Dagur - 14.02.1989, Blaðsíða 1

72. árgangur Akureyri, þriðjudagur 14. febrúar 1989 31. tölublað
g\:

HERRADEILD
Gránufélagsgötu 4
Akureyri • Sími 23599
Sameiningarskrefið stigið í Ólafsfirði:
Kaupsamningur undirritaður
- frystingin af stað í mars
Samningur um kaup Hraðfrysti-
húss Ólafsfjarðar hf. á Hrað-
frystihúsi Magnúsar Gamal-
íelssonar hf. var undirritaður
sl. sunnudag. Kaupin ná til
frystingar, saltfisk- og rækju-
vinnslu. Með þessum samningi
hefur verið stigið það skref að
sameina frystihúsin í Ólafs-
firði. Að sögn Þorsteins
Ásgeirssonar, framkvæmda-
stjóra Hraðfrystihúss Ólafs-
Veðrið á næstunni:
Gott í dag
vont á morgun.
Gott í...
Umhleypingasamt veðurfar
sem strítt hefur landsmönnum
í vetur hefur ekki runnið sitt
skeið á enda, því næstu daga
verður veðrið með ólíkindum
umhleypingasamt ef spá Braga
Jónssonar veðurfræðings
helst.
í dag er gert ráð fyrir hægri
breytilegri átt og þurru veðri á
Norðurlandi. „Þetta helst í einn
dag en svo er á ýmsu von,“ sagði
Bragi. „Á miðvikudag verður
norðan hvassviðri og snjókoma,
en svo kemur aftur góður dagur á
fimmtudag. Meira veit ég ekki,
en ég vona bara að þetta gangi
eftir sem ég er að segja.“
Af færð er það að segja, að góð
færð er í austurátt frá Akureyri
til Grenivíkur, um Víkurskarð til
Húsavíkur og þaðan um Tjörnes
og allt til Vopnafjarðar, auk þess
sem stórum velbúnum bílum er
fært til Egilsstaða. Aðra sögu er
að segja af færð vestur um. í gær
var fært til Dalvíkur og um Ólafs-
fjarðarmúla. Moka á leiðina til
Reykjavíkur í dag ef veður leyfir.
VG
Formannafundiir BSRB:
Vill heildar-
samflot
- allra samtaka
launamanna
Formannafundur BSRB hald-
inn í Reykjavík í gær leggur til
að í komandi kjarasamningum
verði haft samstarf með öllum
samtökum launamanna í land-
inu um viðræður við stjórnvöld
um ráðstafanir til að bæta fjár-
hag heimilanna.
Vaxtaokur, húsnæðismál og
réttlátara skattakerfi eru málefni
sem verða ofarlega á baugi í þeim
viðræðum auk tryggingamála,
dagvistarmála og annars sem lýt-
ur að velferð almenns launafólks.
BSRB leggur til að samið verði
til næstu áramóta um samræm-
ingu á launakerfi BSRB og stig-
vaxandi kaupmátt kauptaxta auk
kaupmáttartryggingar. Þá ætla
aðildarfélögin að ganga til við-
semjenda og ræða sín innri
málefni. VG
fjarðar, verður áfram unnið að
málinu og mun verða send
endurnýjuð umsókn um fyrir-
greiðslu til Atvinnutryggingar-
sjóðs.
Þorsteinn segist vænta þess að
hægt verði að hefja frystingu í
nýju sameinuðu frystihúsi í
Ólafsfirði í mars. Hins vegar er
stefnt er að því að hefja saltfisk-
vinnslu á vegum nýs fyrirtækis
innan tíðar.
„Við eigum í raun eftir að
ganga frá ýmsum lausum endum í
þessu máli. Þarna var undirritað
ákveðið tilboð sem á eftir að
koma yfir á afsalsform,“ segir
Þorsteinn. Hann segir að þurfi að
hagræða verulega í rekstri áður
en nýju frystihúsi verður ýtt úr
vör. Liður í því er uppsetning
flæðilínu í frystingunni. Ekki hef-
ur verið tekin afstaða til þess í
hvoru frystihúsinu frystingin
verður.
