Dagur - 07.07.1986, Blaðsíða 12
Þjónusta fyrir
háþrýstislöngur
olíuslöngur og barka
Pressum
tengin á
Fullkomin tækni
vönduð vinna
Dalvík:
Hugmyndir um sumarskíða-
svæði í Böggvisstaðadal
- Framkvæmdir háðar því að gerður verði nýr vegur til dalsins
Upp hafa komið hugmyndir á
Dalvík um að útbúa sumar-
skíðasvæði í Böggvisstaðadal,
en hann er u.þ.b. 7 kflómetra
utan við Dalvík. Upphaflega
stóð til að reyna þetta nú í
sumar en það var háð því að
farið yrði þangaö með gamla
skíðalyftu sem tekin var úr
notkun í fyrra. Það brást þann-
ig að málið hcfur verið afskrif-
að um stund.
Akureyri:
Hæsti meðalhiti í
iúní síðan 1960
Á Veðurstofu íslands fengust
þær upplýsingar að júnímán-
uður hefði verið sá hlýjasti á
Akureyri síðan 1960. Það var
frekar kalt framan af mánuði
en þegar líða tók á hann byrj-
aði að hlýna, á sama tíma og
veður var leiðinlegt á Suður-
landi.
Kaldast var 9. júní, en þá var
slydda og hitinn fór niður í 1,3
gráður. Veður var síðan frekar
dauflegt fram til þess 19., en þá
hlýnaði og eftir það komst hitinn
í 15 gráður eða meira á hverjum
degi. Hlýjast varð þann 27. júní,
en þá komst hitinn í 24 gráður.
Meðalhiti mánaðarins var 10,7
gráður og er það hæsti meðalhiti í
júní síðan 1960. Sólskinsstundir
voru alls 196 og eru það 23 um-
fram meðallag. Heildarúrkoma
var 24 millimetrar sem er nokkuð
fyrir neðan meðallag.
Þess má geta að ekki er unnt
að fá sams konar yfirlit yfir aðra
staði á Norðurlandi, þar sem að-
eins er reiknað út mánaðaryfirlit
fyrir þrjá staði, Reykjavík,
Akureyri og Höfn í Hornafirði.
JHB
Bundið slitlag:
Lagt á rúmlega
40 kílómetra
- á leiðinni milli Akureyrar og Reykjavíkur í sumar
Bundið slitlag verður lagt á yfir
40 kflómetra á þjóðveginum
milli Akureyrar og Reykjavík-
Blönduós:
Haukur
Sigurðsson
ráðinn
sveitarstjóri
Haukur Sigurðsson skrif-
stofustjóri hjá Híbýli h.f. á
Akureyri hefur verið ráðinn
sveitarstjóri á Blönduósi.
Umsækjcndur um stöðuna
voru 14. Tillaga um ráðningu
Hauks var samþykkt með
atkvæðum allra hrepps-
nefndarmanna.
Haukur var áður bæjarritari á
Akranesi og hann hefur verið
aðstoðarmaður bæjarstjóra á
Akureyri. Haukur kemur til
starfa á Blönduósi um næstu
mánaðamót. Snorri Björn Sig-
urðsson fyrrverandi sveitar-
stjóri á Blönduósi fer á Sauðár-
krók þar sem hann gegnir stöðu
bæjarstjóra, eftir þriggja ára
starfsþjálfun á Blönduósi.
G.Kr.
ur í sumar. Þegar er bundíð
slitlag á yfir 50% leiðarinnar.
Lengstu malarkaflarnir á leið-
inni suður verða hér næst
Akureyri, Öxnadalur og
Öxnadalsheiði, Norðurárdalur
í Skagafirði, Norðurárdalur í
Borgarfirði og sunnanverð
Holtavörðuhciði.
Að sögn Jóns Rögnvaldssonar
yfirverkfræðings hjá Vegagerð-
inni verður í sumar lagt slitlag á
um 5 kílómetra kafla í Kjós og
Hvalfirði. Á Hvalfjarðarströnd
norðanverðri er þegar búið að
leggja um 6 kílómetra. Ofan við
Gljúfurá í Borgarfirði verður lagt
slitlag að slitlagsenda neðan við
Bifröst og er það um 9 kílómetra
kafli. Á Holtavörðuheiði verða
lagðir a.m.k. 14 kílómetrar. í
Húnavatnssýslum verða lagðir
nokkrir bútar og tengjast þeir all-
ir fyrra slitlagi. í Vatnsskarði í
Skagafirði verða væntanlega lagðir
um 5 kílómetrar.
