Dagur - 06.12.1988, Qupperneq 16

Akureyri, þriðjudagur 6. desember 1988
TRIDONfcr
Vatnslásar og bensínsíur
í flesta bíla
ÞÓR5HAMAR HF.
Við Tryggvabraut ■ Akureyri ■ Sími 22700
„Akure>Tartríó“ út í
Grímsey í fiskvinnslu
Atvinnuieysisvofan lætur ekki
á sér kræla í Grímsey. Síður en
svo. Þar hefur verið mikil
vinna í fiski að undanförnu og
að sögn Sæmundar Olasonar
hjá Fiskverkun Kaupfélags
Eyfirðinga eru horfur á að næg
atvinna verði á eynni til loka
árs.
Akureyri:
Ölvun og átök
Nokkur ölvun var á Akureyri
um helgina og töluvert um
óspektir að sögn lögreglunnar,
en ekki vildu menn leggja dóm
á hvort jóiaglögg ætti hér ein-
hvern hlut að máli eða hvort
hér væri um „hefðbundna“
áfengisneyslu að ræða. Alls
voru þrír menn fluttir á Fjórð-
ungssjúkrahúsið á Akureyri
vegna meiðsla sem rekja má til
ölvunar.
Aðfaranótt laugardags var ölv-
un áberandi og gistu þrír fanga-
geymslur lögreglunnar. Einn var
fluttur á sjúkrahús eftir rysking-
ar. Aðfaranótt sunnudags var
einn settur í „steininn“ og tveir
fluttir á sjúkrahús, annar eftir
átök en hinn vegna meiðsla sem
hann hlaut eftir ómarkviss dans-
spor á veitingahúsi.
Umferðin gekk vel um helgina
en í gær var mjög hált á götum
Akureyrar. Síðdegis hafði lög-
reglan þó ekki haft spurnir af
nema tveimur árekstrum, en í
öðru tilvikinu var unt harðan
árekstur að ræða. Tveir bílar
lentu saman á mótum Hörgár-
brautar og Undirhlíðar og
skemmdust báðir bílarnir mikið.
SS
Heilsugæslulæknar
á Akureyri:
Hafðir fyrir
rangri sök
í einu dagblaðanna á laugar-
daginn, var frétt um rannsókn-
ir Ríkisendurskoðunar á
sjúkraskrám heilsugæslulækna
og dóma sem fallið hafa í slík-
um málum. Þar eru mál
tveggja lækna á Akureyri tekin
með í fréttina, en læknarnir
eru ekki heilsugæslulæknar og
því ótengdir Heilsugæslustöð-
inni á Akureyri.
„Þetta er mjög villandi frétta-
flutningur og skaðlegur fyrir
Heilsugæslustöðina á Akureyri,"
sagði Hjálmar Freysteinsson yfir-
læknir í samtali við Dag. „Fréttin
gefur ótvírætt til kynna að um
heilsugæslulækna sé að ræða, en
það hefur aldrei farið fram
rannsókn, né orðið uppvíst um
misferli lækna hjá okkur.“ Hann
sagði að verið væri að fjalla um
allt önnur mál sem komi Heilsu-
gæslustöðinni ekkert við. VG
Auglýst var eftir starfsfólki hjá
Fiskverkun KEA á dögunum og
bar auglýsingin þann árangur að
3 Akureyringar voru þar ráðnir
til vinnu. Sæmundur segir að eftir
áramót megi gera ráð fyrir að
meiri afli berist á land og þá verði
þörf á auknum liðstyrk úr landi.
Undanfarna daga hafa línu- og
netabátar fengið fallegan fisk
skammt norður og norðaustur af
Grímsey. Þetta er aðallega
þorskur sem fer allur í salt en ufs-
inn hefur verið hengdur upp í
skreið. Síðastliðinn laugardag
fóru 25 tonn af saltfiski frá Fisk-
verkun KEA til Reykjavíkur en
þar verður hann að stærstum
hluta settur í gáma til útflutnings.
óþh
Á föstudaginn var formlega tekinn í notkun nýr aðflugsradar á Akureyrarflugvelli að vistöddum gestum. Nýi radar-
inn er venjulegur skiparadar og kostaði aðeins Vio af verði venjulegs flugradars, eða um 3 milljónir króna. Á mynd-
inni eru Steingrímur Sigfússon samgönguráðherra og Sigfús Jónsson bæjarstjóri að virða fyrir sér nýja radarinn og
virðist sem þeim lítist bara nokkuð vel á hann. Mynd: ap
Samheiji hf. með næsthæstu
meðallaun fyrir ársverk í fyrra
beinn launakostnaður 52ja starfsmanna var 182,4 milljónir kr.
Sjómenn á aflaskipinu Guð-
björgu IS frá Isafiröi voru með
hæstu meðallaunin fyrir
ársverk í fyrra, 3.821.000
krónur. Samherji hf. á Akur-
eyri er í öðru sæti á listanum
með 3.535.000 króna meðal-
laun fyrir ársverk. Með
ársverki er átt við að sjómaður
fari alla túra viðkomandi skips
eða útgerðar á árinu en það er
að sjálfsögðu ekki gert. Er því
enginn einn sjómaður með
umrædd laun þar sem enginn
vinnur heilt og óslitið ársverk í
þessum skilningi.
