Dagur - 15.02.1988, Side 4

i* — niiSA(j — 8861' tBUitísí ,3f
4 - DAGUR - 15. febrúar 1988
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SÍMI: 24222
ÁSKRIFT KR. 560 Á MÁNUÐI
LAUSASÖLUVERÐ 55 KR.
GRUNNVERÐ DÁLKSENTIMETRA 400 KR.
RITSTJÓRAR:
ÁSKELL ÞÓRISSON (ÁBM.)
BRAGI V. BERGMANN
BLAÐAMENN:
ANDRÉSPÉTURSSON
(Reykjavík vs. 91-17450, pósthólf 5452, 105 Reykjavík),
ÁSLAUG MAGNÚSDÓTTIR, EGGERTTRYGGVASON, EGILL BRAGASON,
FRlMANN HILMARSSON (Blönduósi vs. 95-4070),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, KRISTJÁN KRISTJÁNSSON (íþróttir),
STEFÁN SÆMUNDSSON,
TÓMAS LÁRUS VILBERGSSON, VILBORG GUNNARSDÓTTIR,
ÞÓRHALLUR ÁSMUNDSSON (Sauöárkróki vs. 95-5960),
AUGLÝSINGASTJÓRI: FRÍMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Gamansamur krati
í bæjarstjóm
Til skamms tíma stóð blaðið í þeirri trú að innan Alþýðuflokks-
ins í bæjarstjórn Akureyrar væri fátt um góða húmorista. Nú
hefur þessum misskilningi verið eytt þar sem Gísli Bragi
Hjartarson, bæjarfulltrúi umrædds flokks, hefur stigið fram á
sjónarsviðið í heilsíðuviðtali sem birtist í Alþýðumanninum. Sú
spurning vaknar raunar hver sé tilgangurinn með viðtali af
þessu tagi því þar kemur fátt nýtt fram. Þó skal viðurkennt að í
því eru ljósir punktar og sumir nokkuð skemmtilegir. Þannig
mætti nefna að Gísli Bragi gerir grein fyrir því eina máli sem
núverandi flokkar í meirihlutanum eru algjörlega sammála um.
Einhver gæti haldið að þeir væru t.d. sammála um atvinnumála-
stefnu eða hvert skuli halda í málefnum aldraðra og enn aðrir
væru vísir til að stinga upp á útgerðarmálum. En svo er ekki.
Gísli Bragi segir orðrétt: „Um eitt atriði erum við algjörlega
sammála, en það er hve illa fyrrverandi meirihluta tókst til við
stjórnun bæjarins." Auðvitað er það gleðilegt að gamli meiri-
hlutinn skuli þannig leggja núverandi meirihluta til sameining-
artákn.
Gamansemi Gísla Braga kemst í hæstar hæðir þegar hann ræð-
ir um atvinnuástandið á Akureyri um það leyti sem nýja bæjar-
stjórnin tók til starfa. Gísli Bragi lætur að því liggja að það
slæma ástand sem einkenndi atvinnuvegi Akureyringa, og
raunar landsmanna allra, megi rekja til gömlu bæjarstjórnarinn-
ar. Þessi söguskýring lýsir sérlega mikilli vanþekkingu. Sam-
kvæmt henni bar gamli meirihlutinn ábyrgð á aflabresti, lækkun
á heimsmarkaðsverði á fiski og þriggja stafa verðbólgutölu. Eða
átti gamli meirihlutinn að ná miklum árangri í byggingariðnaði
á Akureyri þegar lánastofnanir í höfuðborginni drógu saman
seglin og þáverandi ríkisstjórn slóst við verðbólguna með til-
heyrandi afleiðingum fyrir landsbyggðina?
Ekki skánar viðtalið við bæjarfulltrúann þegar hann lætur að
því liggja að það sé núverandi bæjarstjórn að þakka að Útgerð-
arfélag Akureyringa hf. keypti gamalt skip frá Suðurnesjum og
lét endurbyggja Sléttbak. Tilfellið er að stjórn Ú.A. starfar afar
sjálfstætt og undirbúningur að endurnýjun togaraflota Ú.A. hef-
ur staðið yfir í langan tíma - mun lengri tíma en sem nemur líf-
tíma núverandi meirihluta í bæjarstjórn.
