hverjum degi.
Það eru fleiri þættir í fram-
leiðslunni. Hörður Jónsson vinn-
ur við lokaprófun raf-
eindabúnaðarins. Til verksins
notar hann hermi sem Níls Gísla-
son smíðaði. Hermirinn vinnur
eins og sjórinn, rykkir í og slakar
á víxl. Hann vinnur líka eins og
þegar fiskur er á færinu eða
fiskar. „Tækið gerir allt eins og
sjórinn, nema blotna,“ sagði
Hörður sem vann á loftpressu
áður en liann hóf störf hjá
D.N.G.„og fer ekki nema ég
verði rekinn,“ sagði hann. Ekki
sagðist Hörður hafa þekkt mun á
díóðu og þétti, eða öðru sem við-
kom vindunni. „Ég er kominn
sæmilega inn í þetta og svo er
okkur kennt mikið, þannig að
þetta er mjög skemmtilegt. Þó er
allra skemmtilegast að sjá hvern-
ig þetta verður til úr engu og þar
til það er orðið tæki með hagnýtt
gildi,“ sagði Hörður. Eftir að
hann er búinn að prófa það sem
undir hann heyrir, er vindan send
til næsta nianns sem sér um loka-
frágang hennar. Það er Jón Geir
Jónatansson, sem tekur við stýri-
kassanum og festir hann á mótor-
inn sjálfan. Síðan er að þrýsti-
prófa vinduna í vatni. Loftslanga
er fest við vinduna og öllu dengt í
vatn. Ef loftbólur koma í ljós er
einhvers staðar óþéttur hluti sem
verður að athuga betur. „Það fer
ekkert frá okkur nema það sé í
fullkomnu lagi,“ sagði Jón Geir
og setti eina vinduna í vatn,
svona rétt til að sýna að fram-
leiðslan væri fyrsta flokks. Ekki
bar á öðru, því hvergi sáust loft-
bólur, sem sannaði að vindan var
fær í flestan sjó.
„Fljúgandi“ sendiherra
- Þá er að spyrja hvort bilanir
séu algengar í D.N.G. vindunni.
„í fyrstu bar stöku sinnum á
slíku, en nú orðið heyrir það til
undantekninga,“ sagði Snorri. Þá
kom Víðir Gíslason inn í umræð-
urnar og sagði að ef upp kæmi
bilun, væri ný vinda send í
staðinn, meðan væri verið að
gera við bilunina. „Það er ekki
hægt að láta menn hætta veiðum
vegna bilunar í vindu,“ var sam-
dóma álit þeirra allra. Víðir sem
er rafvirki, sér um lager og inn-
kaup fyrir rafeindabúnaðinn.
Auk þess sér hann að hluta til um
sölumál og á það til að bregða sér
á næstu bæi flugleiðis nteð vindur
til viðskiptavina, eða sækja bilað-
ar. Hann er nefnilega flugmaður
og flugvélareigandi sem kemur
sér oft vel þegar þarf að sinna bil-
unum eða sölu í nágranna-
byggðum og þótt lengra væri
farið. „Ég fer líka í bankann og
sinni öðru tilfallandi og má því
kalla mig sendiherra fyrirtækis-
ins,“ sagði Víðir.
- Fyrst vindan bilar mjög lítið,
þýðir það að tækið er nánast full-
komið?
Ekki voru þeir D.N.G.-menn
samþykkir því. „Það er alltaf ver-
ið að þróa nýja vindu, því svona
vinda er framtíðarverkefni. Við
lítum til framtíðar og vinnum
samkvæmt því,“ sagði Snorri.
gej-