Upplýsingarnar hér að framan
komu fram í nýjustu tölublöðum
Fiskifrétta og Frjálsrar verslunar.
í þriðja sæti hvað árslaun snertir
er Skagstrendingur hf., en fyrir-
tækið gerir út togarana Arnar og
Örvar, laun voru þar kr.
3.342.000 fyrir meðalársverk.
Oddeyri hf. á Akureyri er í
fjórða sæti með árslaun upp á
Húsavík:
Bflvelta
viö Laxamýri
Umferðaróhapp varð við Laxa-
mýri í Suður-Þingeyjarsýslu á
sunnudag er fólksbflj fór út af
veginum og valt. Ökumaður
slapp ómeiddur.
Bíllinn er talinn ónýtur eftir
óhappið sem stafar sennilega af
of hröðum akstri að sögn lögregl-
unnar, auk þess var bíllinn á
sumardekkjum.
Skemmdarvargar voru á ferð-
inni á Húsavík um helgina og ollu
tjóni á tveim bílum, sennilega
með því að sparka í þá. Málið er
óupplýst. Að öðru leyti leið helg-
in í friðsemd og rólegheitum að
sögn lögreglunnar á Húsavík.
IM
3.105.000 kr. og í fimmta sæti er
Sigurður hf. í Stykkishólmi með
2.976.000 krónur. í 19. sæti á list-
anum yfir hæstu meðallaun fyrir
ársverk var útgerðarfyrirtækið
Valtýr Þorsteinsson á Akureyri
með 2.480.000 krónur.
Hjá Samherja hf. voru 52
starfsmenn í fyrra og bein laun til
þeirra voru 182,4 milljónir
króna. Hjá Skagstrendingi hf.
skiptust 153,9 mjlljónir milli 46
starfsmanna en 42,4 milljónir
milli 14 starfsmanna hjá Oddeyri
hf. Tekið skal fram að útgerðar-
fyrirtæki skipa fimmtíu efstu sæt-
in á listanum yfir hæstu meðal-
laun fyrir ársverk ársins 1987.
EHB
Yfirfasteignamatsnefnd ákveður hækkun á matsverði fasteigna:
Eign hvers íslendings í
fasteignum rúmar 2 milljónir
- 2,8 íslendingar um hverja íbúð -
Yfirfasteignamatsnefnd hefur
ákveðið framreiknistuðla fyrir
skráð matsverð fasteigna með
hliðsjón af breytingu verðlags
fasteigna við kaup og sölu frá
síöasta viðmiðunartíma sem
var nóvember 1987. Matsverð
íbúðarhúsa á landinu öllu
hækkar um 28% og matsverð
allra annarra fasteigna um
20%.
Samkvæmt þessu verður fram-
reiknistuðull fyrir íbúðarhús
1,28 en 1,20 fyrir aðrar fasteignir.
Á umræddum tíma, nóvember
1987 til sama mánaðar 1988, var
hækkun byggingarvísitölu 17,2%
og hækkun lánskjaravísitölu
23,4%.
Samkvæmt upplýsingum Fast-
eignamats ríkisins miðast þessi
hækkun fasteignamats við fast-
eignamatsverð samkvæmt fast-
eignaskrá frá 1. desember 1987
og tekur einnig til breytinga á
henni sem gerðar hafa verið af
stofnuninni og yfirfasteignamats-
nefnd.
Heildarmat allra fasteigna í
landinu er 528,6 milljarðar króna
og er eign hvers íslendings í fast-
eignum 2,1 milljón króna. Á land-
inu eru nú tæplega 89 þúsund
íbúðir og samkvæmt útreikning-
um Fasteignamats ríkisins eru
því um 2,8 íslendingar um hverja
íbúð. “ JÓH
íslenska flallalambið til útlanda:
650 tonn fara
tfl Svíþjóðar
Samningar hafa náðst um sölu
650 tonna af lambakjöti til
Svíþjóðar. Þetta er álíka magn
af kjöti og Svíar keyptu héðan
á sl. ári. Stefnt er að því að
hefja útflutning kjötsins upp úr
áramótum og að honum verði
lokið í mars. Skilaverð fyrir
kjöt í heilum skrokkum er
nálægt 33% af óniðurgreiddu
heildsöluverði sl. hausts. Verð
fyrir pakkað kjöt er nokkru
hærra.
Að sögn Árna Jóhannssonar,
framkvæmdastjóra Búvörudeild-
ar Sambandsins, munu um 200
tonn af lambakjöti verða flutt til
Finnlands eftir áramót. Hann
segir að vonir standi til þess að
Finnar muni kaupa allt að 600
tonn af lambakjöti á árinu. Ef
þetta gengur eftir verður nokkur
magnaukning í sölu latnbakjöts
til Finnlands en á sl. ári fóru
þangað 400 tonn. „Okkar kjöt
líkar þar vel og Finnarnir hafa
spurst fyrir um möguleika á
kaupum á pörtuðu kjöti, einkum
hryggjum og lærum,“ segir Árni.
Eins og frá hefur verið greint á
síðum Dags hafa Sovétmenn lýst
áhuga á kaupum á verulegu
magni af lambakjöti héðan. Árni
segir að það mál sé í gangi en lít-
ið hafi gerst í því að undanförnu.
„Þeir eru að velta málum fyrir
sér. Við bíðum þeirra svara."
óþh