Dagur - 25.11.1988, Qupperneq 20

Haldið veisluna eða fundinn
f elsta húsi bæjarins
Afmælisveislu ★ Giftingarveislu ★
★ Erfidrykkju ★ Kaffisamsæti ★
Fundi og hvers konar móttökur.
Allar nánari upplýsingar gefa Hallgrímur eða Stefán í síma 21818.
Reykjavíkurborg styrkir akureyrskan iðnað:
Engiim er spámaður
í sínu fóðurlandi
- bæjaryfirvöld á Akureyri
sýna gúmmímottum
Á fimm ára starfsævi hefur
Gúmmívinnslan á Akureyri
framleitt ýmsar vörur úr endur-
unnu gúmmíi, en það nýjasta á
markaðnum eru mottur sem
þykja m.a. hentugar á leik-
velli. Fyrir skömmu var sam-
þykkt tillaga borgarfulltrúa
minnihlutans í Borgarstjórn
Reykjavíkur um að gerð verði
tilraun með að leggja gúmmí-
hellur á leiksvæði nokkurra
dagvista og skóla í borginni. Á
meðan Reykjavíkurborg styrk-
ir akureyrskan iðnað sýna
bæjaryfirvöld á Akureyri eng-
an lit.
á leikvelli ekki áhuga
eiga við að glíma. Pað á eftir að
verða meiriháttar hagsmunamál
fyrir bæjarfélagið í framtíðinni,
því sífellt fellur meira til af hjól-
börðum," segir Þórarinn. „Það er
heldur engin spurning að þessar
hellur draga úr slysahættu fyrir
börnin. Mér þykir því fálæti
bæjaryfirvalda á Akureyri á þess-
ari vöru undarlegt.“
Enn er ekki vitað hversu mikið
magn gúmmímotta Reykjavíkur-
borg kemur til með að kaupa af
Gúmmívinnslunni, en þegar er
búið að leggja slíkar mottur á
nokkra leikvelli borgarinnar og
hafa þær reynst vel. mþþ
Þórarinn Kristjánsson, framkvæmdastjóri Gúmmívinnslunnar, með gúmmíhellurnar sem Reykjavíkurborg vill
kaupa. Mynd: GB
Á síðasta ári voru um 40 tonn
af gúmmíi endurunnin hjá Gúmmí-
vinnslunni og segir Þórarinn
Kristjánsson einn eigendanna að
fyrirtækið gæti endurunnið alla
aflagða hjólbarða sem til falla í
landinu ef komið væri á hentugu
innsöfnunarkerfi. Nú er einkum
unnið úr því sem til fellur hjá
vinnslunni við sólningu og því til
viðbótar er efni flutt frá Reykja-
vík.
Á hverju ári eru um 2300 tonn
af hjóibörðum flutt inn í landið
og er talið að talsvert yfir 2000
tonn af gúmmíúrgangi falli hér til
árlega. Með því að endurvinna
hráefnið slá þeir Gúmmívinnslu-
menn tvær flugur í einu höggi. Sú
fyrri varðar losun á úrgangsefn-
um, cn vegna fyrirferðar hafa
hjólbarðar valdið erfiðleikum á
urðunarstöðum, auk þess sem
þeir fjaðra í stað þess að leggjast
saman við urðun. Hin seinni
varðar hag barna, en með því að
leggja gúmmímottur í stað stein-
hellna eykst öryggi barna og slysa-
hætta minnkar.
Þórarinn segist hafa kynnt
gúmmíhellurnar fyrir ýmsum
forráðamönnum hjá Akureyrar-
bæ, en engin viðbrögð fengið.
„Við erum að leysa sorphreinsun-
arvandamál sem öll bæjarfélög
Veiðimálastjóri telur að í eyfirsku sjóbleikjunni séu fólgnir miklir möguleikar:
„Flug og sjóbleikja“ næsti ferðapakkinn?
Veiðifélög Eyjafjarðarár,
Fnjóskár, Hörgár og Svarfað-
ardalsár verða að auka sam-
starf á næstunni, bæði á sviði
ræktunar ánna og ekki síður
með sölu veiðileyfa og mark-
aðssetningu þeirra.
Þetta er skoðun Árna ísaks-
sonar, veiðimálastjóra og Tuma
Tómassonar, starfsmanns Veiði-
málastofnunar á Hólum í Hjalta-
dal, sem þeir kynntu forsvars-
mönnum þessara veiðifélaga á
fundi á Akureyri sl. miðviku-
dagskvöld. Þeir telja að aukið
samstarf veiðifélaganna sé lykill-
inn að auknum arði landeigenda
af ánum því einungis með mark-
vissu og sameiginlegu átaki sé
unnt að auglýsa veiðar í þeim og
byggja upp þá aðstöðu við þær
sem nauðsynleg er.
