Dagur - 07.10.1987, Blaðsíða 7

7. október 1987 - DAGUR - 7
Eftir að við Pétur höfðum velt
fyrir okkur komandi leikári hjá
Leikfélagi Akureyrar fórum
við að ræða málin á breiðari
grundvelli. Við komum þá inn
á atriði eins og fjárhag leik-
félagsins, stækkun Samkomu-
hússins og leikhúslíf yfirleitt.
- Segðu mér Pétur, nú hafa
áhugaleikfélög hér í grennd verið
iðin við að setja upp skemmtileg
verk og farist það býsna vel úr
hendi mörgum hverjum. Eruð
þið kannski í samkeppni við
áhugaleikfélögin?
„Nei, það held ég nú ekki. Ég
held að atvinnuleikhús og áhuga-
leikhús eigi að geta starfað
saman. Áhugaleikhúsin eru fyrst
og fremst með sína starfsemi fyrir
þátttakendurna á meðan okkar
leikhús hefur miklu stærra þjón-
ustuhlutverki að gegna.“
„Þá gætum við eins flutt
leikhúsið suður“
- Víkjum okkur í aðra sálma. Er
rekstrargrundvöilur Leikfélags
Akureyrar tryggður með 7 millj-
óna króna tékkanum?
„Nei, hann er kannski ekki
tryggður, en hann er allt annar en
hann hefur verið. Þegar búið
verður að skera bróðurpartinn af
skuldahalanum þá er það mikill
léttir á rekstrinum. Svona skulda-
hali heimtar svo mikla athygli og
það fer mikil vinna í hann. En
þótt styrkirnir hækki ekki nein
ósköp þá eigum við, með því að
fara ekki of geyst, möguleika á
því að ná hallalausum rekstri.
Við hefðum auðvitað viljað hafa
styrkina hærri en þetta er mikill
áfangi fyrir okkur og það er líka
merkilegt við þetta samkomulag
að nú þróast styrkurinn í sam-
ræmi við þróun meðallauna hjá
Þjóðleikhúsinu og veitir okkur
hlaut Kabarett. Söngleikir viröast ávallt
Mynd: RÞB
„Annars dettur leikhúsið upp fyrir og einhver kemst að þvi að það hafi bara verið misskilningur að hætta ekki að reka leikhús eftir að
sjónvarpiö byrjaði.“ Mynd: RÞB
töluvert öryggi.“
- En samt sem áður þurfið þið
sjálfsagt að fá fleiri áhorfendur,
er það hægt?
„Já, það er hægt. Það sýnir sig
að miklar sveiflur eru í áhorf-
endafjölda hjá okkur. Meðal-
aðsókn hjá leikhúsinu eru 11.500
áhorfendur á leikári og ég held
að við getum alveg híft þá tölu
eitthvað upp.“
- Hvernig þá? Með fleiri
pakkaferðum?
„Meðal annars kannski, en
hins vegar held ég að í rauninni
lifi þetta leikhús fyrst og fremst á
íbúum á Akureyri og Norður-
landi. Það er kannski það við-
kvæmasta fyrir okkur þegar
Akureyringar sýna lítinn áhuga.
Þetta er svo lítið markaðssvæði
og þess vegna geta komið svona
gífurlegar sveiflur. Það er til
dæmis hlutfallslega mun minni
hreyfing á áhorfendafjölda í
Þjóðleikhúsinu. Við getum aldrei
byggt rekstur leikhússins á
pakkaferðafólki, heldur fyrst og
fremst á Norðlendingum. Enda
væri það fáránlegt að byggja á
áhorfendum að sunnan, þá gæt-
um við eins flutt leikhúsið
suður.“
Aðgangskort verja menn
fyrir verðhækkunum
- Hvernig gekk á síðasta ári?
Náðuð þið meðaltalsaðsókn?
„Nei, við náðum ekki meðaltals-
aðsókn en þetta gekk að mörgu
leyti þokkalega. Kabarett hlaut
mesta aðsókn, en það er ljóst að
við verðum að ná betur til Akur-
eyringa. Við erum að hefja sölu á
aðgangskortum og það er mjög
gott verð á þeim. Aðgangskort
sem gildir á 4 verkefni kostar
3000 krónur og fyrir utan það að
græða þennan afslátt þá verja
menn sig fyrir verðhækkunum
sem verða alltaf á árinu. Það er
viðbúið að þegar Fiðlarinn verð-
ur frumsýndur þá verði komnar
tvær verðhækkanir. Verðið er
alltaf endurskoðað um jól og
páska. Kortin gilda á ákveðna
sýningu og í ákveðin sæti. Geti
korthafi ekki nýtt sér kortið á
sýningu af óviðráðanlegum ástæð-
um þá getur hann fengið sæti í
staðinn á aðra sýningu.“
- Segðu mér annað Pétur,
hvað líður stækkun Samkomu-
hússins?
