Dagur - 22.02.1989, Blaðsíða 12

DACKJR
Akureyri, miðvikudagur 22. febrúar 1989
★ Tryggðu filmunni þinni
*foesta ^PedrGmyndir
Hafnarstræti 98 - Akureyri Sími 96-23520.
VMinillllllllllllllllWWHiiliHHiiWliiitlllllllll|l|||lllllllllllllllllllllllllllMIIIIIIIIIIIIIIIIIIIIIIIBII||||||||illllllllllÉliHIHÍIIIini>r
Ný íslensk framleiðsla hjá Vík hf. á Grenivík:
Snjóblásarmn „Barði“ hann-
aður fyrir íslensk snjóalög
Vélsmiðjan Vík hf. á Grenivík
hefur nú hafið framleiðslu á
snjóblásurum og leit fyrsta ein-
tak framleiðslunnar dagsins
Ijós í gær. Blásarinn, sem hlot-
ið hefur nafnið Barði, er sér-
staklega hannaður fyrir
íslenskar aðstæður þ.e. með
hliðsjón af íslensku snjólagi,
blautum snjó og harðsnævi.
Leitað var ráða hjá aðilum sem
unnið hafa með snjóblásara til
þess að það mætti heppnast
sem best.
Jakob Þórðarson fram-
kvæmdastjóri Vélsmiðjunnar
Víkur hf. sagði að í haust hafi
fyrirtækið séð fram á samdrátt í
þjónustu og viðgerðum og því
hafi verið ákveðið að reyna að
fara út í einhverja framleiðslu
sem hliðargrein. Margar hug-
myndir voru ræddar, en þessi
varð ofaná og var þá leitað til
Iðnþróunarfélags Eyjafjarðar hf.,
sem síðan framkvæmdi for-
könnun á forsendum framleiðsl-
unnar. Það var svo Guðmundur
Pétursson hjá Teiknistofu Karls
G. Þórleifssonar sem hannaði
blásarann og má segja að hönnun
hafi farið fram jafnhliða smíðinni
sem tók um 10 vikur í hjáverk-
um, en Jakob giskaði á að
afgreiðslutími blásara gæti verið
um 6 vikur. Iðnlánasjóður og
Sparisjóður Höfðhverfinga
tryggðu fjárhagshlið málsins og
þar sem Grýtubakkahrepp vant-
að snjóblásara, ákvað sveitar-
stjórnin að festa kaup á þeim
fyrsta sem hún og gerði.
Aðspurður um verð blásarans
sagði Jakob, að það lægi enn ekki
ljóst fyrir. „Við lögðum allt kapp
á að smíða hann og koma honum
saman og höfum enn ekki lagt
fyrir okkur hvað hann mun
kosta. Ég reikna þó með að hann
verði samkeppnishæfur við aðra
sambærilega erlenda snjóblásara
hvað verðið snertir."
Snjóblásarinn Barði er af svo-
kallaðri tromlugerð, til tengingar
aflúttaks framan og aftan á drátt-
ar- eða vinnuvél. Hann er sér-
staklega styrktur og er hönnun
„tannarinnar“ með öðrum hætti
en gengur og gerist í snjóblásur-
um, þ.e. hún er þéttari og hakkar
meira. Þegar tækið var reynt á
Grenivík í gær, vakti það athygli
nærstaddra fagmanna að blásar-
inn skyldi keyrður beint í frosinn
snjóskafl og höfðu þeir á orði, að
þeir hefðu sennilega rutt fyrst og
blásið svo. En Barði fór þétt og
örugglega í gegnum skaflinn og
virtist ekki hafa mikið fyrir því.
VG
Hönnuður „Barða“ ásamt starfsmönnum Vélsmiðjunnar Víkur hf. F.v.
Jóhannes Gíslason járnsmiður, Guðmundur Pétursson hönnuður, Hermann
Stefánsson vélvirki og Jakob Þórðarson framkvæmdastjóri. A myndina
vantar fjórða starfsmann Víkur hf., Jón Ásgeir Pétursson. Mynd: vg
Slippstöðin á Akureyri:
Um 100 milljónir
eru útístandandi
Slippstööin á Akureyri á nú
um 100 miiljóna króna við-
skiptaskuldir útistandandi hjá
fjölmörgum fyrirtækjum.
Sigurður G. Ringsted, forstjóri
Slippstöðvarinnar, segir að
þessi upphæð hafi tvöfaldast
frá því fyrir ári og sú staðreynd
segi ýmislegt um fjárhagsstöðu
sjávarútvegsfyrirtækja um
þessar mundir.
