Dagur - 07.10.1987, Blaðsíða 3

7. október 1987 - DAGUR - 3
- Þú gerir þó nokkuð af því að
setja skrautverk á húsin.
„Já mér finnst alveg nauðsyn-
legt að Iífga aðeins upp á húsin
með múrnum. Ég hef haft góða
samvinnu við Björn Björnsson
skólastjóra með þetta. Hann hef-
ur teiknað fyrir mig. Björn er
ákaflega fljótur að teikna og gerir
mjög fallegar myndir. Ég hgef
ákaflega gaman af þessu og þegar
maður er í svona skemmtilegum
verkum, þá flýgur tíminn áfram
og maður bíður næsta vinnudags
fullur tilhlökkunar.“
- Hefurðu verið að vinna
hérna í bænum undanfarið?
„Nei ég var að koma austan úr
Þistilfirði á dögunum. Þar var ég
að hrauna utan barnaskóla. Ég
var með góðar myndir með mér
og ætlaði að skreyta húsið mikið,
en það varð minna úr því en efni
stóðu til, vegna kalds tíðarfars.
Ég skreytti framhliðina smávegis
við innganginn, bara svona til að
merkja mér húsið. En þó það
hefði mátt vera aðeins hlýrra í
Þistilfirðinum, þá kann ég ákaf-
lega vel við mig þar. Enda er
þetta mín fæðingarsveit og ég fer
alltaf austur á hverju sumri ef ég
mögulega kemst. Ég segi hiklaust
að Þistilfjörðurinn og Skagafjörð-
urinn séu fallegustu héruðin á
landinu.“
- Er mikið um að hús séu
hraunuð?
„Það var mjög lítið um það
þegar ég kom hingað í bæinn fyr-
ir 13 árum og það má kannski
segja að ég hafi átt mikinn þátt í
því að opna augu fólks fyrir
hrauninu. Mér finnst hraunuð
hús falleg og enginn litur í raun-
inni fallegri og eðlilegri á stein-
húsum en múrliturinn og svo
verja hraunuð hús sig miklu
betur.
Margir hafa haldið því fram,
að það sé algjör óþarfi að múr-
húða hús og margir vilja hafa
veggfletina sem groddalegasta,
helst að borðförin sjáist. Að
mínu mati er þetta rangt. Múr-
húðunin þjónar því hlutverki að
verja húsin fyrir vætu og varna
þannig frostskemmdum í steyp-
unni. Hús án múrhúðunar er eins
og maður án regnfata í hellirign-
ingu. Alvarlegustu skemmdir í
steypu stafa af því hvað járnin
liggja utarlega í veggnum. Vatn
seytlar inn um sprunguna sem
járnið myndar og síðan verða
frostskemmdir í steypunni. í slfk-
um tilfellum myndi múrhúðun
bjarga málunum.“
- Og er nóg að gera í múr-
verkinu?
„Það hefur verið meira en nóg
að gera. Ég hef ekki getað sinnt
öllum verkefnum sem ég hef ver-
ið beðinn um. Ég hefði þá þurft
að bæta við mönnum. Næsta
sumar er alveg fullbókað, í flest-
um tilfellum er um hraunun að
ræða.
í sumar byrjaði ég með við-
gerðarefni sem heitir Flexicrete.
Þetta er óskaplega sterkt við-
gerðarefni, sem talið er henta vel
þar sem mikið mæðir á. Flexicr-
ete er steypuefni sem til er í ýms-
um gerðum eftir notkunarjrörf-
um, m.a. íblandað trefjum. Mín
reynsla er að þetta sé mjög gott
efni oj> ég held að það hafi reynst
vel. Eg vann dálítið með þetta
viðgerðarefni í sumar og ég býst
við að sinna meira viðgerðum á
næstunni en ég hef gert. Ég hef
gaman af þeim. Það er gaman að
sjá gamlan og úr sér genginn hlut
verða sem nýjan þegar dyttað
hefur verið að honum.“ -þá
Sinföníuhljómsveit íslands á Húsavík:
Ásgeir Steingrímsson
Sinfóníuhljómsveit Islands hélt
tónleika í Iþróttahöllinni á
Húsavík á mánudagskvöld en
hljómsveitin er nú á tónleika-
ferð um Norðurland. Ásgeir
Steingrímsson trompetleikari
lék einleik með hljómsveitinni
en Ásgeir er fæddur og upp-
alinn á Húsavík, sonur hjón-
anna Karítasar Hermannsdótt-
ur og Steingríms Birgissonar
sem rekið hafa verslunina
Hlyn um árabil.
Ásgeir hóf sitt tónlistarnám í
Tónlistarskóla Húsavíkur, lærði
fyrst á píanó hjá Reyni Jónassyni
en svo á trompet hjá tékkneskum
kennurum. Síðan hélt hann til
Reykjavíkur til náms í mennta-
skóla en stundaði jafnframt nám
við Tónlistarskóla Reykjavíkur,
alls í sex ár. Þá hélt hann til New
York þar sem hann stundaði
tónlistarnám í fjögur ár.
Ásgeir er að byrja sitt þriðja
starfsár með Sinfóníuhljómsveit-
inni. Hann hefur áður leikið ein-
leik með hljómsveitinni í Há-
skólabíó og í Vestfjarðaferð
hljómsveitarinnar í fyrra lék
hann tvíleik ásamt Lárusi Sveins-
syni.
Á fjórða hundrað manns sóttu
tónleikana á Húsavík og var
hljómsveitinni vel fagnað. Þetta
eru fyrstu stóru tónleikarnir sem
haldnir eru í íþróttahöllinni og
ríkti því talsverð spenna um
