Dagur - 06.10.1987, Blaðsíða 7

& .joKtfbeaSÖTQAQllB,- 7,
Katrín Þórðardóttir, Valdís Þorsteinsdóttir og Þorgerður Benediktsdóttir; hinir ungu blaðaútgefendur. Mynd: tlv
„Unnum þetta allt sjálfar“
- þrjár akureyrskar stúlkur gáfu út blað
til styrktar Hungruðum heimi
Þær 11 ára akureyrsku stöllur margt fleira. Og svo erum við með til þess þó að við séum
Valdís Þorsteinsdóttir, Katrín
Þórðardóttir og Þorgerður
Benediktsdóttir gáfu á dögun-
um út 12 síðna blað sem þær
höfðu sjálfar borið hitann og
þungann af að vinna. Blaðið
hafa þær boðið til kaups í hús-
um hér á Akureyri og selt allt
upplagið, enda kannski ekki
stórt. En málefnið sem þær
styrktu var verðugt þar sem að
allur ágóðinn rann til styrktar
Hungruðum heimi. Þær
„bIaðakonur“ komu í heim-
sókn á ritstjórn á dögunum
með blað sitt, Margt og mikið
og við ræddum stuttlega við
þær í ieiðinni.
- Hafið þið gefið svona blað út
áður?
„Já, við byrjuðum fyrir tveim-
ur árum að gera svona blað. Að
vísu vorum við bara tvær, ég og
Þorgerður en seinna kom Valdís
í þetta með okkur,“ segir Katrín.
- Og hvað er svo í þessu
blaði?
„Allt mögulegt. Brandarar,
myndagátur, myndasögur og
verðlaun fyrir myndagáturnar
og fólk á að senda lausnirnar til
okkar í Vanabyggð 5.“
- Hvernig unnuð þið blaðið?
„Við vélrituðum þetta sjálfar
og myndasögurnar fengum við úr
öðrum blöðum. Síðan límdum
við þetta upp og blaðið var ljós-
ritað og heftað í Amtsbókasafn-
inu. Við gátum bara prentað 30
blöð af því að við áttum ekki
pappír í meira. Við höfum fengið
pappírinn gefins í prentsmiðjun-
um vegna þess að hann er svo dýr
í búðunum. Og núna erum við
búnar að selja öll blöðin og ætl-
um kannski að prenta nokkur
blöð enn.“
- Ætlið þið að gera fleiri blöð í
vetur?
„Já, kannski. Við erum svona
einn mánuð að gera eitt blað en
við erum núna í skólanum svo að
við höfum minni tíma til að skrifa
blaðið á veturna. En samt ætlum
við að reyna að gefa út fleiri
svona blöð í vetur.“
- Lærið þið þá nokkuð fyrir
skólann?
„Já, já. Við höfum nógan tíma
þessu
blaðastússi."
- Ein spurning í lokin. Ætlið
þið að verða blaðakonur?
„Nei, ábyggilega ekki.“ (Og
þar með fauk draumur ritstjóra á
Degi að fá þessa starfskrafta í
framtíðinni.) „Þetta er gaman en
sennilega förum við samt ekki út
í þetta í framtíðinni. Þó er aldrei
að vita,“ svara þær spekingslega
og glotta til blaðamanns. JÓH
rify
RÍKISÚTVARPIÐ
Samkeppni um
minningaþætti
Ríkisútvarpið efnirtil samkeppni um
minningaþætti um efni sem tengist hlut-
deild í íslensku þjóðlífi á fyrri tíð. Um er
að ræöa minningar frá árdögum útvarpsins
um einstaka útvarpsmenn, eftirminnilega
atburði sem útvarpi tengjast og almenn
not fólks af útvarpinu meðan það var ein-
stæður fjölmiöill í sinni röð.
Heimilt er að fá til skrásetjara sem riti
niður eftir frásögn sögumanns. Tvenn
verðlaun verða veitt, 40 og 20 þúsund
krónur, auk óskertra höfundarlauna, en
Ríkisútvarpið áskilur sér flutningsrétt á
þeim þáttum sem það kýs. Þættirnir skulu
ekki vera lengri en 10-12 síður vélritaðar.
Handritum sé skilað til Ríkisútvarpsins,
Efstaleiti 1,150 Reykjavík, í síðasta lagi
l.febrúará næsta
ári merktum: „Útvarpsminningar“.
n'fy
RÍKISÚJVARPIÐ
Bridds:
Jón og Asgrímur
Norðurlandsmeistarar
Siglfirsku bræðurnir Jón og
Ásgrímur Sigurbjörnssynir eru
Norðurlandsmeistarar í tví-
menningi í bridds árið 1987.
Þeir báru sigur úr býtum í
Norðurlandsmótinu sem fram
fór á Siglufirði á laugardaginn.
Jóni tókst því að standa við
stóru orðin sem hann lét falla í
Svæðisútvarpinu skömmu fyrir
mótið, en þá lofaði hann því að
bikarinn færi ekki frá Siglu-
firði, en þetta er annað árið í
röð sem Jóni hlotnast sæmdar-
heitið Norðurlandsmeistari.
