Dagur - 17.11.1987, Qupperneq 15

17. nóvember 1987 — DAGUR - 15
Minning:
f Helga Sigríður
Sigurðardóttir
Fædd: 3.7. 1909 - Dáin 26.9. 1987
Lækkar lífdaga sól.
Löng er orðin mín ferð.
Fauk í faranda skjól,
fegin hvíldinni verð.
Guð minn, gefðu þinn frið,
gleddu og blessaðu þá,
sem að lögðu mér lið.
Ljósið kveiktu mér hjá.
Herdís Andrésd.
Ferðin hennar ömmu var orðin
löng, hún fæddist á Eyrinni hér á
Krók 3.7. 1909. Foreldrar hennar
voru hjónin Ingibjörg Sigurðar-
dóttir og Sigurður Lárusson.
Sjö ára gömul var amma látin í
fóstur á Fagranesi á Reykja-
strönd til hjónanna Björns og
Dýrólínu sem þar bjuggu.
Reyndust þau litlu stúlkunni vel
og hugsaði hún alla tíð til þeirra
með hlýju og þakklæti. Á Fagra-
nesi vann amma sveitastörfin eins
og krakkar þurftu að gera í þá
daga, eltist við kindur um hlíðar
og skriður Tindastóls hljóp í mýr-
um og lék sér við sjóinn ef tími
vannst til. Þessir dagar voru ger-
semar í huga hennar seinna á æv-
inni og henni þótti alltaf vænt um
Reykjaströndina.
Fjörunni unni hún alla tíð og
síðustu árin fannst henni mjög
gott að komast niður á sand og
labba þar um. Það hefur eflaust
minnt hana á æskuárin og veru
hennar við sjóinn.
Árið 1932 giftist hún afa
okkar, Svavari Ellertssyni frá
Holtsmúla og eignuðust þau 9
börn, Ellert, Hörð, Ingibjörgu,
Hallfríði, Jóhönnu, Guðrúnu,
Lilju, Jónas og Svövu. Hörður og
Ingibjörg eru látin. Afkomendur
ömmu og afa eru nú 50 talsins.
Hamingjuríkustu árin átti amma
í Ármúla, nýbýlinu sem þau afi
reistu. Þar ól hún flest börnin sín,
þau ár voru líka oft verið erfið en
amma hugsaði ekki um það held-
ur gladdist yfir minningunum um
stóra barnahópinn sinn, býlið og
sveitina sem var henni svo kær.
Alla tíð hafði hún mikið yndi
af skepnum, sérstaklega kindum
og kúm, og sagði okkur oft frá
þeim sem þau afi höfðu átt í
þeirra búskap.
Síðustu áratugina bjó amma
hér á Krók, lengst af á Bárustíg
8. Þar þótti henni gott að vera og
þaðan átti hún góðar minningar.
Oft var þar glatt á hjalla, einkum
á sumrin, þegar börnin komu í
heimsókn með barnabörnin.
Ömmu leið best með hóp af fólki
í kringum sig og alltaf hefur hún
verið með börn nálægt sér.
Amma hugsaði mikið um
barnabörnin sín, gekk okkur
sumum í móðurstað um tíma og
ef illa stóð á í fjölskyldunni, var
hún fús til hjálpar.
Við krakkarnir eigum yndis-
legar minningar um góða ömmu
sem af alúð hlúði að okkur, sagði
okkur sögur, raulaði vísur og
kenndi bænir. Hún var ólöt að
spila við okkur á spil, hún virtist
alltaf hafa tíma til alls. Alltaf var
amma glaðlynd og kvartaði aldrei
yfir erfiðleikum eða veikindum,
en veitti birtu og yl í kringum sig.
Síðastliðin 10 ár bjó hún að
Aðalgötu 13 hér í bæ þar sem
hún og afi ræktuðu fallegan
blómagarð, með fjölskrúðugum
gróðri. Hún hafði brennandi
áhuga á trjárækt og blómum, og
garðurinn veitti henni mikla
gleði.
Amma las mikið og heklaði
fallega muni sem hún prýddi
heimili sitt með, einnig heimili
afkomenda sinna.
Við þökkum elsku ömmu allt
sem hún var okkur, fullviss um
að hún hefur átt góða heimkomu.
Guð blessi minningu hennar og
blessi afa okkar, í hans miklu
sorg.
