Dagur - 20.09.1989, Blaðsíða 4

5 -- fJUöAQ - ÖBSt TOdmoíqse .02 ’.u(jabu)íivðiM
<^iwiaMBKilwwwHiiwtwwMraBBtnncOT>twray4raTiraM»Ti'TO«^^*v0gwoppp»^'vwiwgwvCTpfc
4 - DAGUR - Miðvikudagur 20. september 1989
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SlMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI' EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RlKARÐUR B. JÓNASSON
AUGLÝSINGASTJÓRI: FRIMANN FRÍMANNSSON
DREIFINGARSTJÓRI:
HAFDlS FREYJA RÓGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Stórborgarbragur
Höfuðborg landsins þenst mun hraðar út en æskilegt
getur talist. Stórfelldir fólksflutningar úr dreifbýlinu
til höfuðborgarsvæðisins skapa fjölmörg vandamál.
Auk þess eru þeir mjög kostnaðarsamir. Mannvirki
standa vannýtt á landsbyggðinni á sama tíma og
byggja þarf ný í höfuð borginni. Þá skapar byggða-
röskunin fjölmörg vandamál í atvinnulífi um land allt.
Það er útbreiddur misskilningur að byggðaröskunin
sé fyrst og fremst vandamál þeirra sem á lands-
byggðinni búa. Þvert á móti er linnulaus byggðarösk-
un ekki síður alvarlegt vandamál fyrir þá sem búa á
höfuðborgarsvæðinu.
Það hefur komið berlega í ljós á undanförnum árum
að höfuðborgarsvæðið er alls ekki í stakk búið til að
taka við þeim fjölda sem þangað flyst. Gatnakerfi
Reykjavíkurborgar er löngu sprungið, enda alls ekki
hannað fyrir þá bílamergð sem þar er. Það er bita-
munur en ekki fjár að keyra bíl á götum Reykjavíkur
ellegar í ýmsum stórborgum Evrópu. Umferðaröng-
þveitið er svipað og jafnvel öllu meira í Reykjavík, því
sífelldur akstur á vinstri akrein, þar sem tvær akreinar
eru í sömu akstursstefnu, allt of lítil stefnuljósanotk-
un og síðast en ekki síst almennt tillitsleysi öku-
manna, auka hættuna á slysum til mikilla muna.
Útlendingar sem hingað koma taka fljótt eftir þessu
háttalagi þorra íslenskra ökumanna. Þegar við bætist
að vegakerfið á höfuðborgarsvæðinu annar engan
veginn umferðarþunganum er ekki við góðu að búast.
Fjöldi óhappa og slysa í umferðinni þar dag hvern,
segir allt sem segja þarf um stöðu þessara mála.
En fylgikvillar örrar fólksfjölgunar á höfuð-
borgarsvæðinu eru mun fleiri en umferðaröngþveitið.
í síðustu viku sendi lögreglan í Reykjavík frá sér
skýrslu um afbrot í Reykjavík á fyrstu sex mánuðum
þessa árs. Þar kemur fram að afbrotum fjölgar jafnt
og þétt og voru rúmlega 2.200 afbrot kærð til Reykja-
víkurlögreglunnar fyrstu sex mánuði þessa árs. Þar
af voru um 190 líkamsárásir og rúmlega 600 innbrot.
Nú er sem sagt svo komið að líkamsárásir eru dagleg-
ir viðburðir í höfuðborginni og ekki lengur með öllu
óhætt að vera á ferli í sumum hverfum borgarinnar
eftir að skyggja tekur. í síðustu viku sprungu síðan
tvær öflugar sprengjur í íbúðahverfi í Reykjavík og
mesta mildi að ekki hlaust stórslys af. Vaxandi
umferðaröngþveiti, fjölgun hverskyns ofbeldisafbrota
og nú síðast hálfgildings hryðjuverkastarfsemi. Allt
ber þetta að sama brunni: Reykjavík er að breytast í
stórborg, hvort sem okkur líkar betur eða verr. Þetta
er enn ein afleiðing langvarandi byggðaröskunar.
Landsbyggðarfólk hefur ekki síður áhyggjur af vax-
andi stórborgarbrag Reykjavíkur en höfuðborgarbúar
sjálfir. Reykjavík er jú höfuðborg landsins alls og ætti
að vera stolt okkar allra. BB.
lesendahornið
Blöð og blaðamennska
„Ég keypti Tímann og kaupi enn
kannski undrast það sumir menn,
Tíminn var nú besta blað
bera margir vitni um það.
Tíminn var kærkominn gestur,
hann kom ekki á hverjum degi,
þó fagnaði maður komu hans.
