Dagur - 19.11.1987, Page 4

4 - DAGUR - 19. nóvember 1987
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RÍTSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
. ANDRÉS PÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERT TRYGGVASON, EGILL BRAGASON,
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróltir),
PÁLL B. VALGEIRSSON (Blönduósi vs. 95-4070), STEFÁN S/EMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
PÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Fylgi stjómmála-
flokkanna
Niðurstöður úr skoðanakönnun DV um fylgi
stjórnmálaflokkanna, sem birtar voru á mánu-
dag, eru um margt athyglisverðar. Þær gefa til
kynna að Sjálfstæðisflokkur og Framsóknar-
flokkur séu þeir stjórnmálaflokkar sem lang-
mestrar hylli njóta nú um sinn meðal kjósenda.
Aðrir flokkar virðast standa þeim langt að baki
hvað fylgi áhrærir.
Út af fyrir sig telst það vart til tíðinda þótt
Sjálfstæðisflokkurinn hafi talsvert fylgi, því
þannig hefur það verið um alllangt skeið. Skoð-
anakönnun DV bendir til þess að flokkurinn sé
eitthvað að rétta úr kútnum eftir hrakfarirnar í
síðustu alþingiskosningum og er það í sjálfu sér
ekki neitt sérstakt fagnaðarefni. Flokkurinn er
þó hvergi nærri búinn að ná þeim styrk sem
hann hafði á síðasta kjörtímabili.
Framsóknarflokkurinn bætir verulegu við sig
samkvæmt skoðanakönnuninni og er nú farinn
að nálgast 30 prósenta markið. Þessi niðurstaða
sýnir að kjósendur eru ánægðir með framgöngu
framsóknarmanna í hinum ýmsu málum, ekki
hvað síst í ríkisstjórninni. Jafnframt gefur þessi
niðurstaða til kynna að umbótasinnaður miðju-
flokkur eigi vaxandi fylgi að fagna meðal þjóðar-
innar og eru það ánægjuleg tíðindi fyrir félags-
hyggjufólk um land allt.
Niðurstöður könnunarinnar hljóta á hinn bóg-
inn að vera verulegt áhyggjuefni fyrir alþýðu-
bandalagsfólk. Þrátt fyrir nýjan formann og ein-
ingu á yfirborðinu, heldur fylgishrun Alþýðu-
bandalagsins áfram. Samkvæmt könnuninni
yrði flokkurinn sá næstminnsti á Alþingi, ef kos-
ið yrði nú. Skýringanna er enn að leita í þeim
væringum sem átt hafa sér stað í Alþýðubanda-
laginu. Hinum stríðandi öflum innan flokksins
tókst ekki að ná sáttum á landsfundinum, enda
ekki mikill yilji fyrir hendi að því er virtist. And-
stæðingar Ólafs Ragnars eru örugglega ekki til-
búnir til að taka hann í sátt á næstunni. - Og
enn nýtur Kvennalistinn góðs af.
Alþýðuflokkurinn tapar fylgi og má fyrst og
fremst skrifa tapið á ráðherra flokksins, sem alls
ekki hafa staðið undir þeim væntingum sem til
þeirra voru gerðar.
Stjórnarandstöðuflokkarnir, að Kvennalista
undanskildum, tapa einnig talsverðu fylgi. Vart
var við öðru að búast enda hefur núverandi
stjórnarandstaða verið með eindæmum ráð-
þrota, tilþrifalítil og máttvana. En kannski verða
þessar niðurstöður skoðanakönnunar DV til
þess að Eyjólfur fari að hressast. BB.
Regína Sigurðardóttir:
Staðsetning heilsu-
gæsluþjónustu hefur
áhrif á búsetu fólks
Rekstur sjúkrahúsa er stór hluti
af útgjöldum ríkssjóðs, því er
eðlilegt að menn reyni aðeins að
gera sér grein fyrir því í hvað þeir
fjármunir fara. Pað starf sem
fram fer á sjúkrahúsum er fjöl-
þætt og verður seint metin arð-
semi þess út frá peningalegum
sjónarmiðum. Það er staðreynd
að þegar við ég eða þú þurfum á
þjónustu sjúkrahúss að halda, þá
viljum við að sú þjónusta sé góð.
Við viljum að aðstandendur okk-
ar sem liggja inni á sjúkrastofnun
fái bestu hugsanlega umönnun og
okkur finnst að þar skuli ekkert
til sparað.
Markmiðið með rekstri sjúkra-
húss er auðvitað fyrst og fremst
að lækna og hlúa að sjúkum og
stefnt er að því að skila heilbrigð-
ari einstaklingum. Sem betur fer
erum við ekki farin að meta líf og
heilsu til fjár.
Hvað þarf til að sjúkrahús sé
vel rekið og að það veiti jafn-
framt góða þjónustu?
Ég hef ekki á reiðum höndum
neinn stóran sannleik í þessum
málum. En ég hef ákveðnar hug-
myndir um frumskilyrði þess að
sjúkrahús sé vel rekið og að þau
veiti þá þjónustu sem til er ætlast.
Góð húsakynni, þar sem sjúkl-
ingum og starfsfólki líður vel.
Gott og ánægt starfsfólk og þá vil
ég leggja höfuðáherslu á góða
stjórnendur, bæði lækna og
hjúkrunarfólk, og síðast en ef til
vill ekki síst áætlanagerð vegna
skiptingar fjármagns.
