Dagur - 10.09.1986, Page 9

10. september 1986 - DAGUR - 9
Umsjón: Kristján Kristjánsson
Handbolti:
Landsliðið í keppnis-
ferð til Þýskalands
Föstudaginn 12. september
mun íslenska landsliðið í hand-
knattleik halda í æfingaferð til
Vestur-Þýskalands. Leiknir
verða tveir landsleikir, báðir
við landslið Vestur-Þýska-
lands, og verða þeir 15. og 16.
september og kemur liðið
heim daginn eftir seinni leik-
inn. Dagarnir 12.-14. septem-
Alfreð Gíslason verður í eldlínunni í V.-Þýskalandi. Sennilega mun meira
mæða á þessum snjalla leikmanni eftir að Atli Hilmarsson ákvað að gefa
ekki lengur kost á sér í landsliðið.
ber verða notaðir til æfinga.
Eftirtaldir leikmenn hafa verið
valdir til fararinnar:
Markmenn:
Einar Þorvarðarson, Tres de Mayo
Brynjar Kvaran, KA
Aðrir leikmenn!
Guðmundur Guðmundss., Víkingi
Jakob Sigurðsson, Val
Bjarni Guðmundss., Wanne-Eickel
Valdimar Grímsson, Val
Geir Sveinsson, Val
Þorgils Ó. Mathiesen, FH
Hilmar Sigurgíslas., Víkingi
Páll Ólafsson, Dusseldorf
Alfreð Gíslason, Tusem Essen
Sigurður Sveinsson, Lemgo
Kristján Arason, Gummersbach
Júlíus Jónasson, Val
Héðinn Gilsson, FH
Þjálfari er Pólverjinn Bogdan og
liðsstjóri er Guðjón Guðmunds-
son. Ástæða þess að einungis 15
leikmenn voru valdir er sú að
Kristján Sigmundsson markvörð-
ur átti að koma með en af ein-
hverjum ástæðum sá hann sér
ekki fært að komast. Ekki er
reiknað með að bætt verði inn
manni í stað hans.
Knattspyrna:
Hafsteinn bestur -
Óskar markahæstur
- Óskar áfram þjálfari í Ólafsfirði
Að loknum leik Leifturs og ÍR
um sigurinn í 3. deiid sem fram
fór á Akureyrarvelli á laugar-
dag var tilkynnt hver leik-
manna Leifturs hafi verið kjör-
inn besti leikmaður liðsins í
sumar. Það voru leikmennirnir
sjálfír sem að kjörinu stóðu.
Knattspyrnumaður Leifturs
1986 var kjörinn Hafsteinn
Jakobsson en hann hefur leikið
mjög vel með liðinu í sumar.
Hafsteinn hefur leikið á miðjunni
og stjórnað leik liðsins og auk
þess verið virkur í sókninni og
gert nokkur mörk. Hann er því
vel að titlinum kominn.
Einnig var tilkynnt hvaða
leikmaður Leifturs hafi skorað
flest rnörk fyrir liðið í sumar, í
bikar og deild. Markakóngur
liðsins er enginn annar en Óskar
Ingimundarson þjálfari og
leikmaður liðsins. Öskar skoraði
15 mörk í sumar. Hann skoraði
12 mörk í riðlakeppninni og var
næstmarkahæstur í B-riðli deild-
arinnar. Óskar gerði 2 mörk í
bikarkeppninni og 1 mark gegn
ÍR í úrslitaleiknum á laugardag-
inn.
Báðir fengu þeir Hafsteinn og
Óskar glæsilega eignarbikara í
verðlaun sem gefnir voru af
Hraðfrystihúsi Magnúsar Gamal-
íelssonar hf.
Það mun nú vera að mestu
frágengið að Óskar Ingimundar-
son þjálfi lið Leifturs áfram næsta
keppnistímabil og þá í 2. deild-
inni.
Kárli Elíson keppir á Norðurlandamótinu í kraftlyftingum um helgina og
á þar titil að verja. Þessi mynd var tekin á Vatnajökli um helgina en þar
tók Kári léttar pásur í kuldanum.
