Dagur - 04.06.1986, Blaðsíða 2

2 -'DA'GUR - 4. júní 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÓRNSSON
FRÉTTASTJÓRI:
GYLFI KRISTJÁNSSON
BLAÐAMENN:
ÁSLAUG MAGNÚSDÓTTIR, BRAGI V. BERGMANN,
GESTUR E. JÓNASSON, GESTUR KRISTINSSON (Blönduósi sími 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR (Húsavík),
KRISTJÁN G. ARNGRÍMSSON, KRISTJÁN KRISTJÁNSSON,
MARGRÉT Þ. ÞÓRSDÓTTIR,
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Ueiðari__________________________
Þreifingar um
meirihlutamyndun
Forystumenn stjórnmálaflokkanna á Akur-
eyri eru nú byrjaðir að þreifa fyrir sér um
myndun bæjarstjórnarmeirihluta. í Degi í
gær kom fram að forystumenn Alþýðu-
flokks og Sjálfstæðisflokks vilja byrja á að
kanna möguleika á meirihlutasamstarfi
þessara flokka. Margir hafa orðið til að spá
því, eftir að kosningaúrslit lágu fyrir, að
þessir tveir flokkar myndi meirihluta í
bæjarstjórn Akureyrar næsta kjörtímabil.
Ekki er gott um það að segja á þessu
stigi hvort slíkar viðræður skili árangri en
fljótt á litið virðist a.m.k. eitt stórt ljón í
veginum. Alþýðuflokksmenn hafa haldið
þeirri skoðun sinni mjög á lofti undanfarin
ár og nú síðast í kosningabaráttunni, að
þeir vilji fullnýta alla skattstofna bæjarins
og þar á meðal fasteignagjöld. Þetta hefur
verið eitt megin stefnumál Alþýðuflokks-
ins á Akureyri undanfarin ár. Sjálfstæðis-
menn hafa hins vegar gagnrýnt núverandi
meirihluta fyrir að innheimta of háa skatta
og viljað beita tilslökunum í skattheimt-
unni. Sérstaklega hafa sjálfstæðismenn
agnúast út í fasteignagjöldin og talið þau
allt of há.
Fróðlegt verður að fylgjast með því
hvernig þessum tveimur flokkum tekst að
samræma þessi mjög svo ólíku sjónarmið í
fyrirhuguðum viðræðum um meirihluta-
myndun í bæjarstjórn Akureyrar.
Annar líklegur möguleiki er sá að
Alþýðuflokkur, Framsóknarflokkur og
Alþýðubandalag myndi meirihluta í bæjar-
stjórn. Efsti maður á lista Alþýðubanda-
lags hefur lýst því yfir að hann vilji fyrir alla
muni koma í veg fyrir að sjálfstæðismenn
komist til valda á Akureyri og viljinn er því
greinilega fyrir hendi á þeim bæ. Fram-
sóknarmenn hafa lýst sig reiðubúna til við-
ræðna um meirihlutasamstarf ef eftir því
verður leitað. Alþýðuflokksmenn munu
væntanlega kanna allar leiðir, enda í lykil-
aðstöðu með þrjá bæjarfulltrúa af ellefu.
Væntanlega mun skýrast á næstu dögum
hvaða mynstur kemur út úr þeim viðræð-
um sem þegar eru hafnar og hvaða flokkar
koma til með að ráða ferðinni um stjórnun
Akureyrar næstu fjögur árin. BB.
—viðtal dagsins.
Höfum krakkana með
í öllu sem við gemm
- sagði Jóhanna Rögnvaldsdóttir á Stóruvöllum í Bárðardal,
en hún tekur börn í sveit á sumrin
„Nei, það er ekki alveg rétt, að
ég ætli að reka hérna barna-
hcimili. En ég ætla að taka
nokkur börn í sveit í sumar,“
sagði Jóhanna Rögnvaldsdótt-
ir á StóruvöIIum í Bárðardal,
er blaðamenn Dags heimsóttu
hana í síðustu viku. Jóhanna
býr að Stóruvöllum ásamt
manni sínum Garðari Jóns-
syni, en hann er einmitt þaðan.
Jóhanna er hins vegar úr
Mývatnssveitinni.
