Dagur - 14.01.1987, Side 9

14. |anúaf 1987 - ÐAGUR - 9
-íþróttic
Umsjón: Kristján Kristjánsson
Eðvarð Þór Eðvarðsson íþróttamaður ársins 1986.
, Eðvarð Þ. Eðvarðsson
íþróttamaður ársins 1986
-árið 1986 eitt mesta uppgangsár til þessa hjá íslensku íþróttafólki
í gær var haldinn fundur á
Hótel Loftleiðum, þar sem
kynnt voru úrslit úr kjöri
íþróttafréttamanna á „Iþrótta-
manni ársins“ 1986. Þetta er í
31. skipti sem Samtök íþrótta-
fréttamanna gangast fyrir þess-
ari kosningu og er þessi árvissi
atburður einn af hápunktum í
starfsemi félagsins.
íþróttamaður ársins að þessu
sinni var kjörinn Eðvarð Þór
Eðvarðsson sundmaður úr
Njarðvíkum. Eðvarð hlaut 68
stig af 70 mögulegum og er án efa
vel að þessum titli kominn.
Stórglæsilegur árangur hans á
árinu, vakti verðskuldaða athygli
og Eðvarð sýndi það og sannaði
að hann er kominn í hóp með
bestu sundmönnufrkheims-
Að öðru leyti varð röð 10 efstu
manna þessi. í 2. sæti varð Arnór
Guðjohnsen knattspyrnumaður
með 52 stig. Jafnir í 3. til 4. sæti
urðu handknattleiksmennirnir
Kristján Arason og Guðmundur
Þ. Guðmundsson, báðir með 48
stig. í 5. sæti varð Pétur Guð-
mundsson körfuknattleiksmaður
með 23 stig, í 6. sæti Guðmundur
Torfason knattspyrnumaður með
22 stig. í 7. sæti varð Pálmar Sig-
urðsson körfuknattleiksmaður
með 21 stig, í 8. sæti Ragnheiður
Runólfsdóttir sundkona með 20
stig og jafnir í 9. til 10. sæti Úlfar
Jónsson kylfingur og Bjarni
Friðriksson júdómaður með 12
stig hvor.
Athygli vekur að utan þessa
lista eru nokkrir afreksmenn á
heimsmælikvarða og nægir þar að
nefna Einar Vilhjálmsson og
Ásgeir Sigurvinsson. Mun þetta
vera einsdæmi í þessari kosningu
og sýnir betur en margt annað að
árið 1986 er eitt mesta uppgangs-
ár til þessa hjá íslensku íþrótta-
fólki. Það verður því fróðlegt að
sjá hvað nýhafið ár mun bera í
skauti sér. -JHB
Bikarkeppni KKÍ:
Þjálfararnir í
aðalhlutverkum
Þór sigraði Tindastóll nokkuð
örugglega í gærkvöld í bikar-
keppni KKÍ. Lokatölur leiks-
ins sem fram fór á Akureyri
urðu 110:101. Þetta eru nánast
sömu úrslit og urðu í leik lið-
anna í deildinni á laugardag en
þeim leik lauk með sigri Þórs
110:100. Leikurinn í gærkvöld
var frekar illa leikinn en ein-
kenndist af mikilli barátfu
beggja liða.
Jafnræði var með liðunum í
byrjun en í hálfleik höfðu Þórsar-
ar náð 12 stiga forystu 55:43. Þeir
héldu síðan forystunni í síðari
hálfleik og var sigur þeirra aldrei
í hættu og lokatölurnar urðu
110:101.
Þjálfarar liðanna, þeir ívar
Webster hjá Þór og Kári Marís-
son hjá Tindastól voru í aðalhlut-
verkunum í leiknum. Kári skor-
aði 40 stig en ívar 38.
ívar var langbestur Þórsara en
einnig áttu þeir Konráð Óskars-
son og Eiríkur Sigurðsson ágæta
spretti. Bestir í liði Tindastóls
voru þeir Kári, Björn Sigtrygg-
son og Eyjólfur Sverrisson.