Aðspurður um hvort hagræð-
ing þýði fækkun starfsfólks frá
því sem var í báðum frystihúsun-
um segist Þorsteinn vonast til að
hægt verði að bjóða öllu því fólki
vinnu hjá nýju frystihúsi sem vill
vinna við fiskvinnslu. óþh
Hinn frábæri danski tónlistarmaður Erik Tschentscher stjórnaði Stórsveit
Tónlistarskólans á Akureyri á tónleikum í Sjallanum á sunnudagskvöldið.
Einnig greip hann sjálfur í trompetinn og sýndi stórkostleg tilþrif eins og
sést á þessari mynd þegar hann þandi lungun í Iagi Herbie Hancock, Chame-
leon. Nánar verður fjallað um þessa tónleika síðar í vikunni. Mynd: ap
Mývatnssveit:
Hættuástand er
bensín hitnaði
Hættuástand skapaöist við
bensínsöluna hjá Hótel Reyni-
hlíð sl. föstudag er bensín og
olía í niðurgröfnum tönkum
hitnaði mikið vegna bilunar í
hitaveitulögn. Bensíninu og
olíunni var dælt úr tönkunum
og á olíubíla og síðan voru
tankarnir fylltir með vatni til
að kæla þá niður.
Það voru viðgerðarmenn sem
unnu að viðhaldi á tönkunum
sem uppgötvuðu hita í bensíninu.
Er Arnþór Björnsson hótelstjóri
mældi hitann í tönkunum kom í
ljós að hann var milli 40-50 gráð-
ur og og í einum tanknum var 48
gráðu heitt bensín, en sprengi-
hætta mun talin vera af 37 gráðu
heitu bensíni. Alls var um að
ræða fjóra tanka með um 7000
lítrum af bensíni og eitthvað
svipuðu af olíu. Steypt þró var
utan um tankana en skammt frá
var hitaveitubrunnur og vegna
bilunar í leiðslu náði 90 gráðu
heitt vatn að leika um þróna sem
tankarnir eru í og hita upp
bensínið og olíuna.
Sérfræðingar, sem leitað var
til, þorðu ekki annað en að láta
fjarlæga bensínið og olíuna og
kæla tankana niður með köldu
vatni. IM
Vinnueftirlit ríkisins:
Ellefu togbrautir á Norður-
landi undir eftirlitssmásjá
S • 1 •• • 1 / / , • f> / 1 • /1 V
nýjar hertar öryggisreglur í pósti frá Reykjavík
í framhaldi af hinu sviplega
dauðaslysi í Garðabæ í liðinni
viku, er stúlka festist I drifstöð
skíðalyftu, hefur Vinnueftirlit
ríkisins fyrirskipað lokun
fjölda togbrauta um land allt,
eða þar til tilskildum örryggis-
kröfum við þær hefur verið
fullnægt. Á Norðurlandi hefur
11 togbrautum verið lokað.
Um helgina gekk Vinnueftirlit-
ið frá nýjum og hertum
öryggisreglum um togbrautirn-
ar og væntu starfsmenn Vinnu-
eftirlits á Norðurlandi þess að
fá þær í hendur í dag.
Ekki fékkst uppgefið í gær í
hverju hertar öryggisreglur varð-
andi togbrautirnar felast en það
liggur ljóst fyrir að þær miða að
því að tryggja öryggi skíðafólks
við drifstöðvar togbrautanna.
Samkvæmt upplýsingum Dags
verður fulltrúum Vinnueftirlits-
ins í Norðurlandsumdæmum
eystra og vestra gert að fylgjast
mjög náið með að togbrautirnar
verði ekki opnaðar fyrr en nauð-
synlegar úrbætur hafa verið gerð-
ar á þeim.
Á Norðurlandi hefur ellefu
togbrautum verið lokað. Þar af
eru 5 á Norðurlandi vestra; 2 á
Siglufirði og 1 á Sauðárkróki,
Blönduósi og Skagaströnd. Af
þessum 5 togbrautum var einung-
is Sauðárkrókstogbrautin í
notkun. Á Siglufirði voru menn í
startholum að setja þær upp á
Skarðsdal.
