Dagur - 31.07.1986, Side 2
2 - DAGUR - 31. júlí 1986
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI: 24222
ÁSKRIFT KR. 420 Á MÁNUÐI
LAUSASÖLUVERÐ 40 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
FRÉTTASTJÓRI:
GYLFI KRISTJÁNSSON
RITSTJÓRNARFULLTRÚI:
BRAGI V. BERGMANN
BLAÐAMENN:
ÁSLAUG MAGNÚSDÓTTIR, GESTUR E. JÓNASSON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN G. ARNGRÍMSSON,
KRISTJÁN KRISTJÁNSSON, MARGRÉT Þ. ÞÓRSDÓTTIR,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
leiðari______________________________
Skeröing á
sérkennslu
Ef ekki kemur til veruleg viðhorfsbreyting mennta-
málaráðherra og reiknimeistara hans í ráðuneytinu
verður að skera sérkennslu niður í um fjórðung í
fræðsluumdæminu í Norðurlandi eystra, og ef að
líkum lætur er það sama uppi á teningnum í öðrum
fræðsluumdæmum á landsbyggðinni. Fræðslustjóri
Norðurlandsumdæmis eystra gerði ráð fyrir því að
samkvæmt greiningu þyrfti 850 vikustundir í sér-
kennslu. Greining þessi er eini raunhæfi grund-
völlurinn til þess að meta það hvaða börn þurfa á
sérkennslu að halda og hún er unnin af sérfræðing-
um á sínu sviði. Menntamálaráðuneytið hefur nú
fjallað um sérkennsluáætlanir umdæmisins og gert
að tillögu sinni að sérkennslan verði áætluð 200
vikustundir. í áætlun fræðslustjóra var gert ráð fyr-
ir 440 vikustundum í Akureyrarskólahverfi en sam-
kvæmt tillögum ráðuneytisins fær Akureyri ekki
nema 104 vikustundir.
Sama gerðist raunar á síðasta skólaári. Þá var
með greiningu gert ráð fyrir að í Norðurlandi eystra
væru 89 einstaklingar sem þyrftu á sérkennslu að
halda en ekki fékkst heimild fyrir kennslu nema 18.
Á Vestfjörðum var talið að þyrfti kennslu fyrir 23 en
úthlutað var sérkennslukvóta fyrir 8. Á Suðurlandi
þurfti sérkennslu fyrir 71 en fékkst fyrir 48 og á
Reykjanesi þurfti sérkennslu fyrír 86 einstaklinga
en úthlutað var kvóta fyrir 51. Af einhverjum undar-
legum ástæðum fékkst úthlutað nægilega mörgum
kennslustundum til sérkennslu á Austurlandi og,
sem ekki kemur á óvart, einnig í Reykjavík. Þar var
orðið við því sem um var beðið.
Um sérkennsluþjónustu er fjallað í grunnskóla-
lögum og hafa fræðslustjórar ekki heimild til að
skerða þessa þjónustu, nema hvað fagráðuneyti
menntamála gerir þeim nær ókleift að fara að
lögunum. Sú fornaldarstefna að safna öllum þeim
sem eru þroskaheftir eða á annan hátt bæklaðir á
eina eða nokkrar stofnanir, helst í Reykjavík, virðist
enn vera ofan á hjá menntamálaráðuneytinu. Þessir
einstaklingar þroskast best og geta með auðveld-
ustum hætti nýtt sér þá kennslu sem til staðar er í
því umhverfi þar sem þeim líður best. Farsælast er
að það sé á heimaslóðum, innan um fjölskyldu og
vini, en ef kennslan nýtist þeim ekki þar þá nýtist
hún þeim hvergi.
í raun er hér um það að ræða að fagráðuneyti
snýst gegn faglegri úrvinnslu í fræðslu-
umdæmunum. Þar er reynt að halda úti þjónustu og
vísast er að ef hún hrynur þarf að byggja stóra sér-
stofnun í Reykjavík. Byggt er á því að ekki sé um
aukningu í þessum efnum að ræða frá því sem var
1984, en því er hins vegar alveg gleymt í reiknings-
kúnstum ráðuneytismanna, að sérkennslumál voru
þá alls óviðunandi alls staðar á landinu nema í
Reykjavík. Ef skera þarf niður er réttlátast að láta
það koma niður á öllum fræðsluumdæmunum jafnt.
Meðferð þessa máls er siðmenntaðri þjóð til hábor-
innar skammar. HS
_viðtal dagsins.
Meðalaldur íbúanna lágur, en
meðaltekjumar hafa hækkað
- segir Ófeigur Gestsson sveitarstjóri á Hofsósi
Árið 1982 var Ófeigur Gests-
son ráðinn sveitarstjóri á Hofs-
ósi. Þegar nýkjörinn hrepps-
nefnd tók til starfa á Hofsósi í
sumar var gengið frá ráðningu
Ófeigs sem sveitarstjóra næstu
árin. Hans uppruni er í föður-
ætt úr Þingeyjarsýslum en í
móðurætt úr Breiðafjarðareyj-
um. Faðir hans er fæddur á
Hólum í Hjaltadal svo Skaga-
fjörðurinn er honum ekki alls-
endis ótengdur. Ófeigur sem
starfaði hjá Búnaðarsamhandi
Borgarfjarðar áður en hann
kom til Hofsóss er fæddur í
Reykjavík árið 1943 og var þar
til sex ára aldurs. Þá fluttu for-
eldrar hans í Kópavoginn og
þar sleit hann barnsskónum.
Leiðin lá í Bændaskólann á
Hvanneyri og þaðan útskrifað-
ist hann sem búfræðingur árið
1961.