í 2. sæti lentu Ólafur Ágústs-
son og Sveinbjörn Jónsson frá
Akureyri, en þeir urðu einnig í 2.
sæti í fyrra. Það voru síðan Sigl-
firðingar sem hrepptu bronsverð-
launin og sáu þeir Guðmundur
Árnason og Níels Friðbjarnarson
til þess.
Keppnisstjóri var Albert
Sigurðsson en tölvuútreikninga
annaðist reiknimeistarinn
Margrét Þórðardóttir.
Mótið þótti takast mjög vel og
var Siglfirðingum til mikils sóma,
nema hvað sumum fannst þeir
fullfastheldnir á verðlaunin og
slepptu eins og fyrr segir einungis
hendinni af silfurverðlaununum!
BB.
Lokastaða efstu para varð annars þessi:
Stig
1. Ásgrímur Sigurbjörnsson - Jón Sigurbjörnsson, Siglufirði 1191
2. Ólafur Ágústsson - Sveinbjörn Jónsson, Akureyri 1163
3. Guðmundur Árnason - Níels Friðbjarnarson, Siglufirði 1126
4. Grettir Frímannsson - Stefán Ragnarsson, Akureyri 1106
5. ísak Ólafsson - Viðar Jónsson, Siglufirði 1097
6. Hörður Steinbergsson - Örn Einarsson, Akureyri 1095
7. Bjarki Tryggvason - Halldór Tryggvason, Sauðárkróki 1072
8. Björk Jónsdóttir - Stefanía Sigurbjörnsdóttir, Siglufirði 1056
9. Anton Sigurbjörnsson - Bogi Sigurbjörnsson, Siglufirði 1049
10. Erlingur Sverrisson - Unnar A. Guðmundsson, Hvammstanga 1045
Meðalskor var 960 stig.
lOMSTUNDA
SKOUNN
Akureyri
Skipagata 14,
3ja hæð,
sími 2-71-44
Að vera foreldri unglings.
Kreppa-Þroski-Samskipti.
Karólína Stefánsdóttir.
Fimmtudaga kl. 20-22.
Ljósmyndagerð.
Páll Pálsson.
Þriðjudaga kl. 18-20.
Leiklist.
Arnheiður Ingimundardóttir.
Mánudaga kl. 20-22.
Videótaka á eigin vélar.
Steindór Steindórsson.
Mánudaga kl. 18.
Þjónustustörf á
veitingahúsum.
Haukur Tryggvason.
Mánudaga kl. 20-22.
Framsögn.
Arnheiður Ingimundardóttir.
Miðvikudaga kl. 18-20.
Biblían.
Lestur og skilningur.
Þórhallur Höskuldsson.
Þriðjudaga kl. 20-22.
Skilnaður.
Ásgeir Pétur Ásgeirsson.
Mánudaga kl. 18-20.
Sjálfstyrking.
Valgerður Magnúsdóttir.
Mánudaga kl. 20-22.
Málun.
Gunnar Dúi.
Fimmtudaga kl. 20-22.
Starfsráðgjöf.
Valgerður Magnúsdóttir.
Mánudaga kl. 20-22.
Sögurölt á sunnudegi.
Lárus Zóphaníasson.
Sunnudaga kl. 14-16.
Efri árin.
Undirbúningur fyrir
ævikvöldið.
Rannveig Guðnadóttir.
Þriðjudaga kl. 20-22.
Smíði smáhluta.
Gústaf Njálsson.
Þriðjudaga kl. 20-22.
Fundarsköp nefndarstörf.
Áslaug Magnúsdóttir.
Miðvikudaga kl. 20-22.
Fatasaumur fyrir
byrjendur.
Kristín Jónasdóttir.
Þriðjudaga kl. 18-20 og
20-22.
Ræðumennska.
Hrönn Friðriksdóttir.
Mánudaga kl. 19.30-21.30.
Miðvikudaga kl. 20-22.
Myndvefnaður.
Ragnheiður Þórsdóttir.
Fimmtudaga kl. 18-20.
Eftirtalin námskeið eru fyrirhuguð:
Skrift og leturgerð - Syngjum saman - Bókhald smærri fyrirtækja - Um eyðni - Ætt-
fræði - Skráning einkabókasafna - Fjármál heimila - Um vímuefni - Viðtöl og greina-
skrif - Bótasaumur - Að smyrja brauð - og ef til vill fleira.
Kennsla fer að mestu fram í íþróttahöllinni við Þórunnarstræti.
Þátttökugjald greiðist við skráningu.
Stærð hópa er að jafnaði 8 til 12 manns.
Innritun fer fram á skrifstofu skólans Skipagötu 14,3. hæð alla virka
daga frá kl. 13-17. Upplýsingar og innritun er líka í síma 27144 á
sama tíma, eftir lokun skrifstofu í síma 24790.
Haustönn stendur í 10 vikur.
★ Síðasta innritunarvika. *