Dagur - 21.05.1986, Blaðsíða 2

2 - DAGUR — 21. maí 1986
viðtal dagsins.
mm,
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Ðlönduósi sími 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR (Húsavík),
KRISTJÁN G. ARNGRÍMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDI'S FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari.__________________________
Dagur bætir
þjónustuna
Enn hefur verið gerð breyting á útgáfumálum
Dags, sem miðar að því að auka þjónustu við
lesendur. Sú breyting hefur nú verið gerð að
útgáfutíma blaðsins er flýtt, þannig að á
Akureyri á að vera búið að dreifa því fyrir
khikkan átta á morgnana. Áskrifendur Dags á
Akureyri geta því lesið fréttir dagsins með
morgunkaffinu. Áður var blaðið prentað að
morgni og komið til lesenda á Akureyri fyrir
hádegið, í flestum tilvikum.
Þetta veldur því einnig, að minni hætta er
nú á því en áður, að blaðið nái ekki til áskrif-
enda utan Akureyrar. Stundum hefur það vilj-
að brenna við að prentun og dreifing hafi ekki
verið nægilega tímanlega til að blaðið næði
ferðum frá Akureyri til annarra þéttbýlis-
kjarna á Norðurlandi.
Vegna þessara breytinga ættu lesendur
Dags að fá blaðið nýrra og með ferskari frétt-
um en áður. Er vonandi að þeir kunni vel að
meta, en þessi breyting kemur í kjölfar þess
að Dagur varð dagblað sl. haust, sem mælst
hefur vel fyrir meðal Norðlendinga.
Norðlendingar á
„Heimilið ’86“
Undirbúningur Kaupstefnunnar að sýning-
unni „Heimilið ’86“ stendur nú sem hæst. Frá ,
árinu 1968 hafa verið haldnar 15 stórsýningar
á borð við „Heimilið" og hefur aðsókn að jafn-
aði verið mjög mikil. Þessar stóru sýningar
eru yfirleitt mjög vel auglýstar og ná því til
mikils fjölda og skapa áhuga á því sem er á
sýningunum.
Á undanförnum „Heimilis“-sýningum hef-
ur margt verið til sýnis og kynningar sem ekki
snýr með beinum hætti að heimilishaldi. Á
þessum sýningum hafa raunar ótrúlegustu
hlutir verið kynntir og markaðssettir í fyrsta
sinn. Sem dæmi má taka af væntanlegri sýn-
ingu, að þar verður í sérstökum sal haldin
hugmyndastefna Iðnaðarráðuneytisins, þar
sem uppfinningamenn og fjármálamenn leiða
saman hesta sína.
Norðlenskum fyrirtækjum er nú boðið að
taka þátt í þessari sýningu og nýta þá hag-
kvæmni sem samvinnan getur skapað. Þann-
ig geta lítil fyrirtæki staðið jafnfætis stórum í
kynningu á vörum sínum og þjónustu, en
sýningar af þessu tagi virðast verða sífellt
mikilvægari liður í kynningu og markaðssetn-
ingu. Ástæða er til að hvetja Norðlendinga til
að taka þátt í „Heimilinu '86“.
„Meginmál kosninganna
er að við höldum
meirihluta í bæjarstjóm“
- Hulda Þórsdóttir sem skipar 4. sæti
Framsóknarfiokksins á Daivík í viðtali dagsins
Hulda Þórsdóttir skipar 4. sæt-
ið á lista Framsóknarflokksins
á Daivík við bæjarstjórnar-
kosningarnar í lok þessa mán-
aðar. Framsóknarmenn eiga
nú 4 bæjarfulltrúa af 7 á Dal-
vík og hafa því hreinan meiri-
hluta í bæjarstjórn. Þeir stefna
auðvitað að því að halda sínu í
það minnsta og má því segja að
Hulda skipi baráttusætið á list-
anum. Hulda Þórsdóttir verð-
ur 26 ára í næsta mánuði. Hún
er fædd að Akri í Öngulsstaða-
hreppi og bjó þar til 17 ára
aldurs. Þá flutti hún til Akur-
eyrar. Hún lauk sjúkraliða-
námi frá heilsugæslubraut
Gagnfræðaskóla Akureyrar
vorið 1982 og starfaði í rúmt ár
á Fjórðungssjúkrahúsinu á
Akureyri. Haustið 1983 flutti
hún til Dalvíkur og þar starfar
hún sem fóstra á Krílakoti.
Hulda er gift Júlíusi Viðarssyni
múrara. Eg spurði Huldu fyrst
að því hvers vegna hún hefði
gefið kost á sér í framboð.