„Fjárhagsþrengingar sjávarút-
vegsfyrirtækja bitna fyrst á fyrir-
tækjum sem þjóna þeim,“ segir
Sigurður. „Útgerðarfyrirtæki
skulda okkur fyrir bæði viðgerðir
og endurbætur en þess ber að
geta að þessi upphæð er ekki öll í
vanskilum. I sumum tilfellum
hafa menn ekki getað greitt á til-
settum tíma og gert grein fyrir
sínum skuldum með skuldabréf-
um. En óneitanlega gerir þetta
okkur erfitt fyrir með að standa
við okkar skuldbindingar,“ segir
Sigurður G. Ringsted. óþh
Gæftaleysið enn ríkjandi:
Vestanáttin er orðin
eins konar staðviðri
- segir Björgvin Gunnlaugsson,
skipstjóri á Otri á Dalvík
„Þetta er ekkert að skána,“
sagði Gylfí Baldvinsson, skip-
stjóri á Heiðrúnu EA-28 frá
Árskógsströnd, þegar Dagur
náði tal af honum í gær, en þá
var hann að landa um þremur
og hálfu tonni á Dalvík sem
hann fékk við Grímsey. Gylfí
kvað veður vera afleitt á mið-
unum þó svo veðurguðirnir
hafí samið frið, a.m.k. ■ bili,
við landkrabba. „Það er ennþá
vitlaus vestan og norðvestan
strckkingur þarna úti og í slíku
veðri er lítið hægt að gera af
viti.“
Það var heldur þungt hljóðið í
Gylfa vegna eindæma mikilla
ógæfta það sem af er þessari
netavertíð. Hann sagði varla hafa
gefið eina friðsæla mínútu á hefð-
bundnum miðum eyfirskra neta-
báta við Grímsey.
Hljóðið var eilítið betra í
Björgvin Gunnlaugssyni, skip-
stjóri á Otri EA-162 frá Dalvík,
þegar Dagur sló á þráðinn til
hans í gær. Hann var þá staddur
norður við Grímsey og var að
enda við að draga netin. Afrakst-
urinn var um fimm tonn. „Þetta
gengur þokkalega. Maður er orð-
inn svo vanur brælunni og kippir
sér ekki lengur upp við hana.
Vestanáttin er hreinlega orðin
staðviðri. Að vísu spáir hann
norðaustanátt á morgun. Það
verður sjálfsagt einn hvellurinn,“
sagði Björgvin.
Hann sagði vertíðina hafa ver-
ið heldur dapra það sem af er og
einkennast af eindæma gæfta-
leysi. „Maður hefur bókstaflega
þurft að vera alltaf „standbæ“ til
að rjúka burtu þegar ’ann skiptir
um átt,“ sagði Björgvin Gunn-
laugsson. óþh
„Baröi,“ hinn nýi snjóblásari Grenvíkinga, á fullri ferð í hjarninu.
Mynd; TLV
Framkvæmdastjórn VMSÍ:
Vill tryggja sem besta
ávöxtím lífeyríssjóðanna
A fundi framkvæmdastjórnar
Verkamannasambands Islands
í gær var samþykkt tillaga þess
efnis, að minna á það megin
hlutverk lífeyrissjóðanna að
greiða öldruðum og öryrkjum
lífeyri og að ekki megi missa
sjónar á hversu áríðandi það er
að sjóðirnir hafí sem besta
ávöxtun og að ekki sé lánað út
úr þeim fé, nema með örugg-
um tryggingum.
„Eftir því sem árin líða safnast
æ stærri hluti af sparnaðinum í
þjóðfélaginu í lífeyrissjóðina og
er því ljóst að áhrif þeirra í hag-
kerfinu fara vaxandi. Þau áhrif
og hvernig með þau er farið getur
haft meiri þýðingu þegar til lengri
tíma er litið fyrir sjóðfélaga og
launþega alla en það eitt hvort
eitthvað hærri eða lægri vextir
fást í augnablikinu. Fram-
kvæmdastjórnin telur því tíma-
bært að verkalýðshreyfingin
endurmeti stöðu sjóðanna og
hvernig þeim verði best beitt til
hagsbóta fyrir félagsmenn. Settar
hafa verið fram hugmyndir um að
lækkun vaxta á skuldabréfum
húsnæðisstofnunar niður í t.d.
5% myndi lækka vaxtastigið í
landinu samsvarandi. Fram-
kvæmdastjórnin telur að verka-
lýðshreyfingin í samvinnu við
SAL eigi nú þegar að setja í gang
sérfræðilega og faglega könnun á
þessu og hver áhrif samningur
um slíka vaxtalækkun hefði í
raun og veru.“