Dagur - 31.08.1987, Page 2

2 - DAGUR - 31. ágúst 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 520 Á MÁNUÐI
LAUSASÖLUVERÐ 50 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
GESTUR KRISTINSSON (Blönduósi vs. 95-4070 hs. 95-4368),
HELGA JÓNA SVEINSDÓTTIR, INGIBJÖRG MAGNÚSDÓTTIR
(Húsavík vs. 41585 hs. 41529), KRISTJÁN KRISTJÁNSSON,
RÚNAR ÞÓR BJÖRNSSON, STEFÁN SÆMUNDSSON,
VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960 hs. 95-5729)
AUGLÝSINGASTJÓRI: FRlMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Jeiðari_____________________________
Nýja húsnæðis-
lánakerfið
Á síðasta kjörtímabili voru mjög umfangs-
miklar breytingar gerðar á húsnæðislánakerf-
inu. Lánstími var lengdur og lánsupphæðir
hækkaðar verulega. Auk þess var fjöldi hús-
byggjenda og kaupenda, sem átti í greiðslu-
erfiðleikum, aðstoðaður með ýmsum hætti.
Fáum blandast hugur um að þær breyting-
ar sem gerðar voru hafa verið til góðs. Ný lög
voru sett og var það gert í fullu samráði við
stéttarsamtökin í landinu og aðila vinnu-
markaðarins. Nýja húsnæðislánakerfið hefur
marga og ótvíræða kosti fram yfir aðra hús-
næðislöggjöf sem verið hefur í gildi hér á
landi og er fyllilega sambærilegt við það sem
best gerist í nálægum löndum. En þegar mikl-
ar breytingar eru gerðar á svo viðamiklum og
margþættum málaflokki, er vart við því að
búast að við öllu verði séð í fyrstu atrennu.
Enda hefur komið í ljós að á nýja kerfinu eru
ákveðnir gallar, sem þarf að lagfæra. Megin-
gallinn er sá að ekkert er því til fyrirstöðu að
fólk sem á umtalsverðar fasteignir fyrir, fái
fullt lán hjá Húsnæðisstofnun ríkisins. Láns-
kjör þar eru mun hagstæðari en gerist á
almennum markaði og því er viðbúið að lán-
takar, sem í raun þurfa ekki á húsnæðisláni að
halda, falli í þá freistni að braska með pening-
ana. Við þessu verða stjórnvöld að bregðast
og ætti að vera tiltölulega einfalt að sníða
þennan annmarka af. Það er alls ekki tilgang-
ur húsnæðislánakerfisins að auðvelda mönn-
um að hagnast óeðlilega á fasteignaviðskipt-
um.
Hinu er ekki að leyna, að nýja húsnæðis-
lánakerfið á sér marga andstæðinga, sem
flestir virðast vera á móti kerfinu af pólitísk-
um ástæðum. Þessir andstæðingar kerfisins
hafa haldið uppi linnulausum áróðri gegn
Alexander Stefánssyni fyrrum félagsmálaráð-
herra, sem átti stærstan þátt að þeirri bylt-
ingu sem gerð var í húsnæðismálunum. Við-
kvæði þessara manna er að kerfið sé hrunið
og er sá söngur kyrjaður í tíma og ótíma. Þeir
nefna langan biðtíma eftir lánum máli sínu til
sönnunar og einnig þann galla sem að ofan er
nefndur.
Þessi áróður á sér engar stoðir. Nýja hús-
næðislánakerfið stendur styrkum fótum og er
heilsteyptara en nokkru sinni fyrr. Hins vegar
þarf að sníða af því annmarkana og það verk-
efni bíður úrlausnar núverandi félagsmála-
ráðherra og alþingis. BB
Fyrir um ári fengu Mývetning-
ar nýjan sveitarstjóra. Sá heitir
Jón Pétur Lyngdal, ungur
maður að árum, fæddur og
uppalinn á bænum Holtastöð-
um í Húnavatnssýslu. Blaða-
menn Dags heimsóttu Jón Pét-
ur á skrifstofu sveitarstjóra í
Mývatnssveit fyrir skömmu.
Ræddum við um starf sveitar-
stjóra, framkvæmdir í sveitinni
og fleira.
Jón Pétur kom frá Blönduósi í
Mývatnssveit. vann þar á skrif-
stofu hreppsins. ..Já, það hvarfl-
aði aðeins að mér að sækja um
þessa stöðu og mér líkar vel. Ég
þóttist eitthvað vita um þetta
starf. en ég þekkti ekkert til í
sveitinni, ætli ég hafi ekki rennt
hérna tvisvar eða þrisvar í gegn
sem ferðamaður áður en ég varð
sveitarstjóri. Ég kann alveg ljóm-
andi vel við mig hérna og er ekk-
ert á förum eftir því sem ég best
veit sjálfur.”
