Dagur - 23.09.1989, Page 5
ferðamál
Laugardagur 23. september 1989 - DAGUR - 5
er enginn neyddur til að ganga“
- segir Guðmundur Björnsson formaður Ferðafélags Akureyrar
-í
„Það
Ferðamáti sem margir kjósa sér eru ferðalög með
ferðafélögum. Þau eru á margan hátt sérstök og „öðru-
vísi“ en sagt er að þeir sem á annað borð prófi, komi
aftur. Ferðafélag Akureyrar var stofnað 8. apríl 1936,
en þrír menn voru aðalhvatamenn að stofnun þess þeir
Steindór Steindórsson menntaskólakennari, Ólafur
Jónsson ráðunautur og Björn Björnsson frá Múla kaup-
maður. Fyrsta áratuginn féll starfsemi félagsins einkum
í tvo farvegi, skemmtiferðir til að kynna félagsmönnum
og öðrum fagra staði og áhugaverða og könnun leiða á
öræfum í því augnamiði að finna þær er bílfærar væru
eða unnt að gera bílfærar. Umsvif félagsins jukust ört
og náðu hámarki 1951 þegar 1010 manns fóru í 19 ferðir
yfir sumarið. Fað ár og næstu ár á eftir eru talin blóma-
skeið félagsins. Núverandi formaður félagsins er Guð-
mundur Björnsson og fengum við hann til að kynna les-
endum starfsemi þess. Við byrjuðum á því að spyrja
hann hver tilgangur félagsins væri.
„Yfirlýstur tilgangur félagsins
er að ferðast um ísland og skoða
landið, þó við höfum líka þurft
að fara inn á aðrar brautir svo
sem rekstur á tjaldsvæði í Herðu-
breiðarlindum og sinna ferða-
mönnum sem þangað koma með
rekstri ferðaskrifstofu og öðru
slíku. Þetta ætti ekki að vera í
verkahring áhugamannafélags en
stafar að miklu leyti af því að
félagið byggði skála í Herðu-
breiðarlindum sem jók mjög
ferðamannastraum þangað.“
Fólk á öllum aldri
Ferðafélag Akureyrar á nú sex
skála fyrir utan tvo litla. Fimm
þeirra eru fyrst og fremst fyrir
félagsmenn en auk þess eru
skálavarðahús. Skálarnir eru,
Laugafell í botni Eyjafjarðardals
reistur 1948, Lambi í Glerárdal
fluttur þangað 1975, Bræðrafell
vestan Herðubreiðar byggður
1978, Þorsteinsskáli í Herðu-
breiðarlindum byggður 1960 og
Dreki við Drekagil í Dyngjufjöll-
um frá 1968.
- Hvernig gengur að reka
skála Ferðafélags Akureyrar?
„Það gengur misjafnlega og fer
mikið eftir tíðinni. í vor leysti
t.d. seint snjó svo hálendisferðir í ■
sumar voru ekki eins margar og
ráðgert var í upphafi. Við rekum
skálann í Laugafelli sjálfir, en í
samvinnu við Náttúruverndar-
ráð í Herðubreiðarlindum og
Dyngjufjöllum en þeir greiða þar
helming launakostnaðar því
Ferðafélag Akureyrar stendur
ekki eitt undir þeim kostnaði."
Nú eru um 500 skráðir félags-
menn hjá ykkur, er þetta fólk á
öllum aldri?
- „Þetta er fyrst og fremst
eldra fólk, um fimmtugt eða sex-
tugt en minna um yngra fólk. Þá
er mikið ennþá af fólki sem hefur
verið í félaginu frá upphafi."
Guðmundur segir' að mikil
breyting hafi orðið á síðustu
árum varðandi ásókn í ferðir á
vegum félagsins. „Samkeppnin er
nú orðin mun meiri, þá voru ekki
ferðaskrifstofur eins og Guð-
mundur Jónasson og Úlfar
Jakobsson með ferðir um landið.
