Dagur - 28.04.1987, Qupperneq 3
'28: ’aþríl 19B7 - DAGUR - 3
mér en þegar kunnáttu hans
þraut fór ég í Tónlistarskólann á
Akranesi. Par var ég svo heppinn
að komast strax undir hand-
leiðslu Hauks Guðlaugssonar
sem nú er söngmálastjóri þjóð-
kirkjunnar. Ég var við nám hjá
honum í sex ár en eftir gagn-
fræðaskólaprófið á Akranesi fór
ég til Reykjavíkur í Tónlistar-
skólann og var þar í önnur sex ár,
mest hjá Halldóri Haraldssyni
píanóleikara en einnig Þorkeli
Sigurbjörnssyni og fleiri góðum,
síðasta árið var ég hjá Jónasi
Ingimundarsyni. Eftir það stund-
aði ég kirkjutónlistarnám í
Þýskalandi í fjögur ár, ég var í
litlum einkaskóla sem rekinn er á
vegum kaþólsku kirkjunnar.
Þetta er gamaldags skóli með
heimavist og þýskum aga sem ég
hafði mjög gott af að kynnast. Ég
lauk námi um haustið 1980, þá
kom ég heim og kenndi við Tón-
listarskólann á Akranesi um vet-
urinn, svo sá ég starfið við tón-
listarskólann hérna auglýst, sótti
um og hef verið hér síðan. Síð-
astliðið sumar fór ég til Þýska-
lands, dvaldist þar í sex vikur og
æfði mig á orgel. Ef maður vill
spila á svona hljóðfæri verður
maður helst að hafa til þess
óskiptan tíma og það hef ég ekki
með allri þessari vinnu. Það var
mjög gott fyrir mig að vera þarna
úti og hugsa ekki um annað en að
spila á orgelið.“
- Hreimur hefur nýlega haldið
tvenna tónleika og heldur þrenna
tónleika í þessari viku, er þetta
mjög virkur kór?
„Hann er mjög virkur og ég
held að kórinn hafi aldrei verið
fjölmennari en núna, félagarnir
eru 46, þetta eru menn úr Aðal-
dal, Kinn, Reykjadal, Reykja-
hverfi, Mývatnssveit og Húsavík
og þeir telja ekki eftir sér að
mæta á æfingar. Eftir 1. maí ætl-
um við að taka okkur hlé en við
ætlum að syngja á landsmótinu í
júlí og 20. ágúst ætlum við að
fara í ferðalag til Noregs og
dvelja þar í viku eða tíu daga.
Hreimur hefur áður farið í söng-
ferð til Færeyja, þá var ég undir-
leikari kórsins."
- Þú fórst einnig með Húsa-
víkurkórinn til Noregs og Sví-
þjóðar í fyrra, hvernig er kórum
frá íslandi tekið á Norðurlönd-
um?
„Við mætum ekki harðvítugri
andstöðu neins staðar, aðsókn að
tónleikum er samt misjöfn en það
er kannski ekki aðalatriðið að
sem flest fólk mæti, kór þarf allt-
af að hafa eitthvert ákveðið
takmark, eitthvað til að stefna
á.“ IM
ísland með
lægstar
niðurgreiðslur
I máli Snorra Evertssonar á
aðalfundi Mjólkursamlags
Skagfirðinga 10. aprfl sl. kom
fram að ísland er það land í
heiminum sem minnsta styrki
fær til lækkunar á landbúnað-
arvörum. Japan sker sig úr í
samanburði við ísland, því þar
er smásöluverð mjólkurvara
hærra en hér. Þessar upplýs-
ingar kvað hann hafa komið
fram á aðalfundi Osta- og
smjörsöiunnar nýlega.
Þá sagði Snorri einnig aukn-
ingu í mjólkurframleiðslu í öðr-
um löndum og söluverð mjólkur-
vara langt undir framleiðslu-
verði. Þá er um mikið framboð á
ódýru kjarnfóðri í heiminum að
ræða. Mjólkurfitan hefur fengið
aukna samkeppni og reynt hefur
verið að selja smjör á niðursettu
verði allt niður í 10 kr. kílóið.
Heimsmarkaðsverð á smjöri er
39,36 kílóið, á osti 40,60 kr. og
mjólkurdufti 37,00 kr. -þá
Fjölmenni í
íþróttahöllinni
- á afmælishátíð Völsungs
Á sumardaginn fyrsta var hald-
in hátíð í tilefni af 60 ára
afmæli íþróttafélagsins Völs-
ungs sem var 12. apríl sl. Um
350 manns komu á hátíðina
sem var að sjálfsögðu haldin í
nýju íþróttahöllinni.
