Dagur - 21.05.1986, Blaðsíða 7

21. maí 1986 - DAGUR - 7
bæjarstjórnarkosningarnar á Dalvík ’86.
Á Dalvík er mjög blómlegur
tónlistarskóli, líklega einn sá
stærsti á landinu, með rúmlega
100 nemendur. Árið 1982 voru
nemendur örfáir en bæjarstjórn
hafði forgöngu um að ráða
kennara að skólanum og gæða
tónli$tarlífið nýjum krafti. í
framhaldi af þessu hefur allt tón-
listarlíf á Dalvík tekið mikinn
fjörkipp.
Æskulýðsheimili og
skíðalyfta
í upphafi kjörtímabilsins var
mikið rætt um að ráða æskulýðs-
fulltrúa á Dalvík. Menn tóku sér
nokkurn umhugsunartíma en
æskulýðsfulltrúi var ráðinn árið
1983. Þetta starf hefur verið í
mótun síðan en með þessari
ráðningu er yfirstjórn æskulýðs-
mála komin á eina hendi og
finnst flestum það til mikilla
bóta.
einn áfanga í nýja grunnskóla-
húsinu auk þess sem mikið hefur
verið framkvæmt innan dyra. Þeg-
ar húsið var tekið í notkun voru
einungis tvær stofur tilbúnar og
síðan hafa fleiri bæst við smátt og
smátt.
Mikill áhugi er fyrir því á Dal-
vík að bjóða áfram upp á nám á
skipstjórnarbraut sem þar hefur
verið í nokkur ár. Þetta nám
samsvarar fyrra ári í Stýrimanna-
skólanum til venjulegs skip-
stjórnarprófs. Hugmyndin er sú
að í framtíðinni verði jafnvel
hægt að koma upp fullkomnum
stýrimannaskóla á Dalvík.
Á kjörtímabilinu eignuðust
Dalvíkingar Safnahús og mun
vera ætlunin að í því húsi verði í
framtíðinni bæði náttúrugripa-
safn og byggðasafn. Þá flutti
bókasafnið í nýtt húsnæði í kjall-
ara Ráðhússins en staðið hefur til
að koma safninu í viðunandi
húsnæði í eina tvo áratugi! Hér-
aðsskjalasafnið sem Dalvíkingar
eiga ásamt Svarfdælingum er
einnig í Ráðhúsinu.
Mynd: Rögnvaldur
aldur Rækjuvinnsla hjá S.F.D. hf. á Dalvík.
Áhyggjulaust ævikvöld
Mjög vel er búið að öldruðum
á Dalvík og líklega þarf að leita
langt til að finna hliðstæðu. Mikl-
ar framkvæmdir hafa verið við
Dalbæ, dvalarheimili aldraðra, á
þessu kjörtímabili en húsið var
tekið í notkun árið 1979. Lokið
var við annan áfanga, vesturálm-
una, en þar er m.a. matsalur,
tómstundaaðstaða og aðstaða
fyrir dagvistun aldraðra. Dalbær
er sjálfseignarstofnun í eigu Dal-
víkurbæjar og Svarfaðardals-
hrepps. í upphafi var þarna ein-
ungis vistheimili en í fyrra voru
14 sjúkrarúm tekin í notkun og
hjúkrunardeildin hefur bætt
aðbúnað aldraðra á Dalvík enn
frekar.
Heimilishjálp er rekin af
bæjarfélaginu og hefur hún verið
stóraukin á kjörtímabilinu. Dal-
víkingar mega vera stoltir af því
hvernig þeir búa að öldruðum.
Þar hefur bæjarstjórn haft for-
Mynd: Rögnvaldur Skólamannvirkin á Dalvík.
ifnargerð á Dalvík 1984. Nýtt stólþil og garðurinn breikkaður. Mynd: Rögnvaldur
Á síðasta ári var opnað nýtt
æskulýðsheimili í Gimli og bæjar-
stjórn fjármagnaði það alfarið.
Það hefur verið stefna bæjar-
stjórnar að styðja við bakið á
þeim félögum sem vilja vinna að
uppbyggingu íþróttamannvirkja.
Þannig var Skíðafélaginu hjálpað
til að koma upp skíðalyftu í
Böggvisstaðafjalli. Bæjarfélagið
fjármagnaði skíðalyftuna að Vs
hlutum á móti Skíðafélaginu. Nú
er að vakna áhugi hjá Ung-
mennafélaginu að koma upp
grasvelli og það er stefna fram-
sóknarmanna að koma til móts
við það á sama hátt. Með tilkomu
skíðalyftunnar hefur allur
almenningur góða aðstöðu til
heilbrigðrar útivistar.
Stýrimannaskóli á Dalvík?