En aðal breytingin er sú að fólk
er nú farið að ferðast meira á eig-
in bílum og því hefur orðið nokk-
ur samdráttur í lengri ferðum hjá
okkur, að sumrinu í sumar
undantöldu. Á móti hefur verið
aukin ásókn í gönguferðir bæði
lengri og styttri. f sumar var t.d.
ráðgerð 5 daga gönguferð í Nátt-
faravíkur, Flateyjardal, Fjörður
og Látraströnd og voru rúmlega
30 manns búnir að skrá sig í ferð-
ina, en vegna tíðarinnar þurftum
við tvisvar að fresta henni og að
lokum hætta við hana. Þetta var
fólk alls staðar að af landinu sem
ætlaði í ferðina en við stefnum að
því að geta farið hana næsta
sumar. Þá er dálítið um að
útlendingar ferðist með okkur og
fáum við nokkuð af fyrirspurnum
erlendis frá um væntanlegar
ferðir.“
Matur Iagður til í
Iengri ferðum
„Ef við nefnum fleiri vinsælar
ferðir þá eru ferðirnar inn á há-
lendið alltaf vinsælar. Gæsa-
vatnaleið og Kverkfjöll njóta allt-
af vinsælda, en þetta er 4ra til 5
daga ferðir. Þá förum við eina
svokallaða sumarleyfisferð á ári
sem tekur um viku tíma og í sum-
ar fórum við í Breiðafjarðareyj-
ar. “
- Hvernig er fyrirkomulagið í
lengri ferðunum t.d. í
Kverkfjöll?
„Við förum á 2ja drifa bílum
því annað er ekki hægt. Oftast
nær er gist í Dreka í Nýjadal og
síðan í Þorsteinsskála í Herðu-
breiðarlindum. Ferðafélag Akur-
eyrar er eina félagið á landinu
sem er með mat fyrir ferðalang-
ana í lengri ferðum en þcir fá
morgunverð, kvöldverð og drykk
til dagsins. Það eina sem þarf að
taka með er t.d. brauð til að hafa
með í göngurnar. Með í för eru
því kokkar sem sjá um matseld-
ina, en þetta fyrirkomulag er
mjög jákvætt því það sameinar
hópana vel að allir borði saman á
sama tíma. Ég er sannfærður um
að þetta hefur gert það að verk-
um að aðsókn í þessar ferðir er
alltaf góð.“
Guðinundur Björnssun.
- Er ekki erfitt að ganga svona
mikið í ferðunum, geta allir tekið
þátt í göngunni?
„í öræfaferðunum þarf fólk
ekki að ganga frekar en það vill.
Ef við tökum sem dæmi Gæsa-
vatnaleið þegar stoppað er í
Dreka, þá er oftast ekið inn í
Öskjuopið og gengið að fjallinu
sem er um hálftíma gangur um
tiltölulega slétt land. Gangan er
því ekki erfið, en þeir sem ekki
treysta sér í gönguna geta bara
beðið við rútuna. Það er enginn
neyddur til að ganga og ég þekki
t.d. mann sem ferðaðist með
okkur í mörg ár, en gekk aldrei.
Hann hafði samt alltaf jafn gam-
an af að ferðast með okkur. Leið-
sögumennirnir reyna sömuleiðis
að haga gönguhraðainim eftir
þörfum og getu fólksins."
Að kynnast Iandinu vel
- Hver er hagurinn af því að
vera félagsmaður í Ferðafélagi
Akureyrar?
„Hann er sá að félagsmenn fá
senda árbók Ferðafélags íslands,
ritið Ferðir sem gefið hefur verið
út síðan 1940 og auk þess er um
10% afsláttur á verði ferða
félagsins. Það borgar sig því fyrir
fólk sem stundar ferðirnar að
vera félagsmenn. Flestir sem
byrja að ferðast með okkur koma
aftur og aftur og ákveðnir aðilar
fara í margar ferðir yfir sumar-
ið.“
- Hvað er svona skemmtilegt
við þennan ferðamáta?
„Ég hef ferðast bæði með
Ferðafélaginu og á eigin vegum
og mismunurinn er sá, að þegar
maður er að þvælast um t.d. á
eigin bíl hefur maður engan til að
segja sér frá því sem fyrir augu
ber. Ferðafélag Akureyrar hefur
yfirleitt verið heppið með leið-
sögumenn og þeir eiga flestir í
fórum sér mikinn fróðleik sem
þeir miðla ferðamönnunum. Það
er ólíkt skemmtilegra að fara í
svona ferðir og fá allar þessar
upplýsingar með. Menn kynnast
landinu mjög vel og svo er það
mjög þægilegt að geta gengið að
mat sínum þegar komið er úr
göngu og þurfa ekki að vera að
standa í eldamennsku."