Þá er rétt að horfa ögn á það sem bæjarfulltrúinn nefnir lang-
þráðan samning við ríkisvaldið um Hitaveitu Akureyrar, en sá
samningur hafði í för með sér 20% lækkun á hitunarkostnaði. Sá
sem ekki þekkir til mála er vís til að álykta sem svo að þarna hafi
núverandi bæjarstjórn staðið sig afburða vel og að þeir sem
sátu í gamla meirihlutanum eigi ekki bita af kökunni. En stað-
reyndir tala sínu máli. í tíð gamla meirihlutans var horfið frá hin-
um svokölluðu hemlum og teknir upp rennslismælar. Þessi
breyting var forsenda þeirrar lækkunar sem síðar varð á hitun-
arkostnaði. Auk þess tryggði breytt fyrirkomulag rekstrar-
öryggi hitaveitunnar og það að vatnsbúskapur hitaveitunnar
varð allt annar og betri. Á þessum tíma voru einnig hafnar við-
ræður við ríkið um lausn á vanda Hitaveitu Akureyrar. Ávöxtur
þessa alls var lækkun á hitunarkostnaði. Eðlilega á núverandi
meirihluti þakkir skilið fyrir sinn hluta af þeim samningum.
Að lokum mætti nefna stjórnkerfisbreytinguna hjá Akureyrar-
bæ. Bæjarfulltrúi Gísli Bragi gerir heiðarlega tilraun til að eigna
núverandi meirihluta þá mikilvægu breytingu. Sú tilraun fellur
flöt þegar það er rifjað upp að undirbúningur og vinna hófst í tíð
gamla meirihlutans. Ýmsar breytingar voru samþykktar í tíð
gömlu bæjarstjórnarinnar og komu til framkvæmda í hennar tíð.
Það kom einungis í hlut nýja meirihlutans að ljúka verkinu. Sem
betur fer tókst það vel enda var vel að verki staðið í upphafi.
Byggingameistarinn Gísli Bragi Hjartarson veit það manna
best að vel verður að vanda undirstöður bygginga ef þær eiga
að standa. Þannig er það með þau mál sem núverandi meirihluti
vill eigna sér. Upphaf þeirra flestra, ef ekki allra má rekja til
gamla meirihlutans. Hann vann vel og því er auðvelt að byggja
ofan á. ÁÞ
Sprengidagur á morgun:
Eina kjötkvedju-
hátíð Islendinga
- frjálslyndi í ástamálum látið óátalið hér áður fyrr
Á morgun er sprengidagur.
Saltkjötsangan mun læðast út
úr mörgum eldhúsunum þenn-
an dag og flestir, vonandi,
leggjast mettir til hvílu að
kvöldi dags. Saga dagsins er
sú, að þennan dag hafi fólk í
síðasta sinn fyrir föstu, fengið
að eta fylli sína. Sprengidagur
er því nokkurs konar kjöt-
kveðjuhátíð okkar íslendinga.
Hjá kjötkaupmönnum er nóg
að gera þennan dag, en er við
höfðum samband við kaup-
menn sögðu þeir að sömuleiðis
væri góð sala í saltkjöti fyrir
bóndadaginn. Konur sem vilja
gera körlum sínum vel til þykir
saltkjötið greinilega gott til
þeirra hluta.
í bók Árna Björnssonar, Saga
daganna segir: „Nafnið sprengi-
kvöld bendir eindregið til þess,
að þá hafi menn reynt að ryðja í
sig eins miklu og þeir gátu torgað
af keti, floti og öðru lostæti, sem
forboðið var á föstunni. Mun þá
margur hafa hesthúsað meiru en
hann hafði gott af eða étið sig í
spreng. Eru af því ýmsar skrítnar
sögur. Sagan segir einnig, að
leifarnar væru settar í poka og
hengdar upp í baðstofumæni yfir
rúmi hvers og eins. Þarna angaði
freistingin fyrir augunum alla
föstuna, en ekki mátti á snerta
fyrr en aðfaranótt páskadags.
Sumir segja, að öllum leifunum
hafi verið safnað í einn belg, sem
var hengdur upp í baðstofuna.