„Það var haft samband við mig
í apríl og ég spurð að því hvort ég
vildi vera með í skoðanakönnun
meðal Framsóknarmanna um
niðurröðun á framboðslistann.
Ég sló til og kom svo vel út úr
þessari könnun að niðurstaðan
varð sú að ég skipa 4. sæti
listans."
- Hvers vegna valdir þú Fram-
sóknarflokkinn? Hafðir þú haft
einhver afskipti af pólitík áður?
„Ég hafði ekki komið nálægt
pólitík þegar ég fluttist til Dal-
víkur. Én þegar ég fór að hugsa
um þessi mál var ég ekki í vafa
um hvar ég væri í flokki. Stefna
Framsóknarflokksins samræmist
vel mínum skoðunum. Hvað
Dalvík varðar finnst mér allt of
mikið um það hjá hinum flokk-
unum að gagnrýna einungis það
sem miður fer án þess þó að
benda á leiðir til úrbóta. Öfgarn-
ar eru allt of miklar hjá öðrum
flokkum. Ég tel mig vera öfga-
lausa manneskju og þess vegna
valdi ég Framsóknarflokkinn."
- Hvert telur þú vera megin-
mál þessara kosninga?
„Ég er ekki í vafa um það að
meginmál þessara kosninga er að
framsóknarmenn nái að halda
meirihluta í bæjarstjórninni. Ég
tel það farsælast fyrir Dalvík og
Dalvíkinga. Þar á eftir held ég að
atvinnumálin séu mikilvægust.
Atvinnuástandið hefur verið
nokkuð gott að undanförnu en
það þarf ekki mikið að bera út af
svo að sígi á ógæfuhliðina. Þess
vegna er mikilvægt að bæjar-
stjórn haldi vöku sinni og styðji
við atvinnufyrirtækin í bænum
eins og hægt er.“
- Hver eru þín helstu áhuga-
mál?
„Ég hef mikinn áhuga á félags-
málum almennt. Ég hef ekki
starfað mjög mikið að félagsmál-
um sjálf en fylgst náið með fram-
gangi þeirra bæði á Dalvík og
annars staðar. Ég er þeirrar
skoðunar að það þurfi að virkja
einstaklingana mikið meira en
gert hefur verið í félagsstarfinu.
Unglingarnir t.d. geta gert tals-
vert mikið sjálfir og það þarf ekki
að rétta þeim allt upp í hendurn-
ar, heldur einungis að koma þeim
af stað. Hér var opnuð félagsmið-
stöð ekki alls fyrir löngu og með
tilkomu hennar stórbatnaði öll
aðstaða til tómstundaiðkunar.
En það þarf að halda áfram á
þeirri braut að bæta íþrótta- og
tómstundaaðstöðuna hér og
skapa enn betri aðstæður en þeg-
ar eru fyrir hendi.“
- Nú starfar þú á barna-
heimili. Hvað vilt þú segja um
þann málaflokk?
„Eins og þjóðfélagið er í dag
eru barnaheimili nauðsynleg. í
flestum tilfellum er ekki nóg fyrir
heimilið að hafa eina fyrirvinnu.
Margt fólk á þess ekki kost að
vera heima og verður að vinna úti
hálfan eða allan daginn og setja
börnin á barnaheimili. Hins veg-
ar finnst mér margir vanmeta
mikilvægi barnaheimilanna hvað
varðar uppeldið og líta frekar á
þau sem einhvers konar
„geymslustofnanir". Viðhorfin
eru oft á tíðum neikvæð þess
vegna. Mér finnst mjög athug-
andi að kanna þann möguleika
að bæjarfélagið aðstoði foreldra
á einhvern hátt til þess að gera
þeim kleift að vera heima hjá
börnum sínum í stað þess að
greiða svo og svo mikið til þess
að útvega þeim dagvistarrými."
- Ertu bjartsýn á að ná kjöri í
bæjarstjórn?
„Já, ég er mjög bjartsýn um að
það takist. Ég vil nota þetta tæki-
færi til að hvetja fólk til að koma
á skrifstofu Framsóknarflokksins
og ræða við okkur. Sérstaklega
vil ég hvetja unga fólkið sem er
að fara að kjósa í fyrsta sinn til að
koma og spjalla við okkur. Það
fylgir því mikil ábyrgð að kjósa
og ég veit að margir ungir kjós-
endur eru óákveðnir og jafnvel
ópólitískir með öllu. Ég vil bara
benda á að við erum að kjósa
okkur stjórnendur þessa bæjar
næstu fjögur árin og ég vona að
engum sé sama um það hvernig
bæjarfélaginu okkar er
stjórnað.“ BB.