Húsið flaut
gegnum hraunið
Við báðum Guðmund að rifja
upp eftirminnilega ferð sem hann
hefur farið og kom fyrst upp í
hugan vinnuferð sem farin var
vorið 1987. „Þá þurftum við að
flytja húsið Strýtu sem stóð við
Gránufélagsgötu á Akureyri og
þurftum við að taka það af grunni
um veturinn og fara með það inn
á Eyrar. Þar var unnið við Strýtu
og um vorið þegar komið var að
því að flytja húsið var álitamál
hvort við kæmumst með hana inn
í Herðubreiðarlindir því á leiðinni
voru um 30-40 rafmagnslínur. í
öðru lagi þurfti að flytja hana í
gegnum hraunið sem er innan við
Grafarlönd, en það er ekkert
nema holur og gjótur og voru
menn vantrúaðir á að þetta
tækist. En við fengum marga í lið
með okkur, m.a. menn frá Raf-
magnsveitum ríkisins sem sáu um
að kippa línunum niður á meðan
ekið var framhjá og síðan aðstoð-
aði Kristján Júlíusson okkur við
að draga húsið en hann fór fyrst
aukaferð austur í Námaskarð,
skipti um vagn og fékk hærri
vagn og á þessu flaut húsið í
gegnum hraunið. Ég hugsa að
enginn hefði leikið þetta eftir
honum. Þá fengum við lánaðan
krana á mjög ódýran máta sem
ók alla leið inneftir til að lyfta
húsinu. Ferðin tók allt í allt 24
tíma frá því lagt var af stað og
þar til komið var inneftir með
húsið. Svona ferðir eru ævintýra-
ferðir, sérstaklega þegar maður
sér að allt heppnast.“
Guðmundur segir að dregið
hafi úr framkvæmdum sem þess-
um á vegum félagsins þar sem
þær séu mjög kostnaðarfrekar.
Fjárhagur félagsins er ekki mjög
öflugur en auk þess þurfi ekki
lengur alla þessa skála. „Ástæðan
er aðallega sú að bílafloti
landsmanna er nú mun betri en
hann var og samgöngur hafa
batnað. Leiðirnar eru nú miklu
betri, vegakerfið sjálft hefur
batnað og ár verið brúaðar."
„Sviðamessan“
- Eigið þið einhver drauma-
markmið?
„Draumamarkmið okkar nú er
að auka gönguferðir okkar og
koma upp fleiri gönguskálum.
Við eigum tvo skála sem þjóna
sem gönguskálar, Dreka og
Bræðrafell, en það væri gaman
að geta sett upp litla skála á aust-
uröræfum t.d. að koma upp
gönguleið frá Húsavík að Öskju
og ganga þá leið á fleiri dögum.
Á þeirri leið er margt að sjá og
skoða og gæti hún því orðið
geysilega skemmtileg gönguleið.
I dag er stærsti gallinn við þessa
leið hvað það er langt frá
Bræðrafelli inn að Dreka. Þetta
er strembin ganga og þarna á
miili þyrfti að vera skáli.“
Hefðbundin starfsemi Ferða-
félags Akureyrar liggur niðri á
veturna. Á haustin er haldið
fjölskyldukvöld og að vori er
haldin ferðakynning fyrir sumar-
ið sem í liönd er að fara. Þá hefur
verið hugleitt að halda mynda-
kvöld þar sem fólk kæmi saman
og sýndi hvert öðru myndir úr
ferðum sumarsins. „Á haustin
höldum við líka svokallaða
„Sviðamessu" en þá fara 80-90
manns sem starfað hafa í sjálf-
boðavinnu fyrir félagið og annað
hvert ár höfum við verið inn á
fjöllum, síðast í Nýjadal. Þar
borðum við svið og hangikjöt og
eigum saman góðar stundir, þetta
er nokkurs konar uppskeruhátíð-
ir og eru mjög vinsælar.“
Guðmundur vildi að lokum
hvetja alla þá sem alltaf eru að
hugsa um að koma með í ferðir
að drífa sig. Það sé hægt að byrja
smátt og sjá svo til hvort áhugi er
á framhaldi. „Ég vil líka koma á
framfæri þakklæti til allra sem
hafa stutt félagið í gegnum árin,“
sagði Guðmundur að lokum.
VG
Úr vorferð í Herðubreiðarlindir, hjá Péturskirkju 1966. Á leið út í Hvalvatnsfjörð 1972. (Ljósm.: s.b.p.)
(Ljósm.: S.B.Þ.)
Úr haustferð í Herðubreiðarlindum 1968. (Ljósm.iS.B.P.) Á Látraströnd 1972. (Ljosm.: s.b.þ.)