Kraftlyftingar:
Kari keppir
i Finnlandi
- Norðurlandamótið um helgina
Á morgun heldur Kári Elíson
kraftlyftingamaöur til
Finnlands, þar sem hann mun
taka þátt í Norðurlandamót-
inu í kraftlyftingum um helg-
ina. Mótiö fer frarn í
Tammerfors. Með Kára í för-
inni sem aðstoðarmaður
verður Flosi Jónsson.
Kári er núverandi Norður-
landameistari í 67,5 kg flokki en
hann hefur unnið titilinn síð-
ustu þrjú ár og hefur því titil að
verja.. Ef Kára tekst að verja
titilinn að þessu sinni mun hann
verða fyrsti íslendingurinn sem
vinnur Norðurlandameistara-
•titil fjögur ár í röð.
Kári á besta árangur þeirra
keppenda f 67,5 kg flokki sem
mæta á niótið. Hann sagði í
samtali við Dag að þetta yrði
geysilega hörð keppni og að
hann gengi ekki að titlinum vís-
um nú frekar en áður. „Ég á
von á harðri keppni frá finnsk-
um lyftingamanni sem ég vann
með aðeins 2,5 kg á síðasta Evr-
ópumeistaramóti,“ sagði Kári.
Samfara mótinu verður hald-
ið árlegt þing Norðurlanda-
sambandsins og munu þeir Flosi
og Kári sitja það fyrir íslands
hönd. Munu þeir félagar leggja
það til þar að næsta Norður-
landamót verði haldið hér á
landi og eru nokkuð góðar líkur
á að það verði samþykkt.
Frjálsar íþróttir:
Siguröur í fremstu röð
Ungur Dalvíkingur, Sigurður
Matthíasson hefur náð mjög
góðum árangri á þessu ári í
hinum ýmsu greinum frjálsra
íþrótta. Á frjálsíþróttamóti í
Osló í síðustu viku, kastaði
hann spjóti 70,80 m, sem er
mjög góður árangur.
Sigurður á heimsmet unglinga í
hástökki án atrennu og á jafn-
framt 2. besta árangur í þeirri
grein í karlaflokki.
Hann keppti í bikarkeppninni í
frjálsum íþróttum, 2. deild á
Egilsstöðum í sumar og setti þar
Eyjafjarðarmet í kúluvarpi, kast-
aði 14,37 m. Sigurður keppti einn- >
lig í spjótkasti á sama móti og
kastaði þá 68,08 m. Það dugði
honum í 2. sætið á mótinu en sig-
urvegari var Einar Vilhjálmsson
Landsleikur
á Akureyri
sem kastaði 71,10 m.
Sigurður hefur búið í Noregi
síðastliðið ár og stundað þar
æfingar af miklum móð en hann
hefur aðeins æft spjótkast í 2 ár.
Um áramótin heldur hann til
Bandaríkjanna og mun stunda
þar nám í Alabama-háskólanum
og auk þess æfa íþrótt sína,
ásamt fleiri íslendingum. Má þar
nefna Eggert Bogason, Sigurð
Einarsson og íris Grönfeldt.
Sigurður hefur sett stefnuna á
Ólympíuleikana í Seoul 1988 og
miðað við frammistöðu hans til
þessa ætti hann að ná því tak-
marki.
Óskar Ingimundarson markakóngur
Leifturs.
Hafsteinn Jakobsson knattspyrnu-
maöur Leifturs 1986.
Samkvæmt því sem Dagur
kemst næst mun það ákveðið,
að leikur Islands og Tékkó-
slóvakíu skipaður leikmönnum
21 árs og yngri fari fram á
Akureyrarvellinum þann 25.
september næstkomandi.
Leikurinn er liður í Evrópu-
keppninni í knattspyrnu og er
þetta annar leikur íslenska
liðsins. Liðið tapaði fyrir Finnum
um daginn 2:0.
í íslenska liðinu eru fimm
Akureyringar, þeir Hlynur Birg-
isson, Júlíus Tryggvason og Sig-
uróli Kristjánsson úr Þór, Þor-
valdur Örlygsson úr KA og
Hermann Haraldsson en hann
leikur með dönsku liði.
Þarna gefst Akureyringum
tækifæri til þess að sjá einn
alvöruleik svona rétt í lokin á
knattspy rnuvertíðinni.
Þorvaldur Örlygsson.