Auk átveislu hefur visst frjáls-
lyndi í ástamálum löngum verið
látið óátalið á kjötkveðjuhátið-
um erlendis. Einhverjar sagnir
um viðlíka athæfi hafa verið á
kreiki hér á 19. öld. Segir þar, að
á þessu kvöldi hafi vinnumenn átt
að greiða þjónustukonum sínum
(þeini sem gerðu við föt þeirra og
skó) kaup þeirra fyrir árið, og
hafi sú greiðsla átt að innast af
hendi með einkar ástúölegu við-
móti.“
Dagur hafði samband við tvo
saltkjötssérfræðinga á Akureyri
og forvitnaðist um saltkjötssölu
Saltkjötið vigtað. Mynd: TLV
viðtol dogsins
Auður Gunnarsdóttir:
„Gellur verða örugg-
lega á boðstólum“
Fitjað verður upp á nýjung í
skemmtanahaldi í Þingeyjar-
sýslu 19. mars en þá ætlar
Soroptimistaklúbbur Húsavík-
ur og nágennis að standa fyrir
Gellugleði í Félagsheimili
Húsavíkur. Konur í sýslunni
ætla að skilja kallana eftir
heima og skemmta sér saman
eina kvöldstund eins og konum
einum er lagið. Þegar fer að
nálgast miðnætti og borðhaldi
og skemmtiatriðum er lokið fá
karlmennirnir að koma á dans-
leikinn. Auður Gunnarsdóttir
bankastarfsmaður er formaður
skemmtinefndar Gellugleðinn-
ar og Dagur spurði hana um
þessa nýbreytni í skemmtana-
lífinu.
„Við ætlum fyrst og fremst að
höfða til kvenna í Þingeyjarsýslu,
á svæðinu frá Þórshöfn að Víkur-
skarði. Vonum að þær fjölmenni
og skemmti sér saman en auðvit-
að eru konur frá öðrum stöðum
einnig velkomnar. Við vonum að
þetta efli sameiningu kvenna og
það hefur einmitt oft tekist mjög
vel þegar konur koma saman og
skemmta sér. Við viljum endi-
lega leggja enn meiri áherslu en
verið hefur á þann þátt og þetta
er í fyrsta sinn sem þetta er próf-
að hér í Þingeyjarsýslu á þennan
hátt.“
- Nafnið Gellugleði, er skemmt-
unin ætluð fyrir alveg svakalegar
gellur?
„Nafnið er fyrst og fremst
komið af því að við vorum búnar
að velta fyrir okkur nöfnum
ýmissa fisktegunda. Upphafið að
slíkum skemmtunum eru kút-
magakvöld hjá Lionsköllum.
Konur á Akureyri fundu nafnið
krúttmagi sem er náttúrlega
alveg frábært nafn en við urðum
að finna eitthvað annað og fórum
að athuga hvort við gætum nýtt
matseðilinn í tengslum við
nafnið. Nafnið Gellugleði varð
ofaná en við erum ekki endilega
að hugsa um seinni tíma merk-
ingu orðsins sem er þá skvísu-
gleði. En auðvitað erum við allar
ofsalegar skvísur. Við vonum að
það verði ekkert kynslóðabil á
þessari hátíð okkar og ætlum að
hafa skemmtiefni fyrir alla
aldursflokka.14
- Verður skemmtunin í líku
formi og krúttmagakvöldin hafa
verið?
„Já, þetta verður byggt upp á
svipaðan hátt. Til að byrja með
koma konur saman, borða og
skemmta sér til klukkan 23 en þá
höfum við hugsað okkur að fá
betri helmingana inn og skemmta
okkur við dans eftir það. Hljóm-
sveit Illuga mun leika fyrir
dansi.“
- Haldið þið ekki að kallarnir
verði fúlir að þurfa að sitja
heima?
„Því skyldu þeir vera það? Og
þeir þurfa ekkert endilega að
sitja heima, geta rottað sig sam-
an í húsum og skemmt sér þang-
að til þeir koma á ballið með
okkur.“
- Verður mikið borið í
skemmtunina?
„Þarna verður meira og minna
heimatilbúið efni en við fáum
veislustjóra frá Reykjavík. Iðunn
Steinsdóttir verður veislustjóri
kvöldsins og flytur sjálf skemmti-
efni. Það er ekki alveg ákveðið
hvort við fáum karlmann til að
skemmta á nýstárlegan hátt, en
það er aldrei að vita. Dagskráin
er ekki alveg fullmótuð ennþá en
svör við ýmsum ónefndum spurn-
ingum munu liggja fyrir á næst-
unni. Það gæti farið svo að þarna
yrði atriði sem ekki hefur áður
verið haft hér á íslandi."
- Fannst ykkur vanta þennan
þátt í skemmtanalífið í sýslunni?
„Við vonumst til að þetta geti
orðið árlegur viðburður, að kon-
ur hér í sýslu komi saman og efli