Dagur - 01.09.1989, Síða 4
4 - DAGUR - Föstudagur 1. september 1989
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LALISASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (iþróttir),
BJÖRN JÓHANN BJÖRNSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SIMFAX: 96-27639
Kosningaskjálfti
Undanfarna daga hefur greinilega mátt
merkja kosningaskjálfta hjá mörgum stjórn-
málamanninum og öðrum þeim sem um
stjórnmálin fjalla í ræðu og riti. Sum dag-
blaðanna hafa augsýnilega sett upp kosn-
ingasvipinn. Ekki varð betur séð en að bæði
Alþýðublaðið og Þjóðviljinn samþykktu fyrir
sitt leyti kosningar í forystugreinum s.l.
þriðjudag og Morgunblaðið hefur að undan-
förnu verið afar kosningalegt. Miðopna
blaðsins hefur síðustu daga undantekninga-
laust verið lögð að meira eða minna leyti
undir greinar eftir þingmenn Sjálfstæðis-
flokksins og/eða viðtöl við þá. Forystugrein-
ar þess hafa fjallað um meint getu- og ráð-
leysi núverandi ríkisstjórnar og nauðsyn
þess að koma Sjálfstæðisflokknum til valda á
nýjan leik. Þá hefur DV margsinnis heimtað
kosningar með vísan til eigin skoðanakann-
ana.
En það kemur víðar fram en í ofangreind-
um dagblöðum að kosningaskjálfti hefur
víða gripið um sig. Þingmenn Sjálfstæðis-
flokksins héldu tveggja daga langan þing-
flokksfund í byrjun vikunnar og á þeim fundi
var samið ítarlegt plagg um stefnu flokksins
í atvinnumálum. Þetta plagg hafa þeir síðan
kynnt rækilega í fjölmiðlum að undanförnu
og reyndar látið fylgja með að það sé mjög
líklegt til að afla flokknum fylgis. Það þarf
ekki glöggan mann til að sjá að þessi nýjasta
stefnuskrá flokksins er hreinræktað kosn-
ingaplagg. Kratar virðast einnig búa sig
undir kosningar af kappi. Flokkurinn hefur
boðað andstöðu við samþykkt nýs búvöru-
samnings og formaður flokksins mun í dag
hefja fundaferð um landið. Þá hefur Ingi
Björn Albertsson, þingmaður Frjálslyndra
hægrimanna, boðað að hann muni leggja
fram vantrauststillögu á ríkisstjórnina þegar
þing kemur saman í haust. Á sama tíma ger-
ir ríkisstjórnin allt sem í hennar valdi stend-
ur til að fá Borgaraflokkinn til liðs við sig, til
að treysta stöðu sína á þingi. Segja má að
einu flokkarnir sem enn eru lausir við alvar-
legan kosningaskjálfta séu Framsóknar-
flokkur, Kvennalisti og Alþýðubandalag, að
ógleymdum Samtökum jafnréttis og félags-
hyggju.
Það verður fróðlegt að fylgjast með fram-
vindu mála á stjórnmálavettvanginum
næstu daga og vikur. Ljóst er að ekki þarf
mikið að breytast til þess að þeim, sem þrá
kosningar meira en flest annað, verði að ósk
sinni. BB.
„Ákváðum eftir mjög skamma
umhugsun að flytja norður“
- Sigurður Thorarensen framkvæmdastjóri
í viðtali um sig og Sjallann
Það þykir gjarnan tíðindum
sæta þegar nýir menn setjast í
áhrifastöður á nýjum stað. Það
getur svo verið erfitt að
skilgreina þetta orð „áhrifa-
stöður“ því auðvitað hafa
menn áhrif hvaða starfi sem
þeir gegna þó að þau séu mis-
jafnlega mikil og verki á mis-
stóran hóp fólks. Rekstur
Sjallans verkar vissulega á
stóran hóp fólks en ætli þar
megi ekki segja eins og
almennt um „skemmtana-
bransann" að þar eru það fyrst
og fremst neytendurnir sem
hafa áhrif því leiðinlegan og
fráhrindandi skemmtistað
stundar enginn ótilneyddur.
Málið er auðvitað að finna út
hvað það er sem fólkið vill og
reyna að bjóða uppá það.