hvernig hljómburður í húsinu
mundi reynast. Aðspurður sagði
Ásgeir að það hefði verið allt í
lagi með hljómburðinn, hljóm-
sveitin hefði að vísu spilað í betri
húsum hvað hann snerti en líka í
verri húsum, t.d. væri hljóm-
burður í íþróttahöllinni mörgum
sinnum betri en í félagsheimilinu.
„Við vorum mjög ánægð með
aðsóknina og undirtektir voru
mjög góðar. Það var gaman að
spila á Húsavík en ég var svolítið
spenntur fyrir tónleikana, þetta
hefði verið góður staður til að
klúðra þessu vel, en þegar ég
kom á staðinn var ég viss um
þetta gengi vel eins og það
gerði.“
Ásgeir var þrítugur sl. sunnu-
dag og eftir tónleikana efndu for-
eldrar hans til kaffisamsætis fyrir
hljómsveitina í félagsheimilinu
lék einleik
þar sem Karítas bauð upp á ást-
arpunga og pönnukökur með
kaffinu. Menningarsjóður KÞ og
Friðrikssjóður styrktu Ásgeir til
náms á sínum tíma og í samsæt-
inu var honum afhent áritað ein-
tak af Sögu Kaupfélags Þingey-
inga frá Menningarsjóðnum. Sig-
urjón Jóhannesson fyrrverandi
skólastjóri flutti ræðu Ásgeiri til
heiðurs en hann sagði í samtali
við Dag: „Maður á ekki skilið að
fá svona ræðu fyrr en maður
verður að minnsta kosti sjötugur
eða dauður.“ IM
Akureyri:
Skátar
byggja í
Glerárhverfi
„Það er lífsnauösyn fyrir
skátastarlið í Glerárhverfi að
komast í eigið húsnæði sem
fyrst,“ sagði Tryggvi Marinós-
son, félagsforingi skátafélags-
ins Klakks á Akureyri, en
skátarnir sóttu um lóð fyrir
nýbyggingu skátahúsnæðis í
Glerárhverfi með bréfi til
skipulagsnefndar 28. septem-
ber.
Skipulagsnefnd lagði til að
skátunum verði veitt umbeðin
lóð norðan Skarðshlíðar, austan
Litluhlíðar og sunnan Sjónar-
hóls. Að sögn Tryggva Marinós-
sonar er helst reiknað með einnar
hæðar húsi með risi. Árni Árna-
son, arkitekt, teiknar húsið. „Við
höfðum aðstöðu í Síðuseli en
misstum það húsnæði í vor. Sem
stendur erum við með bráða-
birgðaaðstöðu í Síðuskóla en
stefnum að því að hefja fram-
kvæmdir sem fyrst við nýja húsið
sem verður um 120 fermetrar.
Við treystum á velvilja Akureyr-
inga til að hjálpa okkur að fjár-
magna framkvæmdina."
Ingólfur Ármannsson, sem er
einn af forsvarsmönnum skáta
um þessa byggingu, sagði að ekki
væri hægt að segja nákvæmlega
til um hvenær framkvæmdir gætu
hafist. Skipulagsstjóri væri að
teikna og staðsetja lóðina og
aðkomuleiðir að henni. Því verki
þyrfti að ljúka og leggja teikning-
ar fyrir bygginganefnd áður en
hægt væri að hefja framkvæmd-
ir. EHB
Reykir I og II:
Viðræður um vatns-
GÍTARAR
Mikið úrval.
KLASSÍSKIR (Með nylonstrengjum)
Verð frá kr. 4.410,00.
NÓÐLAGA (Með stálstrengjum).
Verð frá kr. 6.900,00.
lÚOÍi'ÍBÚÐ/N
réttindi hafnar
„Að mínu áliti er samningur-
inn ólöglegur með tilliti til
sameiginlegs lands jarðanna.
Segja má að málið hafi verið í
biðstöðu um alllangt skeið en
vonandi verða þessar viðræður
til að þctta komist á hreint sem
fyrst,“ sagði Guðmundur Haf-
steinsson, Reykjum 2, en nú
hefur Sigurði J. Sigurðssyni og
Franz Árnasyni hitaveitustjóra
verið falið að ræða um vatns-
réttindamál jarðanna Reykja I
og II í Fnjóskadal.
Mál þetta kom fyrst upp árið
1985 en þá gerði Guðmundur
Hafsteinsson athugasemd við
samning Hitaveitu Akureyrar og
Reykja I. Taldi hann að kanna
þyrfti vatnsréttindi Reykja II
með tilliti til nýtingar vatns í
óskiptu landi jarðanna ef svo
kynni að fara að Hitaveita Akur-
eyrar myndi bora eftir vatni á
slíku svæði í framtíðinni. Þá
mætti nefna þá staðreynd að
stærsta borholan á jörðinni er
aðeins í fárra metra fjarlægð frá
sameiginlegu landi Reykja I og
II.
„Að mínu áliti þurfa þessi mál
að komast á hreint sem fyrst. Ég
hafði hugsað mér að koma á fót
fiskeldi á jörðinni og var búinn
að fá jákvæð viðbrögð bæði inn-
lendra og erlendra aðila við mál-
inu. Mér finnst slæmt að sjá þetta
vatn renna ónotað beint í ána,“
sagði Guðmundur Hafsteinsson.
I landi Reykja 1 koma upp
ellefu sekúndulítrar af 89 gráðu
heitu vatni. Fjórir sekúndulítrar
tilheyra Reykjum I, Reykir II
hafa einn sekúndulítra en Hita-
veita Akureyrar á afganginn af
vatninu. Langmestur hluti vatns-
ins rennur ónotaður í Fnjóská.
EHB

UtVt 'V a
6sV9

V
VfSA
JMJ
HERRADEILD
Gránufélagsgötu 4
Akureyri • Sími 23599