Þér kærar sendir kveðju með
kvöldstjörnunni blá.
Það hjarta sem þú átt, en er svo
langt þér frá.
Þar mætast okkar augu þótt ei
aftur sjáumst hér.
Ó guð minn ávallt gæti þín ég
gleymi aldrei þér.
Jóhannes Atli, Berglind, Lydía,
Aníta og Guðrún Vigdís.
Kveðja frá barnabarni
Kallið er komið,
komin er nú stundin,
vinaskilnaðar viðkvæm stund.
Vinimir kveðja
vininn sinn látna,
er sefur hér hinn síðasta blund.
Far þú í fríði,
friður Guðs þig blessi,
hafðu þökk fyrir allt og allt.
Ég þakka elsku ömmu minni
. fyrir allt.
Hvíli hún í friði.
Lydía Jónasdóttir.
Sauðárkróki.
Samtök um jafnrétti milli landshluta:
Telja stjómmálaflokkana
ganga þvert á fyrirheitin
Austfjarðadeild Samtaka um
jafnrétti milli landshluta hélt
almennan fund í Valaskjálf á
Egilsstöðum, sunnudaginn 8.
nóv.
Hlöðver Þ. Hlöðversson for-
maður SJL, frá Björgum í Kinn,
byrjaði fundinn með ávarpi.
Sigurður Helgason sýslumaður á
Seyðisfirði flutti erindi, er hann
nefndi: „Af hverju aukin heima-
stjórn héraða?" Ágústa Þorkels-
dóttir á RefsStað í Vopnafirði
fjallaði um breytta byggðastefnu,
betri byggðamenningu, Sigurður
Símonarson bæjarstjóri á Egils-
stöðum kynnti „Átaksverkefnið
Egilsstaðir - Seyðisfjörður“ og
Þórarinn Lárusson tilraunastjóri
á Skriðuklaustri nefndi sitt erindi
„Nokkur orð um byggðasamtök-
in og sjálfskaparvíti landsbyggð-
arfóiks".
Á fundinn mættu um 40
manns, víðs vegar að úr fjórð-
ungnum. Fundarstjóri var Vil-
hjálmur Einarsson skólameistari.
í fréttatilkynningu frá samtök-
unum segir að góður rómur hafi
verið gerður að máli framsögu-
manna og þátttaka í umræðum
verið með ágætum. Fundarmenn
hafi verið sammála um að þörfin
fyrir þverpólitísk samtök, á borð
við SJL, hefði ekki áður verið
brýnni. Voru fundarmenn á einu
máli um nauðsyn þess, að öllum
sé kunnugt, að samtökin séu
ekki, og hafi aldrei verið háð
neinum stjörnmálaflokki.
Samtökin hyggja á frekara
kynningarstarf á næstunni, bæði
með fundarhöldum og útgáfu. Af
tímariti samtakanna, „Útverði",
hafa þegar komið út þrjú tölu-
blöð, hið fyrsta undir nafninu
„Samtökin". Fréttabréfi frá síð-
asta landsfundi SJL, að Reyk-
holti í júní í vor, var dreift til
félagsmanna í ágúst. Þriðja tölu-
blað Útvarðar (1987) er í vinnslu
og mun koma út um 20. nóv. Þar
munu birtast um 20 greinar og
þættir, sem snerta byggðamál frá
mörgum sjónarhornum, eftir
ýmsa landskunna karla og konur.
Eftirfarandi ályktun var sam-
þykkt einróma á fundinum:
„Fundur Austurlandsdeildar
Samtaka um jafnrétti milli
landshluta, haldinn í Valaskjálf á
Egilsstöðum, 8. nóvember 1987,
rifjar upp hversu kosningastefnu-
skrár allra flokka voru þrungnar
umhyggju fyrir landsbyggðinni.
Telur fundurinn furðu sæta
hversu margt úr þeim hefur, ekki
einasta glatast, á ekki lengri
tíma, heldur gengið þvert á fyrir-
heitin. Ber þar hæst nýlega fram
komið frumvarp til fjárlaga 1988,
þar sem niðurskurður virðist
einkum bitna á undirstöðuat-
vinnuyegunum og ýrnsum atrið-
um, sem miklu máli skipta fyrir
viðhald búsetu í hinum dreifðu
byggðum.