Jón Pétur lauk Samvinnu-
skólaprófi árið 1982. ..Jú, jú, það
var heilmikið fjör þar. Þetta er
afskaplega skemmtilegur skóli.
Já. ég er mikill samvinnumaður,
en það er ekki þar með sagt að ég
sé mikill samvinnuhreyfingar-
Jón Pétur Lyngdal.
„Líkar Ijómandi vel
í Mývatnssveit"
- segir Jón Pétur Lyngdal, sveitarstjóri
maður eins og hreyfingin er
núna.“
- Hvert er starfssvið sveitar-
stjóra í Mývatnssveit?
„Þetta er þó nokkuð mikið
starf. Það eru fundir og ýmsir
snúningar. Ég þarf síðan að sjá til
þess að það sem hreppsnefnd
ákveður sé framkvæmt. I sumar
hafa það verið gangstéttalagnir í
þorpinu, uppbygging á tjaldsvæði
og þó nokkuð í kringum ferða-
menn.“
- Eru það helstu framkvæmd-
irnar í ár?
„Já, en einnig hefur verið hald-
ið áfram við skólabyggingu. Það
er verið að byggja barnaskóla.
Jú, jú, það er dýrt. Það er búið
að gera samning við ríkið um
hvað þeir borga mikið og það
kemur, en kannski ekki mjög
hratt. Það er gert ráð fyrir að
taka skólann í notkun árið 1991
en ég álít að það dragist um 2-3
ár.“
- Er enginn skóli hér?
„Það hefur ekki verið byggður ’
skóli hér, hann er í íbúðarhúsi í
þorpinu. Það var byggt svolítið
við það en þetta er voðalega
þröngt. Já, það var orðin brýn
þörf. Það hefur hins vegar verið
deilt um það í sveitinni hvort það
hafi verið brýn þörf að byggja
þessi stærð af skóla sem verið er
að byggja. En hann er alveg inn-
an þeirra marka sem ríkið setur.
• Góð
skemmtun.
Einhverjar skemmtilegustu
teiknimyndapersónur sem á
Ijósvakanum birtast, eru
vafalaust þeir Tommi og
Jenni. Eins og aðdáendur
þeirra kannast við, er það
leikur músarinnar að kettin-
um, þar sem það er músin
sem stendur uppi sem sigur-
vegari. S&S er mikill aðdá-
andi þessara félaga, en besti
þáttur sem það hefur séð, fór
fram á íþróttavellinum síð-
astliðinn föstudag. Það er
nefnilega þannig, að í augum
Þórsara í sumar, hefur KA
verið óttaleg mús, og hafa
þeir látið það óspart I Ijós.
Þarna var það músin sem lék
köttinn ákaflega grátt, snéri
honum bókstaflega í kríng
um sig eins og dulu og lagði
snyrtílega á völlinn í leikslok
þegar endanleg úrslit lágu
fyrir.
skípting.
S&S hieraði það eftir þennan
leik, að annað liðið, væntan-
fega það sem bjóst við að
sigra, hafi farið fram á að
reglum um tekjur af aðgangs-
eyri sem ákveðnar voru síð-
astliðið vor, yrði breytt. Þeir
fengu sínu fram þ.e. að sig-
urliðið fengi helmingi meira
en það sem tapaði. Músin
naut góðs af því.
• Granna-
kærleikur.
Já, það er ekki margt sem
áhangendur íþróttaliðanna á
Akureyri geta komið sér sam-
an um í hfta leiksins, og ríkir
ekki mikill kærleíkur á milli
þessara bæjar-systkina. Það
er þó eitt, sem verður til þess
að þessir hópar sameinast í
gleði, og hefur S&S þótt ákaf-
lega ánægjulegt að upplifa
það I stúkunni í sumar. Þetta
eina er, að þegar nágrannar
okkar, Leiftur á Ólafsfirði
hafa háð knattspyrnuleik á
sama tíma og leíkur fer fram
á Akureyri, hefur þulur jafnan
verið iðinnn að tilkynna um
gang mála. Leiftri hefurgeng-
ið ákaflega vel í sumar og
staðan því oft verið þeim i vil.
Þegar tölur þeim í hag glymja
i hátalarakerfinu brjótast
jafnan út fagnaðarlæti í stúk-
unni, og er mikið klappað.
Eins er stunlð þungan ef illa
gengur. Þetta kallar maður
Grannakærleik.