Flest stig Þórs gerðu þeir ívar
38, Eiríkur 19 og Konráð 17.
Flest stig Tindastóls gerðu þeir
Kári 40, Eyjólfur 23 og Björn 22.
Leikinn dæmdu Rafn Bene-
diktsson og Magnús Jónatansson
og voru þeir ágætir.
Kári Marísson þjálfari Tindastóls skoraði 40 stig gegn Þór í gærkvöldi.
Mynd RÞB
Guðmundur
þjálfar Huginn
Guðmundur Svansson hefur
verið ráðinn þjálfari 4. deildar-
liðs Hugins á Seyðisfirði í
knattspyrnu. Guðmundur hef-
ur áður þjálfað yngri flokka
Þórs og þá hefur hann þjálfað
kvennalið félagsins.
Guðmundur sagði í samtali við
Dag að sér litist vel á að taka
þetta verkefni að sér en hann
þekkti lítið til aðstæðna þar.
Hann mun hafa með sér til Seyð-
isfjarðar að minnsta kosti einn
leikmann frá Þór en það er
Eymundur Eymundsson. En
hann er einn af ungu og efnilegu
leikmönnum félagsins.
Handboiti 3. deild:
Birgir Skúlason leikmaður Völsungs skorar eitt marka sinna af línunni í leiknum gegn Selfossi.
Selfoss sigraði Völsung
Hann var lítið augnakonfekt
leikurinn sem Völsungur og
Selfoss sýndu á mánudags-
kvöldið í 3. deildinni í hand-
knattlcik. Leikurinn sem fór
fram að Laugum í Reykjadal
endaði með fimm marka sigri
Selfoss, 27:22. Lið Selfoss
trónir því sem fyrr á toppi
deildarinnar.
Völsungar byrjuðu betur og
höfðu oftast frumkvæðið í fyrri
hálfleik þó aldrei væri munurinn
mikill. I lok hálfleiksins náðu
Völsungar þriggja marka forystu
13:10 en Selfyssingar áttu síðasta
orðið í hálfleiknum og minnkuðu
muninn í tvö mörk 13:11.
Völsungar héldu forystunni
fram í miðjan síðari hálfleik en
Selfyssingar náðu að jafna 16:16
og komast yfir 17:16 um miðjan
hálfleikinn. Þeir bættu síðan við
síðustu mínúturnar og áður en
yfir lauk voru þeir komnir með
fimm marka forystu 27:22.
Leikurinn var illa leikinn af
báðum liðum og þá sérstaklega af
hálfu Völsunga. Bjarni Pétursson
markvörður var langbestur
Völsunga. Þá voru þeir Birgir
Skúlason, Helgi Helgáson og Sig-
mundur Hreiðarsson þokkalegir.
Gömlu kempurnar Árnar Guð-
laugsson og Pálmi Pálmason voru
algerlega heillum horfnir að
þessu sinni.
í liði Selfoss voru þeir Magnús
Sigurðsson og Einar Guðmunds-
son bestir og þá var þjálfari
þeirra Steindór Gunnarsson
þokkalegur.
Mörk Völsungs: Helgi Helga-
son 5, Birgir Skúlason 4, Arnar
Guðlaugsson 3, Sigmundur
Hreiðarsson 3, Pálmi Pálntason
3(2), Haraldur Haraldsson 2,
Gunnar Jóhannsson 1 og Gunnar
Bóasson 1.
Flest mörk Selfyssinga gerðu
þeir Magnús Sigurðsson 10, Ein-
ar Guðmundsson 7(3) og Stein-
dór Gunnarsson 4(1).
Staðan
Staðan í 3. deild íslandsmóts-
ins í handknattleik er þessi:
Selfoss 7 6-1-0 188:114 13
UMFN 7 5-1-1 199:125 11
UFHÖ 7 5-0-2 143:139 10
ÍH 7 4-0-3 177:144 8
ÍS 7 4-0-3 166:152 8
Völsungur 6 1-0-5 133:138 2
UMÍB 61-0-5118:180 2
Ögri 7 0-0-7 102:234 0