Þá telur fundurinn brýnt, til að
koma í veg fyrir frekara hrun
byggðar víða um land, að komið
verði á fót lýðræðislega kjörn-
um landshlutastjórnum, svo fljótt
sem auðið er, og þeim fengin
veruleg verkefni og fjárráð.“
Fornbílaáhugamenn
Fundur í kvöld kl. 20.30.
Allir velkomnir.
Fornbíladeild.
Bílaklúbbur Akureyrar.
Upplýsingasími
91-685111.
Vinningstölur 14. nóvember 1987.
Heildarvinningsupphæð kr. 5.755.129.-
1. vinningur kr. 2.883.072.-
Skiptist á milli 8 vinningshafa kr. 360.384,- á mann.
2. vinningur kr. 864.675.-
Skiptist á milli 675 vinningshafa kr. 1.281.- á mann.
3. vinningur kr. 2.007.382.-
Skiptist á milli 11878 vinningshafa sem fá kr. 169.- hver.
Háseti óskast
á Særúnu frá Árskógssandi nú þegar.
Húsnæöi í boði.
Uppl. í símum 61946 og 985-22551.
Tilkynning
frá Fiskveiðasjóði Islands
Umsóknir um lán á árinu 1988 og endurnýjun eldri
umsókna. Um lánveitingar úr Fiskveiðasjóði íslands á
árinu 1988 hefur eftirfarandi verið ákveðið:
1. Vegna framkvæmda í fiskiðnaði:
Sjóðsstjórn telur ekki þurfa aukna afkastagetu í
hefðbundnum vinnslugreinum og metur umsóknir
samkvæmt því. Eftir því sem fjármagn sjóðsins
hrekkur til verður lánað til bygginga, véla, tækja og
breytinga, sem hafa í för með sér bætt gæði og aukna
framleiðni.
2. Vegna endurbóta á fiskiskipum:
Lánað verður til skipta á aflvél, til tækjakaupa og
endurbóta, ef talið er nauðsynlegt og hagkvæmt.
3. Vegna nýsmíði og innflutnings á fiskiskipum:
Lán vegna nýsmíði og innflutnings á fiskiskipum verða
eingöngu veitt ef skip sambærilegrar stærðar eru
úreld, seld úr landi eöa strikuð út af skipaskrá af öðrum
ástæðum. Hámarkslán er 65% vegna nýsmíði innan-
lands, en 60% vegna nýsmíði erlendis eða innflutn-
ings. Engin lán verða veitt vegna nýsmíði eða
innflutnings báta undir 10 rúmlestum.
4. Endurnýjun umsókna:
Allar umsóknir vegna óafgreiddra lána þarf að endur-
nýja. Gera þarf nákvæma grein fyrir hvernig þær
framkvæmdir standa sem lánsloforð hefur verið veitt til.
5. Hækkun lánsloforða:
Mikilvægt er að lánsumsóknir séu nákvæmar og verk
tæmandi talin. Sérstök athygli er vakin á því að
lánsloforð verða ekki hækkuð vegna viðbótarfram-
kvæmda, nema Ijóst sé að umsækjandi hafi ekki getað
séð hækkunina fyrir og hækkunin hafi verið samþykkt
af sjóðnum áður en viðbótarframkvæmdir hófust.
6. Umsóknarfrestur:
Umsóknarfrestur er til 31. desember 1987.
7. Almennt:
Framkvæmdir skulu ekki hafnar fyrr en lánsloforð
Fiskveiðasjóðs liggur fyrir. Sérstök athygli er vakin á
því, að sjóðurinn getur synjað lánsumsókn, þótt hún
uppfylli almenn skilyrði. Umsóknum um lán skal skila
á þar til gerðum eyðublöðum, ásamt þeim gögnum og
upplýsingum, sem þar er getið, að öðrum kosti verður
umsókn ekki tekin til greina (eyðublöð fást á skrifstofu
Fiskveiðasjóðs íslands; Austurstræti 19, Reykjavík,
svo og í ýmsum bönkum og Sparisjóðum utan
Reykjavíkur). Umsóknir er berast eftir tilskilinn um-
sóknarfrest verða ekki teknar til greina við lánveitingar
á árinu 1988 nema um sé að ræða ófyrirséð óhöpp.
Reykjavík, 10. nóvember 1987
Fiskveiðasjóður íslands