Til að hafa gott starfsfólk þarf
margt að koma til: m.a. góð
vinnuaðstaða, gott samband við
vinnufélaga, möguleikar á að við-
halda og auka starfsþekkingu
sína og laun. Ef við lítum á þessa
þætti vakna ýmsar spurningar.
T.d. hvað er góð vinnuaðstaða?
Fyrir lækna og hjúkrunarfólk
hlýtur t.d. að vera nauðsynlegt
að hafa aðstöðu til rannsókna, og
aðgerða, góða aðstöðu til hjúkr-
unar, skýrslugerða og skipulagn-
ingar og ekki síst gott og vel-
menntað aðstoðarfólk.
Fyrir aðstoðarfólk t.d. sjúkra-
liða er góð aðstaða til hjúkrunar,
hjálpartæki við hjúkrun, rúm-
góðar sjúkrastofur, góðar verk-
lýsingar og ef til vill öðru fremur
yfirmenn sem bera virðingu fyrir
störfum þeirra og veita þeim
stuðning í starfi. Frumskilyrði
árangurs og starfsánægju er gott
upplýsingastreymi og samstarf
allra er við stofnunina starfa.
Til að hægt sé að skipuleggja
starfsemi sjúkrahúss í heild, eða
einstakra deilda, er nauðsynlegt
að forstöðumenn deildanna geri
framkvæmdaáætlun fyrir fjár-
lagagerð komandi árs. í þeirri
áætlun þarf að koma fram for-
gangsröðun verkefna, áætlun um
aukningu í starfsmannahaldi og
yfirleitt allir kostnaðarþættir í
rekstri viðkomandi deildar. Síð-
an þarf framkvæmdastjóri ásamt
stjórn og forstöðumönnum deild-
anna að yfirfara þessar áætlanir
samræma þær og gera rekstar-
áætlun til ríkssjóðs, sé sjúkrahús-
ið rekið á framlögum úr ríkis-
sjóði. Þegar greiðsluáætlun ársins
frá fjármálaráðuneyti liggur fyrir
þarf að endurskoða þær áætlanir
sem fyrir liggja og deila fjár-
magninu niður, þannig að það
komi sem best út fyrir sjúkrahús-
ið í heild. Ef svona áætlanir eru
vel unnar og eftir þeim farið ættu
þær að geta auðveldað mjög allt
skipulag í rekstri. Ef forstöðu-
menn einstakra deilda vita í upp-
hafi árs hvaða fjármagni þeir
hafa úr að spila á árinu geta þeir
kynnt það fyrir starfsmönnum
deildarinnar og þar með ætti að
vera auðveldara að auka skilning
starfsfólks á rekstri deildarinnar
og sjúkrahússins í heild. En
frumskilyrði þess að svona áætl-
anagerð standist eru þau að
greiðsluáætlun frá Fjármálaráðu-
neytinu standist. Ef hún bregst,
eru forsendur áætlunarinnar
brostnar og þar með öll vinna við
hana til einskis. í mínum huga
eru kostir góðrar áætlunar ótví-
ræðir. Það er t.d. mjög leiði-
gjarnt fyrir framkvæmdastjóra að
þurfa endalaust að vera að taka
ákvarðanir um framkvæmdir sem
ef til vill eru komnar í eindaga,
en hafa ekki verið kynntar fyrir
honum fyrr. Jafnframt er þaö
ekki síður þreytandi fyrir deilda-
stjóra að þurfa að fara bónleiðina
til framkvæmdastjóra með hvað
eina sem framkvæma þarf á við-
komandi deild. Ég geri mér grein
fyrir því að aðhalds er þörf í
rekstri sjúkrahúsanna, en þau
mega ekki vera í fjársvelti. Pað
gengur ekki að mestur tími fram-
kvæmdastjóra fari í peningaút-
veganir, til að bjarga sér fyrir
horn með skammtímalausnum,
enda eru þær oft of dýrar til þess
að þær séu í raun og veru verj-
andi.
Mig langar að kynna ykkur
lítillega það sjúkrahús sem ég
þekki best, en það er Sjúkrahúsið
á Húsavík. Sjúkrahúsið á Húsa-
vík flokkast sem almennt sjúkra-
hús og er í rauninni ó deildar-
skipt. Þar eru 64 sjúkrarúm og er
sjúkrahúsinu ætlað að þjóna
Húsavík og næstu nágranna-
byggðum. Það tekur við sjúkling-
um til rannsóknar og meðferðar,
auk þess sem það hefur aðstöðu
til að vista langlegusjúklinga. Til
þess að svona stofnun gangi vel
þarf að mörgu að hyggja.
Ég ætla að kynna ykkur ein-
stakar deildir, við skulum byrja í
þvottahúsinu það er til húsa í
Dvalarheimilinu Hvammi. Þar er
allur þvottur frá sjúkrahúsinu
þveginn, auk þes sem séð er um
þvotta fyrir Dvalarheimilið
Hvamm. í þvottahúsinu er einnig
aðstaða til sauma og viðgerða á
þvotti.
„Þetta er annars vegar spurning um kostnað. Hversu margar fæðingar réttlæta t.d. rekstur fæðingadeildar? ... Hin
hliðin er byggðastefna.“