Dagur - 28.04.1987, Blaðsíða 5
28. apríl 1987 - DAGUR - 5
Plat-
tilboð
á kaffi?
Gamalt verð og nýtt
er skýringin
Neytandi Kaaber kaffis hafði
samband við blaðið vegna þess
sem hann taldi vera blöffauglýs-
ingu. Konan sagðist hafa á dög-
unum keypt Diletto kaffi í kílós-
pakkningu á 368,20 krónur. Litlir
250 gramma pakkar kosta hins
vegar 92,60 krónur og fjórir því
370,40. Á stóra pakkanum sagði
hún að stæði að kaup á honum
spöruðu 5%. Þannig ætti hann að
kosta tæpar 352 krónur þannig að
þarna er eitthvað vitlaust við
þetta verð í KEA Hrísalundi.
Þessar tölur fengust staðfestar
hjá Laufeyju Pálmadóttur skrif-
stofumanni í Hrísalundi.
Hjá Heildverslun Valdemars
Baldvinssonar fengust þær upp-
lýsingar að þessi skekkja stafaði
af nýlegri verðlækkun á kaffi.
Hrísalundur fékk sendingu af
kílóspakkningum á gömlu verði,
323 krónur í heildsölu en litlu
pakkana á nýju verði 325 krónur
fjóra saman. Nýtt verð á kílós-
pakkningum er hins vegar 309
krónur og borið saman við 325
krónur sést að munurinn er rétt
um 5%.
Þvotti
stolið í
Hjallalundi
Lesandi hafði samband:
Ég bý í blokk í Hjallalundi og
hef orðið fyrir óþægilegum atvik-
um. Fyrir u.þ.b. hálfum mánuði
hurfu skórnir mínir, en ég hafði
skilið þá eftir á sínum stað í skó-
grind á neðstu hæð hússins, eins
og reglur gera ráð fyrir. Um dag-
inn sá ég að einhver hafði skilað
þeim og höfðu þeir greinilega
ekki verið notaðir.
Á laugardag hengdi ég þvott á
snúrurnar í þvottahúsi blokkar-
innar, sem ekki er í frásögur fær-
andi nema vegna þess að honum
var stolið, annað hvort á sunnu-
dagsnótt eða sunnudagsmorgun.
Þetta kemur sér ákaflega illa fyrir
mig því hér er um sérstakar flíkur
að ræða sem eru ófáanlegar, fyrir
utan að vera mjög dýrar.
Ég gruna engan íbúa blokkar-
innar enda myndi ég þekkja þessi
föt strax og ég sæi einhvern í
þeim. Engin gluggatjöld eru fyrir
þvottahúsglugganum og geta allir
séð hvað hangir þar á snúrum.
Mér þykir líklegt að einhver
aðkomandi hafi séð fötin. Vil ég
beina þeim tilmælum til viðkom-
andi að fötunum verði skilað á
sama stað, einnig að biðja for-
eldra unglingsstúlkna í hverfinu
að athuga vel fatnað barna sinna
ef þau sjást í ókunnuglegum
fötum.
Leiðrétting
í blaðinu í gær var frétt um breyt-
ingar á þingliðinu eftir kosningar.
Þar segir að konum fjölgi um
helming á þingi, hafi verið 6 en
verði nú 13. Þetta er rangt, þær
voru 9, en það er rétt að þær
verða 13. Er beðist velvirðingar á
þessum mistökum. -HJS
Til sölu
Dílaborvél teg. BIESSE fyrir 25 bori lárétt
og 26 bori lóðrétt. Loftþjappa teg. ALUP 125 lítra.
I
húsgagnaverkstæði
Lundi Akureyri sími 24727.
lettih Hestamannafélagið Léttir
Reiðnámskeið
Fjölbreytt reiðnámskeið hefst 1. maí nk.
Leidbeinandi verður Gunnar Arnarson.
Margar valgreinar í boði.
Upplýsingar og innritun hjá Valgeir í Hestasporti, sími
21872 og hjá Kolbrúnu í Rauðuvík í síma 61610.
Iðnþróunarsjóður var stofnaður af
Norðurlöndunum árið 1970 við
aðild íslands að EFTA. Samkvæmt
stofnsamningi var upphaflegt
markmið sjóðsins að efla útflutnings-
iðnað og auðvelda aðlögun íslensks
iðnaðar að breyttum aðstæðum vegna
aðildarinnar. Megintilgangur
Iðnþróunarsjóðs er nú að stuðla að
alhliða uppbyggingu atvinnulífs á
íslandi með fjármögnun meiriháttar
fjárfestinga.
Verksvið Iðnþróunarsjóðs er því
ekki einvörðungu bundið langtíma
fjárfestingarlánum til tækni- og iðn-
þróunar. Áhersla er lögð á arðsemi
fjárfestinga, styrka stjórnun og að
fjárhagsleg uppbygging sé traust.
Iðnþróunarsjóður
veitir eftirtalin lán:
• Almenn fjárfestingalán
• Fjárfestingalán með áhættu-
þóknun
• Þróunarlán
Hvaða verkefni eru lánshæf?
• Bygging eða kaup á atvinnu-
húsnæði
• Kaup á vélum, tækjum og búnaði
• Nýting tölvutækni
• Vöruþróun - endurbætur
og nýjungar í framleiðslu
• Erlend markaðsöflun
• Kaup á framleiðslurétti og
tækniyfirfærsla
Iðnþróunarsjóður bendir þeim á, er undirbúa fjárfestingu í íslensku atvinnulífi,
framleiðslu og þjónustu, að kynna sér möguleika á fjármögnun hjá sjóðnum.
nþróunarsjóður er fluttur í nýtt
tsnæði í nýja Seðlabankahúsinu
S Kalkofnsveff. 3. híeð.
IÐNÞROUNARSJÓÐUR
KALKOFNSVEGI 1 - SÍMI 69 99 90
íslensk framtíð
er verkefrii okkar