Dagur - 29.03.1989, Blaðsíða 4

8 - RUíDAG -- 686f Qinrr, .6S 'iupBbu^iyéíM
4 - DAGUR - Miðvikudagur 29. mars 1989
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 900 Á MÁNUÐI
LAUSASÖLUVERÐ 80 KR.
GRUNNVERÐ DÁLKSENTIMETRA 595 KR.
RITSTJÓRI:
BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
BLAÐAMENN:
ANDRÉS PÉTURSSON (íþróttir),
BJÖRN JÓHANN BJÖRNSSON (Sauðárkróki vs. 95-5960),
EGILL H. BRAGASON, INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON
(Reykjavík vs. 91-17450, pósthólf 5452, 105 Reykjavík),
ÓSKAR PÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: TÓMAS LÁRUS VILBERGSSON,
PRÓFARKALESTUR: SVAVAR OTTESEN
AUGLÝSINGASTJÓRI: FRIMANN FRÍMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASIMI 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Glóralaus stjóra
efnahagsmála
Þessa dagana eru mörg stærstu fyrirtæki landsins
um það bil eða búin að halda aðalfund sinn. Á aðal-
fundi er venja að birta ársuppgjör síðasta árs og
setja fram skýringar á góðri eða slæmri afkomu við-
komandi félags eða fyrirtækis. Það hefur líklega
ekki farið framhjá mörgum að síðasta ár reyndist
flestum fyrirtækjum erfitt og fjölmörg þeirra berjast
nú í bökkum fjárhagslega. Kannski væri þó réttara
að segja að þau „berjist í bönkum" því æ algengara
er að ákvörðun um það hvort fyrirtæki lifir eða deyr
sé tekin af forráðamönnum peningastofnananna í
landinu.
Ljóst er að afkoma fyrirtækjanna í landinu á síð-
asta ári fylgir ákveðinni reglu eftir því um hvers
kyns fyrirtæki er að ræða. Þessum fyrirtækjum má
skipta í þrjá flokka:
í fyrsta flokknum eru fyrirtæki sem skiluðu umtals-
verðum hagnaði á síðasta ári. í þeim flokki er aðeins
ein tegund fyrirtækja, þ.e. peningastofnanirnar. í
þessum flokki eru bankar og sparisjóðir, kaupleigur
og vórðbréfafyrirtæki. Sum þessara fyrirtækja
græddu ekki „nema" nokkrar milljónir króna en
flest státuðu af hagnaði upp á tugi milljóna. Hin
góða afkoma banka og sparisjóða er sérstaklega
athyglisverð þegar haft er í huga að bankakerfið er
almennt álitið allt of stórt og óhagkvæmt. Hver ætli
gróðinn hefði orðið ef bankakerfið væri af eðlilegri
stærð?
í næsta flokk má setja verslunar- og iðnaðarfyrir-
tæki og ýmis milliliðafyrirtæki landbúnaðarins. Hjá
fyrirtækjum í þessum flokki var afkoman víðast
slök, sum eru rétt við núllið en mun fleiri bjuggu við
talsverðan taprekstur á síðasta ári.
í þriðja flokknum eru fyrirtæki sem töpuðu gífur-
lega á síðasta ári. í þann flokk má með nokkurri
vissu setja flest útgerðar- og fiskvinnslufyrirtæki
landsins, mörg fyrirtæki í samkeppnis- og útflutn-
ingsiðnaði svo og dreifbýlisverslunina eins og hún
leggur sig. Mörg fyrirtæki í þessum hópi hafa þegar
stöðvast, önnur geta ekki haldið áfram án sér-
stakrar aðstoðar af hálfu hins opinbera.
Þessi flokkaskipting er eflaust ekki hnökralaus en
hún gefur samt nokkuð raunsanna mynd af stöðu
mála.
Samvinnufyrirtækin í landinu eru í síðasttöldu
flokkunum tveim. Það þarf því engan að undra þótt
talið sé að kaupfélögin í landinu hafi tapað samtals
um einum milljarði króna á síðasta ári og Samband
íslenskra samvinnufélaga öðru eins. Flestum fyrir-
tækjum í undirstöðuatvinnuvegum þjóðarinnai
blæðir út á meðan peningastofnanir eflast og dafna.
Sá er eflaust vandfundinn sem telur þetta ástand
bera efnahagsstjórnuninni fagurt vitni. Hvernig
sem á málið er litið er staðreyndin sú að stjórn efna-
hagsmála á síðasta ári var gersamlega glórulaus.
BB.
Blikkbeljur heimtar úr helju á Dalvík!