í samtali sem Dagur átti við þá
Árna og Tuma kom fram að þeir
telja að það beri að leggja ríka
áherslu á ræktun og markaðs-
Árni ísaksson og Tumi Tómasson telja aukið samstarf veiðifélaga nauðsyn-
legt.
setningu sjóbleikjunnar í öllum
þessum ám, enda sé þessi stofn
einstakur hér á landi. Þeir segja
að sökum þessarar sérstöðu hafi
nefndar fjórar ár mikla mögu-
leika í baráttunni um veiðimenn,
bæði innlenda og erlenda, sem
eru tilbúnir að greiða verulegar
upphæðir fyrir veiðileyfin. En til
þess að þetta verði unnt benda
Árni og Tumi á að veiðileyfin
þurfi að fara á almennan markað,
þannig að bestu dagar sumarsins
standi fleirum til boða en þeim
ákveðnu veiðimönnum sem þá
hafa fengið ár eftir ár. Þetta
segja þeir m.a. vera skilyrði fyr-
ir hækkun á verði veiðileyf-
anna og þar með auknum arði af
ánum. í máli Tuma kom fram að
í hugum manna, þá ekki síst
erlendra aðila, væri sjóbleikjan
merki um ómengaða náttúru sem
í dag þætti sjaldgæf en eftirsókn-
arverð.
Ekki liggja fyrir neinar rann-
sóknir á sjóbleikjustofninum á
þessu svæði. Tumi Tómasson
segir það þó líklegt að bleikjan
flakki nokkuð á milli nefndra áa.
Til að ganga úr skugga um það
þyrfti, að mati Tuma, að merkja
fiskinn og fylgjast með hegðun
hans. Þetta krefst hins'vegar
fjármagns, sem örðugt er að
nálgast á þessum síðustu og
verstu tímum.
Sigurður Jósepsson, bóndi á
Torfufelli, segir að menn muni
örugglega ræða ýmis hagsmuna-
mál veiðifélaganna með t.d. auk-
ið samstarf þeirra í liuga. Hann
segir að ekki hafi enn sem komið
er verið rætt um stofnun heildar-
samtaka, menn vilji skoða málið
áður frá sem flestum hliðum.
Sigurður segist telja mikilvægt
að verð veiðileyfa sé samræmt
eins og kostur er svo og að árnar
séu auglýstar undir einum hatti.
Hann nefnir þann möguleika að
auglýsa sérstakar „veiðipakka-
ferðir“ í fjórar nefndar bleikjuár.
„Það mætti hugsa sér að slíkar
pakkaferðir miðuðust við eina til-
tekna á eða að mönnum gæfist
kostur á í eina viku t.d. að renna
fyrir fisk í öllum ánum.“ óþh
Lögfræðingur Sambandsins í KSP-málinu:
Hæpið viðskiptasiðferði að færast
undan að standa við ábyrgðimar
- Tilboði Sambandsins ekki breytt, segir Valur Arnþórsson
„Ég fyrir mitt leyti harma
mjög að ábyrgðarmennirnir
skuli ekki sjá sér fært að ganga
að þessu góða tilboði Sam-
bandsins,“ sagði Valur Arn-
þórsson, stjórnarformaður
Sambands íslenskra samvinnu-
félaga en í blaðinu í gær var
haft eftir Tryggva Stefánssyni
oddvita á Hallgilsstöðum að
bændum á Svalbarðseyri sýnd-
ist ekki borga sig að taka til-
boði Sambandsins.
Umrætt tilboð felur í sér að
Sambandið tekur að sér að greiða
þriðjung þeirra skulda, sem
bændur eru í persónulegri ábyrgð
fyrir vegna gjaldþrots Kaupfélags
Svalbarðseyrar. í frétt Dags var
haft eftir Tryggva að lögfræðing-
ar bændanna teldu kröfur Sam-
vinnubankans ógildar og settu
spurningarmerki við sumar kröf-
ur Iðnaðarbankans.
Valur sagðist vilja minna á að
Sambandinu bæri engin lagaleg
skylda til þess að létta þessum
ábyrgðum af ábyrgðarmönnun-
um, en hefði í góðum hug viljað
létta af þeim byrðunum að hluta,
að því tilskildu að bankarnir geri
hið sama.
„Sambandið hefur látið einn
virtasta lögfræðing þjóðarinnar
kanna fyrir sig hvort hann telji að
ábyrgðir bændanna gagnvart
Samvinnubankanum séu í gildi.
Hann telur engan vafa á að svo
sé. En hann bendir einnig á hið
afar hæpna viðskiptasiðferði,
sem fólgið er í því að færast und-
an að standa við þessar ábyrgðir.
Samvinnubankinn gerði það fyrir
orð bændanna að taka ábyrgð á
erlendu láni gegnum Útvegs-
banka íslands, sem varið var til
kaupa á kartöfluverksmiðju og
bændurnir lögðu mikla áherslu á
að Kaupfélag Svalbarðseyrar
eignaðist, enda vildu þeir ganga í
persónulegar ábyrgðir til að svo
gæti orðið,“ sagði Valur enn-
fremur.
Hann sagðist ekki eiga von á
því að stjórn Sambandsins breytti
afstöðu sinni í málinu en kvaðst
fyrir sitt leyti vona, að bændurnir
fjölluðu um þetta að nýju. „Það
er ljóst að þeir eiga mismunandi
hagsmuna að gæta þar sem þeir
eru á mismunandi ábyrgðum.
Það má t.d. segja að fyrir þá sem
ekki eru á ábyrgðum gagnvart
Samvinnubankanum sé það hags-
munamál að fá allt framlag Sam-
bandsins yfir á ábyrgðina gagn-
vart Iðnaðarbankanum en ég sé
enga sanngirni í slíkum sjónar-
miðum. Ég held þess vegna að
tilboð Sambandsins verði að
standa óbreytt og bændurnir
verði að taka afstöðu til þess sem
slíks“, sagði Valur Arnþórsson
að lokum. BB.