Dagur - 07.07.1986, Blaðsíða 3

7. júlí 1986 - DAGUR - 3
Rannsóknaráð ríkisins:
Rannsóknir í fiskeldi stórefidar
Á 57. fundi sínum þann 30.
júní sl. fjallaði Rannsóknaráð
ríkisins um niðurstöður
skýrslu, sem starfshópur á veg-
um ráðsins skilaði nýlega um
þróunarhorfur á sviði fískeldis.
Meðfylgjandi er ályktun sem
ráðið samþykkti á grundvelli
skýrslunnar og hefur hún verið
send ríkisstjórninni til
umfjöllunar.
Rannsóknaráð ríkisins hefur
fengið í hendur álitsgerð
starfshóps, sem ráðið skipaði til
að kanna þróunarhorfur í fiskeldi
og meta þörf fyrir rannsóknir á
því sviði. Niðurstöður starfshóps-
ins sýna að náttúruskilyrði og
aðstæður hér á landi eru að
mörgu leyti hagstæðar til fiskeld-
is. Hann bendir þó á að fiskeldi á
íslandi hljóti að byggjast í mun
meira mæli en annars staðar á
hagnýtingu séstæðra náttúruskil-
yrða til að stýra vaxtar- og
þroskaferli eldistegundanna af
nákvæmni. Þannig verði eldisað-
ferðir hér frábrugðnar því sem
tíðkast erlendis. Þess vegna verð-
ur að gera enn ríkari kröfur hér
en erlendis um góða þekkingu,
m.a. á lífeðlisfræði eldisfiskanna
og á tæknilegum og hagrænum
þáttum eldisins. Bent er á að
matfiskeldi á landi með þessum
hætti hefur hvergi verið að fullu
reynt og rekið með hagkvæmni
enn sem komið er.
Með hliðsjón af álitsgerð
starfshópsins og þeim stórfelldu
áformum sem nú eru uppi um
fjárfestingu í fiskeldi hér á landi,
bendir Rannsóknaráð ríkisins á
nauðsyn þess að efla rannsóknir í
þágu þessarar nýju atvinnugrein-
ar og móta opinbera stefnu varð-
andi málefni hennar:
1. Lagt er til að rannsóknir í
þágu fiskeldis verði stórefldar
og hrundið í framkvæmd sam-
ræmdri áætlun um slíkar rann-
sóknir í samvinnu opinberra
aðila og einkaaðila. Mun ráð-
ið beita sér fyrir slíku átaki
undir sérstakri verkefnis-
stjórn.
2. Lagt er til að hlutverk Laxeld-
isstöðvar ríkisins i Kollafirði
verði endurmetið og breytt
þannig að hún verði gerð að
tilraunastöð í fiskeldi til að
sinna hluta þeirra langtíma-
rannsókna, sem ekki er raun-
hæft að einkaaðilar geti sinnt.
Rekstur hennar verði fyrst og
fremst með það í huga að afla
þekkingar og stunda kynbætur
í þágu einstakra eldisaðferða.
3. Ráðið telur hins vegar líklegt
að fiskeldisrannsóknir verði
stundaðar á fleiri en einum
stað. Hagnýta þarf aðstöðu
sem skapast í fiskeldisstöðv-
um, sem reistar eru við mis-
munandi skilyrði. Því er nauð-
synlegt að góð samvinna takist
milli opinberra aðila og einka-
aðila um rannsóknir.
4. Vegna núverandi áforma um
fjárfestingu í fiskeldi, bendir
ráðið á eftirfarandi helstu
nauðsynjaverkefni í rann-
sóknum í þágu eldis og haf-
beitar á laxfiskum:
1) Að leita bestu skilyrða
til öflunar grunnvatns, jarð-
hita og sjávar til fiskeldis.
2) Að bera saman laxfisk-
stofna og kynbæta fyrir mis-
munandi eldisaðstæður.
3) Að draga úr árstíða-
bindingu framleiðslu.
4) Að finna kjörskilyrði
fyrir hvert stig á þroskaferli
laxfiska.
5) Að tryggja gæði göngu-
seiða og sjóeídisseiða.
6) Að sýna fram á hag-
kvæmni hraðeldis upp í 400-
800 g og áframeldis upp í
matfiskstærð.
7) Að kanna möguleika á
vetrareldi í sjó.
8) Að afla þekkingar er
varðar hagnýtingu innlends
hráefnis til fóðurgerðar og
fóðrunar við mismunandi
aðstæður.
9) Að kanna hvað ræður
endurheimtu í hafbeit.
10) Að rannsaka fisksjúk-
dóma og þróa aðferðir í
þágu sjúkdómsvarna.