Jóhanna og Garðar búa kúabúi
að Stóruvöllum, eru með um
þrjátíu mjólkandi kýr, „allt í allt
eru hausarnir um níutíu, við ölum
kálfa upp til slátrunar,“ sagði
Jóhanna.
Jóhanna byrjaði síðastliðið
sumar að taka nokkur börn í
sveit, aðallega frá Akureyri.
Bæði sagðist hún hafa auglýst og
einnig hefði hún fengið börn í
gegnum Félagsmálastofnun.
Aðili frá Félagsmálastofnun
kemur einu sinni í mánuði til að
líta eftir að allt sé í sómanum. Og
án þess það sé í okkar verkahring
þá fullyrðum við að öllum á að
geta liðið vel að Stóruvöllum.
Húsið að Stóruvöllum er eitt
elsta steinhús sem byggt er í sveit
á íslandi, það er á tveimur hæð-
um og kjallari undir öllu. Jó-
hanna hleypur snöggvast upp á
efri hæðina og nær í bók þar sem
gerð er grein fyrir húsinu. Þar
kemur fram að það var Páll H.
Jónsson ásamt tveimur bræðrum
sínum sem hóf að byggja húsið
árið 1888. Tveimur árum síðar
var fyrst búið í húsinu og þá á
neðri hæðinni. Jóhanna sagði að
Páll hefði ferðast nokkuð erlend-
is, þá m.a. um Danmörku, þar
hefði hann séð þessi stóru og
reisulegu hús. Og kominn heim í
sveitina á íslandi réðist hann í
þetta stórvirki.
Nú búa þau hjónin ein í hús-
inu, en á tímabili bjuggu þar
fimm hjón og allt upp í þrjátíu
manns. „Og ég held það hafi ekki
þótt neitt þröngt á þeim.“ Þetta
var upp úr 1950, en núna tæpum
fjörutíu árum síðar sagði Jóhanna:
„Mér finnst ekki mega vera
þrengra á mér.“ Svona breytast
tímarnir.
Aðeins áfram með húsið. Á
efri hæðinni eru fimm herbergi
og eldhús. Á þeirri neðri er
stofan, skrifstofa, baðherbergi,
gamalt eldhús sem ekki er notað
og geymslur. „Húsið nýtist mjög
illa núna, hér voru svo margar
fjölskyldur í eina tíð, að mikið er
um alls konar geymslur.“
Þá vindum við okkur í börnin
og sveitina. Jóhanna sagðist vera
með þrjú til fjögur börn í einu,
best væri að hafa þau fjögur, því
oft vildi það verða að eitt yrði
útundan ef þau eru þrjú.
„Það er langmest eftirspurn að
koma strákum á aldrinum níu til
tólf ára að í sveit,“ sagði Jóhanna
og bætti því við að fyrstu börnin
væru væntanleg eftir helgina.
Kostnaður foreldranna er 3600
krónur fyrir vikuna og geta ein-
stæðir foreldrar fengið styrk frá
félagsmálastofnun. Pað er ferða-
þjónusta bænda sem reiknar út
kostnaðinn og sagði Jóhanna að
inni í honum væri matur og þjón-
usta. „En það er auðvitað margt
annað sem kemur þarna inn í.
Pað þarf að líta eftir börnunum
og hafa ofan af fyrir þeim, en ég
held að það sé ríkjandi viðhorf
að konur í sveit geri svo margt að
ekki þurfi að reikna þeim laun
fyrir gæslu.
Við reynum að hafa krakkana
með í öllu sem við gerum. En
tímarnir hafa breyst svo gífurlega
að það er oft erfitt að finna verk-
efni fyrir börn í sveit í dag.
Tækjavinna er orðin mikil í sveit-
um, þannig að hrífur eru til dæm-
is lítið notaðar. Foreldrar vilja að
börnin fái eitthvað að gera. En við
rekúm þau ekki til að gera eitt-
hvað sem þau ekki vilja. Annars
eru börnin óskaplega ólík og það
er misjafnt hvað þau finna sér að
gera sjálf. Sum geta endalaust
fundið sér eitthvað spennandi að
gera, á meðan önnur vilja bara
sitja inni. Áhugamálin eru
misjöfn, en við verðum að gera
öllum til hæfis. Börnin eru hér
sér til ánægju.“ -mþþ