Ófeigur segist kunna vel við
sig á Hofsósi, en hvað finnst hon-
um staðnum standa helst fyrir
þrifum?
„Það er auðvitað að hafa ekki
næga peninga til að framkvæma
ýmsa þarfa hluti. En af ákveðn-
um verkefnum þyrfti sjálfsagt
fyrst og fremst að reyna að lækka
húshitunarkostnaðinn. Húshitun
með raforku er dýr og slæmt að
hafa hér ekki ódýra hitaveitu. Að
þessu leyti stöndum við næsta
þéttbýlisstaðnum Sauðárkróki að
baki og veldur það miklum mis-
mun á milli fólksins á þessum
stöðum. Þetta er stórmál sem
reyna þarf að laga. En hvað varð-
ar atvinnumálin, þá er hér vissu-
lega einhæft atvinnulíf, en
þokkalegar tekjur af því atvinnu-
lífi sem þó er. Hofsóssvæðið var
mjög lágt í meðaltekjum hér
áður fyrr, en við höfum þokast
mjög upp á við nú seinni árin. Og
Hofsós er ekki lengur sá þéttbýl-
isstaður í kjördæminu sem hefur
minnstu meðaltekjurnar.
Bátaútgerð þyrfti að vera
öflugri hér heldur en hún er. Sag-
an segir okkur að hér hafi ávallt
verið góðir sjósóknarar og þeir
sem nú standa í þessu hafa aflað
vel og verið fengsælir. Ungu
mennirnir hér hafa sóst eftir
menntun á þessu sviði svo vert er
að gefa möguleikum á aukinni
bátaútgerð sérstakan gaum. Þó
svo að nokkuð hafi verið unnið í
hafnargerð á árunum 1983-84,
sem beindist fyrst og fremst að
því að verja norðurgarðinn svo-
kallaða með öflugri grjótvörn, þá
var það aðeins áfangi á þeirri leið
að gera hér viðunandi aðstöðu
fyrir báta. Og ef hér á að rísa
þróttmikil smábátaútgerð þá
verður auðvitað að bæta hafnar-
skilyrðin enn frekar. Hér er gott
frystihús, góð saltfiskverkun og
ágæt skelfiskverkun. Þannig að
hér er aðstaða í landi til að hafa
svolitla fjölbreytni í þessari
vinnslu.“
- Ertu bjartsýnn á framtíð
Hofsóss?
„Það er engin spurning að auð-
vitað á þessi staður framtíð fyrir
sér eins og allir þéttbýlisstaðir á
landinu sé þeim sinnt. En þetta
er auðvitað ekki bara spurning
um vilja heimamanna heldur líka
um vilja stjórnvalda á hverjum
tíma. Hvaða stefnu þeir hafa í
þessum málum gagnvart þéttbýl-
isstöðum yfirleitt. Það er ljóst að
ef einstaklingar, fyrirtæki og
sveitarfélög eru í fjársvelti þá er
auðvitað lítið svigrúm til að gera
hlutina. Sé svo ekki, þá hafa
menn hér hug á að framkvæma
hitt og þetta. Hér er mikið af
ungu fólki og meðalaldur með
því lægsta á þéttbýlisstöðum hér í
kjördæminu. Því er ástæða til að
ætla að hér ríki bjartsýni. Enda
hefur ívið fjölgað hér á síðustu
árum og nú er svo komið að
skortur er á íbúðarhúsnæði.“
- Hverjar verða aðalfram-
kvæmdir á vegum hreppsins á
þessu ári?
„Það eru malbikunarfram-
kvæmdirnar. Undanfarin ár hef-
ur staðið yfir endurnýjun á skólp-
ræsakerfi bæjarins, lögnum í göt-
um og jarðvegsskipti í þeim.
Árið 1983 var hafist handa við
malbikun á götum þorpsins. í
sumar verður lokið við að leggja
malbik á götur í suðurhluta
þorpsins þar sem aðalíbúabyggð-
in er. Þær framkvæmdir standa
einmitt yfir þessa dagana.“
- Hvað gerir sveitarstjórinn á
Hofsósi í tómstundum sínum?
„Þegar ég var suður í Borgar-
firði hafði ég ákveðið verkefni
sem venjulega var lokið seinni
hluta dagsins og þá frí til næsta
dags. Þá var maður í kafi í ung-
mennafélagshreyfingunni. Ég var
gjaldkeri og formaður Ung-
mennasambands Borgarfjarðar í
nokkur ár og það var áhugamál
hjá mér. En eftir að ég kom hing-
að hefur lítill tími verið aflögu.
Sá tími sem maður hefði gjarnan
viljað fá til tómstunda hefur farið
í ýmis málefni sveitarfélagsins.
Þannig að svigrúm til tómstunda-
starfa hefur nánast ekki verið
neitt ennþá. Enda kannski ekki
óeðlilegt því það hefur verið
heilmikið að gera í ýmsum verk-
efnum alla tíð síðan ég kom hing-
að og framkvæmdir yfir sumar-
tímann talsvert miklar. Þetta hef-
ur verið bindandi starf og ég hef
ekki getað stokkið frá seinni
hluta dags eins og gerist og geng-
ur í venjulegri vinnu. En samt er
mjög gott að vera hérna. Við
þyrftum bara að fá svolítið af
heita vatninu á Króknum," sagði
Ófeigur að lokum.
Þess má að endingu geta að
Ófeigur býr með Dagmar Ásdísi
Þorvaldsdóttur frá Þrastastöðum
og á þrjá syni frá fyrra hjóna-
bandi. -þá