5. Ráðið telur ennfremur, að
samtímis því sem rannsóknir á
laxfiskum verði efldar, þurfi
að hefja skipulegar rannsókn-
ir á eldi sjávarlífvera og kanna
umhverfisskilyrði til eldis í
söltu vatni við strendur
landsins. Nauðsynlegt verður
að skapa aðstöðu til slíkra
ranMsókna.
6. Þar sem fiskeldisrannsóknir
eru stundaðar víða um heim,
m.a. á Norðurlöndum er
ástæða til að kanna forsendur
fyrir nánu samstarfi við ná-
grannalöndin á því sviði.
7. Loks leggur ráðið áherslu á að
stjórnvöld móti stefnu varð-
andi málefni fiskeldis sem
nýrrar atvinnugreinar. Þannig
þarf að skapa henni sem hag-
stæðust vaxtarskilyrði, en
jafnframt hindra árekstra inn-
byrðis milli fiskeldisfyrirtækja
og við hagsm'uni annarra
greina. Einnig þarf að tryggja
að fjárhagslegt og þekkingar-
legt forræði í greininni verði
innanlands. Ráðið vekur
athygli á eftirfarandi:
1) Ákveða þarf hvaða
ráðuneyti fer með málefni
fiskeldis. Við þá ákvörðun
þarf að tryggja að hagsmun-
ir annarra atvinnugreina
þrengi ekki vaxtarmögu-
leika í fiskeldi.
2) Efla þarf fisksjúkdóma-
varnir og heilbrigðiseftirlit
með fiskeldisstöðvum.
3) Auðvelda þarf aðgang
innlendra aðila að fé til
stofnunar og reksturs fisk-
eldisstöðva.
4) Taka þarf upp í lög
ákvæði um starfsleyfi fyrir
fiskeldisfyrirtæki til að
hindra árekstra og umhverf-
isspjöll og fá faglegt mat
þegar sótt er um fé úr opin-
berum sjóðum.
5) Efla þarf menntun og
þjálfun á sviði fiskeldis við
íslenska skóla.
6) Taka þarf upp skipulegt
samstarf fyrirtækja og opin-
berra aðila um stuðning við
útflutnings- og sölustarf-
semi í þágu fiskeldis.
Ráðið telur brýnt að taka nú þeg-
ar á málefnum þessarar atvinnu-
greinar, m.a. til að draga úr
áhættu þeirra sem fjárfesta í
fiskeldi og til að hagnýta þau
tækifæri, sem tímabundin hag-
stæð markaðsskilyrði skapa.
Vitnisburður Vernharðs í Holti
um Hey-Taddana okkar
Ný, hagkvæmari tækni við heyverkun.
Vernharður Sigurgrímsson, Holti II, Stokkseyrarhreppi, segir:
„Eg notaði Hey-Tadda (heyrúllupoka) ífyrrasumar og tel þetta
mjög hagkvæma heyverkunaraðferð. Hún er alls ekki dýrari en
aðrar aðferðir, t.d. súgþurrkun en heyið verkast mun betur. Eitt
sinn hirti ég hálfþurrt hey af sama teig í Hey-Tadda og í súg-
þurrkun. Pokaheyið reyndist lystugra, kýrnar átu það langt-
um betur. Besta verkun næst, fái heyið að þorna einn dag."
Hey-Taddarnir öruggir.
„í fyrra tók ég 200 Hey-Tadda frá Plastprenti. Aðeins einn Taddi
ónýttist, fyrir slysni. Ég reyndi einnig útlenda poka, þynnri gerð,
en það komu myglublettir við saumana. Taddarnir eru alveg
lausir við slíkt. Við lofttæmum alla pokana með ryksugu,
það auðveldar lokun og flýtir fyrir verkun."
.<
CO
Taddi er fornt heiti
ó poka. Plastprent
vill nó gæða petta
ógæta orð lífi að nýju.
Sölustaðir:
Kau
land allt.
Stórminnkuð áhrif ótlðar.
„Ég hef ekki pokað mjög blautt gras en tilraun sýndi að ekki sak-
aði þótt grænfóður væri pokað blautt í Hey-Tadda. Pokarnir geta
staðið úti fram eftir vetri, varðir vindi og skepnum. Það sparar
hlöðurými. Hjá mér stóðu úti 20 Taddar með þurrkuðu
byggi fram að jólum. Ég er þess fullviss að pokun er
verkunaraðferð framtíðarinnar. Hey þarf aldrei að
hrekjast. Þurrhey má poka á svipstundu, byrji að
rigna. Ég geri ráð fyrir að pakka í 400 Hey-Tadda í
sumar."
f Plastprent hf.
Plastumbúðir, pökkunarvélar, ráðgjöf.
Höfðabaklca 9. Sími 685600.