Á kjörtímabilinu var lokið við
göngu en ekki má gleyma því að
félagasamtök á staðnum hafa
verið mjög iðin við að veita þessu
málefni liðsinni. Þess má geta að
í athugun er að byggja þjónustu-
íbúðir fyrir aldraða í tengslum
við Dalbæ ef áhugi er fyrir hendi
meðal bæjarbúa.
Öflugar bygginga-
framkvæmdir
Leikskólinn á Dalvík heitir
Krílakot og eru þar tvær leik-
skóladeildir og auk þess er mögu-
legt að taka þar inn fjögur börn í
dagvistun. Upp á síðkastið hefur
verið skortur á dagvistarrými
þótt langt sé frá að ófremdar-
ástand ríki. Framkvæmdir eru
hafnar við tengibyggingu við
Krílakot. Tengibyggingin mun
stækka heimilið talsvert og bæta
aðstöðuna verulega.
Síðan 1981 hafa verið byggðar
16 nýjar íbúðir innan verka-
mannabústaðakerfisins, þar af 10
á þessu kjörtímabili. Þessi fjöldi
samsvarar því að 160 íbúðir hafi
verið teknar í notkun á Akureyri
á s.l. 5 árum. Bæjarfélagið hefur
haft forgöngu varðandi þessar
byggingar og reynt að haga mál-
um á þann veg að framkvæmdir
færu fram á tímum þegar lítið
hefur verið um vinnu hjá iðnað-
armönnum.
Vinnuskólinn stendur
undir nafni
1984 var ráðist í að byggja nýtt
áhaldahús. Það verkefni var orð-
ið rnjög aðkallandi þar sem
gamla áhaldahúsið veitir engan
veginn þá aðstöðu sem þarf undir
slíka starfsemi. Áhaldahúsið hef-
ur verið á undanþágu frá vinnu-
eftirlitinu í nokkur ár. í áhalda-
húsinu nýja hefur slökkviliðið og
lögreglan aðstöðu svo og raf-
magnsveitan. Rafmagnsveitan er
flutt inn og stefnt er að því að
lögreglustöðin og hluti áhaida-
hússins verði tekin í notkun á
þessu ári.
Hvað gatnaframkvæmdir varð-
ar er búið að malbika einar 10
götur á kjörtímabilinu og endur-
nýja jarðveginn í einni og það er
allhátt hlutfall af gatnakerfi
bæjarins. Síðan hefur smátt og
smátt verið unnið við að ganga
frá grænum svæðum í bænum.
Þar kemur vinnuskólinn til sög-
unnar, en verkefni hans hafa
stóraukist á síðustu árum og
hann stendur fyllilega undir nafni
sem vinnuskóli. Hans verkefni
hefur fyrst og fremst verið að
halda bænum hreinúm og vel
snyrtum.
Betri tíð með blóm
í haga
Fjárhagsstaða Dalvíkurbæjar
hefur nokkuð verið rædd. Skuldir
bæjarins hafa aukist eins og hjá
mörgum sveitarfélögum öðrum
vegna óhagstæðrar verðþróunar
á síðustu árum. Allar fjárhags-
áætlanir og allir ársreikningar á
þessu kjörtímabili hafa hlotið
samhljóða samþykki í bæjar-
stjórn, sem sýnir að góð sam-
staða hefur ríkt um fjármál
bæjarins á síðustu árum. Fram-
sóknarmönnum finnst því skjóta
skökku við ef frambjóðendur
minnihlutans ætla nú að fara að
halda uppi gagnrýni á fjármála-
stjórn bæjarins og fullyrða að
fjárhagsstaða bæjarins sé afleit.
Það er trú manna að með minnk-
andi verðbólgu og betri horfum
eigi að skapast möguleiki til að
minnka skuldir bæjarins án þess
þó að draga úr nauðsynlegum
framkvæmdum.
Framsóknarmenn telja að
þessar kosningar snúist að ein-
hverju leyti um bæjarstjórann.
Hann er ráðinn af núverandi
meirihluta og hefur að flestra áliti
staðið sig mjög vel. Alþýðu-
bandalagið segir það engu að síð-
ur hreint út að það ætli að skipta
um stjórnendur bæjarins ef það
fái einhverju ráðið eftir kosning-
ar. Framsóknarmenn styðja hins
vegar núverandi bæjarstjóra til
áframhaldandi starfa.
Vinnugleði
Þegar hér var komið sögu var
langt liðið á daginn en menn létu
engan bilbug á sér finna. Umræð-
an um bæjarmálefnin var í
algleymingi. Menn hugðust taka
stutt matarhlé en um kvöldið átti
að skoða stefnuskrána og fleira.
Ég þakkaði hins vegarfyrir kaffið
og kvaddi þennan hóp at' baráttu-
glöðu fólki með virktum.
Texti: Bragi V. Bergmann