Jón sagði að aðaláherslan væri
lögð á að ljúka við veginn á milli
Akureyrar og Húsavíkur. „Við
erum farin að sjá fyrir endann á
því verki, því gæti lokið á næstu
tveimur til þremur árum. Eftir
þaó verður væntanlega settur
kraftur í að Ijúka við veginn á
milli Akureyrar og Reykjavík-
ur,“ sagði Jón.
-mþþ
„Er bfllinn í lagi, góði?“
Óskoðaðar bifreiðir:
Lögreglan herðir
á aðgerðum
Jón Halldórsson, formaður
Skíðafélags Dalvíkur, sagði að
þetta væri enn ekki nema hug-
mynd, það væri ekkert farið að
hugsa um framkvæmdir af ein-
hverri alvöru. Hann sagðist hafa
fylgst með svæðinu undanfarin
sumur og þarna væri ævinlega
einhver snjór, sennilega myndu
jarðfræðingar kalla þetta sífenni.
Jón sagði allar framkvæmdir
vera háðar því að gerður yrði nýr
vegur til dalsins, en sá sem fyrir
er liggur mjög óheppilega og er
því alltaf lengi undir snjó og
mjög blautur. Jón sagði þetta
vera aðalfyrirstöðuna og um leið
og úr þessu hefði verið bætt, þá
gæti það alveg dottið í menn að
hefja framkvæmdir fljótlega,
möguleikinn væri vissulega fyrir
hendi. JHB
Eins og kunnugt er lauk aðal-
skoðun bifreiða í byrjun júní
sl. Hjá lögreglunni á Akureyri
fengust þær upplýsingar að
búið væri að beita klippunum á
u.þ.b. 30 bifreiðir sem væri
svipað og undanfarin ár.
Lögreglan er nú að herða á
aðgerðum og hún er nú þegar far-
in að stöðva bifreiðir og færa þær
til skoðunar ef allir pappírar eru
til reiðu, að öðrum kosti er klippt
af þeim. Gunnar Randversson,
varðstjóri, sagðist vilja koma
þeim tilmælum til þeirra sem enn
ættu eftir að láta skoða, að þeir
létu verða af því sem fyrst og
komast þannig hjá óþægindum.
JHB
Gaukurinn ’86:
Skriðjöklar hrepptu hnossið
- „Aldrjúgir,“ segir Bjarni Bjarnason dansari
Fyrir skömmu var auglýst í
dagblöðum eftir skemmti-
kröftum og hljómsveitum til
starfa á Gauknum ’86 í Þjórs-
árdal, en það er ein stærsta
útihátíð sem haldin er um
verslunarmannahelgina. Nú
er afráðið að glcðisveitin
Skriðjöklar mun sjá um dans-
leikjahald á Gauknum þetta
árið, en þeir eru frá Akureyri
eins og kunnugt er.
„Við erum að sjálfsögðu al-
drjúgir og afskaplega ánægðir
með lífið þessa stundina," sagði
Bjarni Bjarnason, dansari
þeirra Jökla í samtali við Dag.
„Þetta sýnir að hljómsveitin
hefur náð talsverðum vinsæld-
um því við erum valdir úr hópi
60 hljómsveita sem sóttu um
þetta. Við erum búnir að enda-
sendast landshorna á milli
undanfarna mánuði og standa
fyrir alls kyns dansleikjum og
uppákomum og erum nú farnir
að sjá árangur af því starfi.
Einnig hef ég grun um að þeir
hafi haft spurnir af gríðarlegri
kvenhylli hljómsveitarmeð-
lima.“
Aðspurður sagði Bjarni að
þarna væru umtalsverðar fjár-
hæðir í spilinu en ekki væri hægt
að gefa þær upp á þessari
stundu. „Það er hins vegar
möguleiki að ég segi þér það
seinna til að við komumst aftur
í blöðin. Annars máttu alveg
skrifa að við höfum aldrei nokk-
urn frið fyrir blaðamönnum,“
sagði Bjarni Bjarnason dansari
að lokum.
Þess má geta að samningavið-
ræður standa nú yfir við Bubba
Morthens um þátttöku á
Gauknum ásamt Jöklunum og
mun það skýrast fljótlcga hvort
af verður.
BB.