Að vísu voru fréttirnar ekki fjöl-
skrúðugar, það var ekki getið um
það hversu margir voru drepnir
úti í hinni stóru veröld en meira
um hinar innlendu fréttir, þó að
þær bærust heldur seint. Hann
sagði okkur framhaldssögur og
maður beið í ofvæni eftir fram-
haldinu. En nú er Tíminn ekki
lengur gestur er maður hlakkar
til að taka á móti, heldur er hann
nútíma-Tími, sem kemur út
fintm daga vikunnar auk þess
helgarblaðs er flytur að vísu
ýmiss konar fróðleik, en í hverju
helgarblaði birtást hinar hrylli-
legu glæpasögur um nauðganir og
morð. Myrkravöldin eru heldur
en ekki búin að ná tangarhaldi á
þeim Tímamönnum. Þau létu þá
kafa 50 ár aftur í tímann til að ná
einum uppvakningi, má nú ætla
að hann hafi verið alldasaður
þegar upp kom, af þeim sökum
hafa þeir orðið að sleikja hann til
að hleypa í hann lífi. Það var gert
í gamla daga til að hleypa fjöri í
þá uppvakninga er dasaðir voru.
Tíminn sendir lesendum sínum
þessa uppvakninga, sem hafa
mismunandi áhrif á menn. Flestir
sleppa með hrollinn en til eru
þeir sem verða fyrir verri áhrif-
um, er verka á þá sem eiturlyf og
myrkravöldin ná á þeim tangar-
haldi.
Dagblöðin eru öll gefin út í
Reykjavík utan eitt, Dagur á
Akureyri, er lætur heldur lítið
yfir sér. Nú á allt að spara og allt
að sameina til þess að auðvelda
reksturinn. Því skyldu dagblöðin
ekki koma inn í myndina? Dag-
blöðin eru oft ráðalaus að fylla út
í síðurnar, hafa þau þann hátt á
að láta eina mynd ná yfir blaðsíð-
urnar. Svo eru það fréttirnar,
sem taka mikið pláss í blöðunum.
Spara mætti birtingu þeirra að
mestu leyti þar sem hljóðvarpið
endurtekur fréttirnar nærri þvf á
klukkutíma fresti á daginn. Ef
vel ætti að vera ætti að gefa út
sérstakt auglýsingablað; með því
skiluðu auglýsingarnar sér mun
betur til landsmanna. Ef af slíku
yrði myndu Mogginn og DV
verða ansi mjóslegin. Ættu þau
því að kúra í einni sæng, það hef-
ur löngum verið mikið ástarsam-
band á milli þeirra. Tímann á að
senda norður fyrir fjöll og sam-
einast Degi. En besta lausnin
væri bara að gefa út eitt dagblað
á íslandi, er stjórnmálaflokkarnir
deildu sín á milli. Með því fengju
menn besta yfirsýn yfir skoðanir
rnanna." Tryggvi Jónatansson
Dagur er „týpískf dreiíbýlisblað
- svona blöð eiga að hætta að koma út
Guðmundur Magnússon
skrifar:
Ég er alveg hundóánægður með
þennan morgunlestur úr dag-
blöðunum á Rás 2 hjá Ríkisút-
varpinu. Það eru gefin út 5 dag-
blöð í Reykjavík, en það er bara
lesið úr 4 þeirra. Þeir nenna
sennilega ekki að lesa fréttirnar
úr Dagblaðinu frá deginum áður.
Og svo leyfa þessir menn sér að
lesa fréttir úr Degi - eina dag-
blaðinu á landsbyggðinni. Það
finnst mér nú bara fyrir neðan
allar hellur og ætti að leggja það
blað niður strax. Það hlýtur að
Þakkir til skóla-
bflstjóra í Þorpinu
- ekur börnunum heim undir hús
Faðir í Þorpinu,
hafði samband við Lesenda-
hornið og sagðist vilja benda á
það sem vel er gert til tilbreyting-
ar. „Fyrir um tveimur árum var
verið að rífast og skammast
vegna skólaaksturs í bænum, en
þá voru börnin sett af bílnum við
hættulega umferðargötu. Nú er
því hins vegar svo farið að bíl-
stjórinn sem ekur skólabílnum
með yngstu börnin er sérstaklega
liðlegur og umhyggjusamur við
börnin. Hann ekur þeim næst-
um því heim undir hús og við
sem eigum þessi börn erum mjög
ánægð með þetta og viljum lýsa
yfir þakklæti okkar til hans, því
honum ber engin skylda til þess
að gera þetta.“
vera nóg fyrir „dreifbýlispakkið"
að Dagur komi út einu sinni í
viku. Það er heldur ekkert mark-
vert í Degi. Þar eru engar erlend-
ar fréttir, en mest fréttir frá
Akureyri og „omegn“. Þessi
morgunlestur úr Degi fer alveg
hræðilega í mínar „fínu taugar“,
því hann er alveg „týpískt“ dreif-
býlisblað. Auðvitað eiga svona
blöð að hætta að koma út. Þessar
„lokal“-fréttir frá Akureyri eiga
ekki og mega ekki heyrast í
Ríkisútvarpinu. Þær eru mann-
skemmandi. Hvernig í fjáranum
skyldi annars standa á því að
Dagblaðið er með fréttamann og
á skrifstofuhúsnæði á Akureyri?
Við hvetjum lesendur
til að koma úr felum og láta
skoðanir sínar í
Ijós hér í lesendahorninu.
Síniinn er 24222
i