Á Norðurlandi eystra lét
Vinnueftirlitið loka 6 togbraut-
um. Af þeim eru 2 í Hlíðarfjalli
við Akureyri, og var önnur þeirra
komin í gang, 1 í Ólafsfirði, sem
var búið að gangsetja á Gulla-
túni, og 1 á Húsavík, sem einnig
var komin í gang. Þá var bönnuð
standsetning togbrauta á Greni-
vík og í Mývatnssveit af sömu
ástæðum.
Til að fyrirbyggja misskilning
er rétt að taka fram að Vinnueft-
irlitið hefur einungis lokað tog-
brautum með tilheyrandi drif-
stöðvum, lyftuvír og höldum.
Lokunin nær ekki til toglyfta,
sem
undir
líklega eru þekktari
heitinu spjalda- eða T-lyftur.
I samtali við Dag sagði Helgi
Haraldsson, hjá Vinnueftirliti
ríkisins á Akureyri, að viðkom-
andi eigendur og rekstraraðilar
togbrautanna hafi brugðist mjög
skjótt og vel við þegar Vinnueft-
irlitið fór fram á lokun togbraut-
anna. óþh
Akureyri:
Vatnstjón vegna sprunginna oftia
- verslunareigendur hindruðu stórtjón í Örkinni hans Nóa og JMJ
Rafmagnsleysið á sunnudags-
kvöld olli því að þrýstingur
jókst verulega í ofnkerfum
húsa sem eru tengd við Hita-
veitu Akureyrar. Þrýstings-
breytingin sprengdi ofna í all-
mörgum húsum og urðu því
ýmsir fyrir óþægindum og jafn-
vel fjárhagslegu tjóni vegna
vatnsskemmda.
Franz Árnason, hitaveitu-
stjóri, sagði að öryggislokar, svo-
nefndir þrýstilokar, ættu undir
eðilegum kringumstæðum að
opnast þegar þrýstingur vex
óeðlilega í kerfinu. Þá rennur
vatn út um lokann meðan yfir-
þrýstingur er á en lokar þessir eru
staðsettir á mælagrindum hita-
veitunnar. Þrýstilokarnir eru eign
viðkomandi húseigenda og ef
þeir eru bilaðir þá er slíkt á
ábyrgð húseigandans en ekki
hitaveitunnar. Víðast hvar virk-
uðu lokarnir rétt en þó ekki alls
staðar.
Vatnstjón mun hafa orðið í
nokkrum fyrirtækjum á Akureyri
vegna ofna sem sprungu. í Örk-
inni hans Nóa varð parketgólf á
efri hæð ónýtt auk fleiri hluta en
húsgögn skemmdust ekki. Jóhann
Ingimarsson, kaupmaður, var
staddur í verslun sinni ásamt öðr-
um manni þegar tveir ofnar á efri
hæð hússins sprungu og allt fyllt-
ist af gufu. Tókst þeim að loka
fyrir vatnið áður en tjón varð á
húsgögnunum.
Vatn rann niður í tískuverslun-
ina Perfect, sem er í sama húsi og
Örkin. Föt höfðu verið fjarlægð
úr hillum Perfect fyrir helgina og
varð því ekki tjón á vörum.
Níu ofnar sprungu í húsinu
Gránufélagsgata 4, þar af þrír í
verslun JMJ. Ragnar Sverrisson,
kaupmaður, sagði að hann hefði
fljótlega farið í verslunina eftir
að rafmagnið fór af til að kanna
aðstæður. Ekki urðu neinar telj-
andi skemmdir hjá JMJ „en það
er ljóst að ef við hefðum ekki
brugðið skjótt við væri allt ónýtt
sem er hérna inni,“ eins og hann
komst að orði.
Auk þeirra fyrirtækja sem hér
hafa verið nefnd sprungu ofnar í
Landsbanka íslands, húsnæði
Hljóðbylgjunnar, í Bleika
fílnum, Uppanum, Einarsbakaríi
o.fl. stöðum. EHB