Það er óhætt að segja að kyngt hafi niður páskasnjó á Dalvík. Flest hefur farið á kaf sem unnt er að kaffæra, bílar
jafnt sem hús. Eftir að stytti upp hafa bflaeigendur mokað upp gæðinga sína. Það hefur ekki allsstaðar veriö auðvelt
mál, því þess eru dæmi að allt að eins meters þykkur snjóskafl hafi verið ofan á bílum. A myndinni má sjá hvar
menn eru í óða önn að moka upp bíl við hús númer 10 við Drafnarbraut á Dalvík. Halldór Gunnlaugsson, lögreglu-
þjónn, var annar rekumanna og gaf hann sér tíma til að líta upp eitt augnablik áður en ráðist var í næsta áfanga
snjómokstursins. óþh/Mynd: RSF
Óvíst hvort Bifreiðaskoðunm
byggir eða leigir á Akureyri
- ákvörðunar að vænta innan skamms, að sögn Karls Ragnars
Að sögn Karl Ragnars, for-
stjóra Bifreiðaskoðunar
Islands hf., hefur ekki verið
tekin ákvörðun um framtíðar-
skipan bifreiðaskoðunar á
Akureyri. „Þessi mál eru
nú í deiglunni en ekki hefur
verið tekin ákvörðun um
hvernig þeim verður háttað.
Ég held þó að segja megi að
innan skamms sé að vænta
ákvörðunar um hvað gert verði
á Akureyri,“ segir Karl.
Rætt hefur verið um að byggja
hús fyrir Bifreiðaskoðun á Akur-
eyri og hefur hún fengið úthlutað
lóð í því skyni. „Það er ennþá
verið að ræða um hvort byggt
verði nýtt hús eða hvort Bifreiða-
skoðun taki hús á leigu,“ segir
Karl.
Rétt er að ítreka að þrátt fyrir
að ekki hafi verið tekin ákvörðun
um húsnæðismál Bifreiðaskoðun-
ar er skoðun í fullum gangi á
Akureyri. Bifreiðaskoðun er til
húsa þar sem áður var Bifreiða-
eftirlit ríkisins, þ.e. í suðurenda
Lögreglustöðvarinnar við Þór-
unnarstræti. Bíla skal færa þang-
að til skoðunar í samræmi við
síðasta staf viðkomandi bíl-
númers (bæði gömlu og nýju
númerin). Sé síðasti stafurinn 1 á
að skoða bílinn í janúar, 2 vísar
til febrúarmánaðar og svo koll af
kolli fram í september. Sé 0 síð-
asti tölustafur bílnúmers skal
færa bílinn til skoðunar í októ-
ber.
Hinn stóri og veglegi skoðun-
arbíll Bifreiðaskoðunar hefur
verið í Vestmannaeyjum að
undanförnu. Að sögn Karls
Ragnars mun hann fara strax eft-
ir páska á Snæfellsnes og síðan
þræðir hann Breiðafjarðarbyggð-
ir og endar sfna för á Hólmavík
og Hvammstanga. óþh
Aðalfundur Flugfélags Norðurlands:
Síðasta ár eitt það
besta í sögu félagsins
Aðalfundur Flugfélags Norður-
lands hf. var haldinn á Akureyri,
14. mars sl.
í skýrslu Einars Helgasonar,
stjórnarformanns, kom fram að
árið 1988 hefði verið eitt það
besta í langri sögu félagsins.
Verkefni hefðu verið næg og vel
af hendi leyst. Þakkaði hann
starfsmönnum sérstaklega vel
unnin störf í þágu félagsins og
viðskiptavina þess.
í reikningum félagsins kom
fram að velta ársins 1988 var 144
milljónir króna. Hagnaður var
kr. 11.246.000, en þar af nam
söluhagnaður af flugvél kr.
6.347.000.
. Félagið stundar umfangsmik-
inn flugrekstur og notar til hans 3
Twin Otter flugvélar, 2 Piper
Chieftain flugvélar og eina Piper
Aztec flugvél. Til flugkennslu
notar félagið 2 Piper Tomahawk
flugvélar.
FN, eins og félagið er gjarnan
nefnt, hefur með höndum áætl-
unarflug til 10 staða og voru á sl.
ári fluttir 19.554 farþegar auk 488
tonna af vörum og 202 tonna af
pósti á þessum leiðum. Sjúkra-
flug og leiguflug voru einnig að
vanda mikilvægir þættir í rekstr-
inum. Sjúkraflug voru 96 á árinu,
og þáttur Grænlandsflugs í
leiguflugi var með mesta móti.
Hafa félagið og flugmenn þess
getið sér þar hið besta orð í hart-
nær tvo áratugi. Flugstundir flug-
véla félagsins urðu 5.421 á árinu
og lendingar 7.765.
FN annast allt viðhald flugvéla
sinna sjálft auk viðhalds fyrir
önnur flugfélög og einstaklinga.
Eigið húsnæði viðhaldsdeildar-
innar er samtals um 2000m2.
Hjá félaginu unnu að jafnaði
26 manns árið 1988, þ.a. 10 flug-
menn og 8 flugvirkjar.