„Eins og er virðist hún ekki
vera í bígerð og ég óttast það að
bygging Amtsbókasafnsins muni
seinka því verki. Það er mikil
synd, því aðstaðan í kringum
sviðið gerir leikhúsinu erfitt fyrir
að geta fullnægt þeim kröfum
sem eru gerðar til þess og þetta á
eftir að versna eftir að Borgar-
leikhúsið verður opnað því þá
verða gallarnir svo augljósir.
Við vorum búnir að finna það
út að það mætti skipta þessu
verki í 3 áfanga og dreifa kostn-
aðinum á fleiri ár. Búið var að
áætla kostnað upp á 30-40 millj-
ónir og til samanburðar má geta
þess að kostnaðurinn við að
breyta Félagsheimili Kópavogs,
áður en farið var að ganga frá
inni í salnum, var kominn upp í
50 milljónir. Ég held að þessi
kostur sé mun heppilegri en að
byggja nýtt leikhús því nýbygging
myndi kosta 150-200 milljónir."
Meiri kröfur til Ieikhússins
- Eru meiri kröfur gerðar til
leikhússins en áður?
„Já, vissulega. Við verðum að
fá að fylgjast með, alveg eins og
þið þurfið að breyta vinnslu-
aðferðunum eftir að þið fóruð að
vinna á tölvur. Krafan til leik-
hússins um skiptingar er orðin
margfalt meiri með tilkomu sjón-
varpsins sem getur skipt um senu
í einu vetfangi. Okkar áhorfend-
ur alast upp við þetta og þeir hafa
ekki umburðarlyndi í 5 mínútna
skiptingahlé. Nú er komin tækni
sem leysir þetta og það er hægt
að skipta snögglega um svið í
leikhúsi en það þarf rými til að
gera þessa hluti.“
- Getur verið að sjónvarps-
stöðvar og myndbönd séu að
drepa leikhúsmenninguna?
„Ja, í sjálfu sér hótar þetta
leikhúsmenningunni, en hins
vegar veit ég að það er miklu
nánari upplifun í leikhúsi. Áhorf-
andinn fær nánari upplifun í leik-
húsi heldur en í imbakassanum.
Ég held að það sé bara tíma-
spursmál hvenær fólk fer að
hungra aftur í leikhús. Þess sjást
reyndar merki á Reykjavíkur-
svæðinu og ég held að það hafi
gerst í kjölfar valfrelsisins, þegar
fólk þurfti að missa af einhverju.
Fólk sá að það gat lifað af þótt
það missti af sjónvarpinu. Aukn-
ing áhorfenda á Reykjavíkur-
svæðinu hefur verið gífurleg. Þar
fer auðvitað saman bættur efna-
hagur fólks og ekki síður það að
fólk er farið að hungra í lifandi
samband þar sem upplifunin er
gagnkvæm og enginn milliliður.
„Sko, í leikhúsi
er ekkert gler á milli“
Mér var sögð saga um daginn af
tveimur 6 ára strákunr. Annar
var að draga hinn í leikhús, á
æfingu. Hann þekkti eitthvað til
þarna og sá sem ekki hafði
komið í leikhús spurði: Hver er
munurinn á sjónvarpi og leik-
húsi? Og hinn svaraði eftir
nokkra umhugsun: Sko, í leik-
húsi er ekkert gler á milli. -
Meira að segja barnið finnur
þetta og það að við ætlurn að fara
með Einar Áskel og komast með
þessa lifandi leiksýningu til allra
barna á Norðurlandi, það er liður
í því að gefa börnunum kost á
upplifun í leikhúsi. Þau hafa
sjónvarpið fyrir sér daglega. Við
drepum ekkert sjónvarpið, en við
verðum að ala börnin upp þannig
að þau viti að leikhúsið er til og
að þau hafi reynslu af því. Ann-
ars dettur leikhúsið uppfyrir og
einhver kemst að því að það hafi
bara verið misskilningur að hætta
ekki að reka leikhús eftir að sjón-
varpið byrjaði, sem væri auðvitað
menningarlegt slys. En ég óttast
þetta ekki því svo frerni sent fólk
veit að leikhús er til þá trúi ég að
hún verði ofan á, þessi þörf hjá
fólkinu að upplifa leikhús" SS
„Fólk er fari id ad hungra
í Iifandí s íamband“
- segir Pétur Einarsson leikhússtjóri