Dagskráin var fjölbreytt,
keppt var í fótbolta, handbolta
og blaki. Ungir íþróttamenn
sýndu fimleika, barnakór söng og
hljómsveit tónlistarskólans lék.
Freyr Bjarnason formaður
félagsins flutti ávarp og Katrín
Eymundsdóttir forseti bæjar-
stjórnar færði félaginu fallega
blómakörfu og 200 þúsund krón-
ur að gjöf frá Húsavíkurkaup-
stað. Auk þess bárust félaginu
kveðjur og heillaóskir. Völsung-
ar hafa unnið 6 íslandsmeistara-
titla það sem af er árinu, íslands-
meistarar í 3. fl. pilta í blaki, 1.
fl. kvenna í blaki og Arnar
Bragason fjórfaldur íslands-
meistari á skíðum voru hyllt á
hátíðinni. Fimm af eldri félögum
sem eiga nú að hljóta heiðurs-
merki félagsins mættu á samkom-
una eða sendu fulltrúa fyrir sig,
það voru Hólmfríður Grímsdótt-
ir, Guðrún Tryggvadóttir, Guð-
rún Héðinsdóttir, Kristbjörg
Héðinsdóttir og Karítas Hall-
dórsdóttir en þetta er í fyrsta sinn
sem konur úr Völsungi hljóta
heiðursmerki félagsins.
Nánar verður sagt frá hátíðinni
í Degi á miðvikudaginn. IM
Flugufélagar!
Munið aðalfundinn á Hótel KEA í kvöld þriðjudag
kl. 20.30.
Stjórnin.
Tökum að okkur að slá og raka lóðir við fjölbýlishús
(blokkir) og fyrirtæki.
Eldri viðskiptavinir þurfa að enbdurnýja pantanir
fyrir 15. maí.
Iðjulundur - Verndaður vinnustaður.
Hrísalundi 1b. Akureyri sími 25836.
Leikfélag Menntaskólans
á Akureyri sýnir leikritið.
BUBBIKÓHC5UR
í Samkomuhúsinu
Frumsýning 29. apríl kl. 20.30
2. sýning 3. maí kl. 20.30
3. sýning 5. maí kl. 20.30
Miðaverð kr. 300.
Miðasala hjá L.M.A. í löngu, í V/.M.A. og sýningardagana
frá kl. 14.00-18.00 í Samkomuhúsinu.
5JÓM ER 5ÖGU RÍKARI!
TEIKNISTOFA HAUKS HARALDSSONAR S.F.
KAUPANGI - P.O. 80X110 ■ 602 AKUREYRI
UTBOÐ
Sóknarnefnd Akureyrarkirkju óskar eftir til-
boðum í að byggja safnaðarheimili við Akur-
eyrarkirkju.
Útboðsgögn verða afhent á Teiknistofu Hauks Har-
aldssonar, Kaupangi við Mýrarveg, Akureyri frá og
með þriðjudeginum 28. apríl 1987 gegn 5.000,- kr.
skilatryggingu.
Tilboðum sé skilað á sama stað fyrir kl. 11.00, þriðju-
daginn 12. maí 1987 og verða þau þá opnuð í
viðurvist þeirra bjóðenda sem þess óska.
Sóknarnefnd Akureyrarkirkju.
Til stuðningsmanna B-listans
í Norðuriandskjördæmi eystra
Við færum ykkur hugheilar þakkir fyrir þá miklu og óeigingjörnu vinnu sem þið hafið innt af
hendi og þann stuðning og það traust sem þið sýnduð okkur frambjóðendum B-listans í ný-
afstöðnum kosningum. Það er ykkur að þakka að Framsóknarflokkurinn hélt stöðu sinni
sem forystuafl í kjördæminu.
Um leið og við ítrekum þakklæti okkar, heitum við því að gera allt sem í okkar valdi
stendur til að gera veg þessa kjördæmis sem mestan og standa undir því trausti sem þið hafið
sýnt okkur.
Kær kveðja
Guðmundur B jarnason.
Valgerður Sverrisdóttir.
Jóhannes Geir Sigurgeirsson.
Þóra Hjaltadóttir.