Þetta hlýtur að vera verkefni
Sigurðar Thorarensen sem
nýlega tók við starfi fram-
kvæmdastjóra Sjallans.
Sigurður er fæddur og uppal-
inn á Selfossi en þar var Grímur
Thorarensen faðir hans kaupfé-
lagsstjóri. Afi hans var fyrsti
kaupfélagsstjóri á Selfossi og til
föðurættarinnar segir Sigurður
raunar að rekja megi pólitískar
skoðanir hans. „Ég er mikill
sveitamaður í pólitíkinnisegir
hann.
Snerist á
innritunarskrifstofunni
Sigurður fluttist ungur „suður“ til
Kópavogs og aðspurður segist
hann frekar telja sig Kópavogs-
búa en Selfyssing. „Þegar Breiða-
blik og Selfoss mætast á knatt-
spyrnuvellinum þá á ég svolítið
bágt með mig,“ segir hann. Vera
hans í stjórn knattspyrnudeildar
Breiðabliks hlýtur þó að stimpla
hann sem Blika. Hann segist ekki
hafa tekið afstöðu með KA eða
Þór. „Það er mjög þægilegt að
geta verið afslappaður á öllum
leikjum hvort liðið sem er að
spila,“ segir hann.
Að loknu landsprófi og mennta-
skóla hugðist hann skrá sig í nám
í líffræði í Háskólanum, en þar
snerist hann þó all hressilega á
síðustu stundu. „Ég var kominn
inn á skrifstofu í Háskólanum
þegar frændi minn sem þar var
skrifstofustjóri kallaði mig á ein-
tal og sagði mér að þetta kæmi nú
vart til greina ef ég vildi eiga mér
einhverja framtíð. Hann spurði
mig hvort ég vildi nú ekki frekar
prófa eins og eitt ár í viðskipta-
fræðinni og ég var ekki ákveðnari
en svo að ég lét til leiðast,“ segir
Sigurður. Eftir eitt ár í viðskipta-
fræðinni segist harin hafa fundið
að þar væri liann á réttri hillu og
árið 1982 lauk hann því námi.
Heildsala þýðir vinna í
18 tíina á sólarhring
Með náminu var hann farinn að
vinna sem „altmuligmand" hjá
heildsölu- og innflutningsfyrir-
tækinu Festi og þar réðist hann til
starfa að loknu námi. Árið 1985
keypti hann svo fyrirtækið ásamt
tveimur öðrum en strax sama ár
keypti hann hlut þeirra og rak
fyrirtækið ásamt tvcimur systruni
sínum, þangað til á síðasta ári að
það var selt. „Það getur verið allt
í lagi að vera í heildsölu ef maður
er tilbúinn að vinna 18 tíma á sól-
arhring," segir Sigurður aðspurð-
ur hvort þetta hafi verið góður
starfsvettvangur. Þar kom hins
vegar að hann var ekki lengur til-
búinn að leggja þetta á sig og
fjölskylduna.
Eftir að hann fór að vinna
svona mikið hafði Sigurður með-
al annars hætt að stunda þá íþrótt
sem hann hafði stundað með
góðum árangri frá barnsaldri,
golfið. Sigurður varð unglinga-
meistari í golfi í nokkur ár og á
sínum tíma var hann yngsti kylf-
ingur sem lék með karlalandsliði
íslands. Um þriggja ára skeið má
svo segja að þeir hafi einokað
þrjú efstu sætin á landsmótinu,
Björgvin Þorsteinsson frá Akur-
eyri, Ragnar Ólafsson frá
Reykjavík og Sigurður.
Þó svo að hann hafi haldið
golfbakteríunni í skefjum um
nokkurra ára skeið þá hefur hann
gripið kylfurnar af og til og nú
segist hann ætla að fara að stunda
þetta meira. Því til staðfestingar
flaggar hann félagsskírteini í
Golfklúbbi Akureyrar.
Þrjú starfstilboð
sama daginn
Eftir að heildsalan var seld tók
við afslappaður tími en síðan fór
að líða að því að finna þyrfti nýtt
starf. „Það var ekki auðvelt að fá
vinnu í Reykjavík þarna um
haustið en allt í einu buðust mér
þrjú störf sama daginn og ég varð
að taka afstöðu,“ segir Sigurður.
Eitt þessara starfa var nýstofnað
starf fjármálastjóra útvarpsstöðv-
arinnar Stjörnunnar og á það
leist Sigurði best.
Sigurður segir þetta hafa verið
mjög skemmtilegan tíma. Fljót-
lega var hins vegar farið að ræða
sameiningu Stjörnunnar og
Bylgjunnar. Þegar svo öllu starfs-
fólki var sagt upp bauð Ólafur
Laufdal, aðaleigandi Stjörnunn-
ar, honum starf framkvæmda-
stjóra Sjallans. „í stað þess að
bíða og sjá hvort ég yrði valinn
sem fjármálastjóri hins nýja fyrir-
tækis, ákváðum við hjónin eftir
mjög skamma umhugsun að flytja
hingað norður,“ segir Sigurður.
Fundir með
framhaldsskólanemendum
Úr samkeppninni á auglýsinga-
markaðinum fyrir sunnan er
Sigurður því kominn í sam-
keppnina um skemmtanagleði
Akureyringa og þeirra sem sækja
bæinn heim. „Þetta leggst mjög
vel í mig,“ segir Sigurður. Hann
segist vera búinn að heyra af
þeirri „gömlu hefð“ sem ríkir á
Akureyri að þar fari menn í
Bleika Fílinn á föstudagskvöld-
um og Sjallann á laugardags-
kvöldum. „Það hlýtur að verða
mitt verkefni að breyta þessu
með því að fá fleiri til þess að
koma í Sjallann," segir hann en
bætir við að því þurfi alls ekki að
fylgja fækkun gesta á hinum
staðnum. „Við þurfum að bjóða
upp á eitthvað annað og meira
þannig að fleiri hafi áhuga á að
fara út á föstudagskvöldum.“
Hann segir nægar hugmyndir
vera í gangi hjá starfsfólki Sjall-
ans um það hvernig þessu mark-
miði verður náð. Eitt af því sem
ráðgert er, er að lialda fundi með
forráðamönnum framhaldsskól-
anna í bænum þegar þeir hefja
starfsemi. „Við viljum endilega
fá að heyra hvað það er sem þetta
fólk vill að hér verði gert. Það er
langtímamarkmið mitt að hér
verði einhver starfsemi á hverju
kvöldi." segir.
Sviðið flutt og byggt
yflr dansgólfíð
Þegar hefur verið ráðist í breyt-
ingar á húsnæði Sjallans en fleiri
og mjög umfangsmiklar breyting-
ar á salarkynnum standa fyrir
dyrum. Málið er að sögn Sigurð-
ar á viðkvæmu stigi en meðal
þess sem nær öruggt er að þar
komist til framkvæmda er, að
sviðið verður flutt á þann stað
þar sem það var í „gamla Sjallan-
um“; í austurenda hússins.
Aðspurður segir Sigurður að
ástæðan sé ekki „nostalgía" held-
ur einfaldlega það að gestir hafi
kvartað undan of miklum hávaða
í Sólarsalnum. Ef hins vegar þær
hugmyndir sem uppi eru fara í
gegnum kerfið þá munu þessar
svalir fljótlega heyra sögúnni til,
því hugmyndirnar miða m.a. að
því að byggja yfir þar sem dans-
gólfið er núna.
Kominn til að vera
í nokkur ár
Auk golfsins segist Sigurður
verja tímanum við veiðar laxa og
silunga en auk þess fylgist hann
mjög grannt með öllum íþrótt-
um. í vetur hugsar hann sér gott
til glóðarinnar með að renna sér
niður fannhvítar hlíðar Hlíðar-
fjalls.
Það hefur loðað við Sjallann
undanfarin ár að þar endast
framkvæmdastjórar stuttan tíma
í starfi. Á Sigurði er hins vegar
ekki að heyra að hann sé á
förum, enda ekki búinn að búa á
Akureyri nema í tvo mánuði.
„Ég er kominn til að vera hér svo
lengi sem ég tel mig geta orðið að
gagni. Ég vona að við eigum eftir
að búa hér í einhver ár,“ segir
Sigurður Thorarensen. ET